السلام عليكم، بالعكس، أنا تقريبا مش بستخدم غير Google docs في الكتابة، مفيد جدا وفيه مزايا كتير، كنت بالأول بستخدم برنامج Word بس استغنيت عنه، جوجل دوكس ميزته ممكن تشتغلي عليه من غير نت وبيحفظ شغلك تلقائيًا بدل ما يضيع فجأة لو نسيتِ تعملي حفظ وفيه خصائص تانية كتيرة. ممكن تشوفي دورة على اليوتيوب تعرفي ازاي تستخدميه وتستفيدي من كل خصائصه وهتحبيه إن شاء الله. **** بالنسبة لنشر كتاباتك فممكن أقول لك عندك جروبات الفيسبوك أو إنك تعملي صفحة أو جروب وتعرفي أصحابك عليها أو حتى تعملي مدونة مجانية، أنا مش عارفة كم عمرك أو مستواكِ في الكتابة بس هقولك كم نصيحة من تجربتي مع الكتابة والنشر، قبل التفكير في نشر كتاباتك محتاجة تكوني تدربتِ كتير على الكتابة خاصة لو عمرك صغير، محتاجة تقرأي كتير وتزودي حصيلتك اللغوية، ويُفضل تكون كتاباتك بالفصحى لأن كتابة روايات أو كتب بالعامية كاملة عن نفسي مش بعتبرها من الأدب، ممكن نقول إنها حكايات مصاطب. اكتبي كتير لأن الكتابة بتتطور بالممارسة وبعد كده اختاري الجروبات المحترمة اللي فعلا بتعطي آراء بناءة وبتوجهك للمشاكل الموجودة بكتابتك. واحدة واحدة هتلاقي نفسك بتتحسني وبتثقي في قلمك أكتر. ممكن تقرأي بعض مقالاتي عن الكتابة هتلاقي شوية نصائح وأدوات للكتابة إن شاء الله تفيدك. https://kunkian.com/articles?section=ktab-2 وبالتوفيق إن شاء الله.
لعرض الإجابة في فدني اضغط هنا