محتاجه حل للتسويف
انا تالته ثانوي وكل شويه بقول بكره هعمل وهعمل، ومش بعمل حاجه خالص
السلام عليكم، التسويف بيجي من الضغط وإحساسك إن المذاكرة هم كبير ومسؤولية لازم تقومي بها. فالحل إنك تبرمجي دماغك تجاه المذاكرة وتبطلي تفكير في ضغط الثانوية وتوقعات الأهل ومخاوف الامتحان والنتيجة. قسمي المذاكرة لجلسات قصيرة بينها فترات راحة، لو كل مرة هتبدئي مذاكرة هتفكري إن يااااه لسه هقعد كم ساعة عشان أذاكر هتلاقي نفسك بتسوفي وتتهربي منها، لكن لما تفهمي نفسك إنك بس هتقعدي كم دقيقة تسمعي الشرح الفلاني ولا تقرأي صفحة واحدة أو تحلي كم مسألة هيبقى الموضوع أسهل والتسويف هيقل. امشي بخطوات صغيرة أفضل من إنك تفضلي واقفة مكانك وبتأجلي لبكرة على أمل يكون عندك شغف. لا تعتمدي أصلا على الشغف ولا على وجود حد يحفزك على المذاكرة، الشغف مش بيجي لوحده ولازم أنتِ اللي تاخدي الخطوة حتى لو صغيرة، بعد كده ومع الاستمرارية على الخطوات الصغيرة هتلاقي نفسك بتندمجي أكتر والمذاكرة هتتحول لعادة يومية. جربي كده وبالتوفيق إن شاء الله. 💚💚
تم النشر السبت، ٢٤ أكتوبر ٢٠٢٦
أنا فاهمة تمامًا شعورك يا حبيبتي، التسويف ده بيحصل كتير مع طالبات الثانوية العامة بسبب الضغط والخوف من الفشل أو حتى الإرهاق النفسي. المهم إنك مش لوحدك، وفيه طرق عملية تقدري تطبقيها عشان تكسري الدائرة دي تدريجيًا. ابدئي بخطوات صغيرة جدًا عشان ما تحسيش بالعبء. مثلاً، قولي لنفسك "هذاكر ١٥ دقيقة بس دلوقتي"، وبعد الـ١٥ دقيقة غالبًا هتكملي لأن البداية هي الأصعب. حددي جدول يومي واقعي فيه أوقات محددة للمذاكرة وأوقات راحة، واستخدمي تقنية زي "ابدئي بالمادة اللي بتحبيها عشان تكتسبي زخم". كمان، أزيلي المشتتات زي الموبايل بوضعه في مكان بعيد أو استخدام تطبيقات بسيطة للحظر أثناء الدراسة. من الناحية النفسية، حاولي تفهمي السبب ورا التسويف – هل هو خوف من الامتحانات؟ أو إحساس بالإرهاق؟ اكتبي أهدافك اليومية في ورقة صغيرة وكافئي نفسك بعد كل إنجاز، حتى لو كان بسيط زي شرب شاي مفضل. وتذكري إن الاستمرارية أفضل من الكمال، والدعاء والتوكل على الله بيساعدوا كتير في بناء الإرادة. لو عايزة أفكار إضافية، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتتغلبي على ده خطوة بخطوة!
تم النشر السبت، ٢٤ أكتوبر ٢٠٢٦
امسحي المشتات و لازم تحطي هدف قدام و حرفيا أمشي بمبدأ ارمي نفسك يعني سواء ليكي نفس او ملكيش نفسك للمذاكرة خليك قاعدة قدام الكتاب بعيد عن المشتات و هاتي حاجات سهلة بحيث انها تجرك في المذاكرة و في ابلكيشن انا كنت بستخدمة ايام ثانوية عامة اسمع Focus to do فيه جروبات بتارجت كل أسبوع مين ذاكر اكتر واحد اعتقد دا ممكن يكون حافز ليكي لما تشوفي ال حواليكي بيعافر بس لازم معافرتك تكون لسبب وليس الا و بالتوفيق
تم النشر الاثنين، ٢٦ أكتوبر ٢٠٢٦
وما توفيقي إلا بالله طبعا.. اطلبي العون من الله
تم النشر الاثنين، ٢٦ أكتوبر ٢٠٢٦
ادي الفون بتاعك لحد يشيله.. وابعدي اي مسليات عنك... حاولي تكوني قاسيه على نفسك شويه.. تخيلي نفسك لو مجبتيش درجه.. الموضوع هيوجع اوي والله لدرجه انتي مش متخيلاها.. اسألي حد مجرب.. ف الاخر انتي الي بتخسري
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا