عاملين ايه يا رب تكونوا بخير
انا عندي مشكله حابه اقولها مبدأيا انا عندي 16 سنه حقيقي بعاني من السيناريوهات الوهميه واني اقعد اتخيل حاجات مستحيل تحصل طول الوقت لدرجه اني ممكن اصحى اقعد اتخيل لحد ما انام ومش بعرف أوقف دا والموضوع بقا صعب اوي معايا ومأخرني ف دراستي وكمان لما بتخيل حاجه والاقي ف الواقع عكس كده بتعقد وبتقل ثقتي ف نفسي وبهرب من دا اني بقعد اتخيل ودا اثر ع علاقاتي الاجتماعيه مبقتش بعرف اتعامل مع الناس خالص ياريت الي عندوا حل يفدني
السلام عليكم، أولا، ربنا يوفقك في دراستك وحياتك وإن شاء الله تكوني بخير دايما. ثانيا، مش عارفة من الناحية النفسية إيه الحل، ممكن خبراء النفسية هنا يفيدوكِ أكتر بخطوات عملية. بالنسبة لي فأنا شايفة الخيال الواسع في حد ذاته وأحلام اليقظة لها جانب إيجابي حلو جدا ممكن تستغليه في تنمية مهارة الكتابة وخاصة الكتابة الإبداعية. ناس كتير بتفتقد مَلَكة الخيال والتخيل فأنتِ حاولي تبصي للجانب الإيجابي، وبلاش تقاومي الموضوع أو تبصي له بسلبية زائدة لأن الشيء اللي بتقاوميه بيزيد. جربي تفرغي خيالاتكِ دي على هيئة قصص حتى لو محدش هيقرأها غيرك حتى لو هتحرقيها بعد كده بس الكتابة من ناحية هتتطور عندك ومن ناحية تانية هتساعدك تفرغي كل الأفكار المشتتة اللي بعقلك عشان الحاجات المهمة زي دراستك ومهامك اليومية الضرورية تلاقي مكان وتركيز منك. جربي كده وربنا يسهل. بالتوفيق إن شاء الله.
تم النشر الثلاثاء، ٣١ مارس ٢٠٢٦
بص اللي انت فيه ده بيحصل لناس كتير و اسمه شرود او تخيلات زيادة عن الطبيعي المخ بيهرب للتخيل عشان يريحك من الضغط بس مع الوقت بيضيع تركيزك و وقتك الحل مش توقفه مرة واحدة لا امشيها تدريجي اول ما تسرح فوق نفسك بحركة زي تقوم او تغير مكانك حاول تحدد وقت صغير للتخيل والباقي لأ و اشغل نفسك بحاجة بتفكر بجد زي مذاكرة بصوت عالي او كتابة وقلل القعدة لوحدك كتير الموضوع ده مش ضعف فيك دي عادة اتعودت عليها ومع شوية تنظيم هتقل جدا ولو حاسس انها مسيطرة على يومك جامد حاول تكلم حد تثق فيه او مختص يساعدك شويه ربنا يوفقك و يروق بالك ❤️
تم النشر الثلاثاء، ٣١ مارس ٢٠٢٦
نحن زي الفل تمام يا رب انت تكوني بخير. دي اسمها احلام يقظه غير تكيفيه. احلام بس هتزودي عليها سنه. لا اراديه. بتشتغل من غير ما تقدري تتحكمي فيها عقلك يبدا يبني سيناريوهات وحوارات ويعيش في قصص لدرجه ان انت ممكن لسانك تتحرك وانت عايشه في الخيال. تاخديش بالك من الناس اللي حواليك وتسمعي جمله فجاه كده ايه ده انت بتكلمي نفسك؟ تمام دي الحاله. في الغالب بتبقى هروب من الواقع. الاسباب كتير جدا. الضغط بقى افتقاد مشاعر افتقاد احاسيس. ااا تمني حاجات نفسك تحصل. المشكله بقى ان دي بتبقى اليه دفاع رخمه شويه من العقل لتعويض نقص تمام ان هو بيتعود على ده فانت بتتعودي معاه على ده. فاللي بيحصل ان انت لما ترجعي للواقع. بيحصل اصطدام. لان انت ممكن في الخيال تعيشي كل اللي انت عايزاه توصلي للنجاح المبهر. ساعتين زمن 10 دقائق ان كان بقى البروبلي. في حين ان انت لما تيجي تطبقي ده على ارض الواقع. بتتصدمي بقى. بالخطوات الصغيره والمشاكل والصعوبات اللي ما كانتش موجوده في خيالك لو ما رسمهاش. فيحصل احباط في الخيال. الدفاع من العقل. بتحصل بتبقى علشان تحل مشكله انت بتواجهيها لحد ما تبقى هي نفسها المشكله لقيت الدفاع نفسها هي بتبقى نفسها بقى المشكله لما تتعودي عليها اكثر من مره. طيب الحاجه اللي هو بيتخيلها واللي انت بتعيشيه معاه؟ بمجرد. يرجع لوقع ثاني. او ان انت تيجي تطبقي اللي هو تخيلوا في الواقع. بتصطدم بالصعوبات بتاعتهم من البرو مش زي ما هو كان راسم. ده بيمنعه انه يفكر في الحاجات دي ثاني. ممكن تكون انت لسه مش ملاحظاها بس ركزي فيها؟ اي حاجه هتتخيليها وتلاقيها سهله وبتتبص بيها هتيجي تجربيها في الواقع مش هتلاقيها بنفس الطريقه عقلك مش هيتخيلها تاني ليه؟ لان هيبقى حصل اصطدام ما بين اللي هو متخيله ومتوقعه وما بين الواقع الفعلي فلما يجي يتخيله ثاني بيصطدم بتجربتك. فهو هنا في اصطدام ما بين الاثنين ما بين هو بيتخيل ايه وما بين انت جربتي ايه؟ لما بيجي يتخيل التجربه بتصدمه فبيلاقي ان اللي بيتخيله غير واقعي ان هما بيتخيلش. ما بيجيبلكيش خيال غير واقعي؟ اهو بيتخيلك حاجات واقعيه قابله الناحيه تحدث فعلا على ارض الواقع علشان كده انت بتعيشيها وتبقي مبسوطه انك بتعيشيها كانها بقت حياتك خلاص. حاولي تقرا الموضوع ده كويس جدا. لان للاسف للاسف الشديد المصادر اللي فيه قليله جدا انا كان عندي نفس المشكله ولفيت وراها كثير قوي على ما قدرت اوصل لها لمسمع لم يبقى صغير تكيفيه ده اخذ مني واحد عرفت اوصل له. فحقول لي تقري عن المصطلح نفسه وعن الاوراق البحثيه العلميه اللي حصلت فيه علم النفس بالذات.
تم النشر الثلاثاء، ٣١ مارس ٢٠٢٦
طيب انتي يومك في انشطه او حاجه بتحبي تعمليها؟ او اي حاجه بتندمجي فيها عامة، لأنه حاسه من كلامك انك عندك وقت فراغ مش بتستغليه صح + انك ممكن تكوني بتهربي من الواقع بالطريقه دي فلو فعلا بتهربي من الواقع يبقى ضيفي عليه حاجات تخليه مقبول اكتر بالنسبالك يعني شوفي اي اللي مضايقك من الواقع وحاولي تحليه او تهونيه على نفسك بأي طريقه بتحبيها بس غير دي يعني تكون حاجه واقعيه ملموسه و اجبري نفسك تذاكري وتخلصي اللي وراكي بعدين اعملي السيناريوهات اللي تحبيها بس غالبا لو عملتي دول مش هتلاقي وقت تعملي سيناريوهات اصلا + كل ما الواقع يتحسن كل ما احتياجنا للعيشه جوا خيالاتنا بتقل بشكل كبير
تم النشر الثلاثاء، ٣١ مارس ٢٠٢٦
يا حبيبتي، الله يخليكي ويحفظك، أنا ذكية هنا معاكي وفهمت مشكلتك كويس أوي. اللي بتعاني منه ده اسمه "التخيلات المفرطة" أو "أحلام اليقظة"، وده شائع عند المراهقين زيك، خاصة لو في ضغط دراسي أو قلق. مش لوحدك، وده مش عيب، بس لازم نتحكم فيه عشان ميأثرش على حياتك. خطوات عملية تساعدك دلوقتي: حددي وقت للتخيل : قولي لنفسك "هتخيل 15 دقيقة بس بعد الصلاة أو قبل النوم"، وبعد كده قومي اغسّلي وشك وقولي "خلاص، ربنا موجود معايا في الواقع". جربي ده يومين وشوفي الفرق. روتين يومي قوي : ابدئي يومك بصلاة الفجر وقراءة صفحة قرآن، بعدين حددي جدول دراسة صغير (ساعة دراسة + 10 دقايق استراحة نشاط زي المشي). الرياضة البسيطة زي الجري في البيت بتقلل التخيلات بنسبة كبيرة. ابني ثقتك بالواقع : كل يوم اكتبي 3 حاجات حلوة حصلت في الواقع (حتى لو صغيرة زي "نجحت في سؤال الرياضيات"). لما تتخيلي حاجة، قولي "ده خيال، والحقيقة أحسن لأن ربنا بيكتبلي الأفضل". مع الناس : ابدئي بكلام بسيط مع حد قريب زي أختك، زي "عامل إيه النهاردة؟"، وكل يوم زيدي شوية. الثقة بترجع مع التمرين. ده هيحسن دراستك وعلاقاتك تدريجيًا، يا قمر. لو استمر، دوري في Fedni على أسئلة مشابهة عن "التخيلات" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ أحسن. أنتِ قوية وهتقدري، ربنا معاكي! 💕
تم النشر الاثنين، ٣٠ مارس ٢٠٢٦
جزاك الله كل خير🩶
تم النشر الثلاثاء، ٣١ مارس ٢٠٢٦
