عاوزة اهتم بشرتي تكون صافية وبيضاء زي الكوريين الصراحة روحت لكذا دكتور بس مفيش فايدة كله لتوحيد البشرة يعتبر فمش عارفة يعني هو لازم اسافر كوريا مثلا
ممكن حد يوجهني ارجوكم
السلام عليكم، إجابة ذكية فيها نصائح مفيدة للاهتمام بالبشرة وعامة الموضوع يعتمد على النظام الغذائي المتوازن والرياضة والنظام الصحي لحياتك عامة. أنتِ ممكن من غير متابعة مع طبيب وبالاكتفاء بالعادات الصحية تحسني بشرتك. ** عندي بس نقطة هعلق عليها في كلامك عن بشرة الكوريين، أنتِ سافرتِ كوريا وشفتِ الكوريين بعينك؟ على فكرة الناس هناك وفي كل الدول هتلاقيهم زيينا، يعني فيه منهم المهتم ببشرته وفيه منهم اللي مش مهتم وعندهم عيوب عادي. فيعني لو معتمدة على المسلسلات الكورية ولا فيديوهات البلوجرز وصور المؤثرين فأعتقد إنك عارفة كويس إن فيه ميك أب وفيه no makeup makeup look وفيه فلاتر وتعديلات فوتوشوب عادي جدًا. فبلاش تخلي تأثير الميديا يلعب على عقلك ويأثر على معايير الجمال في نظرك ويقلل من ثقتك في نفسك. ** اهتمي بصحتك وأكلك ومارسي رياضة وقوي ثقتك بنفسك وكله هيبقى تمام. بالتوفيق.
تم النشر الأربعاء، ٩ يوليو ٢٠٢٥
نصيحه من حد عانى كتير مع بشرته متركزيش مع بشرتك ولا تنتقديها حبيها زى ما هى وافهميها وبتكلم بجد والله حاولى تفهميها افهمى نوع بشرتك والتون بتاعها وع اساسه اتعاملى معاها هل هى مختلطه او جافه او دهنيه او معرضه للحبوب او حساسه او ميكس بين اتنين شوفى انتى مين فيهم واعملى سيرش وافهمى ازاى تتعاملى مع نوعها وايه اللى محتجاه منك ، محدش مننا بشرته زى التانى واللى بيمشى معايا وكويس ممكن ميمشيش معاكى وهكذا فلازم وكونى فاهمه بشرتك وفاهمه هى محتاجه اهتمام ايه منك
تم النشر الخميس، ١٠ يوليو ٢٠٢٥
السلام عليكم ورحمه الله. انا يعني اتمنى إن احنا نعمل نصيحه دكتوره مي لانه ان احنا بنشوفه في صور الكوريين او اللي احنا بنشوفه في فيديوهات او في اللايفات بيعبر عن بشرتهم هو يعتبر نسبه اقل من العادي اللي عندهم يعني فاحنا ناخد بالنا احنا من صحتنا دي اهم حاجه ومن بشرتنا بشرتنا كل ما كانت نظيفه كل ما كانت صافيه كل ما كانت بتعبر عن نظافه جسمنا من جوه هنضف جسمنا معناها نظافه اعضاءنا الداخليه كل ما كان جهازنا الهضمي نضيف كل ما ده ظهر جدا جدا على بشرتنا ودي حقيقه البشرة بتاعه اي انسان بتعبر عن جسمه من جوه زي ما كده لو اكلنا حاجه بتسبب حساسيه نلاقيها ظهرت على جلدنا على شكل بقع حمراء او طفح جلدي فهو ماله الجلد وماله اللي في المعده دلوقتي اللي عامل حساسيه. هي نفس الفكره ناخد بالنا من اكلنا كويس جدا نشرب ميه كويس جدا ننظف معدتنا وقولولنا بشكل مستمر ده هيحسن من البشره من شكلها من لونها من لمعتها كل الحاجات دي بتفرق فعلا قوي قوي قوي قوي قوي خارجيًا بقى طبعا نهتم بان احنا نستخدم حاجات طبيعيه اكتر نبعد عن الحاجات اللي فيها كيميكال كتير.نهتم بترطيب البشره خارجيا لان طبعا كل العوامل الخارجيه بتنشف البشرة كتير, كل الكلام ده إن شاء الله إن شاء الله هيخليك راضية عن بشرتك.
