Esraa Amr

أولاً بعتذرلك عن التأخير في الرد .. ثانياً بشكرك جدا انك شاركتيني مشكلتك ..🙏🏻 ثالثاً بالنسبة لمشكلتك فأنتي كل اللي محتاجه تبصي لنفسك من زاوية تانية تشوفي ايه مميزاتك وتحبيها وتتقبلي اي شئ انتي رفضاه في شخصيتك وتسعي لتحسينه لأن الخطوة ديه مهمة جدا في بناء علاقات صحية سواء علاقتك بنفسك أو بالآخرين والشئ الأهم أن العلاقات بتكون مرايا لينا بتعكس كل حاجة حلوة احنا بنشوفها في نفسنا و بتعكس كل حاجة احنا مش متقبلنا ولكن مش المقصود انها تكون حكم نهائي لكن المقصود بيها يخليكي تشوفي ايه اللي انتي محتاجة تقويه في شخصيتك وانطباعك عن نفسك .. وبالنسبة لنقطة انك عملت سيرش ولقيتي إنك بتتطابقي مع سمات الإرهاب الاجتماعي فعلمياّ وعملياً ده مش صح انك تشخصي نفسك لأن لابد من وجود التشخيص الإكلينيكي تحت إشراف طبيب ولو عملتي اي سيرش عن أي سمات هتلاقيها موجودة عندك وده ممكن يدخلك في نوبات غضب وضغط واكتئاب لأن كلنا عندنا جميع السمات للاضطرابات النفسية ولكن بتختلف في ترددها وطريقة تعامل الشخص معاها وده اللي بيحدده مدى وعي وإدراك الشخص بذاته .. هاتي ورقة وقلم واكتبي / انتي مين (مش تعريف اسم ولكن شخصية) بتحبي ايه ؟ بتكرهي ايه؟ صفاتك اللي بتحبيها و شيفاها في نفسك ؟ وليه بتحبيها؟ وايه اللي بيميزك عن غيرك؟ صفات مش بتتقبليها ؟ وليه مش بتتقبليها أو رفضاها؟ ازي ممكن تحسني الصفات ديه؟ ايه اهميه العلاقات في حياتك؟ وليه عايزة يكون في علاقات في حياتك؟ هل الأشخاص اللي اختارتيهم فعلا كانوا مناسبين ليكي ولشخصيتك؟ ايه اللي انتي محتاجاه؟ ايه معناه بالنسبالك؟ وازاي ممكن تحققي ده؟

متفهمة ومقدرة جدا كلامك ومشاعرك وبحييك على شجاعتك في وصف شكوتك وطبيعي جدا كلنا نتعرض لضغوط نفسية بتردد مختلف تخلينا مش قادرين نفهم نفسنا عشان كده من نعم ربنا علينا أنه خلقلنا حاجة اسمها استشارة نسأل فيها خبير مختص يقولنا ازاي نتعامل في مواقف مختلفة ونفهم مشاعرنا اكتر ونتعامل مع أفكارنا بوعي وده هينعكس على ردود أفعالنا وده بيتم من خلال الوصول لعمق المشكلة و طرح تساؤلات تساعد في فهم المشكلة ومن ثم حلها ..

