السلام عليكم ورحمة الله وبركاته
انا كنت محتاجه تالت ودخلت على فيسبوك في جروب بتاع بيع التبالت وكده ودخلت اتواصل مع حد بعد ماعجبني العرض بتاعه من الاول كان الموضوع واضح نصب بس انا مكنتش واخده بالي كلمته وكل حاجه قالي هتأكدي الشحن قولتله ايوه قالي خلاص ابعتي نص المبلغ الي هو1520 بعتله
قالي بكره هيوصلك المندوب بتاع الشركه قالي خدي الرقم ده اتواصلي بيه مع الشركة اخدته وكلمتهم لقيتهم بيقولولي حولي باقي المبلغ لشخص علشان يديكي إيصال بدفع كامل المبلغ علشان نبعتلك اتبلت انا شكيت شويه لكن قولت ان بعض الظن إثم
وفعلا بعتله باقي المبلغ واسكرين بدفع مبعتليش ايصال لكن قالي انا أكدت الدفع قالي الشركه هتبعتلك اتبلت الساعه 9 قولتله تمام وانتظرت ولما جه الوقت الشركه اعتذرت وقالت إن اسفين لحضرتك جدا العربيه قافله تحرك حاليا بكره الصبح الساعه 9 هنجيلك فقولت تمام وجه تاني يوم الميعاد وكلمتهم مفيش رد لا من الراجل ولا من الشركه
رنيت عليهم حوالي ساعه ونص والله أعلم وبردو مفيش رد بعت على واتس مفيش رد وانا لما كلمت الراجل امبارح قالي انا مليش دعوه دي الشركه قولتله مش الشيء بتاعك انت قالي هكلمهملك ودلوقتي مفيش رد وبعت تهديد ومفيش رد دلوقتي انا حياتي هتدمر لو عرف بابا وهيقعدني من الكليه وانا مقدرش اسيب تعليمي ده المكان الوحيد الي بهرب فيه من ظروف حياتي ومن الوسواس ومشاكلي النفسيه
ارجو لو حد عنده خبره او اي حاجه يفيدني ويساعدني جزاه الله خير الجزاء وهذا والله تعالي أعلى واعلم
حضرتك هتاخدي بطاقتك و الفون وتحتفظي بكل الرسائل والشات بينكم والاسكرينات وهتروحي اقرب مديرية الامن القريبة منك تسألي مكتب مباحث تكنولوجيا المعلومات وتعملي محضر نصب عبر الفيس بوك والواتس هناك هتقابلي ناس محترمة وتعامل نضيف جدا وهيبحثوا عن الناس دي عبر ارقام هواتفهم وهيعملولك محضر بس لازم تتابعيباقي الاجراءات مع محام وهيجيبلك حقك ..ده الحل العملي الوحيد .
تم النشر الثلاثاء، ١٦ سبتمبر ٢٠٢٥
1520 بصي او ده بس اللي دفعتيه او نفترض دفعتي 3000 مثلا ... المبلغ الحمد لله سهل يتجمع ممكن تستلفي المبلغ من حد .. و تسدديه ع مراحل من مصروفك او كلمي والدتك اكيد هتفهم و هتساعدك و قولي لوالدك انك مطلبتيش حاجة لسه عشان ميحصلش مشاكل و اديه الفلوس و قوليلو هو يشتريلك عشان ميحصلش مشاكل تاني ... لو في فرصة تاخدي الرقم و تعملي محضر من غير ما يحصلك مشاكل اعملي ... بس احسن حل تكلمي امك او خالتك أكتر ناس ممكن تفهمك و تقف معاكي دلوقتي .. او لو اخت او اخ كبير
تم النشر الثلاثاء، ١٦ سبتمبر ٢٠٢٥
وعليكم السلام ورحمة الله، يا عزيزتي آية، أولًا أود أن أقول لكِ إنني أُقدّر مشاعرك جدًا، وأعلم كم هو مؤلم أن تتعرضي لهذا النوع من الخداع، وأتفهم تمامًا الخوف والقلق الذي يعيشك الآن. دعيني أساعدك بخطوات عملية ومفيدة للتعامل مع هذه المشكلة: احتفظي بكل ما يثبت الصفقة: المحادثات على فيسبوك، أرقام الهواتف، رسائل الواتساب، أي دلائل تثبت أنكِ أجريت العملية ودفعتي المال. الإبلاغ لدى الجهات الرسمية: تقدمي ببلاغ رسمي إلى الشرطة في منطقتك مع كل هذه الأدلة. عمليات النصب هذه تكون جريمة يعاقب عليها القانون، ووجود بلاغ رسمي يزيد من فرص استرداد حقك أو على الأقل تعطيل هؤلاء المحتالين. إذا كانت هناك جهة حماية المستهلك أو شركات الشكاوى الإلكترونية في بلدك، تواصلي معهم فورًا. إبلاغ فيسبوك: قومي بالإبلاغ عن حساب المحتال على فيسبوك، ووصف الحادث بدقة عند الابلاغ لكي يتم إيقاف الحساب أو اتخاذ إجراء قانوني من قبل المنصة. حاولي التواصل مع البنك: إذا حوّلتِ مالاً عن طريق البنك أو أي وسيلة دفع إلكترونية، تواصلي معهم فورًا، فإمكانية إيقاف الحوالة أو الرجوع عن العملية واردة في بعض الحالات خلال فترة زمنية قصيرة. تعلمي من هذه التجربة: لا تقومي أبدًا بإرسال أموال لشخص لم تثقي به تمامًا أو من خلال منصات غير موثوقة. دائمًا تأكدي من التعامل مع جهات رسمية أو معروفة، واطلبي وصل استلام الدفع قبل إتمام أي معاملة. لا تضيعي أمالك وأكملي تعليمك: لا تسمحي لخسارة مالية أن تؤثر على مستقبلك ودراستك، فربنا دائمًا مع الصابرين والمجتهدين. حاولي التحدث مع أسرتك بصراحة عندما تحين الفرصة، فالعائلة هي الدعم الحقيقي. اطلبي الدعم النفسي: هذه الأوقات قد تكون صعبة لك نفسيًا، لا تترددي في البحث عن خبير نفسي أو مستشار يساعدك على تجاوز المشاعر السلبية والقلق. إذا كنتِ ترغبين، أستطيع أن أساعدك في الوصول إلى مختصين قانونيين أو نفسيين موجودين على منصة فدني ليستطيعوا تقديم استشارة متخصصة أكثر، فقط أخبريني. ولا تنسي يا آية، قد تبدو هذه التجربة قاسية، لكنها ليست نهاية الطريق، بل بداية لمرحلة جديدة تعلّمين منها كيف تختارين وتعتمدي على نفسك بحذر أكثر. ربي يعينك ويسدد خطاك. 🌷 هل ترغبين بمساعدتي في البحث عن استشارة قانونية ضمن فدني؟ أم لديكِ أي أسئلة أخرى؟
تم النشر الثلاثاء، ١٦ سبتمبر ٢٠٢٥
السلام عليكم غلطتى اه ...تخبى النوع ده من الغلطات لا انتى مازلتى فى مرحلة الاحتياج للتوجيه لذلك لازم تعرفى شخص كبير ...بابا او ماما او اى شخص من العيله عموما هتتحملى اللوم والنقد فى سبيل انك تتعلمى فعلا ايه افضل شىء يتعمل بشكل عملى مع حد كبير
تم النشر الخميس، ١٨ سبتمبر ٢٠٢٥
لعرض السؤال في فدني اضغط هنا