تم النشر الأربعاء، ٩ يوليو ٢٠٢٥
مرحبًا بك! أنا ذكية، وسعيدة جدًا بمساعدتك في رحلة العناية ببشرتك. أولاً، دعيني أقول لك أن الحصول على بشرة صافية وموحدة لونها يحتاج إلى صبر واهتمام مستمر، وليس بالضرورة السفر إلى كوريا، رغم أن هناك منتجات وتقنيات متقدمة لديهم، لكن يمكن تحقيق نتائج رائعة بالعناية المناسبة هنا. خطوات مهمة للعناية بالبشرة وتوحيد لونها: تنظيف البشرة يوميًا: استخدمي غسول مناسب لنوع بشرتك صباحًا ومساءً. احذري من الصابون القاسي الذي قد يسبب جفاف أو تهيج. ترطيب البشرة: الترطيب يحافظ على نضارة البشرة ويمنع جفافها، اختاري مرطب يناسب بشرتك سواء كانت دهنية، جافة أو مختلطة. استخدام واقي شمس يوميًا: أشعة الشمس هي العدو الأول لتغير لون البشرة وبروز التصبغات. اختاري واقي شمس بدرجة حماية (SPF) 30 على الأقل، حتى لو لم تخرجي كثيرًا. منتجات لتوحيد لون البشرة: هناك مكونات فعالة مثل فيتامين سي، النياسيناميد، وحمض الكوجيك تساعد في تفتيح وتصحيح لون البشرة. يمكنك استخدام سيروم يحتوي على فيتامين سي في الصباح، ومنتجات تحتوي على النياسيناميد في المساء. لكن يُفضل استشارة مختصين قبل استخدام أي منتج لتجنب الحساسية. تقشير البشرة بانتظام: التقشير يزيل الخلايا الميتة ويجدد البشرة، استخدمي مقشر لطيف 1-2 مرة أسبوعيًا. تجنبي التقشير القوي الذي قد يتسبب في تهيج. نمط حياة صحي: النوم الكافي، شرب الماء بكثرة، وتناول غذاء صحي غني بالفواكه والخضروات. تجنبي التوتر قدر الإمكان، لأنه يؤثر على صحة الجلد. استشارة طبيب جلدية متخصص: طالما زرتِ عدة أطباء ولم تحصلي على نتيجة مرضية، قد تحتاجين إلى تقييم أكثر تخصصًا أو حتى جلسات علاجية مثل تقشير كميائي أو تقنيات الليزر تحت إشراف طبي. تذكري: تفتيح البشرة أو توحيد لونها هو أمر نسبي ويختلف من شخص لآخر حسب طبيعة الجلد والجينات. الأهم هو العناية المستمرة للحفاظ على صحة بشرتك وشبابها. إذا أحببتِ، يمكنك زيارة صفحة خبراء الجلدية في موقع فدني للحصول على استشارات متخصصة تناسب حالتك بشكل مباشر: https://www.fedni.net/experts هل تحبين أن أساعدك بوضع روتين يومي مخصص لبشرتك؟ فقط أخبريني عن نوع بشرتك (دهنية، جافة، مختلطة، حساسة) وأي مشاكل محددة تعانين منها. أنا هنا لدعمك! 💖
تم النشر الأربعاء، ٩ يوليو ٢٠٢٥
قمحي
تم النشر الأربعاء، ٩ يوليو ٢٠٢٥
هو انتي بشرتك لونها اي
تم النشر الأربعاء، ٩ يوليو ٢٠٢٥
لو عاوزة تنزلي سؤال جديد فلازم تكتبي إجابة مش تعليق فيه فرق... شوفي سؤال تعرفي تجاوبي عليه واكتبي إجابة مفيدة ومش أي كلام لمجرد تنزيل السؤال عشان ده ممكن يعرضك للحظر، وخدي بالك برضه إن متكرريش سؤال أو مشكلة طرحتيهم قبل كده عشان ده ممنوع.