اولا محتاج تحدد الاول ايه اللي بيعصبك و بيخليك سريع الانفعال (موقف - شعور -افكار) امتى بدأت تلاحظ انك بتتعصب بسرعة؟ هل في اي تناول لعلاجات دوائية خلال الفترة ديه؟ هل نومك منتظم ولا غير منتظم؟ هل في اي ضغط نفسي او اي شئ مسببلك ضغط الفترة ديه؟ هل العصبية ديه في جميع المواقف ولا مواقف معينة؟ رعشة الايد امتى بتظهر(قبل -اثناء-بعد) الموقف ورد الفعل؟ بتستمر اد ايه وقت؟ ايه الاحساس اللي بيكون عندك وقتها ؟ وازاي تبقى اهدى؟ كمان من الحاجات المهمة اللي هتساعدك هي تمارين التنفس بتكنيك معين / تاخد نفس في 4 عدات تحبس النفس في 2 عدة تطلع النفس في 6 عدات اكتب ايه اللي حسيته قبل التمرين وأثناء التمرين وبعد التمرين ؟ التمرين ده كرره من 3 الي 5 مرات وفي كل مرة سجل ملاحظاتك . كمان مهم جدا عملية تفريغ المشاعر عن طريق الكتابة يعني/ اكتب الموقف.. وايه اللي حسيته ؟ وليه حسيت بكدة؟ وايه اللي ممكن لو الوقت رجع بك تغيره في ردود أفعالك؟ ونتيجة رد الفعل ده ؟ وازاي ممكن تغيره؟. وتغيره لايه ؟

افضل شئ سبيه ياخد وقته في الزعل .. ولكن بحدود لأن التجاهل الزائد يؤدي تراكمات و الي فتور في العلاقة لانه هروب من المواجهة ولازم يكون في تحديد لوقت معين ترجعو تتكلموا مع بعض فيه اي كانت بعد مدة اد ايه مهم يكون في حوار مبني على الاحترام والتقدير لما ترجعو تتكلموا حددوا شكل العلاقة بينكما وحدودها وايه المسموح وايه غير مسموح ووضحيله ايه اللي مش حباه في العلاقة وايه اللي تحبي يكون موجود بينكم اخلقي معاه شكل المناقشة و طريقة حل المشاكل بينكم افهميه واسمعي منه ايه اللي يحبه في العلاقة وايه اللي يرفضه اتفقوا مع بعض على وجود الاحترام بينكم واحترم مشاعركم لبعض ووضحوا لبعض مدى أهمية العلاقة بينكم؟ وايه اللي محتاجينه من العلاقة ديه ؟ وأزي ممكن تحافظوا على استمرارية العلاقة؟ وايه اللي محتاج يتغير عشان تحسي بأمان نفسي؟ هل النمط ده مناسب و تقدري تعيشي معاه وتكملي معاه حياتك ؟

ده بيسمى شكل من أشكال التسويف اللي العقل بيدخلك فيه بسبب عوامل نفسية زي الخوف من الفشل . ضعف الثقة بالنفس. مشكلة في تكوين الصورة الذاتية . اكتئاب أو قلق .. جرب تبص لنفسك من منظور آخر و شوف ايه نقاط القوة اللي عندك ؟ قدرت تنجح في ايه قبل كده ؟ شعورك وقت النجاح ؟ ايه اللي انت محتاجه عشان تنجز مهامك وتاخد خطوة جديدة ؟ مين المسؤل عن نجاحك وعن إنجازك لمهامك؟ ايه شعورك لما تاخد خطوة جديدة و تحقق انجاز كتير ؟ وازي تبداء ؟ و امتى ممكن تبداء ؟

محتاج علاج نفسي و عضوي النفسي لمعالجة المشاكل وكيفية حلها وتعلم إدارة الضغوط النفسية اما العضوي لعلاج العرض الظاهر

اختار مصدر موثوق منه تثق فيه وتقدر تتكلم معاه بكل أريحية وعلى قدر كافي من التدريب على مهارة الإستماع

تحديد الهدف تنظيم وقت إدارة وقت تنظيم جدول مذاكرة التركيز على الهدف النوم المبكر الاكل الصحي التقرب من الله والتوكل عليه

نتيجة لخوفك من الهجر من الأفضل وجود استشاري نفسي للقيام بالإجراءات اللازمة

تحديد الهدف تنظيم وقت إدارة وقت تنظيم جدول مذاكرة التركيز على الهدف النوم المبكر الاكل الصحي التقرب من الله والتوكل عليه

