Emad Ahmed

ده اخر تعليق ليا في التطبيق بالحساب ده و هعمل حساب جديد باسمي و هرد من عليه لاني هقفل ده . اولا انتي مش دكتورة .. مينفعش تشخصي حالتك مش علشان عملتي فحص شخصي منزلي باليد و اكتشفت وجود جسم غريب او ذو طبيعة صلبة يبقي سرطان .. ده اولا و ثانيا في مليون حاجه بتسبب وجود جسم نسيج صلب في الثدي لدي الانثي .. علشان كده يا ناس بنقول متسمعيش كلام اي حد ولا حتي نفسك و تروحي تعملي دكتور او تدوري علي الانترنت علشان هيحسسك اني بتموتي و ده حقيقي و السبب اننا بندور علي النتايج اللي اصلا لاعتراض متخصناش و بتتشابه مع حالات كتيييير .. دكتور يا آنسة دكتور أمراض نسا الأول و يكون معاكي حد كبير من أهلك مش لوحدك و لما يسألك فيه ايه قوليله أثناء الاستحمام لاحظت كذا و كذا او لو المشكلة عامة زي صداع و غثيان و ميل للنوم و ضعف عام برضه قوليله .. متتكسفيش بس تكوني معاكي امك او حد كبير .. في فروع كاملة معقدة لطب النسا و بياخد سنين علشان يخلوا واحد دكتور نسا بيفهم و انتي في كام يوم قررتي انك دكتورة و طلعتي نفسك عندك كانسر .. نبطل هبل .. دكتور .. إن شاء الله سليمة .

نظرا لحساسية السن دي لازم فورا تكوني راجعني طبيب أطفال مختص فوراً .. علشان اي فتاوي من اي حد في حالة ابنك هتضره و في أحسن الأحوال مش هتنفعه و عموما ده مؤشر ان عنده مشكلة في المعدة غالبا بس لازم دكتور فوري لو خايفة عليه ..انتي لسه هتقري .. يلا

سن 12 و انت طالع دا سن الروايات الصغيرة مش سن الكوميكس و الكتب المصورة ، دا نفس السن اللي بدأت فيه اقرا سلاسل زي المغامىون الخمسة و الشياطين ال 13 و حتي لما كنت بحب اقرأ حاجه مصورة خفيفية كنت بقرأ اعداد تان تان .. فيما بعد اتعرفت علي رجل المستحيل و ملف المستقبل و سلسلة كوكتيل للكاتب الرائع الله يرحمه دكتور نبيل فاروق .. و فيما بعد لما زهقت منها لقيت دكتور احمد خالد توفيق و السلاسل الرائعة بتاعته ماوراء الطبيعة و سفاري و فانتازيا .. لحسن الحظ مكنش فيه انتشار مرعب للموبايلات و للتابلت و للكمبيوتر وقتها و ده ساعدنا قوي علي القراية لمدة ساعات و نما عندنا مهارات اللغة و الكتابة لأنهم مكتوبين باللغة العربية الفصحى ، دا سلاسل كلها للسن ده و لحد 17 سنة و بعد كده فيه روايات كاملة للكبار لنفس الكتاب ..

لو والدتك بتنادي علي اخوك كذا مرة و هو مش بيرد انت هتتضايق قوي و ممكن تقوم تزعق له و هتقوله ايه مش سامعها ..مبتردش ليه .. كل ده علشان والدتك و هيه انسانة .. شوف بقي لما تسمع نداء الله عز و جل و هو بينادي عليك كل يوم 5 مرات و انت مش بترد .. معلش اصلي مرهق اصلي تعبان اصلي مش قادر .. و تكتشف في الاخر انه ربنا بينادي عليك علشان يطلعك من الإرهاق و الهم و الغم و التعب .. بينادي عليك علشان يديلك درع من حسد الناس و شرورهم و شرور غيرهم من شياطين و خلافه .. بينادي عليك علشان تجدد نفسيتك و مشاعرك و انت واقف قدامه حاسس بعظمته و هو بيمن عليك ببركة و حفظ و رعاية .. هتكتشف ان ربنا كان بينادي عليك علشان يحل لك كل مشاكلك و علشان يدخلك الجنة بس للاسف انت كنت .. تعبان مرهق مش قادر .. غرقان في همومك اللي في دماغك و سرحان مع شيطانك و بتدور علي اي سبب تقول علشانه مش هصلي . ربنا عايزك تصلي علشانك مش علشانه تبارك و تعالي سبحانه لا يحتاج لاحد من عباده

علشان الفعل الغلط بيتبعه شعور بالندم و الخوف دايما .. ثانيا الحب بدون خطة معدة مسبقا للزواج و الحب اللي مش هينتهي بزواج شريف شرعي بيبقي مضيعة للوقت و المشاعر و بيبقي ظلم لأربعة أطراف .. لنفسك و للي بتحبها و للي هتتجوزها بعد كده و للي هيه هتتجوزه .. لأنك أنت و هيه استهلكت مشاعركم علي بعض و انت مش لبعض اصلا و مفيش إمكانية لارتباط و بعد كده لما هتتجوزها شخصين تانين هيتظلموا معاكم لأنهم مش هيلاقوا منكم الحب و المشاعر اللي يستحقوها ..

