سلام عليكم حاسس اني بتعصب بسرعه وان ايدي فيها رعشه بسيطه وبتزيد اكتر لما بتعصب وعلي طول اعصابي مشدوده مع اني بصلي وعاوز اخلص كل حاجه بسرعه متسربع انا مش فاهم نفسي ابقي هادي
اولا محتاج تحدد الاول ايه اللي بيعصبك و بيخليك سريع الانفعال (موقف - شعور -افكار) امتى بدأت تلاحظ انك بتتعصب بسرعة؟ هل في اي تناول لعلاجات دوائية خلال الفترة ديه؟ هل نومك منتظم ولا غير منتظم؟ هل في اي ضغط نفسي او اي شئ مسببلك ضغط الفترة ديه؟ هل العصبية ديه في جميع المواقف ولا مواقف معينة؟ رعشة الايد امتى بتظهر(قبل -اثناء-بعد) الموقف ورد الفعل؟ بتستمر اد ايه وقت؟ ايه الاحساس اللي بيكون عندك وقتها ؟ وازاي تبقى اهدى؟ كمان من الحاجات المهمة اللي هتساعدك هي تمارين التنفس بتكنيك معين / تاخد نفس في 4 عدات تحبس النفس في 2 عدة تطلع النفس في 6 عدات اكتب ايه اللي حسيته قبل التمرين وأثناء التمرين وبعد التمرين ؟ التمرين ده كرره من 3 الي 5 مرات وفي كل مرة سجل ملاحظاتك . كمان مهم جدا عملية تفريغ المشاعر عن طريق الكتابة يعني/ اكتب الموقف.. وايه اللي حسيته ؟ وليه حسيت بكدة؟ وايه اللي ممكن لو الوقت رجع بك تغيره في ردود أفعالك؟ ونتيجة رد الفعل ده ؟ وازاي ممكن تغيره؟. وتغيره لايه ؟
تم النشر الأحد، ١ فبراير ٢٠٢٦
لعرض السؤال في فدني اضغط هنا