البحث عن أهمية تغير نظرتك لنفسك؟ ما اهميه هذا بالنسبالك؟ ايه الصورة اللي حابب تكون شايف نفسك بيها؟ ايه الصوره اللي رافضها عن نفسها؟ ايه نقاط قوتك؟ ايه نقاط ضعفك ؟ ايه التحديات اللي بتواجهك لتكون الشخص الذي تتمني ان تكون عليه؟ كيف تواجهه هذه التحديات؟ مين المسؤل عن التغيير؟ مين ممكن يساعدك ؟

دكتور تغذية علاجية افضل حد ممكن يساعدك ويقوم بالإجراءات اللازمة لحالتك الصحية

حاولي تعبري عن مشاعرك وعن أحتياجاتك وغيري روتين اليوم واعملي الحاجات اللي بيحبها وشاركيه إهتمامته ولازم تعرفي انه راجل محتاج حرية ووقت يقضيه مع نفسه واصدقائه

انا مقدرة جدا شعورك لكن خليني اوضحلك ان في أمهات مش بتقدر تتخيل أولادها تعبانة فعقلها بينكر ده وان في أمهات مش بيعرفو يعبرو عن اللي جواهم من خوف وقلق ولهفة أو حب نتيجة التربية اللي اتربو عليها واتعود عليها.. فحاولي تتقربي منها وتتقبليها وتعرفي انها مأمنك مش عدوك ابدا

ارشحلك قناة اخضر على اليوتيوب لملخصات الكتب تطبيق اخضر لتحميل الكتب تطبيق عصير الكتب لتحميل الكتب مقالات دكتور مصطفى محمود

فهمت من كلامك انها بعمر 10 سنوات بمعنى انها على بداية فترة مراهقه وعندها احساس بالفضول للمعرفة وده نتيجة التغيرات الهرمونية والفسيولوجية اللي بتمر بها ... في هذه المرحلة ببنصح بالتوعية اللازمة على الجانب الديني والنفسي والسلوكي بدون تهريب لان في هذه المرحلة بيكون عندهم الممنوع مرغوب.. واذا استصعب الأمر واتكرر لابد من تحويلها لاستشاري تعديل سلوك للقيام بالإجراءات اللازمة والبحث عن الدوافع والأسباب المؤدية لذلك

حدد أهدافك واولوياتك؟ حاول تشوف الحاجة اللي هتبداء فيها دي هل هتضيف قيمة مضافة (فايدة) عند تفيذها؟ وايه هي القيمة المضافة اللي هتضفها ليك؟ وايه أهميتها عندك؟ اعمل مربع وقسمه الي ٤ أجزاء بحيث يكون كل خانة تحتوي على (مهم وعاجل يعني هتعمله دلوقتي _مهم وليس عاجل -يعني ممكن تحدد ميعاد تاني لتنفيذه 'غير مهم وعاجل يعني ممكن تفوض حد يعمله بدالك او يساعدك فيه - غير مهم وليس عاجل كل ما يجعلك تتشت أو يضيع من وقتك وطاقتك )

من الأفضل التحدث معهم و توصيل لهم مدى زعلك ورافضك لما حدث ومعرفة وجهة نظرهم فيما حدث وعليكي بعد ذلك أن تتقبلي أو ترفضي وجودهم

اولا حاول تلاقي إجابة على الاسئلة ديه.. ليه عايز تكون منظم في مذكرتك وتحافظ على نظام اوضتك ؟ ايه أهميته بالنسبالك؟ مين المسؤل عن تحقيق ده؟ مين ممكن يساعدك؟ حاول تستخدم استراتيجية(25_5) بمعنى انك تقعد تذاكر لمدة 25 دقيقه بكل تركيز وتبعد عن المشتات وبعد كده تاخد راحة 5 دقائق وتكرر لمدة ٤ مرات وبعد اخر مرة فترة الراحة ممكن تزودها من 10 الي 15 دقيقه وتكرر لمدة ٤ مرات وهكذا اكتب قبل ما تنام الحاجات اللي عايز تعملها في اليوم التالي وحدد لها وقت محدد خذ وقت كافي من الراحة وخصوصا قبل النوم ابحث عن شئ يكون حافز ودافع ليك ويكون بمثابة مكافأة بعد تنفيذ مهام اليوم ركز على هدفك وحلمك واسعى ان تكون نسخة أفضل منك اتخيل نفسك بعد فترة من الالتزام هتكون عامل ازاي؟ تنظيم وترتيب الغرفة هيساعدك على الهدوء والتركيز وإنجاز المهام لان العين عند روؤية الفوضى تجعل العقل مشتت وفاقد التركيز والإضافة ام الفوضى تسبب في انبعاث طاقة سلبية

