كيف أتعامل مع خطيبي في هذه المشكلة من التجاهل وعدم الفهم؟

Question

السلام عليكم ورحمة الله انا عندي 19 سنه انخطبت وخطيبي في بداية العلاقه كان بيحاول بكل الطرق عشان يخليني احبه ولما كان بيقولي انه بيحبني كنت برد عليه بقلب ❤ ومش بقول نفس الكلمه ومع الوقت قالي انتي ليه تقيله ما فهمت الكلمه وبعدين وضح ليا انه لما بيقولي كلام حلو انا مش برد قلت له اني مش بحب لسه ومستنيه اني أتأكد من مشاعري واقوله لان انا مش عاوزه اكدب عليه في اي حاجه رد عليا ببرود وبعدين قعد يوم من غير ما يتكلم معايا في اليوم ده انا كنت فعلاً بفكر فيه لاني اتعودت على وجوده بس انا عارفه اني مش بحبه لسه رجع اتكلم معايا تاني يوم عادي وبعديها بأربع ايام قلت له اني بحبه وقعدت شهر بيتكلم معايا حلو جداً مهتم بيا ودايما كل يوم يسأل لا انكر ان هوا اللى دايما بيسال وهو اكتر شخص بيفتح مواضيع بس الفتره دي بقيت انا اللي بعمل كده كنت لما اقوله بحبك او حبيبي ما يرد عليا ويتكلم عادي على الرغم من انه الاول كان بيتمنى اني بس اقوله هذا الكلام اتصرفت بذكاء ما قلت اني زعلانه او مضايقه بالعكس خليته كل ما يقول لي كلام حلو ما ارد واتكلم عادي لحد ما قالي انتي لي مش بتقول ليا نفس الشي انا بقيت احس ان حبي من طرف واحد ما قلت له اني عملت كده عشان هو عمل معايا نفس الشي بس قلت طلما اضايق مش هيعمل كده تاني اهتم بيا في هذا اليوم واتكلم معايا كتير وبعدين تاني يوم رجع زي ما كان وحاليا بيتجاهلني وانا بعمل نفس الشي ومش بقوله كنت فين ولا هذا الكلام الفتره دي انا عارفه انه بياخد منوم لانه اجازه من الشغل وتعبان وبعت ليا اكتر من ريكورد من اخوه انه كان نايم واخواته رنوا عليه اكتر من مره وهو مش بيرد عشان نايم تمام انا قلت له اني مصدقه كلامه ومش محتاجه انه يثبت ليا بس هو اللي كان بيحاول ياكد كلامه وانا متاكده انه كان نايم لان بنت خالتي عايشه في نفس البيت وغير ده كله انا بجد بثق فيه حاليا او اقصد امبارح قالي انه راح يحاول يظبط الجدول وكان بيحاول يعرف الوقت اللي انا فاضيه فيه بس انا رديت باني معرفش وان فعلاً معرفش المهم هو حاليا بيتجاهلني ولا انا اللي ظلمه ولا هو فعلاً بيتجاهلني عشان كده مش بيرد عليا على طول او زي الاول او لما ببعت رسايل لي مش بيقرأها كلها بعرف منين؟ هو اللي بيسألني وانا بقوله اني كاتبة بس اقرأ الرسايل كلها اللي فوق بقيت بحس انه مش مهتم وانا مش بعرف اهتم بحد مش مهتم بيا انا بقيت مش فاهمه نفسي ولا عارفه افهمه ممكن حد يوضح ليا الموضوع

Accepted Answer

وعليكم السلام ورحمه الله وبركاته. هو الأفضل انك يعني تعملي اللي انت كنت بتعمليه في الاول احنا مش محتاجين ان احنا يعني نعيش في فتره الخطوبه الشكل ده من المشاعر خالص حتى لو موجوده جوانا مش محتاجين ان احنا نقعد نستهلكها ونتكلم بيها كتير بالشكل ده وحتى لو اتكلمنا فم من المفترض ان احنا كل يوم نقول انا بحبك انا بحبك يعني مش هو ده الاثبات للمشاعر خالص وحتى شكل الاهتمام أو شكل التقارب او الطريقه اللي احنا بنبين بيها ان احنا مهتمين او ما بنستغناش عن بعض مش بالضروره انها تكون شيء متكرر ومفيش يوم يعني ما بيحصلش فيه الكلام ده وارد جدا انه يجي يوم ويكون يوم مشغول عند اي طرف من الاثنين ويريد ان يجي اسبوع وتكون في حدث ثاني في الحياه واخذ الوقت والجهد ومفيش وقت اصلا نتكلم فيه اكثر من خمس عشر دقائق يعني ما زلتم عندكم حياتين منفصلتين فمش محتاجين نركز التركيز الكبير ده ولا نقعد نحلل بالشكل ده ولا نقول نتصرف ازاي لانه ده مش المطلوب في فتره الخطوبه احنا محتاجين نستثمر الوقت ده ان احنا نقدر نشوف احنا الاثنين هنقدر نتعامل في الحياه بطريقه تخليكي توافق ما بيننا وقادرين نخلي البيت عايش بشكل مستقر ولا لا احنا الاثنين افكارنا قادره تتناغم مع بعض ولا لا احلامنا في الحياه طريقتنا في التعامل مع الاجتماعيات ومع تربيه الاطفال ومع الظروف والمحن يعني محتاجين نقعد نتكلم في الكلام ده ونختبر الحاجات دي ونشوف المواقف اللي بتمر بينا احنا الاثنين هل احنا الاثنين هنقدر نتعامل بها واحنا في بيت واحد ولا لا لكن حبيبتي مش محتاجه انك تستثمري فتره الخطوبه بالشكل ده ولا تتعمقي في الامور دي دلوقتي خالص.

Answer

وعليكم السلام ورحمة الله وبركاته ، شوفي حبيبتي بنصحك تبعدي عن هاد التفكير والتصرفات(تجاهل وعدم وضوح بالعلاقة) بالنهاية هو خطيبك، والعلاقة رسمية والمفروض تكون ناضجة... كوني متوازنة مش ثقيلة كتير ومش العكس... ما بدنا تحليلات، خليكو صريحين مع بعض، وكل اشي واضح،،، اذا في مشكلة ما تخلو يمرق عليها اكثر من يوم عشان ما يصير في تراكمات... وبلا الشك الزايد لانه بيخرب العلاقة... ( وبالنهاية بدي انبه على شغلة انه كل الكلام هاد بأمور الحب والغزل ما بصير اذا انتو مش كاتبين كتابكو حتى لو طلبك من اهلك)

Answer

لازم العلاقة بين الخاطب والمخطوبه تكون علاقة صريحة وتكون سطحية من غير كلام حب لازم تكون علاقة ترضي ربنا ونصيحة بلاش الند بالند في المشاكل لأن ده يخلي الخاطب أو الزوج يكره الانسانه المرتبط بيها

كيف أتعامل مع خطيبي في هذه المشكلة من التجاهل وعدم الفهم؟

اجتماعية

علاقات

سؤال من احد أعضاء فدني

تم النشر الثلاثاء، ٢٦ أغسطس ٢٠٢٥

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك