صباح الخير يا جماعة
محتاجه أسالكم ازاي اعالج نفسي من الاكتئاب والتوهه اللي بقيت فيها بقيت تعبانه نفسيا اوي اول مره اقول كدا بس حرفيًا طاقتي خلصت
وهل لو مسحت كل صوري عالسوشيال ميديا هبقي احسن
السلام عليكم تقدرى تتعافى نفسيا من اى حالة سيئة او درجة من الارهاق النفسى طبعا الاستعانه ممكن تبقى بنفسك ودى رغم صعوبتها الا انها مش مستحيلة الاستعانة بالاخرين بتخفف الجهد المطلوب وبتدى دافع قوى للاستمرار الاستعانة بمتخصص بتختصر الوقت والمدة اللى ممكن ناخدها فى الرحلة وبتحطنا على الطريق السليم بشكل افضل اللى انتى وصفتيه ممكن يكون درجات كتير من الارهاق النفسي على حسب شدته اول حاجة محتاجة تعمليها انك تفرغى كل اللى واجعك ومزعلك ...فى ورقه او تحكى لنفسك بصوت عالى او تحكى لشخص موثوق من غير تزويق للكلام ولا حساب ولا تفكير فى نتايج ...تفريغ اولا بكل شفافيه مع نفسك بعد كده تدى فرصه لنفسك انك تكونى بتعتنى بيها وبتحترمى ضعفها زى فترة النقاهه كده بعد العمليات
تم النشر الجمعة، ٢٥ أبريل ٢٠٢٥
الاكتئاب مرض نفسى محتاج تشخيص من طبيب ولكن اذا كان عندك فقد للشغف وطاقتك قليله محتاجه تفهمى ليه؟ ولو حسيتى انك تهتى اكتر روحى لحد بساعدك احنا بنحتاج احيانا دعم عشان نقوم من تانى
تم النشر الجمعة، ٢٥ أبريل ٢٠٢٥
صباح النور، عزيزتي. أود أن أعبر لك عن مدى تقديري لجرأتك في التعبير عن مشاعرك. من الطبيعي أن نواجه أوقاتًا صعبة، وقد يكون الاكتئاب شعورًا مرهقًا. بالنسبة لطلبك العلاج من الاكتئاب، من المهم أولاً تحديد الأسباب الكامنة وراء شعورك. قد يكون من المفيد التحدث مع مختص نفسي يمكنه مساعدتك في فهم مشاعرك والتعامل معها بشكل صحي. أما بالنسبة لمسح صورك على وسائل التواصل الاجتماعي، فهذا قد يكون خيارًا جيدًا إذا كان استخدامك لهذه المنصات يسبب لك شعورًا بالضغط أو الحزن. يمكنك دائمًا إعادة تقييم ما تحتاجه ولماذا. قد يساعدك تقليل تفاعلك مع هذه المنصات على التركيز على نفسك وما تحتاجينه. تذكري دائماً أن طلب الدعم من الأصدقاء أو العائلة يمكن أن يكون خطوة مفيدة. ولا تترددي في التواصل مع مختص نفسي إذا شعرنتي بأن الأمر يتطلب مزيداً من المساعدة. أنت لست وحدك في هذا الأمر، واحتياجاتك هامة. اعتني بنفسك جيداً.
تم النشر الجمعة، ٢٥ أبريل ٢٠٢٥
بصي اول حاجه قربي من ربنا قربي من ربنا دي اهم حاجه صلي الصلاه في وقتها متاخريش صلاه اقراي قران صلي قيام الليل صلي الفجر ادعي لربنا هترتاحي قوي من جواكي احكي على كل حاجه مضايقاكي ثاني حاجه انت لو بتدرسي او بتذاكري او كده ذاكري بصي لمستقبلك عشان لما تجيبي درجات كويسه هتفرحي اوي بس اهم حاجه اصلي واقراي قران وقربي من ربنا واقعدي ذاكري بقى واعملي حاجه بتحبيها تشربيها هتبقى احلى قاعده وهترتاحي
تم النشر الجمعة، ٢٥ أبريل ٢٠٢٥
لما تنجحي في حاجه بتحبها أو تحققي هدف هتجددي طاقتك لازم تغيري تفاصيل يومك
تم النشر الجمعة، ٢٥ أبريل ٢٠٢٥
طبعا افضل انك تمسحي صورك من السوشيال ميديا وافضل لو تقفلي حسابات السوشيال ميديا وتعيشي على ارض الواقع وقتها هتكتشفي نفسك من جديد صدقيني عن تجربه السوشيال مديا مرض يجب التخلص منه فورا
تم النشر الجمعة، ٢٥ أبريل ٢٠٢٥
لعرض السؤال في فدني اضغط هنا