محتاجة تعرفي اكثر عن شخصيتك ونمطها ونوعها.. محتاجة تكتسبي مهارات الثقة بالنفس والتواصل مع الذات .. حاولي تلاقي أجوبة على الاسئلة دي.. ليه عايزة تغيري استايل لبسك؟ وعايزة تغيريه لايه؟ وازاي تقدري تغيريه؟ محتاجة ايه عشان تغيريه؟ ايه اللي عايزة تعرفيه عن نفسك؟ وليه عايزة تعرفي اكثر عن نفسك؟ وايه اللي هيحصل لما تعرفي عن نفسك وتغيري من استايلك؟ أوصفي شعورك في حالة التغير والتعرف عن شخصيتك ؟ أوصفي شعورك في حالة عدم التغير وعدم معرفة معلومات عن شخصيتك؟ ايه اللي انتي بتحبيه وبتكرهيه؟ ايه اللي انتي متقبلاه فيكي وايه اللي رفضاه؟ مين المسؤل عن التغير؟ مين ممكن يساعدك؟ ايه اللي اتعلمتيه واكتشفتيه من خلال إجابتك على هذه الأسئلة؟

هل انتي هتكوني قابلة بزوجة تانيه؟ ايه اللي هيحصل لو رفضتي أو قابلتي؟ أوصفي شعورك في حالة الرفض والقبول؟ ممكن تتصرفي ازاي ؟ ايه الحلول المقترحة عندك؟

إنتي شايفة ممكن تتصرفي ازاي ؟ ايه الحلول المقترحة عندك؟

نصيحتي ليكي .... ارفضي اي اهانه أو عنف بتتعرضيله واعملي حدود لنفسك ومتسمحيش لحد يتخطها.. اقعدي واتكلمي معاهم عن سبب فعلهم ده وقوللهم انك رافضه اسلوبهم.. حاولي تشاركيهم اهتمامتهم وقربي منهم دوري على حاجة بتحبيها اعميلها وانجحي فيها هيفرق معاكي جدا

اعمل تمارين التنفس العميق للتخلص من التوتر والقلق .. حدد ميعاد للنوم المبكر والاستيقاظ المبكر اعمل مخطط أو جدول بالمواد المراد دراستها ومدتها طبق استراتيجية (25_5) بمعنى ذاكرة 25 دقيقه وخذ راحة ٥ دقائق وكرر لمدة ساعة وفي الساعة الثانية كرر نفس الخطوات ولكن فترة الراحة تكون 10 دقائق.. ابتعد عن المشتتات والاجهزة الإلكترونية وقم باغلاقهم عند بدء المذاكرة ابتعد عن الأجهزة الإلكترونية قبل النوم بساعتين.. اهتم بشرب الماء والاكل الصحي .. كافي نفسك عند انجاز كل مهمة أو جزء جاوب على الاسئلة التالية: ليه عايز تركز وتذاكر ؟ وايه اللي هيحصل لو ركزت وذاكرت؟ اوصف شعورك في حالة تحقيق التركيز؟ اوصف شعورك في حالة عدم تحقيق التركيز؟ ايه اللي ممكن يمنعك من التركيز؟ كيف تتخلص منه ؟ مين المسؤل عن تحقيق هدفك؟ من يمكنه مساعدتك؟

لابد من زيارة معالج نفسي لمعرفة تفاصيل اكثر عن المشكلة وتشخيصها ومعرفة اسبابها و تحديد طرق العلاج المناسبة ..

تجمد الأيدي أثناء الكتابة بيكون بسبب عضوي و نفسي فبالنسبة للجانب النفسي وهو الشعور بالملل وعدم الشغف وعدم وجود دافع قوي أو محفز أو كثرة التفكير والأفكار التي تشتت العقل عن التركيز استخدم تمارين التنفس قبل وأثناء الكتابة خذ راحة لمدة من دقيقة الي ٥ دقائق وارجع اكتب تاني .. استخدم برنامج التسجيل في حالة عدم ملاحقتك للكتابة وارجع دونها كتابيا.. اسمح للإفكار والمشاعر بالخروج في اي من التمرين الممكنة و المناسبة بالنسبالك.. ابحث عن دافع قوي يساعدك على الاستمرار ويحقق الشعور بالإنجاز

والدك في ظروف صحية نفسية لازم تقدميله كل الدعم والقيام بدورك على أكمل وجه "وبالوالدين إحسانا " اما فكرة ان طريقة تعامله مش مرضية فعليكي بالنصح والارشاد وفكرة انه بيكلم بنات اوست ده احتياج لمشاعر الحب والاهتمام والتقدير واحتياج للاحساس بأنه موجود ومرغوب فيه .. حاولي تهتمي به اكثر وصاحبيه واتعاملي معاه بكل حب وقربي منه وقربيه منك شوفي اللي بيحبه واللي بيكره شاركيه اهتماماته.. وفقا لوصفك لوالدك فاولدك من الشخصيات اللي مش بتحب تبين ضعفها لحد عشان كده هو بيحب يظهر انه كويس خصوصا مع الناس الاغراب...

انا مقدرة جدا مشاعرك و مقدرة مدى احساس الحب والاحتياج ومدى احساس الألم والخذلان اولا فكرة ترك الشغل انصحك بلاش لان ما ينفعش توقفي وتربطي حياتك المهنية وتحقيق انجازاتك بأشخاص.. الهدف من الشغل تحقيق الذات والانجازات والأمان المادي والاستقلال فخلي الهدف ده في عقلك دايما وافتكري احساسك بالنجاح والتقدم .. اما مشاعر التعلق والخذلان اول خطوة لازم تعترفي بيها وتتقبليها وتفهميها وممكن تلجأي للمساعدة من قبل المختصين.. اعملي تمارين تفريغ المشاعر والتنفس العميق والتأمل والاسترخاء... لازم تعرفي اننا كلنا في حياة بعض رسايل ربانية ليعلمنا ويقوينا ... افهمي الرسالة من التجربة ورجعي جميع المواقف وشوفي ايه اللي كنتي بتعمليه وايه اللي معملتهوش وايه اللي هتغيريه في تعاملك من خلال علاقاتك ... ايه نقاط ضعفك ونقاط قوتك ؟ شايفه نفسك ازاي وايه اللي تستحقيه؟ محتاجة ايه؟وليه ؟ وايه سبب الاحتياج؟وكيف تشبيعيه؟ اسمحي لجميع الأفكار و المشاعر السلبية بالرحيل .. وهيئي نفسك لاستقبال أفكار ومشاعر إيجابية وعلاقات صحية .. ولكن لاستقبال العلاقات الصحية لابد من التواصل والاتصال الذاتي مع النفس الداخليه.. ارشحلك كتاب السماح بالرحيل

