مفيش شك ان الشعور بالاذى النفسي واحد من اصعب الحاجات اللي بتعدي على الانسان عموما لكن بتختلف في الدرجات وحسب الشخصيات فيه ناس ممكن ترد ده بأذى وفيه ناس ممكن تنتقم وفيه ناس ممكن يجيلها حالة نفسية او تكتئب وفيه ناس بتمتص الموضوع وتنساه وفيه ناس بيعلق معاها الموضوع لفترة وفيه ناس بتقدر تسامح ان الانسان يكون بطبعه بيسامح ويعفو دي مش حاجة وحشة اكيد دي نعمة من ربنا لكن المسامحة والعفو بالنسبة لينا كبشر اكيد ليها حد معين وبعدها الانسان بيتغير سلوكه شوية بالذات لما يتعرض لموقف من حد مكنش يتوقع منه كدة الحل في كدة ان ميسلمش نفسه لدماغه ويتجاهل الشعور ويعاند نفسه ع كدة ويدعي ربنا يجبر بخاطره والمسامحة هنا بتكون لله عشان منفتكرش الناس اللي اذتنا لان طول ما حرارة الموقف جوانا هنفضل فاكرين وهيتجدد الشعور فلازم الانسان يعفو عشان خاطر نفسه اولا واكيد هيكون قطع علاقاته بالشخص اللي سببله اذى وحتى لو قابله يتجاهله كانه مشافوش ومع الوقت الامور هتبقى احسن ان شاء الله كل حاجة مع الوقت بتروح
تمام هحاول شكرا ليك بجد
تم النشر الثلاثاء، ١٥ أكتوبر ٢٠٢٤
ده شعور طبيعي هيقل بالتدريج كل ما صغرتي حجم الشخص ده ف عينك وانه اصبح بالنسبالك وجوده زي عدمه كمان كل ما قررتي تسامحي لنفسك بهدف انك تنسي الموضوع من دماغك
تم النشر الثلاثاء، ١٥ أكتوبر ٢٠٢٤
بس انا لما بشوف الشخص دا بحس بغضب ونار جوايا وببقي قرقانه من نفسي لان مش قادره اسامح ولا قادره اتخلص من مشاعري ولا الأذي اللي سببهولي
تم النشر الثلاثاء، ١٥ أكتوبر ٢٠٢٤
معاك حق شكرا ليك
تم النشر الثلاثاء، ١٥ أكتوبر ٢٠٢٤
لعرض الإجابة في فدني اضغط هنا