مشاعر باردة اتجاه كل الناس
خصوصا الام والأخوات سببها ايه
اللي بتحسيه مش غريب ولا عيب… بالعكس ده قلب حساس جدا بيحاول يحمي نفسه البرود العاطفي تجاه الناس وخصوصا الأهل غالبا مش مشاعر كراهية حقيقية… هو إشارة من النفس تقول: أنا محتاجة أحمي نفسي أحيانا يكون السبب جروح قديمة اتغلفت جوانا أو خيبه أمل حستتك إن اللي حواليكي مش قادرين يفهموكي أو يقدروكي أحيانا يكون التعب المستمر أو الضغط النفسي أو حتى الشعور بعدم الأمان داخل البيت كل ده بيخلي قلبك يتجمد شوية… يحط حاجز بينك وبين العالم الموضوع مش إنك مش طبيعية… الموضوع إنك اتعلمتي تحمي نفسك بطريقة تلقائية. اللي محتاجينه دلوقتي مش لوم ولا قهر… محتاج وعي وحنان لنفسك. جربي تدي لنفسك فرصة تحسي بمشاعرك بدون ضغط… حتى لو كانت خطوة صغيرة كل يوم – اكتبي اللي جواكي في دفتر أو اتكلمي مع حد بتثقي فيه – لاحظي اللحظات الصغيرة اللي بتحسي فيها دفء أو اهتمام، أو حب – اتعلمي تفتحي قلبك واحده واحده … مش مرة واحدة خطوة خطوة. مع الوقت لما تحسي بالأمان الداخلي وتفهمي جذور الشعور ده قلبك هيرجع يتحرك… هتحسي بالدفء تجاه الناس حواليكي وهتقدري تحسي بالعاطفة من غير خوف إنتي مش وحيدة… ولا غريبة… إنتي مجرد قلب اتعلم يحمي نفسه من الألم، ودي حاجه طبيعيه جدا. ومع صبرك وحنيتك لنفسك هتكتشفي إن مشاعرك هترجع حية من جديد أعمق وأرق من أي وقت فات
تم النشر السبت، ٨ نوفمبر ٢٠٢٥
في حالتين أما أنت مش لاقيه اهتمام منهم فزهقتي انك تهتمي بيهم أو أنت في حالة اكتئاب يعني يائسة من كل حاجه وكارهة نفسك واللي حواليكي حاولي تقعدي معهم اكتر وقتها هيرجع ليكي الشغف وهتعيش طبيعي وعادي جدا ممكن أي حد يزهق من الناس ونفسه دي مشاعر ومش بنقدر نتحكم فيها بس نقدر نحاول نغير من تفكيرنا ونفسيتنا ربنا يوفقك ويسعدك.
تم النشر السبت، ٨ نوفمبر ٢٠٢٥
مرحباً عزيزتي، شكرًا لثقتك بمشاركة مشاعرك معي. شعور "البرود" أو التبلد العاطفي تجاه الناس، خصوصًا تجاه أفراد العائلة مثل الأم والأخوات، قد يكون له عدة أسباب نفسية وعاطفية، وأحيانًا يكون عرضًا لمشاعر مكبوتة أو حالات نفسية تحتاج لفهم أعمق. إليك بعض الأسباب المحتملة التي قد تؤدي إلى هذا الشعور: الإجهاد النفسي أو التعب العاطفي: قد تكونين تمرين بفترة ضغط نفسي أو إرهاق متواصل يجعل مشاعرك تصبح باهتة أو منغلقة. الإحساس بالألم أو الخذلان: أحيانًا الخيبات العاطفية، أو سوء الفهم مع الأشخاص المقربين، قد يدفعك للانعزال عاطفياً. خوف من الارتباط العاطفي: ربما تمرين بحماية لنفسك من الألم المتوقع في علاقاتك، فتصبحين "باردة" كحاجز دفاعي. مشكلات في التواصل أو صعوبات في العلاقة الأسرية: أحيانًا الإحساس بعدم التقدير، أو النقد المستمر، أو عدم وجود مساحة صادقة للتعبير يجعل المشاعر تتبلد. حالات نفسية محددة: مثل الاكتئاب أو اضطرابات المزاج يمكن أن تسبب البرود العاطفي. كيف يمكنك التعامل مع هذا الموقف؟ حاولي فهم مشاعرك بعمق: ابدئي بتدوين مشاعرك وأفكارك يوميًا، وهذا يساعدك على إدراك أسباب البرود العاطفي. تواصلي بصراحة: إذا كان بالإمكان، تحدثي مع أمك وأخواتك بصدق ولطف عن مشاعرك، وحاولي التعبير عن احتياجاتك بطريقة غير مؤذية. اطلبي الدعم النفسي: قد يكون من المفيد جداً استشارة أخصائية نفسية تساعدك على فهم مشاعرك عميقًا وتمكنك من التعامل معها بطريقة صحية. اذكري الله وادعيه: الاستعانة بالله تعالى بالدعاء وقراءة القرآن تعين على تهدئة النفس وجلب السكينة للقلب. إذا شعرتِ أن المشكلة تؤثر بشدة على حياتك اليومية، لا تترددي في طلب الاستشارة من خبراء نفسيين في "فدني" عبر صفحة الخبراء [https://www.fedni.net/experts]. أنا هنا لأي دعم تحتاجينه، ولا تترددي في طرح المزيد من الأسئلة. رحلتك نحو فهم نفسك وتحسين مشاعرك تستحق العناية والاهتمام. 🌷
تم النشر السبت، ٨ نوفمبر ٢٠٢٥
ولا يهمك 👍
تم النشر السبت، ٨ نوفمبر ٢٠٢٥
اكيد الحمد لله شكرا اوي معلش تعبت حضرتك
تم النشر السبت، ٨ نوفمبر ٢٠٢٥
ربنا يسعدك كلنا بنمر ب حاجات صعبه لكن في الاول وفي الاخر ملناش غير ربنا
تم النشر السبت، ٨ نوفمبر ٢٠٢٥
صح اكيد حضرتك عندك حق
تم النشر السبت، ٨ نوفمبر ٢٠٢٥
والله كل حاجه في ايد ربنا كلنا هنموت وكلنا هنفرق بعض بس لازما نكون عارفين ان احنا لازما نعيش ونكمل لان الدنيا مش هتقف علينا ولا على غيرنا حتى لو ان احنا فقدناه اهم حد في حيات لان دي الحقيقه اللي بروح ما بيرجعش تاني فلازما ندي اهميتنا للي حوالينا لان هم اللي موجودين معانا وهم اللي بيحبونا دلوقتي واللي توفى ندعي له بالرحمه هي ديت اللي بتفيده بس
تم النشر السبت، ٨ نوفمبر ٢٠٢٥
مهو انا برضو مش فاهمة الناس ازاي بتتخطاه أن حد يكون معاها وفجاءة يسيبها كده
تم النشر السبت، ٨ نوفمبر ٢٠٢٥
يا بنتي انت فاهمه الموضوع غلط انت بتحبيهم انت عندك صدمه من ان انت فقدت اخوك فانت خايفه تخسري اللي حواليك الموضوع مش بايدك كل حاجه بايد ربنا انا كنت مسافر واخويا توفى فلما جيت انزل حصل لي مشكله في البلد اللي انا فيها وما شفتوش فانت لازما تعيشي مع اللي حواليك احسن وقت في حياتك عشان لما تكبر وتتفرق وتفضل فاكره الحاجات الحلوه دي مش ضروري ان انا افتكر حاجه حلوه يبقى انا هندم عليها لا ده بتبقى ذكريات حلوه واخوك الله يرحمها
تم النشر السبت، ٨ نوفمبر ٢٠٢٥
هقول لحضرتك انا عندي اخ متوفي من تلت سنين بس انا لحد انهارده انا مش عارفه اعيط أو اصدق أنه مات ف أنا من وقتها وانا بعيده عن كل الناس حتى اسرتي بعيده بعد تام حتى الاكل انا كل وجباتي بتكون لوحدي فبقيت حاسه ان انا مش حاسه باللي حواليا ومش بزعل عليهم أو مش عايزه ازعل عليهم
تم النشر السبت، ٨ نوفمبر ٢٠٢٥
طيب ما معنى كده يبقى انت بتحبي اللي حواليك فربنا لا يوريك فيهم حاجه وحشه الموضوع اللي احنا بنخاف ليه من حاجه هي لسه ما حصلتش والله اعلم بكره في ايه ربنا يخليكم لبعض
تم النشر السبت، ٨ نوفمبر ٢٠٢٥
ايوه بالظبط انا مش عايزه ازعل علي حد أو اتوجع علي حد
تم النشر السبت، ٨ نوفمبر ٢٠٢٥
يعني لو حد من اخواتك او مامتك تعبت ما تزعليش ممكن حاسه بكده عشان ما تحطيش في موقف وحش لا قدر الله من اتجاهه
تم النشر السبت، ٨ نوفمبر ٢٠٢٥
لعرض السؤال في فدني اضغط هنا