حضرتك ده بيحصل معايا ومع ناس كتير للأسف لاننا بشر وال حوالينا مش بيفهمنا فبنستعين بنفسنا اكتر والموضوع بيتطور بس حاولي بينك وبين نفسك لما تفكري في حاجه تكون ايجابيه وماتنهيهاش بحاجه سيبي النهايه مفتوحه علشان ماتنتظريش وكمان حاول انك تعملي حاجه تلهي دماغك فيها وتخرجي من التفكير وربنا يعينك بس لازم تركزي ف دراستك علشان ماتندميش وربنا يوفقك ف دراستك وف حياتك
تم النشر الثلاثاء، ٣١ مارس ٢٠٢٦
بجد نفس الكلام وكان مأثر على حياتي لدرجه اني مش متقبله الواقع نهائي وطول الوقت عايشه فى مخيلتي الموضوع بقاله فتره محصلش معايا وكنت مستغربه بصراحه ازاى ده حصل لقيت انى من فتره ابتديت اخد علاج عشان يساعد انى انام كويس وكده يعني مهدئ للاعصاب وهو برضو كان السبب انى مش بقدر اتخيل الا فتره بسيطه جدا عشان الموضوع ده كان مسببلي صداع رهيب انتى اكيد عارفه ده ف ممكن يكون سبب نفسي او عصبي زيي
تم النشر الثلاثاء، ٣١ مارس ٢٠٢٦
بصى هو مشكلة كبيره والله كانت وصلت معايا ل ليفل عالى يعنى كنت ممكن أتخيل سيناريوهات وبيبقى فيه مشاعر حقيقيه حرفيا ب معنى ان مثلا ممكن قاعد سرحان وأفكر ف سيناريو عن حاجه معينه ممكن أقول نكتة أو افيه مثلا داخل دماغى منطقتهاش حرفيا أقعد أضحك ضحك حقيقى وممكن مثلا أتخيل حد عزيز مات أقعد أبكى وهو عايش لسه أصلا ف كان شئ من العبط حرفيا ومأثرة على كليتى ودراستى ف كان لازم حل وهو الإجبار أو أسهل حاجه أو ما أبدأ أسرح كنت أقوم من مكانى أعمل أى حاجه ديه كانت الحل السحرى معايا فاهمانى + العفو 🤍
تم النشر الثلاثاء، ٣١ مارس ٢٠٢٦
انا م بعرف خالص اسيطر ع تفكيري خالص حته لو شغلت نفسي ف اي حاجه بفكر وم ببقي عارفه اركز +جزاك الله كل خير
تم النشر الثلاثاء، ٣١ مارس ٢٠٢٦
دا بيقع تحت مسمي متلازمة جوسكا ( التخيلات و السيناريوهات ) و فرط التفكير و متخفيش دي حاجة طبيعية ، اصل العقل بحد ذاته مش هيوقف تفكير او تخيل مهما حصل دي حاجة طبيعية و احيانا التخيلات دا بتدي جزء من السعادة او الأمل حتي لو مش بتتحقق ربما مش بتتحقق لان لو تحققت هتكون وحشة ليكي ؟ ربما ربنا بيعمل كدا عشان يحميكي ؟ فا المفروض تحمدي ربنا و لو نفسك في حاجة اوي تتحقق ادعي ربنا و قولي ان شاءالله تحصل و ادعي و قولي لو خير لي ف اجلبه و لو شر لي ف ابعده ، و بالنسبة لدراستك ،احيانا لما الدرس بيكون ممل عقلك بدون وعي بيقرر يفكر تاني لانه شايف حاجة مملة قدامه عكس لو درس جذب تفكيرك او خلاكي تفكري و دا مش بيحصل طول الوقت،لكن حاولي تستغلي الحاجات دي لمصلحتك وانتي بتذاكري مثلا اقعدي اتخيلي و فكري ف الدرس و اسالي نفسك اسالة و اتخيلي مثلا الحاجة دي بتحصل ازاي ، لو انتي ادبي و بتذاكري جغرافيا او تاريخ تخيلي الاحداث بحيث تثبت ف دماغك ،لو علمي تخيلي التجارب العلمية دا بتتنفذ ازاي جوا دماغك بحيث انك تستغلي فرط التفكير و متلازمة جوسيكا لصالحك و ان شاءالله خير
تم النشر الثلاثاء، ٣١ مارس ٢٠٢٦
بصى تقريبا دا مشكلة كبيره ومش معاكى لوحدك بقالها سنين مفيش حل ملموس ليها أو صحى ف هقولك أنا عملت ايه علشان أقلل من الحوار دا وأركز أكتر فى حياتى بطلت ده تدريجيا لما غصبت نفسي مفكرش في حاجه حتي لو هقعد صاحي ف السرير ب الساعات و جالي فترة مكنتش بحط راسي علي المخدة غير وانا مدشمل وجسمى متكسر سواء كلية أو شغل و بنام في ساعتها مش قادر افكر اصلا وده الي انهي الموضوع بالنسبة لي و بالمناسبة هو اسبوع واحد تقدرى تعدلى فيه العادة دي و ممكن ايام وممكن أكتر
تم النشر الثلاثاء، ٣١ مارس ٢٠٢٦
+ان دا مشتت تفكيري اووي وم مخليني عارفه اركز ف اي حاجه
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا