كيف أصلح علاقتي بابنتي وأتغلب على هذه المشاكل التي تواجهني في تربيتها؟

Question

انا عندي مشكله كبيره وهي اني مش عارفه اخلي علاقتي كويسه مع بنتي بسبب الضرب والعصبيه انا معنديش غير بنت واحده عمرها ٦ سنين خلفتها بعد ٦ سنين جواز ومش قادره اوصف انا بحبها اد ايه ممكن يكون اكتر من حب اي ام لبنتها من حوالي سنه تقريبا يعني وهيا بقت عصبيه عنيده مش بتسمع الكلام ومغلباني تقريبا فكل حاجه اكل ممكن تفضل ساعه او ساعتين بدون مبالغه بتاكل كل شويه اقول كلي خلصي كلي بالساعه النوم مثلا هيا بتروح حضانه كانت النوم افضل اقول روحي نامي مفيش كلام بيتسمع عياط وزن وعند ومتانمش غير ١١ بالليل وساعات ١٢ التحصيل تحصيلها قليل ومش بتحب تذاكر اكبر مشكله في كل ده المذاكره انا بذاكر لها ومخلياها مستواها كويس بس هيا بتكره المذاكره بسبب ان هيا اما بتكون ناسيه حاجه انا ببقا بزعق واوقات تانيه احس انها متوتره في المذاكره فمش مركزه معايا فأما تغلط في حاجه تقوم تعيط وخلاص تفصل خالص تركيز ومتعرفش حاجه خالص بعدها قولت خلاص ححاول اسيطر علي نفسي وانا بذاكر معاها ومش حزعق ولا حضرب وبقيت بعمل كدا الا ان هيا بقت دايما خلاص اي حاجه متعرفهاش تعيط وتفضل تتمادي علشان منذاكرش والوقت يضيع فمؤخرا بقيت اقولها لا حتذاكري لو معرفتيش حقولك عادي او اشرح تاني بس عياط لا علشان من بعدها مش بتركزي خالص ولكن هيا مفيش، عياط عياط فانا بتنرفز وبضرب وقتها بجد ببقا خلاص مش قادره اتحكم في نفسي وحاولت اكتر من مره بس بصراحه حاجه مستفزه جدا العياط بدون سبب بقت بالنسبالي اتفقت مع باباها اني اجيب مدرسة ليها في البيت بس للاسف ماديا الدنيا مش كويسه علشان اقدر اجيب مدرسين وانا مش عارفه اعمل ايه جسمها بيعلم مكان الضرب وباباها بيتكلم معاها ولكن بدون فايده بقيت زعلانه جدا من نفسي كل يوم انام معيطه بسبب اني بضربها وجسمها يتبهدل كدا بسببي انا بحبها عايزاها تبقي شاطره وكويسه وعامله فوق الي عليا انا بذاكر وبسمع فيديوهات علشان اذاكر لها وحارمة نفسي من حاجات كتير علشان اعرف اوفرها لها علشان ظروفنا وهيا مش متجاوبه لا فاكل ولا دراسه ولا حتى سمعان كلام ومش عارفه اعمل ايه حاسه علاقتي بيها بتبوظ بجد وطبعا بابا عندها احسن كتير لا بيذاكر لها ولا بيقولها دا غلط ولا بيقول نامي بدري ولا يصحي بدري ولا في اي حاجه هو الشغل وبس واللعب والفرفشه وانا كل حاجه بالنسبالها وحشه ونفسي حد يقولي اعمل ايه امي واهلي كانو اصلا التربيه عندهم ضرب عيله زوجي كل واحد فحاله وانا مش بخرج مالبيت غير للسوق واودي بنتي كنت حضانه بس مليش اصحاب في حالي جدا جدا علشان ظروفي على قدي لا حعرف اخرج مع حد ولا اجامل حد ولا اهادي حد في مناسبات ساعدوني عايزه احسن علاقتي بيها ومش عارفه اعمل ايه 😭 عايزه اعرف اعمل ايه معاها اما متسمعش الكلام واعمل ايه فالعياط والتوتر اللي بدون داعي في المذاكره واعمل ايه في موضوع الاكل والنوم معاها، مفيش عقاب نافع معاها غير الضرب وده حاجه انا مش حباها وكمان مؤذيه ليها عارفه ان مشكلتي ممكن تكون لناس تافهه بس الموضوع ده تعبني جدا جدا جدا 😭