ده عادة الناس من يوم ما ربنا خلقهم ، برغم ذلك ممكن تختار التسامح او العفو او غيره من الصفات الحميدة اللي تواجه بيها الإساءة لكن مش كل موقف بيستدعي العفو ، فيه مواقف بتحتاج انك تاخد فيها موقف من الشخص او تعمل وقفة او تحط حدود معينة بعد كده بينك و بينه بحيث مستقبلا يفكرر كذا مرة قبل ما يسيئ إليك .

جزيل الشكر للتواصل و للتطبيق الجميل بس للاسف المشكلة عندي في حساب جوجل لازم يتغير و بالتالي هغير كل شيء ، بس ان شاء الله راجع تاني 🍀❤️

صلي ، و صوم و كل اما تيجي تعمل الحاجه دي افتكر ان ربنا شايفك حرفيا في اللحظة دي و فيه ملائكة هتكتب اللي هتعمله ، تحب ربنا يشوفك في وضع زي ده .. الحاجه التانية افتكر دايما انك ممكن تموت في اي لحظة تحب تموت و انت بتعمل كده و بالتالي لما تبعث يوم القيامة تبعث و انت برضه بتعمل كده لأنك موتت علي الفعل ده

لا دا بيكون انفصال عن الواقع ( هروب وقتي ) نوع من انواع الأساليب الدفاعية اللي النفس بتلجأ ليه لما تبقي عايزة تحس انها افضل و مقدرتش تحقق ده في الواقع ، كلنا بنعمل كده بطرق مختلفة ..

عارف الأفكار بتبدأ ازاي ..؟ زي البذرة بالظبط بتزرعها في دماغك او حد بيزرعها لك لو اتمسكت بالفكرة حتي لو غلط و فضل تديها اهتمام و رعاية البذرة بتكبر و تتحول لشجرة عملاقة غول مخيف مزروع في مخك ،قارن نفسك بالاقصرو انت تعرف ان 170 مش قصير و قارن نفسك بكل واحد عنده عاهة جسدية و انت تعرف انك في نعمة

الأحلام نوعين .. حلم و رؤية .. الحلم من الشيطان و الرؤية من الله عز و جل .. و الرؤية بتكون من منتصف الليل و حتي قبل الفجر و الله اعلم .. احيانا الأحلام بتكون تنفيس عن رغبة مكبوته داخل نفس الإنسان و مش شرط يكون ليها مدلول .

كده و مش كده في نفس الوقت ، كل اللي انت محتاجه انك تغير الدائرة بتاعة أصدقائك او معارفك او زمايلك لازم تبقي انسان انتقائي يعني ليك معايير في الشخصية اللي هتعتبرها صديق ثانيا مهم جدا أن اي انسان يحافظ علي حدود مع أي طرف اخر و في نفس الوقت بلاش تتعري نفسيا قدام اي حد و تحكي له أدق تفاصيل حياتك .

الإنسان بيمر بتجارب بعضها بينجح و بعضها بيفشل .. كل مرة تفشل فيه اعرف ليه فشلت علشان المرة الجاية تبقي مستعد بالفعل مش بالكلام ، لكن كل إنسان و ليه قدرات انسي و اصبر و صلي ، و سيب الموضوع لله ، و طبعا تنسي الموضوع تماما علشان توفر علي نفسك وقت و مجهود هيضيعوا علي الفاضي ، و الحب مش حرام

انه الاتجاه الي الحداثة و العولمة و علشان يعترفوا بينا بره و ناخد ترتيب عالمي عندهم من ناحية تطوير التعليم ( ليس المهم أن تكون .. المهم أن تبدو ) لما نبدو متحضرين و بنعلم الاجيال بلغات اجنبية دا ليه الاولوية عندهم من أن الاجيال تتعلم فعلا و تقدر لغتها فعلا و متسألينيش هما مين .

للمرة المليون ركزي في حياتك و سيبك منه تماما و طريق الجواز معروف ..ييجي يتقدم لما يكون عنده إمكانية غير كده لاء لان اي سيناريو تاني هتكوني خسرانة فيه و هتكوني استهلكت مشاعرك في تجربة مضيعة للوقت الاحسن توفري تعب القلب و الأعصاب للشخص اللي هيكون من نصيبك مش لأول واحد جاي يعرض نفسه ، ركزي في مستقبلك

في بداية اي علاقة كل طرف بيقدم احسن ما فيه من طباع و مميزات ( بيعمل تسويق لنفسه ) محدش بيبان علي حقيقته الا لما بيغضب او يتعصب دي نقطة ، النقطة التانية عادي تبقي بتفهمي عنه برغم انكم في نفس السن دا شيء طبيعي في مخ الانثي نظرا لكذا حاجه اولا الشباب ( الذكور ) بقوا تافهين قوي و كله طبيعي المهم عيلته