بصى يا اختى باب التوبه مفتوح لو انتى فعلا ندمانه ع الى عملتيه اكيد ربنا هيقبلك وبالنسبه لكونك محستيش بالذنب وحسيتى براحه نفسيه فدا مش منك دا بيكون شيطان بيزينلك المعصيه عشان تشوفيها حلوه لان مفيش حد بيعمل معصيه وهو شايف انها وحشه والا مكنش هيعملها دا لإن الشيطان بيخلى شكل المعصيه الخارجى حلو عشان تقربيله وبالنسبه لكلام صحبتك فدا غلط جدا وملهوش اى اصل من الدين وكما قال النبى فى معنى الحديث ان كاتب الحسنات رقيب على كاتب السيئات زى مدير عليه فاول م الواحد يعمل حسنه بيجرى يكتبها وأول ما يعمل سيئه بيقول لكاتب السئات اصبر لعله يتوب لحد ما فى الاخر خااالص يقوله اكتبها ارحنا منه ولو تبتى السيئه بتتمسح على عكس الحسنه الى لو عملتى حاجه مش كويسه مبتتمسحش لإن ربنا بييسرعلى عباده وربنا عاوزنا كلنا ندخل الجنه فبيسهل الحسنات يعنى مخلى الحسنه بعشر امثالها الى سبعمائة ضعف انما السيئه وحده بس ومخلى الحسنات بتشيل السيئات زى ما قال ف الايه ان الحسنات يذهبن السيئات ومخلاش السيئه تشيل الحسنه وحابب افكرك بحديث النبى كل ابن ادم خطاء وخير الخطائون التوابون محدش فينا مبيغلطش غير الأنبياء بس الى بيتوب هو الى بيبقا كويس وربنا بحبه زى ما قال فى القران إن الله يحب التوابين ويحب المتطهرين وكون ان انتى تبحثى وتسألى ف شيء زى دا معناه ان قلبك لسه كويس وفيه خير
لعرض الإجابة في فدني اضغط هنا