السلام عليكم ورحمة الله وبركاته
انا بنت عندي 16 سنه في تانية بكالوريا المهم انا الحمدلله منتظمه في صلاتي واذكاري وورد القران بتاعي وبدات اتعلم علم شرعي من اسبوع الحمدلله المشكلة بقى اني في علاقة محرمه ليا سنه كامله وهي اسوء سنه عليا اصلا المهم انو حاولت كتير اوي اقطع العلاقه دي بكل الطرق وسالت ناس هنا برضو وعملت كل حاجة وللاسف لاني حافظه رقمه ف لو عملت بلوك ومسحته بقدر ابعتله تاني ولو قفلت تلفون مش بقدر اكتر من يومين علشان دروسي والمواعيد وكدا وانا عارفه كل الكلام اللي هيتقاال لان انا بنصح بنات وبساعدهم انهم يعملو كدا وينهو العلاقه وفي كتير الحمدلله نفع معاه طرقي وعارفه انها حرام ويعتبر زنا وربنا العالم انا بكون حاسه بايه وانت وبكلمه او لما اقفل بس انا مليش غيره اروح اشتكي ليه هو وحده اللي فاهمني دا السبب الوحيد اللي بيخليني اكلمه اهلي قاسيين عليا اوي كل يوم ضرب وشتيمه وعاوزين يطلعوني من المدرسة مع اني من الاوائل طول عمري امي ديما شيفاني فاشله وبتقول لي بابا يطلعي ممكن حد يقول انها بتعمل كدا علشان تشجعك لا هي بتعمل كدا فعلاً راحت المدرسه وسحبت ورقي كله دا علشان الناس بتقول عليا شاطره قدامه والناس بتشكر فيا مش عارفه دا ايه المفروض تفرح ف المهم دلوقتي انا مش عارفه اعمل ايه في العلاقه دي وازاي اخلص ومرجعش تاني لان ليا تلات شهور بحاول وبرجع وبضعف تاني وهو مش راضي خالص يسيبني
حضرتك ما شاء الله بتساعدي بنات كتير بالحلول ودا دليل انك شاطرة ورشيدة وكمان عارفة ان اللي بتعمليه غلط وبتحاولي ولكن التغير بدون بديل بيخلق فراغ كبير وعلشان كده ضروري انك توفري بدائل للاشياء اللي بتلاقيها معاه مثلآ انك محتاجة حد يسمعك وتتكلمي معاه ودا ممكن يتوفر في توسيع دايرة صديقاتك بحيث انك تلاقي حد يسمعك وقت احتياجك ولو بتلاقي في الدعم والتحفيز فمن الافضل التواصل مع احد اقاربك الذين ترتاحي لهم ويقدمون لكي الدعم او المتابعة مع مختص نفسي لتجنب عدم الانتكاسة ويارب يثبت قلبك ويبعك عنك كل شر
تم النشر الخميس، ٢٧ أغسطس ٢٠٢٦
وعليكم السلام ورحمه الله وبركاته بصي يا بنت الحلال اللي بتمرّي بيه مع أهلك صعب وجسيم وربنا يقويكي، بس لازم تفهمي إن الواد ده مش هو الأمان ولا ملجأك ده مسكّن مؤقت بيزود همك وبيعطلك عن طوق نجاتك الوحيد وهو دراستك ونجاحك العلاقة دي معطلاكي ورابطاكي وطالما حافظة رقمه وبترجعي تكلّميه عشان تفرغي شحنة الزعل يبقى الحل مش بس بلوك الحل إنك تعيري الخط كله أو تحرقي الرقم ده خالص وتجيبي خط جديد ميعرفوش..وتغيّري طريقة تفكيرك لما تتقفلي من أهلك ادخلي صلي او ادعي اكتبي في ورقة أو كلمي صحبة صالحة مفيهاش شبهة ولا حرمانية ودي هتساعدك جدا اكتبي هنا مشكلتك أو الموقف اللي مزعلك هتلاقي كذا حد بنت كويسه بترد عليكي .. بالنسبة للبيت وأهلك ركزي كل طاقتك وعاندي في دراستك بس لأن نجاحك وتعليمك هما الحاجه الوحيدة اللي هتخليكي مستقلة وقوية وتقدر تعتمدي على نفسك وتبني مستقبلك بعيد عن أي ضغط اهربي لربنا ولمستقبلك مش لشخص مش باقي عليكي ومش هيغير واقعك وادعي ربنا يقويكي ويصلحلك الحال وخليكي أخت وأم لنفسك في الظروف دي لحد ما تعدي .. ومتنسيش كل انسان عنده نقطه ضعف وحتى لو بتنصحي الناس ... انا كإنسان لما كنت بضعف كنت بشوف حاجه بحبها اعملها يعني مثلا التطبيق ده كنت بدخل انصح الناس لاني بحب ده .. وكذالك كنت بصور فديوهات دينيه لان بحب ده ...العبره شوفي هوايه ومارسيها وقت زعلك اوفراغك أو غضبك ... متسيبيشي نفسك للشيطان حتى لو رجعتي الف مره .. ربنا رحيم فو ما نتصور... بعتذر عن الإطالة ...وجد والله ربنا يحفظك ويسعدك
تم النشر الخميس، ٢٧ أغسطس ٢٠٢٦
بصي أنا لو مكانك ، هبعتله وانهي معاه العلاقة وأقوله كل شيء قسمة ونصيب لو لينا نصيب لبعض ربنا هيجمعنا بإذن الله ، العلاقة دي حرام وانا وانت عارفين انها حرام ومترضيش ربنا فأنا قررت أفتح صفحة جديد وابعد واعمل حظر لرقمك وامسح رقمي من عندك واعرف إن البداية التي لا ترضي الله نهايتها مش هترضيني انا وانت ، واقفلي معاه خالص كدا فضِّي الموضوع ، متستنيش رد منه ابعتي الرسالة واعملي حظر وهقررها تاني متستنيش الرد ، لإن هيقعد يقولك كلام يا إما هتغيري رأيك وهتفضلي تكلميه يا إما هتقفلي معاه بس كلامه هيفضل مأثر فيكي اللي هو انتي خونتيني ومش عارفة اي ووووو...أنا عليا حذَّرتك وانتي بإيدك الخيار ، ثاني خطوة هو منكم يبعتلك من رقم آخر ف انا عوزاكي تغيري الشريحة بتاعتك لو تقدري ، ثالث حاجه موضوع انك مش بتقدري تبعدي وبعد فترة بترجعي فبما إنك حافظة رقمه ف انتي صعبتي الوضع عليكي هنا ...فحطي في عقلك انك داخلة في حرب مع الشيطان ونفسك وصعبة ، هتحذفي أي حاجه خاصة بيه من الفون وهتحاولي بقا متفكريش فيه بعدها لإن كتر التفكير هيصعب الأمر أكتر مهو صعب ، وهتدعي في صلواتك إن ربنا يعينك وينزع التعلق من قلبك إذا كان مش خير ليكي ، هتشغلي نفسك في الفترة دي بقا بدراستك وتسمعي تحفيزات دراسة عشان تدخلي جو الدراسة ، وخلي بالك هتيجي عليكي فترات كدا هتكوني خلاص مش قادرة وعاوزة تفضفضيله وتتكلمي معاه تاني ، هنا بقا ربنا بيختبر صدق توبتك فلما توصلي للمرحلة دي ابقي افتكري كلمتي وإن انتي دلوقتي تحت اختبار حقيقي بقا من ربنا يكتشف فيه صدق التوبة ، وإذا نجحتي الله أعلم لعل وعسي ربنا يسهل عليكي الموضوع بعدها بإذن الله ، أسأل الله ذلك .
تم النشر الأربعاء، ٢٦ أغسطس ٢٠٢٦
وعليكم السلام ورحمة الله وبركاته. أولاً، أحييكِ على إصراركِ على الصلاة والقرآن والعلم الشرعي رغم الضغوط اللي بتواجهيها، ده دليل على إن قلبكِ لسه بيحب الخير وده أقوى سلاح عندكِ. العلاقة دي فعلاً حرام وبتؤذيكِ نفسيًا وروحيًا، وإنكِ عارفة كده وبتحاولي تقطعيها من 3 شهور ده شيء يستحق التقدير، حتى لو برجعتِ أحيانًا. عشان تقدري تقطعيها نهائيًا، لازم تغيري الظروف اللي بتسهّل الرجوع. أول خطوة عملية: غيّري رقمكِ لو قدرتِ (حتى لو مؤقتًا)، أو احذفي الرقم من كل مكان واستخدمي تطبيق يمنع إعادة إدخاله. لو حفظتيه، اكتبيه على ورقة وادفنيها أو أعطيها لحد موثوق فيه يحتفظ بيها بعيد عنكِ. كمان، غيّري روتين يومكِ شوية: زدي ورد القرآن، صومي أيام تطوع، واجعلي لنفسكِ هدف يومي صغير في الدراسة عشان تملي الفراغ اللي بيخلّيكِ ترجعي له. أما بالنسبة لأهلكِ، الضغط ده صعب جدًا وأنتِ محتاجة دعم، لكن الحل مش في الرجوع للعلاقة. حاولي تكلمي معاهم بهدوء في وقت مناسب عن ضغوط الدراسة، أو اطلبي مساعدة من معلمة موثوقة في المدرسة لو لزم الأمر. الأهم إنكِ تتذكري إن الله هو اللي بيفهمكِ أكتر من أي حد، وهو اللي هيعوضكِ عن كل اللي بتمرّي بيه لو صبرتِ واستعنتِ بيه. كل مرة تحسي بالضعف، قولي لنفسكِ: "أنا مش لوحدي، ربنا معايا"، وادعي بصدق: "اللهم أبعد عني ما يضرني وارزقني القوة". كتير بنات نجحوا في القطع لما ركزوا على بناء علاقة أقوى مع الله بدل ما يحاولوا يقاوموا لوحدهم. ابحثي عن أسئلة مشابهة على فدني عشان تشوفي تجارب أخرى، ولو حسيتِ إنكِ محتاجة دعم مستمر، فيه خبراء على التطبيق ممكن يساعدوكِ بطريقة أعمق. أنتِ قادرة، وكل خطوة صغيرة بتقربكِ من الراحة الحقيقية.
تم النشر الأربعاء، ٢٦ أغسطس ٢٠٢٦
@Mariam Khalid هو عنده 22 وشغال لان مش مكمل دراسته. وانا عاوزة ابعد علشان حرام وعلشان ماثر عليا في دراستي وتفكيري ومن ناحية انه ممكن نتجوز في المستقبل ممكن يحصل بس اهلي انا مش هيوافقو لان عندنا البنت المتعلمه تاخد واحد متعلم وزيها.. ولما بقوله انه حرام ولازم نبعد وكدا يقولي ماشي انا معاكي بس هيكون صعب عليا وشويه كلام زي كدا وفي الاخر بلقيه بيرن واكلمه يقولي مش قادر ابعد وكلام من المحن دا وبنرجع زي الأول وانا لما بقرر اقفل ومتكلمش بقعد شهر بالعافيه وفي الآخر لما بكون مخنوقة او مضايقه بروح اكلمه
تم النشر الخميس، ٢٧ أغسطس ٢٠٢٦
ايوا هو سنه او شغله دنيتو فيها اي؟ انتي عايزه تبعدي عشان هو مش مناسب وانتي شايفه انه ملجئك الوحيد بعد ربنا وعايزاه بالحلال ولا انتي اصلا مش بتحبيه (انا لا بحلل ولا ببرر بس افهمي الاول انتي عايزه تبعدي ليه او تقربي ليه) بتبعدي عشان ربنا ولا عشان عارفه اخر الموضوع اي؟ ولما بتقوليلو انك عايزه تبعدي وكده بيرد ب ايه؟ .. ياريت توضحيلي عشان افهم اكتر واحاول معاكي توصل ل حاجة
تم النشر الأربعاء، ٢٦ أغسطس ٢٠٢٦
لعرض السؤال في فدني اضغط هنا