لكل منا لغة حب نستطيع ان نستخدمها لتحسين التواصل والاتصال بينا واللغات دي هي خمسة لغات الاهتمام والتقدير وتكريس الوقت الاتصال البدني والانسجام الهدايا كلمات الشكر والتشجيع المشاركة و تقديم المساعدة سواء فكريا أو معنويا ارشحلك كتاب لغات الحب الخمس الذي في اختبار الكشف عن اللغة تقدري تنزليه من جوجل ؟ ابحثي عن لغة الحب المناسبة لزوجك وكلميه بلغته واوصلي معاه لنقطة تلاقي واسئلي نفسك ... ليه انتي عايزة ترجعيله؟ هو بالنسبالك ايه؟ هتعملي ايه عشان ترجعيله؟ هتعملي ايه عشان تحافظي على كيانكم؟ أوصفي شعورك عند الرجوع ؟هل هو عايز يرجع ؟ولماذا؟ ماذا يحدث ان لم ترجعيله؟ أوصفيه شعورك؟ ايه التحديات اللي ممكن تواجهك او تمنعك من الرجوع ؟ ماذا تفعلين لازاله هذه العقبات ومواجهة التحديات؟من ممكن يساعدك؟

اول شئ انتي مراية نفسك بتعكس اللي جواكي للناس اللي حواليكي .. بمعنى ان الناس مرايتك بتوضحلك انتي بتحبي نفسك ولا لاء وبتشوفي فيها مميزات ولا عيوب وبس .. حبي نفسك وتقبليها زي ما هي واسئلي نفسك وجاوبي على الاسئلة .. ايه الحاجات الحلوة اللي فيكي واللي جواكي ؟ ايه مميزاتك؟ انتي شاطرة في ايه؟ ايه عيوبك ؟ ليه شيفاها عيوب ؟ ولو في امكانك التغيير تحبي تغيريها لايه؟ وليه عايزة تغيرها ؟ قيمي اهمية التغير من 1 الي 10 بالنسبالك؟ مين المسؤل عن التغيير؟ مين ممكن يساعدك ؟ هتكافئ نفسك بايه ؟ حاولي تشتغلي على زيادة ثقتك بنفسك ونصيحة بلاش توزني حياتك بميزان الناس لان ميزان الناس مش عادل.. حبي نفسك لنفسك وكوني نسخة أفضل منك لنفسك

لابد من زيارة معالج نفسي لمعرفة كافة التفاصيل بوضوح ومساعدتك بشكل أفضل

رحلة البحث عن الذات تتطلب الكثير من المراحل اولها النيه لمعرفة النفس أو الذات ثانيا الابتعاد عن كل شئ مرهق أو غير مرضي .. استمري في ذلك .. و عليكي بأن تغوصي في اعماقك اكثر وتبحثي عنها وتعرفين ماذا تحب وماذا تكره ولماذا تتمسك بشئ ولماذا تتخلي؟ من الطبيعي في بداية رحلة البحث عن الذات والوصل للوعي المعرفي ان تقابلك بعض التحديات واول تحدي وأهم تحدي هي المقاومة .. بمعنى ان كل شئ تقاوميه سيقاومك أو كل شئ تريدين التخلي عنه يتمسك بك أكثر.. ابحثي عن إجابة لهذه الاسئلة بداخلك.. ماذا تريدين التخلي عنه ؟ ولماذا ؟ وماذا يحدث اذا تخليتي عنه؟ وماذا يحدث اذا لم تتخلي عنه؟ قيمي اهمية التخلي عن هذا بالنسبالك بنسبة من ١ الي ١٠؟ أوصفي شعورك حين تحققين هذا؟ أوصفي شعورك حين لم تحققي هذا؟ هل في مواقف قررتي فيها ان تتخلي بشئ واستطعتي بالفعل ؟ ما هو ؟ بتشوفي نقاط قوتك في ايه ؟ وبتشوفي نقاط ضعفك في ايه ؟ أوصفي نفسك بتشبيه الان ؟ لماذا اختارتي ذلك التشبيه ؟ إذا كنتي ترغبين في تغير التشبيه بماذا تفضلي ان تكوني؟ وكيف تتغيرين؟ ومن المسؤل عن التغيير ؟ ومن بامكانيته مساعدتك؟ هتكافئي نفسك بايه حين الوصول الي ما تريدين؟ حبي نفسك اكتر وتقبليها زي ما هي وقدريها واستمري في رحلة البحث عن ذاتك

