أنا محتاجه حد يكون جمبي خاصة أن أنا في سن مراهقة وعندي 14 سنة وأمي وابويا منفصلين من سبع سنين وبابا راجل حنين وكل حاجة بس أنا بقالي أكتر من سنتين مشفتهوش وماما علاقتها بيا جافه خالص وهي بتشتغل أصلا ومش فاضيه لينا دي حتى أبسط حاجة عني متعرفهاش
وأنا طبعاً مش هينفع أروح عند بابا عشان متجوز فمش هينفع أنا حالياً نفسيتي وحشه اوي بجد ومحتاجة حد يكون معايا بجد أنا دخلت في اكتئاب وكنت ساعات بدخل في انهيار عصبي بس مؤقت وطبعاً أهلي ميعرفوش أنا مش عارفه اعمل ايه بجد
روحي لامك وقولي لها انا تعبانه ومخنوقه قولي لابوك كده.
تم النشر الاثنين، ١٢ مايو ٢٠٢٥
في البداية عاوزك تفهمى ان الحياة صعبة للكل وربنا اقرب لينا من اى حد طول ما احنا قريبين استعينى بوجود ربنا دايما معاكى هتستغنى عن وجود البشر عارف وجود البشر مهم هنا بقي هتحاولى تقربي من والدتك وتعرفيها انك كبرتى ومحتاجه نصيحتها واتصلى على والدك دايما خليه يتعود على وجودك فى حياتوا وممكن تصاحبي حد من اخواتك او من قرايبك لو فى حد منهم قريب من سنك وانسان كويس يفضل تكون بنت بس لو كان ولد وهتقدرى يكون في حدود بينكم ميمنعش طالما انسان كويس وابعدى عن اى حد يحتاج منك مقابل علشان وجوده فى حياتك ومتنسيش تحددى اولوياتك فى الحياة واهتماماتك وركزى على هواياتك ومش تعتمدى على وجود حد من البشر فى حياتك كتير عشان فى الحياة مفيش حد بيفضل معانا للنهاية كل واحد ليه رساله بيقضيها ويرحل
تم النشر الاثنين، ١٢ مايو ٢٠٢٥
شوفي يا غالية أنتِ ليس لكي أي دخل في اللي حصل مع أبوكي وأمك ،ومش أنتِ الوحيده اللي أبوها وأمها منفصلين ، وبعدين أنتِ واضح من كلامك أنك معندكش أصحاب ف ده سبب أنه محسسك بالوحده شوية ،أنا أكبر منك بسنة واحده أنا حالياً في اولى ثانوي ومن نحية عندي أصدقاء ف أنا عندي بس علاقات خفيفة جداً وكنت بمر بنفس اللي أنتِ بتمري بيه مكنتش بلاقي حد أحكيله على اللي جوايا من مشاكل إلى آخره بس اما كنت بحس أن أنا عاوز اتكلم مع حد كنت بروح لحته لوحدي واقعد أكلم ربنا أكنه صديقي وهو فعلا صديقي الوحيد مش هتفهمي إلا لما تجربي وتحسي ، وبعدين أنتِ في مرحلة مهمة في حياتك وفيها ذنوب كتير المهم ابعدي عن تلك الذنوب -بقدر الإمكان-وابعدي عن فكرة عندي إكتأب والكلام اللي ملوش لازمه ده لأن أنتِ كده بكلامك بتعقدي في نفسك أكتر وأكتر ، جملة "لا حول ولا قوة الا بالله " تشفي من تسعين داء أقلها الهم اللي أنتِ فيه والحياة عمرها م كانت سكر وعسل ذي م أنتِ مفكره لأ كل الناس عندها مشاكل محدش عارفها الا الله ، الصبر ثم الصبر ثم الصبر حتى تكوني ممن قال عنهم الله "إنما يوفى الصابرون