السلام عليكم ورحمه الله وبركاته 🤍
انا عندي هشاشة نفسية كبيرة يعني بتاثر من اي حاجة وبعيط بسرعه وكمان فاقدة الثقة بنفسي ومش شايفة نفسي كويسة وشخصيتي ضعيفة اعمل اية علشان اخلي شخصيتي قوية وعندي حب لذاتِ
السلام عليكم.انتي فقدان الثقه اي منبعه جلد ذات ولا اشخاص بتقلل منك ولا ذنب او معصيه ولا مقارنات ولا من غير سبب ،المهم كان في حاجه بعملها زمان حلوه اوي اول ما مخي يقولي انت فاشل او في فتره انتكاس وكنت بقول لنفسي كام جمله بصوت مسموع زي انا ناجح هقوم تاني انا شاطر مره مع مره بقيت متصالح مع نفسي بفضل الله وبحبني ،ولو كان من اشخاص بتقلل منك جبللك الشعور دا حاول تلغي الناس دي لو امكن ولو لازم تبقي الناس دي فحياتك نفضي لكلامهم وحاولي تعملي مهمه صغيره وتكافي نفسك عليها +موضوع العياط حلو بيريح ولما تعيطي ادخلي اتوضي واشكي لربنا وقت ضعف وحزن الإنسان دا احسن وقت يدعي ربه ،وفي ناس بتتمني انها تعيط لما تزعل بدل الكتمه بس مش بتعرف بس حاولي متعيطيش قدام حد لو قدرتي وفي كتاب حلو اوي لدكتور عماد رشاد عثمان كتاب (الجلاد تحت جلدي ) وي الكتابه حلوه اوي في نوته مثلا او تطبيق اكتبي مميزاتك او لو موقف حلو عملتيه اكتبي وابقا اقرا مميزاتك كل فتره لان الدماغ سعات بتسوحنا وي تطلع كل عيوبنا بس وتنسينا مميزاتنا
تم النشر السبت، ٢٣ مايو ٢٠٢٦
وعليكم السلام ورحمة الله وبركاته 🤍 اللي بتمري بيه طبيعي أكثر مما تتخيلي، والهشاشة النفسية مش معناها إنك ضعيفة، أحيانًا بتكون نتيجة تراكم ضغط وتفكير وكلام سلبي عن نفسك مع الوقت. أول خطوة عشان شخصيتك تقوى هي إنك تبطلي تهيني نفسك بينك وبين نفسك، لأن الإنسان يصدق الكلام اللي يكرره على نفسه. حاولي تبدأي بالتدريج: ما تعلقي قيمتك على رأي الناس. واجهي الأشياء اللي تخوفك بدل الهروب منها حتى لو بخطوات صغيرة. اهتمي بنفسك ونومك وصحتك لأن النفسية تتأثر جدًا بالجسد. اكتبي أي شيء تحبيه في نفسك حتى لو كان بسيط. اختلطي بالناس اللي يرفعوك مو اللي يحسسوك بالنقص. وحب الذات مو غرور، حب الذات إنك تعاملي نفسك بلطف وتحترميها حتى وقت ضعفك. الشخصية القوية ما تنولد بيوم وليلة، هي تُبنى بالمواقف والصبر والتجربة 🤍
تم النشر الثلاثاء، ٢٦ مايو ٢٠٢٦
وعليكم السلام ورحمة الله وبركاته 🤍 أفهم تمامًا شعورك بالهشاشة النفسية وقلة الثقة، وهذا أمر شائع ويمكن تغييره بخطوات عملية. لتقوية شخصيتك وبناء حب الذات، ابدئي بهذه النصائح: حددي أهدافًا يومية صغيرة (مثل إكمال مهمة بسيطة) وحققيها لتشعري بالإنجاز تدريجيًا. مارسي الحديث الإيجابي مع نفسك: اكتبي 3 نقاط قوة فيكِ كل يوم، وتذكري أن قيمتك من الله وليست من آراء الآخرين. تعلمي مهارة جديدة أو اقرئي كتبًا عن تطوير الذات لتعززي إحساسك بالقدرة. ابتعدي عن المقارنات وركزي على تقدمك الشخصي. هذه الخطوات ستساعدك على الشعور بالقوة مع الوقت. ابحثي عن أسئلة مشابهة في فدني لمزيد من الإجابات، وإذا احتجتِ دعمًا متخصصًا يمكنك زيارة صفحة الخبراء: https://www.fedni.net/experts. أنتِ قادرة على التغيير، وأنا هنا لدعمك! 💪
تم النشر الجمعة، ٢٢ مايو ٢٠٢٦
حاضر باذن الله. ربنا يوفقك يا رب إن شاء الله خير
تم النشر الأحد، ٢٤ مايو ٢٠٢٦
الشكر لله ، برى والديكى وقوى علاقتك مع الله وادعيلى علشان أنا تالتة ثانوي ازهر وامتحاناتى بعد العيد 🙂
تم النشر الأحد، ٢٤ مايو ٢٠٢٦
اخلص لله بالطاعات
تم النشر الاثنين، ٢٥ مايو ٢٠٢٦
@Abdullah شكرا جزاك الله خيرا
تم النشر الأحد، ٢٤ مايو ٢٠٢٦
اوقات الأهل بيقولوا حجات ممكن بيقولوها بهزر أو اللى هوا ايه مش بجد يعنى بس احنا اللى بناخدها جد وبناخدها على صدرنا كمان مع اننا لو كبرنا دماغنا هنريحهم وهنريح نفسنا كمان ونكبر دماغنا مش يعنى نتنشهم يعنى نكون عاقلين اكتر بحيث أننا نعرف كلامهم دا فعلا جد ولا مش جد أنا بالمناسبة 18 سنة ، وبراڤو عليكى بصراحة انك واخدة بالك من نفسك وعاوزة تغيرى من نفسك للأحسن
تم النشر الأحد، ٢٤ مايو ٢٠٢٦
@Abdullah اهلي مش متقبلين الحاجة دي وبلاقي تعليقات سلبية كتير زي انت نكدية او اية التصرفات الطفولية دي اللي في سنك متزوجين ومعاهم عيال مع اني عندي ١٦سنه فخلاص تعبت عاوزة اغير من نفسي مش اكتر
تم النشر الأحد، ٢٤ مايو ٢٠٢٦
@Hosny Basha 💫 بصراحه مش احسن حاجه وفي نفس الوقت مش اسوء حاجة يعني الحمد لله بصلي بحاول احفظ قران الفترة دي وبحاول اصلي نوافل واقراء قران قدر المستطاع بس اكيد مقصرة كتير ربنا يهديني ويهدينا جميعا يارب اللهم امين
تم النشر الأحد، ٢٤ مايو ٢٠٢٦
ايه فكرتك عن الشخصية القوية هل هى الشخصية اللى مبتتأثرش ولا عندها مشاعر ما اللى انتى بتقوليه دا حاجة تدل على إنسانيتك مش حاجه وحشة للدرجه يعنى لكن وزى ما الأستاذ كان بيسأل علاقتك مع الله هى حل كل مشكلة اى يكن ايه نوع المشكلة
تم النشر السبت، ٢٣ مايو ٢٠٢٦
اي اخبار علاقتك مع ربنا ؟
تم النشر الجمعة، ٢٢ مايو ٢٠٢٦
لعرض السؤال في فدني اضغط هنا