Accepted Answer

السلام عليكم ورحمه الله وبركاته شكرا جدا ان انت بتسالي السؤال في انك عايزه تحافظي على علاقتك فاحنا هنبدأ في علاقتك بها هل علاقتك بيها مقتصره على المذاكره والاكل اكيد لا يبقى هنا دي النقطه اللي احنا محتاجين فين باقي جوانب علاقتك بيها فين الوقت اللي انت بتقعدي معايا فيها عشان تلعبوا بس فين الوقت اللي بتقعدوا مع بعض عشان تسمعيها بس فين الوقت اللي بتشوفي هي بتعمل ايه وتشجعيها بس فين الوقت اللي بتسيبيها فيه بتغلط وتوريها ازاي تصحيح الغلط ده وبس العلاقه اللي ما بين الام وبنتها فيها تفاصيل كثيره جدا جدا بس غصبا عننا ومن غير ما نحس ان ناخذ بالنا بنختصرها في حاجات هتكون بالنسبه لك انت من الحاجات الاساسيه هتكون بالنسبه لك هي اكثر حاجات بتركزي عليها او اكثر حاجات انت شايفه فيها معنى النجاح في رحله الامومه بتاعتك فاحنا بس ناخذ بالنا من النقط دي ونبدأ كده نقعد مع البنت ونقول لها احنا الفتره اللي فاتت ما كانتش فتره لطيفه فتعالي بينا نبدا من جديد وهنبدأ نبقى صحاب طيب الصحاب بيعملوا مع بعض ايه اصحاب بيلعبوا مع بعض اصحاب بيتكلموا مع بعض الصحاب بيقولوا أسرارهم لبعض وما حدش بيعرف عنها حاجه الصحاب ممكن يقعدوا يعملوا حاجات عبيطه عادي جدا ويضحكوا وينبسطوا ميجراش. حاجه اسمحي لها ان هي ممكن تقعد تجرب تعمل ميك اب وتلخبط وشها عادي جدا وبعدها تغسل وشها ما حصلش اي حاجه اسمحي لها ان هي تدخل معاك المطبخ وممكن هي تجرب تحط الحاجه في الأطباق وممكن طبق يتكسر ايوه ممكن عادي الدنيا مش هتخرب لكن علاقتك ببنتك هتكون أقوى ده اللي البنت محتاجاه ده العلاقتك بيها محتاجاه اكتر من اي حاجه ثانيه ممكن تبذلي فيها مجهود كبير جدا او يعتبر كل مجهودك تبقى علاقتك بيها مش احسن حاجه ده اللي هيخليكوا تعرفوا تتعاملوا انت وبنتك مع بعض بشكل اهدى ده اللي هيخليها تسمعك لأن في عندها رصيد من ايه من الحب ده رصيد من الحنان جوه كل التفاصيل الثانيه انا عارفه ان ماما بتحبني متاكده ان ماما بتحبني فحتى انا ولو احنا قاعدين بنذاكر لقيت ماما انفعلت عليا انا مش فجاه احس ان ماما ما بتحبنيش لانه خلي بالك بيحصل مع الاطفال ان هي تحس كأنك ما بتحبيهاش لانك مش قادره تغفر لها النسيان مش قادره تغفر لها الخطأ ودي حاجه مش كويسه خالص لو اطبعت جوه البنت هو ده اللي بيخلي البنت بتلجا للعياط المستمره الذي لا يتوقف لان هي مش بتعيط على الموقف الحالي مش بتعيط على الزعيق دلوقتي مش بتعيطوا على ان هي ما عرفتش تجاوب دلوقتي تعيط على الطابع اللي انطبع عندها انه ماما ما بتحبنيش او انا كده عمري ما ه. كويسه كفايه ان ماما تحبني تبقى مبسوطه مني لانها مش شايفه عندك اي رد فعل بيقول لا احنا محتاجين نشجع على الحاجات العبيطه جدا ها اكتبي كده عرفت تكتب الكلمه كلها صح حتى لو دي كلمه هي كتبتها كذا مره برافو قد ايه انا برافو واسقف واهيص ااا الولاد محتاجين في السن ده احتياجات اساسيه جدا بتكمل معاهم الاثنين من قدام علشان ما تعملهمش ازمات نفسيه عندهم احتياج اسمه احتياج للشوفان انا محتاج ان انت تشوفيني تشوفيني ازاي تشوفيني انا مش تشوفي الصوره اللي جواكي تشوفيني انا دلوقتي فانت هتشوفي بنتك اللي هي البطيئه في الاكل عادي جدا وهتبقي متقبلاها كده انت شايفاها وهتشوفي تطورها ولما تعملوا حاجه وتتفقوا اتفقوا مع بعض وبتعملوا وهتشوفيه هتشوفيها هي مش هتشوفي الصوره اللي انت مستنياها ده مهم جدا عندهم احتياج للتشجيع والتقدير من ابسط الحاجات اللي بتعملها انت بتعملي عليها مهرجان وفرحه كبيره ليه عشان هم محتاجين يتقدروا ويشوفوا الفرحه في عينين اهلهم عشان ما يحسوش انهم جعانين للتقدير والتشجيع وتبقى دي حاجه بيدوروا عليها طول الوقت يا رب النقط دي تكون بالنسبه لك مفيده وتاخدي بالك منها وإن شاء الله علاقه تبقى احسن بكتير.