أجرهم بغير حساب " وبعدين أنتِ لسه صغيورة ليه تشيلي الهم من دلوقتي أخرجي العبي ابسطي نفسك لكن بطريقة ترضي ربنا ، وبعدين لو انت في تالته اعدادي فا اهتمي بدراستك عشان امتحاناتك قربت ربنا يفرحك وادعي دايما لنفسك بين الآذان والإقامة في ركعتين قبل م تنامي قيام ليل وحافظي على صلواتك والسنن وإن شاء الله تكوني بخير لو عملتي بكلامي أنا آسف لو طولت عليكي سامحيني
تم النشر السبت، ١٠ مايو ٢٠٢٥
مرحباً عزيزتي، معكِ ذكية، وأبرق لك بكل حب ودعم في هذا الوقت الصعب اللي تمرين به. أولاً، أريد أن أخبركِ أنكِ لستِ وحدك أبداً، وأن مشاعركِ وأحساسكِ بهذه الوحدة والاكتئاب طبيعي جداً في الظروف اللي تعيشينها، وأنتِ قوية لأنك تعبرين عنها. خليني أساعدك بخطوات صغيرة تقدر تبني عليها دعم لنفسك: التحدث مع شخص موثوق حتى لو أهلك مش متوفرين أو صعب تتواصلي معهم، حاولي أن تجدي شخص بالغ تثقين به— يمكن معلمتك في المدرسة، أو قريبة مثل عمة أو خالة، أو حتى مستشارة مدرسية. مشاركة مشاعركِ بصدق معهم هتخفف عنكِ كثير. تنظيم مشاعركِ وكتابة يوميات حاولي تعبي مشاعركِ في دفتر أو على موبايلك، الكتابة تساعد على ترتيب الأفكار وفهم نفسك أكثر. تقوية العلاقة مع نفسك خصصي وقت تعملي فيه حاجات تحبيها، حتى لو كانت بسيطة كهوايات أو قراءة قصة أو الاستماع لموسيقى هادية. طلب مساعدة نفسية متخصصة الاكتئاب والانهيارات العصبية دائماً محتاجين تدخل متخصص. إذا كنتِ تستطيعين، ابحثي عن مستشارة نفسية أو معالج نفسي يمكن تتواصلي معه عبر الإنترنت أو في مدينتك، وسيدعمك بطرق علمية وآمنة، خصوصاً وإن دعم العائلة غير كافي الآن. تقوية صلتك بالله في هذه الأوقات، تذكري أن الله قريب منك يسمعك ويعرف همومك، صلي لله وادعيه بقلبك، واطلبي منه الصبر والقوة. قراءة القرآن أو الأذكار تساعد على تهدئة النفس. وأخيراً، أعرف أن الأمر صعب لكن هذه المرحلة مؤقتة، والأمور ستتحسن بمرور الوقت ومع الدعم الصحيح. إذا أحببتِ، يمكنك استكشاف صفحات الخبراء في فدني، حيث يوجد متخصصون في الدعم النفسي والاجتماعي يمكنهم مساعدتك بشكل أعمق. أنا هنا دائماً للاستماع لكِ، وأنتِ تستحقين كل الخير والراحة النفسية. هل تودين أن أساعدك في البحث عن استشارات نفسية مناسبة أو نشاطات قد تحسّن مزاجك؟
تم النشر الجمعة، ٩ مايو ٢٠٢٥
شكراً بجد ليك وأنا والله فعلاً هسمع كلامك
تم النشر السبت، ١٠ مايو ٢٠٢٥
