معظم الحملات الإعلانية من سنين موجهة للعنصر النسائي بشكل خاص جدََا، تربية البنات دايمََا بتكون مقترنة بإنها لازم تلبس وتتزوق ويبقى عندها ٥٠٠ حاجة من نفس النوع علشان هي بنت ومحتاجينها تلفت النظر وتتجوز، وأخيراً إن الستات أصلاً بتهتم بالتفاصيل أكتر من الرجالة فبيكون في مساحة أكبر للمعروض من المنتجات وتنوعها وبالتالي بخليها طول الوقت معرضة لأنها في السوق بتشتري حاجة او بتتفرج على حاجة... لو ركزت هتلاقي بنات قليلة اوي متربية بشكل عملي وشخصيتهم عملية ومش استهلاكيين وعندهم فعلاً الوعي اللي بخليهم يجيبوا اللي محتاجينه بس ومن غير ما يكون أفضل المعروض بالضرورة.. لكن للأسف في مجتمعاتنا بيعتبروها رخيصة وفرصة للتوفير ودايمََا بيحاولوا يتجوزوها الرجالة تحت بند انها عاقلة لكن في الحقيقة هو يقصد انها مش مكلفة ومش هتغرمه كتير.. فكرد فعل طبيعي الستات دي يا بتفضل مستخبية يا بتبطل ترخص من نفسها وتبقى استهلاكية هي كمان
طب مش ممكن يكون سببه خواء روحى وخواء فكرى
تم النشر السبت، ٢٦ نوفمبر ٢٠٢٢
لعرض الإجابة في فدني اضغط هنا