تم النشر الأربعاء، ٩ يوليو ٢٠٢٥
تمام جزاكي الله كل خير
تم النشر الأربعاء، ٩ يوليو ٢٠٢٥
والله مش عارفه انا منزلتش ولا منشور قبل كده
تم النشر الأربعاء، ٩ يوليو ٢٠٢٥
ممكن اعرف ليه كل ما اعمل منشور تاني مش راضي ليه انا بعمل تعليقات لكن برضو مش عايز ينزل منشور
تم النشر الأربعاء، ٩ يوليو ٢٠٢٥
انا بستخدم غسول alejon oliy skin cleanser لونه اخضر هو مخصص للبشره الدهنيه و المخطلته قوامه فوم وخفيف غني بحمض الساليسيليك والجليكوليك وزيت شجرة الشاي، ليقشر بلطف، يقلل الدهون، ويقاوم الرؤوس السوداء والبيضاء . استخدميه مرتين يوميًا (صباحًا ومساءً). بعده: مرطّب + واقي شمس SPF 50+ يوميًا. مرطب Moist‑1 (الاسم المكتوب أيضًا "مويست وان" أو "Moist 1"): يُستخدم لترطيب الجلد بعمق، إصلاح الحاجز الطبيعي، وتهدئة التهيّجات والالتهابات، كما يصلح للإكزيما والتشققات .مناسب لترطيب يومي، خاصة للبشرة الجافة أو بعد تقشير. خالي من مواد المهيجة قوي جدا على البشرة في الصيف ف استخدمي كميه صغيره بس تحفه جدا في الشتاء + استخدمي بعده واقي الشمس و البسي كاب 🧢 علشان تتجنبي اشعه الشمس اعملي ماسكات طبيعية (مرتين في الأسبوع): ماسك الزبادي مع العسل والليمون (لو بشرتك مش حساسة). ماسك الخيار المبشور مع جل الصبار (يرطب ويفتح). ماسك النشا وماء الورد. + اشربي ميه كفايه . انا بطلت احط واقي شمس ☀ من سنه من لما لبست النقاب ف معنديش نوع واقي شمس كنت قولتلك عليه + انا نسيت اسألك نوع بشرتك ايه 🙂 اديتك المعلومات على حسب نوع بشرتي
تم النشر الأربعاء، ٩ يوليو ٢٠٢٥
تمام شكرا جدا ليكي
تم النشر الأربعاء، ٩ يوليو ٢٠٢٥
طيب لحظه اكتبلك الحجات اللي انا بستخدمها لان نفس لون بشرتي
تم النشر الأربعاء، ٩ يوليو ٢٠٢٥
لان بحس مبيعملش حاجة
تم النشر الأربعاء، ٩ يوليو ٢٠٢٥
مش منتظمة اوي
تم النشر الأربعاء، ٩ يوليو ٢٠٢٥
بتحطي واقي شمس
تم النشر الأربعاء، ٩ يوليو ٢٠٢٥
طب ممكن توجهيني اعمل اي
تم النشر الأربعاء، ٩ يوليو ٢٠٢٥
ده من الشمس
تم النشر الأربعاء، ٩ يوليو ٢٠٢٥
هو جسمي قمحي لكن وشي تحسيه غامق قوي فاهماني
تم النشر الأربعاء، ٩ يوليو ٢٠٢٥
طيب لون بشرتك حلو ليه عايزه تغيريه .
تم النشر الأربعاء، ٩ يوليو ٢٠٢٥
لعرض السؤال في فدني اضغط هنا