لو والدتك بتنادي علي اخوك كذا مرة و هو مش بيرد انت هتتضايق قوي و ممكن تقوم تزعق له و هتقوله ايه مش سامعها ..مبتردش ليه .. كل ده علشان والدتك و هيه انسانة .. شوف بقي لما تسمع نداء الله عز و جل و هو بينادي عليك كل يوم 5 مرات و انت مش بترد .. معلش اصلي مرهق اصلي تعبان اصلي مش قادر .. و تكتشف في الاخر انه ربنا بينادي عليك علشان يطلعك من الإرهاق و الهم و الغم و التعب .. بينادي عليك علشان يديلك درع من حسد الناس و شرورهم و شرور غيرهم من شياطين و خلافه .. بينادي عليك علشان تجدد نفسيتك و مشاعرك و انت واقف قدامه حاسس بعظمته و هو بيمن عليك ببركة و حفظ و رعاية .. هتكتشف ان ربنا كان بينادي عليك علشان يحل لك كل مشاكلك و علشان يدخلك الجنة بس للاسف انت كنت .. تعبان مرهق مش قادر .. غرقان في همومك اللي في دماغك و سرحان مع شيطانك و بتدور علي اي سبب تقول علشانه مش هصلي . ربنا عايزك تصلي علشانك مش علشانه تبارك و تعالي سبحانه لا يحتاج لاحد من عباده
لعرض الإجابة في فدني اضغط هنا