بس تعليق صغير طلعي من دماغك فكرة انا لسا صغير وفي فترة مراهقه وكدا السيده عائشه رضي الله عنها كانت متزوجه النبي وهي عنده تسع سنين يعني لما تيجي تبصي هتلاقي الأحاديث اللي هي روتها عن النبي راوتها وهي اصغر منك وفي سنك كدا بل وكان الصحابه بعد وفاة النبي كانو بيسالوها في اشياء في الشرع وغيره كل دا وهي قبل ما تم العشرين ف متخليش الشيطان يضحك عليكي وبيررلك الغلطات اللي هتعمليه بداعي أن انتي لسا صغيره وكدا ودي نصيحه من اخوكي الكبير لا انا شوفت فيكي اختي الصغيره
تم النشر السبت، ١٠ مايو ٢٠٢٥
شكراً لانك فهمتني وأنا هحاول اعوض احتياجي العاطفي
تم النشر السبت، ١٠ مايو ٢٠٢٥
طبعا حالتك صعبة جدا فالأم والأب هم المسؤولين عن تربيتك ونفسيتك وشخصيتك وكل حاجة لكي ولكن هم منفصلين ... هم مصدر الأمان للإنسان هم مصدر الحب والإحترام ... فاللي حصل انك في حال صعب ومؤلم من كره النفس بسبب غياب مصدر الحب ... فباختصار عوضي احتياجك العاطفي بالتقرب إلى الله واستشعار رضاه .. وبالهوايات اليومية
تم النشر السبت، ١٠ مايو ٢٠٢٥
شكراً أنا والله علفكرة بسمع قرآن على طول وفعلاً بغير نفسيتي أوي ❤️ وبنسبة للروايات ف دي الحاجة الوحيدة اللي بعملها في حياتي تقريبا 😂
تم النشر السبت، ١٠ مايو ٢٠٢٥
طالما انتي ابديتي بمشاعرك بالطريقه دي قبل ما تقبلي على خطوه زي دي يبقى انتي فيكي الخير وبتخافي ربنا عشان كدا اول حاجه حطيها نصب عينك أن الموضوع حرام بس خلي وحدتك دي حاجه مميزه مش لازم الوحده تبقا اكتئاب احسن حاجه ارشحهالك والله عن تجربه الروايات واقرأي كل يوم ولو صفحة قران وظبطي الاذكار وشوفي شيخ انتي بتحبيه واسمعيله القران والله ليه تأثير رهيب واكيد انتي مجربه لما تسمعي شيخ انت بتحبي صوته بتبقي حاسه بايه
تم النشر السبت، ١٠ مايو ٢٠٢٥
اوعي تكلمي ولد انتي مفكرا أن انتي كدا هتملي الفراغ العاطفي دا أو كدا بس انتي كدا هتدمري نفسك اكتر وهتغضبي ربك شوفي اتعرفي على صحبه صالحه وبدل دا كلو الجإي لربنا هو احسن حد هيسمعك وحددي اهداف مثلا خلال شهر تكوني مخلصاها وأهداف كل سنه وكذالك املإي وقت فراغك يعني واقرأي روايات وكتب انا كنت بعمل كدا في فراغي
تم النشر السبت، ١٠ مايو ٢٠٢٥
اوعي تلجأي لأي ولد أنا ضعف سنك تقريبا او ترهقي نفسك في علاقه مع ولد ولو صحاب روحي مع صحاب بنات
تم النشر السبت، ١٠ مايو ٢٠٢٥
اشغلي وقتك بأمور مفيده روحي احفظي قران في الجامع روحي مكتبه غيري جو في مكان حلو هتلاقي صحاب وكل خير
تم النشر السبت، ١٠ مايو ٢٠٢٥
أنا والله بصلي وقريبة من ربنا وعندي أهداف بس ديما مش بعرف أكمل في حاجة وبيجلي احباط يعني ببقى محتاجه حد يدعمني ويقف جمبي بس مش بلاقي
تم النشر السبت، ١٠ مايو ٢٠٢٥
مش بعرف أكمل أي حاجة للآخر وبتخنق ولو على القرآن كنت هروح بس في الإجازة
تم النشر السبت، ١٠ مايو ٢٠٢٥
لعرض السؤال في فدني اضغط هنا