Answer

الثواب والحرمان.. باعطاء هديه او لعبه او حلويات او مشابه ذلك للتشجيع والحرمان في حاله عدم كتابه الواجب مثلا كنوع من العقاب افضل من الضرب.. لان الضرب بيخلق عقده وخوف ومشاكل كثيره نتيجة الكف والعنف المبالغ فيه وبالتالى يحدث أضطراب فى الشخصية

Answer

السلام عليكم، في سؤالك هنا لقد عرضتِ ايضا المشكلة، كما فهمت لديك صعوبة بالتحكم بأعصابك وهذا بسبب الصعوبة ايضا في التقرب من ابنتك... لقد طرح احدهم في الاجابات اقتراح العقاب والثواب، في التربية هناك عدة طرق: ١. التقوية الايجابية ٢. التقوية السلبية ٣. عقاب ايجابي ٤. عقاب سلبي الكلمات سلبي وايجابي تعني زائد او ناقص، سأقرب لك الصورة وأي الطرق هي المفضلة والصحيحة في تربية الطفل. ١. التقوية الايجابية : مثلا اعطاء هدية للطفل ، أي اضافة شيء ايجابي له عندما يسمع الكلمة. ٢. التقوية السلبية: هو ازالة شيء سلبي او مهمة شاقة من حياة الطفل، مثلا اذا كنت قد قلت لها ان تقوم بترتيب غرفتها، ستقولين لها اذا سمعت الكلمة سأعفيك اليوم من ترتيب الغرفة. ٣. العقاب الايجابي: ومعنى الايجابي هنا الاضافة، وهو اضافة شيء سلبي للطفل عندما لا يقوم بالمهمة ، مثلا صراخ او مهمة صعبة.. (وهذه الطريقة التي تتبعينها انت، لكنها ليست الطريقة الصحيحة في معظم الاحيان) ٣. العقاب السلبي: تعني ازالة شيء جميل من حياة الطفل ، مثلا حرمانه من مشاهدة التلفاز اذا لم يقم بما عليه ان يقوم به. طبعا ليس عليك ضرب ابنتك، ولا الصراخ عليها، لانك ستكسرين العلاقة اكثر فأكثر.. لذلك اريدك ان تنسي احتمال ٣.... يمكنك استعماله فقط عندما تتقربي منها، وطبعا ليس بضرب او صراخ، بل ربما اظهار انك غير سعيدة من تصرفاتها (وهذا اضافة شيء سلبي) يحفزها على تغيير تصرفاتها... الان استعملي الخيار الأول: حضّري دفتر ، قومي بوضع فيه عدة مهمات... مع ملصقات جميله ، وشاركي ابنتك بتحضيره... مثلا الذهاب للنوم مبكرا: ... حل الوظائف:... ومثلا اذا اتمّت المهام كلها لمدة اسبوع ستقومين بمكافأة لها، عمل كعكة مثلا، او شراء شيء صغير لها (ليس بالضرورة مكلف، محّاية للقرطاسية مثلا).. او يمكن ان تكون الجائزة الذهاب لمكان تحبه، مثلا عند خالتها او حديقة الالعاب تقربي معها باللعب العبي معها، تكلمي معها... وطبعا في التربية ليس علينا فقط ودائما اعطاء مكافآت فهذا ايضا غير صحيح... حيث ايضا تربية الحرمان مفيدة لكي يشعر الطفل بالمسؤولية عن تصرفاته... ليس هنالك شيء مطلق، لكن الشيء المؤكد ان الصراخ والضرب لن يفيد.. ان كان لديك أي سؤال، يمكنك ارساله

كيف أصلح علاقتي بابنتي وأتغلب على هذه المشاكل التي تواجهني في تربيتها؟

اجتماعية

نفسية

تربوية

سؤال من احد أعضاء فدني

تم النشر الأربعاء، ٢٨ مايو ٢٠٢٥

5 إجابة

11 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك