السلام عليكم ورحمة الله وبركاتة.
انا وامي دايما خناق علي اتفه الأسباب وهي عصبيه وانا عصبيه فمش بقدر وبرد عليها هي دايما شايفاني وحشه مش زي باقي البنات بتقعد تقارني بالبنات وتقولي دي عملت كذا وكذا وبتعامل اخواتها كويس كله دا علشان لو طلبت مني حاجة وبكون مش فاضيه واقولها بعدين بتقعد تزعق والله لما بكون فاضيه بعمل معاها كل حاجة واي حاجة تقولي عليها
وعمرها ما قالت قدام حد اني بعمل حاجة كويسة دايما مطلعاني انا الوحشه في كل حاجة غير كدا بتدعي عليا دايما ربنا ياخدني وادعيه كتير مش حلوه وانا مش بستحمل وبنهار
اقسم بالله انا بقى عندي حاله نفسيه منها وكمان لما اعمل حاجة كويسه تقعد تتريق وتقولي من امتى دا تخليني معملش الحاجه دي تاني انا حاسه اني العيب مني لان مثلا بزعق لي اخواتي وكدا بس انا والله بزعق بس لما يعملو حاجة غلط لان مش عاوزاهم يطلعو وحشين ومتعودين علي حاجات غلط
السلام عليكم، اولا، ربنا يصلح أحوالكم ويقرب ما بينكم. مشكلتك منتشرة جدا وبنات كتير هنا على التطبيق اشتكت من نفس المشكلة دي مع الاهل وبالأخص الأم. (ممكن تبحثي هتلاقي الأسئلة وعليها نصائح مفيدة) ** طبيعي في اي مشكلة بين طرفين (مش بس أم وبنتها) لو الاتنين متعصبين وبيتنرفزوا على بعض سوء الفهم هيكبر والمشكلة هتتعقد. حاولي تختاري وقت هادي وتكلمي والدتك فيه وتشرحي زي ما كتبتِ في مشكلتك هنا ومن غير أسلوب اتهامي عشان متتعصبش عليك كنوع من الدفاع عن نفسها ولو اتنرفزت حافظي على هدوئك أنتِ وانسحبي من الحوار بأدب لو لقيتِ مفيش نتيجة. *** كويس إنك خايفة على إخواتك لكن العصبية والزعيق فيهم مش هو اللي هيعلمهم، بالعكس هيعمل فجوة بينكم وممكن يكرههم فيكِ. أنتِ نفسك بتزعلي من زعيق مامتك وتعديلها على تصرفاتك في حين إنها هتلاقيها بتفكر بنفس تفكيرك إنها بتزعق لك عشان مصلحتك وعشان عاوزاكِ تسمعي الكلام. *** فأسلوبها الصعب من زاويتك أنتِ مضايقك وعامل فجوة بينكم بينما من زاويتها هي هيكون توجيه وتربية. إخواتك حاولي تدربي نفسك تنصحيهم بهدوء ومن غير عصبية واشتغلي على نفسك أنتِ بحيث تكوني قدوة من غير كلام. لو أصغر سنا، فالأطفال بيقلدوا اللي بيشوفوه من الكبار والأفعال أقوى تأثيرا من الكلمات. *** وزي ما نصحتك فاطم في ردها، خلي شغلك وتعاملاتك معها ومع أخوتك ومع الناس عموما تكون لوجه الله عشان أي حاجة مبذولة لوجه الله مش هتضيع عكس ما تلاقي مفيش تقدير من الناس اللي بتبتغي رضاهم فتحسي تعبك راح هدر وتحسي بخذلان. ** ركزي بقى على حياتك ودراستك وتطوير نفسك وإنك تكوني كل يوم أفضل من اللي قبله ده هينعكس على ثقتك بنفسك ويتعاملاتك مع اللي حولك ومع الوقت هتتحسن علاقاتك وهتعرفي تخليها متوازنة وكمان شغلك على نفسك وإحساسك بالإنجاز والثبات النفسي هيقلل عصبيتك فهتعرفي تتعاملي صح في المواقف اللي بتقابلك. ** وقربي من ربنا وادعيه دايما يصلح احوالكم ويقربكم من بعض. بالتوفيق.💚
تم النشر الاثنين، ٢٩ يونيو ٢٠٢٦
وعليكم السلام ورحمة الله وبركاته. أولاً، أشعر بكِ بشدة وأقدر مدى الضغط النفسي اللي بتمرين بيه. علاقتك بأمك مليانة توتر ومقارنات مستمرة، وده بيخليكِ تحسين إنكِ "الوحشة" دايماً، وده شيء مؤلم جداً خاصة لما تكوني بتعملي جهد وما بيتقدرش. كمان إحساسك بالمسؤولية تجاه أخواتك طبيعي، لكن الطريقة اللي بتتعاملي بيها معاهم بتزود الضغط عليكِ. من منظور إسلامي، بر الوالدين واجب وله أجر كبير، لكن ده ما يعنيش إنكِ تتحملي إهانة أو دعاء سلبي يؤذي نفسيتك. حاولي تتذكري أن أمكِ قد تكون تحت ضغوط أو تربية قديمة بتخليها تقارن وتزعق، وده مش مبرر لكن ممكن يساعدكِ تفهمي السياق. ابدئي بخطوات عملية: لما تطلب منكِ حاجة وأنتِ مش فاضية، قولي لها بهدوء "حاضر يا ماما، هعملها بعد ما أخلص اللي بإيدي دلوقتي عشان أركز فيها كويس"، وده يقلل الزعيق. كمان، لما تعملي حاجة كويسة وتتريق، ردي بهدوء "أنا بحاول أحسن، ولو عندك نصيحة أفضل أسمعها"، عشان تحولي الحوار لإيجابي بدل الدفاع. بالنسبة لأخواتك، بدل الزعيق لما يغلطوا، جربي تشرحي لهم السبب بهدوء وتعطيهم بدائل، زي "لو عملتوا كده هيحصل كذا، تعالوا نجرب طريقة أحسن". ده هيخليهم يتعلموا بدون ما يحسوا إنكِ "وحشة"، ويقلل شعورك بالذنب. أما عن حالتك النفسية، خصصي وقت يومي لنفسكِ حتى لو ١٥ دقيقة، سواء بقراءة قرآن أو كتابة مشاعرك في مذكرة عشان تفرغي الضغط. ادعي لنفسكِ ولأمكِ بالهداية والصبر، ولو استمر الوضع مؤثر على صحتكِ، فكري في استشارة متخصص نفسي إسلامي التوجه. أنتِ مش العيب، والعلاقات دي بتحتاج وقت وصبر من الطرفين. جربي الخطوات دي تدريجياً ولاحظي التحسن. لو عايزة تفاصيل أكتر أو أمثلة، قوليلي. وممكن تبحثي عن أسئلة مشابهة على فدني عشان تشوفي تجارب أخرى.
تم النشر الاثنين، ٢٩ يونيو ٢٠٢٦
وخيرًا جزاكِ الله الله يعينك اللهم آمين ويهدينا جميعًا كلنا مقصرين والله وبنحاول🌺
تم النشر الاثنين، ٢٩ يونيو ٢٠٢٦
جزاكِ الله خير الجزاء كلامك جميل اوي بجد هحاول اعمله وادعيلي ربنا يهديني ويهديها
تم النشر الاثنين، ٢٩ يونيو ٢٠٢٦
وعليكم السلام ورحمة الله وبركاته 🌺 أولًا: أنا مش هقولك حاجة عن البر عشان من كلامك إنك عارفة المشكلة وعايزة حل وكمان ما شاء الله اللهم بارك واضـح واعية وفاهمة أدق التفاصيل.🌺 هكلمك عن حاجة تاني ( العصبية) أنتِ عصبية ووالدتك عصبية، يبقى أنتِ عارفة مش هقولك ما تتعصبيش وخليكِ قوية لأ أنا هقولك حاجة أفضل من هقولك أن في أحاديث نبوية وآية قرآنية أثبتت إن القوي هو الـ بيعرف يكظم غيظة ويتحمل ليييه أجر مضاعف، وثواب! طيب أنتِ بتحاولي ومن كلامك ضميرك تاعبك وعايزة تكوني أفضل إبنة، بس والدتك مش مساعدكِ صح؟ هقولك الحل الأفضل ودي عن تجربة ليا كـ فاطم بس هي مضحكة شوية..😅 عاملي أمك كأنها (خالتك) أو عمتك أنتِ أختاري أو صديقتك؟؟ تمام أخترتي تعالي نبدأ الرحلة ومن هنا رحلة الوعي بالنفس... أول ما تعاملي أمك زي خالتك عمرك ما هتتعصبي عليها أول حاجة خففي ثقف طموحتك بمعنى أن أمك مش هتشكر على حاجة وأعتبري دا العادي لو شكرتك وقالتلك حاجة دي إستتثتاء مش ديمًا! يبقى من هنا هتبدأي تعملي كل حاجة لله في البيت مش لأي حد والجزاء عند الله...متنظريش لا كلمة ولا مدح! أنا عارفة كلنا بنكون عايزين دعم ومدح وكلام حلو وشكر وثناء، بس عشان نفسيتك تكون مرتاحة 😌 قولي دا لله مش لحد وإنك مش مستنية شــكر الحاجة الأخيرة أنتِ شوفي مسؤوليات البيت وأخواتك والحاجات الـ عليكِ أعمليها! وتذكري ديمًا العصبي هو الخسران ديمًا وأنتِ مش مستفيدة حاجة من العصبية غير حرقت الدم أختاري سلامتك النفسية ومع نفسك عالجي الحاجات دي..وقت العصبية أقعدي قومي روحي اوضتك المهم ما تسبيش نفسك تتعصب أذكري الله.. خيركم خيركم لـ اهله، أهلنا أحق بكل معاملة كويسة وكلمة طيب وحب وعطاء وأنتِ فيكِ خير كبير 🌺
تم النشر الاثنين، ٢٩ يونيو ٢٠٢٦
لعرض السؤال في فدني اضغط هنا