مساء الخير
من فضلكم أنا بعاني من أول ما بلغت وجالي ال period
بآلام شديده تكاد من الألم بحس ان هيجيلي شلل في رجلي
غير الألم في أماكن آخري جربت أروح لدكاترة نسا كتير من وأنا ١٢سنه لحد الآن أنا ٢٠
يعني بقالي ٨سنين اللي قالوا لي ان دي بطانة الرحم المهاجرة
وأخذت أدويه موتتني كان من ضمنهم (Primolut Nor)
ورحت لمليون دكتور مفيش فايده
غير انها مش منتظمه والألم بيبدأ قبلها بأسبوعين
الوجع مش بيروح غير بمليون مسكن
غير ان حبوب وشي كتير واحمرار في الذقن وحساسه موت
وبقيت مُشعِرَه أُوڤر دورز خصوصا في وشي الشعر زاد وتعبت نفسيا وجربت كل الطرق لازالته بيطلع بردو بفظاعه
غير ان شعري بدأ يقع
فلو دكتور هنا موجود يفيدني أرجوكم ضروري
آسفه جدا إني شيرت مشكله زي دي بس تعبت وشكرا مقدما🙏
مساء الخير يا عزيزتي، أنا آسفة جداً للألم الشديد اللي بتعاني منه من سن 12 سنة لحد دلوقتي، وده مش سهل أبداً على أي بنت في عمرك. الأعراض اللي وصفتيها (آلام حادة تبدأ قبل الدورة بأسبوعين، عدم انتظامها، حبوب الوجه والذقن، الشعر الزائد، تساقط الشعر، والإرهاق النفسي) تشير بوضوح إلى مشكلة هرمونية معقدة زي بطانة الرحم المهاجرة مصحوبة باحتمال متلازمة تكيس المبايض، وده بيحتاج متابعة متخصصة مستمرة مش مجرد تجارب عشوائية. أول خطوة عملية دلوقتي هي إنك تعملي مذكرة يومية مفصلة للأعراض (توقيت الألم، شدته، الأدوية اللي بتاخديها وتأثيرها، والتغيرات الجلدية والشعرية) عشان تقدري تعرضيها على طبيب نساء أو غدد صماء متخصص في الحالات الهرمونية المزمنة. جربي تبحثي عن أطباء لديهم خبرة في علاج الـendometriosis والـPCOS معاً، وربما تحتاجي فحوصات إضافية زي تحاليل هرمونات شاملة وأشعة للتأكد من أي تغييرات. الأدوية السابقة زي Primolut Nor أثرت عليكِ سلباً، فمن المهم مناقشة بدائل أكثر أماناً مع الطبيب الجديد بدل الاستمرار في المسكنات القوية اللي بتأثر على الجسم. نفسياً، التعب ده طبيعي بعد 8 سنين من المعاناة، وأنتِ مش لوحدك في الشعور ده. ركزي على دعم نفسك بخطوات بسيطة زي تنظيم النوم والتغذية المتوازنة الغنية بالخضروات والبروتينات لتقليل الالتهابات، واستشيري متخصص نفسي لو حسيتِ بالضغط يزيد. جربي تبحثي عن أسئلة مشابهة على فدني للحصول على وجهات نظر إضافية من تجارب أخرى. أنتِ قوية وبتدوري على الحل، وده خطوة مهمة نحو التحسن. لو عايزة تتكلمي أكتر عن أي جانب، أنا هنا أسمعك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١ يوليو ٢٠٢٦
السلام عليكم ورحمه الله وبركاته طيب هل من ضمن الحاجات اللي انت بتبعتيها إنك تاخدي بالك من انواع الاكل اللي انت بتاكليه و بالاخص قبل البريود وتشوفي ايه منها اللي بيساعدك انه الآلام تخف او لا هل خدتي بالك النقطه دي ولا مركزتيش على مساله الاكل خالص او الطريقه اللي نظبط بيها الهرمونات عن طريقها.
تم النشر السبت، ٤ يوليو ٢٠٢٦
وبيقولوا انها بتتعمل بالمنظار يعنى احسن من انهم يفتحوا جرح زى جرح القيصرى فا روحي لدكتور متخصص في البطانه المهاجره دى
تم النشر الجمعة، ٣ يوليو ٢٠٢٦
انا بحثت دلوقتى و طلع انها في علاج ليها بس مش زى التدخل الجراحي و دى بيشيلوا الانسجه اللي مسببه البطانه المهاجره دى مع الحفاظ على الرحم والمبيضين بس الجراحه دى بيقولوا انها ممكن تأثر على الخلفه
تم النشر الجمعة، ٣ يوليو ٢٠٢٦
طب ما هي بطانه الرحم المهاجره دى بيستأصلوها صح طب ما تروحي لدكتور يشلهالك اصل انا لما روحت كشفت عند دكتوره نسا عشان الدوره كانت مش منتظمه الدكتوره كتبتلي علي منع الحمل مع اني كنت لسه انسه بس هو ظبتهالي شويه بس انا قعدت اخده حوالي 6 شهور بس ده أثر علي الخلفه في بدايه جوازى بس لو اتكتبلك الدوا ده بلاش تكترى منه عشان فى بعض الأحيان بيسبب عقم
تم النشر الجمعة، ٣ يوليو ٢٠٢٦
فكره ان الدوره مش منتظمه ده اللي يقلق لان ان كانت الدوره مش منتظمه وطلع كان عندى تكيسات علي المبايض وبرضو الوجع بتاع الدوره اللي بيجى قبلها ب اسبوعين ده مقلق اوى
تم النشر الجمعة، ٣ يوليو ٢٠٢٦
بلاش تاخدى ادويه ممكن تشربي اعشاب زى الروز ماري و القرفة بتبقا كويسه للدوره الشهريه لكن الادويه بلاش عشان بعد كده مش هتجيب نتيجه اختي كانت دايما لما بتجيلها الدوره كانت بتاخد كتافست لكن انا محبتش طعمه وحش اوى هو الصراحه بيجيب مفعول كويس بس اختي من كتر ما كانت كل مره بتجيلها الدوره بتاخد كتافست بقت مبقاش يجيب نتيجه معاها لدرجه انها بقت بتزود الكميه بس في الاخر مبقاش يجيب معاها نتيجه مع العلم ان كتافست ده فوار فا نصيحه من اخت ليكى بلاش
تم النشر الجمعة، ٣ يوليو ٢٠٢٦
المشكله مستحيل اعمل جراحه اقترحوا اعملها لكن أنا بنت وخايفه
تم النشر الاثنين، ٦ يوليو ٢٠٢٦
لا كل حد بيقول شيء مختلف
تم النشر الخميس، ٢ يوليو ٢٠٢٦
كل الدكاتره اللي روحتي لهم شخصو نفس التشخيص + ربنا يشفيك يارب شفاء لا يغادر سقما 🤲🤍
تم النشر الخميس، ٢ يوليو ٢٠٢٦
لعرض السؤال في فدني اضغط هنا