خليكي على موقفك ارفضي ما ترفضيه وتقبلي ما تريديه ولكن عليكي بالاخذ بالنصيحة لأننا وقت حدوث الموقف أو المشكلة بنغفل عن رؤية الحقيقية وأحيانا العقل بيرفض سماع رأي آخر لاقتناعه برائيه دون وجود دليل قاطع ابحثي دائماً و استكشفي عن مدى صحة الرأى بالدليل القاطع اما بالنسبة للتحكم في الانفعالات فمحتاجة للتنفيس الانفعالي و تفريغ للمشاعر المكبوتة مع مصدر ثقة وأمان بالنسبالك وكمان تمرين التنفس هتساعدك جدا حاولي تدوري على هوايه بتحبيها وانجحي فيها او اتعلمي حاجة جديدة أو خذي اجازة في مكان مريح بالنسبالك واهتمي بالأكل الصحي والمشروبات الدافئة و اكتبي عن أفكارك ومشاعرك حاولي تغيري طريقة تفكيرك و منظورك وحديثك الداخلي لنفسك

التنفيس الانفعالي من الحاجات المهمه جدا للصحة النفسية وكبت المشاعر نتيجة الايذاءات النفسية الجسم والعقل بيرفضها فبيخرج عن طريق الم جسدي وبكاء وقد يصل الي صريخ لاصغر الأسباب.. عدم ردك على الايذاءات الموجه نتيجة لتعرضك في الصغر الي الرفض وعدم الاهتمام أو الاستجابة لمشاعرك فعقلك قرر انه يختار الصمت حتى لا تتعرضي لرفض أو إيذاء لفظي وأصبح الصمت هو حيلة دفاعية للحفاظ على نفسك ولكن هذه الحيلة خاطئة وقد تصيبك بأمراض نفسية لذلك عليكي تعلم أساليب شفاء الطفل الداخلي و رفض كل إيذاء نفسي وتتعلمي قول لا في اي شئ ترفضيه .. اهم شئ ان يكون الرفض بشكل واعي بمعنى التحدث مع الطرف الاخر فيما ترفضيه وكمان من الحاجات اللي هتساعدك برفع الوعي الذاتي هي القراءة وارشحلك كتاب لاتكن لطيف اكثر من اللازم

مبدئيا مشاعر الحب اللي بتحس بيها دي مشاعر طبيعية جدا لازم نقدرها ونعترف بها ونتعامل معاها بشكل واعي ومننكرهاش أو نتاجهلها.. لكن المشاعر ديه في الفترة ديه بيكون سبب وجودها البحث عن الدافع العاطفي في الحياة زي الحب والتقدير والاهتمام من الأفضل توجيه المشاعر ديه للبحث عن الذات ورفع مستوى الوعي الذاتي والوعي العاطفي إشباع الاحتياجات العاطفية بيبداء من الداخل وليس من الخارج بمعنى اذا اردت الحب فحب نفسك أولا واذا أردت الاهتمام اهتم بنفسك اولا واذا أردت التقدير قدر نفسك وذاتك اولا واجعل من هذه المشاعر الدافع القوي الذي يساعدك في بناء شخصيتك وعلاقتك لان العلاقات مبنية على إشباع الاحتياجات فكل ما ثقلت من نفسك كل ما كانت جودة علاقتك اقوي وزادت عندك فرص الاختيار لعلاقات صحية وصحيحة ومتوازنة ومتوافقة..

هذا قد يدل على وجود رهاب اجتماعي نتيجة تعرضها للتنمر ..من الأفضل عرضها على أحد المختصين لمنع تفاقم المشكلة

هذا خوف من الفقد بسبب عوامل كثيرة وافتقاد الأمن والامان وهذه السلوكيات بسبب دافع نفسي قوي

الأفضل دكتور او أخصائي نفسي أو استشاري صحة نفسية

عيد سعيد 🙏❤️

اكيد طبعا تحت امرك اي وقت 🌹

محتاج فحص جراحة المخ والأعصاب

عفوا..تحت امرك 🤍