ازاي الإنسان يتخطى وعشان يعرف يشوف مستقبله مش بتكلم عن علاقه حب بتكلم في الحياه عامه ازاي نتخطي عامه
التخطي بيكون أيسر ببناء عضلة المرونة النفسية والصمود النفسي وعيش حياة ذات معني وده بيشمل كذه جانب اولا علاقتنا بالله سبحانه وتعالى والاستعانة به ثم الوعي بانفسنا وما يميزها والامكانيات اللي ربنا وضعها فين واللي نقدر نستخدمها في حياتنا والصفات اللي بنشوفها ميزه فينا ولما نستخدمها بتدينا دافع وقوه للقيام بادوارنا،الجانب الاجتماعي ان يكون لنا صحبه داعمة مشجعه لهدف مشترك مثلا حفظ القرآن وسط مجموعه بدلا من حفظ فردي وفرصة الانقطاع أكبر بدون تشجيع،العلاقات الصحية اللي بتمدنا بأمان وسند،كمان ممارسة الرياضة او هوايه تخفف أثر الضغوط اليومية،. الوعي بالقيم والأولويات الحياتيه وتفعيل القيم دي بافعال يومية مثلا قيمه الرحمة أفعلها بالعطف على يتيم،تقديم بعض الطعام لحيوان او بعض الماء لطيور،قيمة العائلة بالتواصل وتبادل الزيارات وهكذا
تم النشر الخميس، ٢٠ أغسطس ٢٠٢٦
السلام عليكم التخطي قرار، إزاي؟ لما أقف واسأل نفسي ها وبعدين هيفيد بـ إيه؟ التخطي قرار.. عامةً لو وقفنا على فشل معين أو علاقة معينة دا معناه إن تفكيرك وقف هنا، لكن لو كملتي الموضوع هيفرق. هاتي نوت بوك ومارسي عادة التدوين هتلاقي مشاعرك بسيطة جدًا بس عشان هي في دماغك فـ هي مضخمة لكن لما تكون على ورق هتكون أخف.. لأزم تشتغلي على جزئية تطوير الذات عشان دي أكتر حاجة هتفيدك جدًا وهتصنع منك إنسانة ناضجة واعية واقعية حكيمة.. تطوير الذات يشمل: القراءة السماع أسمعي لـ د. عبد الرحمن ذاكر الهاشمي د. عماد رشا شغلك على نفسك هو أفضل حاجة حاليًا لكن وقوفك هيكون ندم بعدين بالتوفيق 🤍
تم النشر الأربعاء، ١٩ أغسطس ٢٠٢٦
اجابتي اجابه شخص عادي جدا هو بس مجرد شخص مر ببعض الأزمات و الصدمات في حياته أحياناً مش بيبقي النجاح ف أننا نتخطي و ننسي بل بالعكس النجاح دايما أننا نتعلم حتي لو ده هيكلفنا أننا نفضل فاكرين ردي علي سؤالك بقي حاجه ادركتها بعد وقت كبير اوي من اول و اكبر ازمه و صدمه مريت بيها ف حياتي و هي أنه عمر م التخطي ده كانت حاجه سهله ولا وقتها قليل بالعكس دي من أصعب القرارات اللي البني ادم ممكن ياخدها و من اكبر القرارات اللي محتاجه وقت ف تنفيذها قرار محتاج طاقه و مجهود و صدق و الصدق هنا بيبقي الصدق مع النفس و هو اني اقول عايزه انسي و ابقي فعلاً هنسي مش بس اقعد يوم من افكرش ف فلان أو اقعد يومين متكلمش عن فلانه يبقي انا كدا بتخطي لأ و كمان صعب لأن م اكيد طالما وصلت لمرحله اني عايز انسي الحاجه دي و مش عارف يبقي يا مهمه عندي يا بحبها اوي يا اذيتني جامد و في التلات حالات صعب اصل مين سهل عليه ينسي اللي بيحبه أو يتخطي حاجه مهمه في حياته و يعدي من عليها و كأنه مش شايفها او حتي يشوف شخص أذاه اوي و يسلم و يضحك وكأن شئ لم يكن و بعد م مريت بحاجات كتير فعلاً الخلاصه عايز تنسي و تتخطي فعلاً !؟ يبقي تحاول يبقي تاخد قرار يبقي تبطل تبص وراك يبقي تنسي بجد و لو معرفتش تنسي تناسي و مع الوقت هتتشغل و لو فعلاً عايز تتخطي اشغل وقتك طول الوقت باي حاجه و كل حاجه حابب تعملها بتفيدك بتطورك بتخليك شخص احسن بتخليك حد انت حابه عشان بعدين الناس تحبه ف النهايه محدش هيقدر يجبرك ع حاجه انت مش عايزها لو عايز تنسي هتنسي و لو عايز تفضل فاكر هتفضل فاكر و ده سؤال كلنا بنساله بس مش دايما اللي نفع مع غيرك هينفع معاك أنا واحده اهو بقولك خليك قوي وانا اصلا كنت ساعتها ضعيفه بقولك انسي و خد قرار مع اني حقيقي منسيتش و تخطيت الا بس لما بطلت اقول لنفسي انسي او حتي اخد قرار بالنسيان ف النهايه حقيقي مش لازم تجبر نفسك تنسي لو مش قادر مش لازم تتخطي لو مش عايز دلوقتي مش لازم توقف حياتك علي كام حاجه او كام ذكري لو لسه حابب تفضل فاكرهم كمل و متخليش حياتك تقف حتي لو هتفضل فاكر أنا متخطيتش كل حاجه بس اديني بشتغل علي نفسي طول الوقت انا منسيتش بس بحاول كل دقيقه اني كل يوم اصحي ابقي شخص انا حاباه و ده اللي فعلاً خلاني احسن و خلي حياتي افضل مش بس اني اكرس وقتي و طاقتي اني اتخطي و انسي
تم النشر الجمعة، ٢١ أغسطس ٢٠٢٦
كيف نتخطى الصعاب في الحياة العامة يا عزيزتي، سؤال مهم وعميق، وأنا أفهم تمامًا شعورك بأن الأمور تبدو عالقة ويصعب رؤية المستقبل بوضوح. الإنسان يمر بفترات يشعر فيها أن الظروف تثقل كاهله، سواء كانت مشاكل عمل أو صحية أو اجتماعية أو حتى داخلية، وهذا طبيعي تمامًا. التخطي لا يعني نسيان الماضي أو تجاهله، بل يعني التعلم منه وإعادة توجيه الطاقة نحو بناء مستقبل أفضل. ابدئي بخطوات عملية صغيرة: خصصي وقتًا يوميًا للتأمل في ما مررتِ به، واكتبي ما تعلمتِه من كل تجربة دون حكم على نفسك. ثم حددي أهدافًا واقعية قصيرة المدى، مثل تحسين مهارة معينة أو تنظيم يومك بشكل أفضل، لأن التقدم التدريجي يعيد الثقة بالنفس ويفتح أبوابًا جديدة. تذكري أن التوكل على الله مع الأخذ بالأسباب هو مفتاح أساسي في قيمنا الإسلامية؛ فالصبر والدعاء يمنحان راحة داخلية تساعد على رؤية الفرص بدلًا من العقبات. كذلك، أحيطي نفسك ببيئة إيجابية من خلال قراءة كتب مفيدة أو الاستماع إلى تجارب ناجحة لأشخاص تجاوزوا تحديات مشابهة، ولا تترددي في البحث عن أسئلة مشابهة على فدني للحصول على وجهات نظر إضافية. أنتِ قادرة على تجاوز هذه المرحلة، وكل خطوة صغيرة تقومين بها اليوم تبني مستقبلًا أكثر إشراقًا. إذا أردتِ مشاركة تفاصيل أكثر عن ما تواجهينه، أنا هنا لأساعدك بخطوات مخصصة.
تم النشر الأربعاء، ١٩ أغسطس ٢٠٢٦
بصي الدنيا مليانة صعاب لأنها دار ابتلاء فأنا كشخص فيها اعمل ايه ؟ هل التخطي صعب ؟ آه صعب وجدا كمان بس في الآخر بيكون تخطي وبننسى مهما فضلنا قد ايه . هل هنتعب واحنا بنتخطى ؟ اكيد وعشان كدا لازم نتخطى لأن احنا مينفعش نكون عاطيين لحاجة مساحة أكبر من حجمها وفي الآخر تسببلنا مشكلة لو حصل اي حاجة. من الآخر اي حاجة هتحصل أن شاء الله خير ليكِ وثانيا متتعلقيش بحاجة زيادة عن اللازم
تم النشر الخميس، ٢٠ أغسطس ٢٠٢٦
اشتغلي ع نفسك متسبيش نفسك للهلوسه كلنا بيجي علينا وقت بتبقا عايزين نطلع خطوه بس مشوشين متستنيش حد بعينه ممكن تخدي نصيحه عامه بس محدش يعرف حياتك وظروفك اكتر منك
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا