أهلا،
انا طالبة من مصر في الصف العاشر مدرستي حكومية، وانا حتى الان مش عارفة احدد هدفي يعني كل واحد/ة فينا بيكون عنده وظيفة احلامه او الشغلانة الي نفسه يكون فيها، وبيبذل مجهود عشانها.
هتقولوا لي مثلا ممكن لاني معنديش علم بمجالات كتيرة أو معنديش معرفة اوعلم بمميزات المجالات اللي قدامي بس المشكلة ان انا عارفة النواحي الجميلة الي في كل مجال،
هتقولوا لي طب شوفي هواياتك وميولك موديكي لفين، هقول ودي كمان مشكلة بالنسبة لي لاني عندي هوايات بعدد شعر راسي ــــ, تقريبا مفيش حاجه مبحبهاش،
بحب الرسم والقراءة والكتابة بحب الغناء والانشاد والزراعة بحب اني اتأمل السما والنباتات، بحب الادب والبلاغة والشعر والشعراء ومن زمان من قبل حتي ما أدخل الرحلة الاعدادية، بحب الرياضيات جبر وهندسة مع اني بيقولو عليا غبية فيهم، بس انا بحبهم
أنا بصراحة شايفة اني مشكلتي اني بفهم ببطء والدليل اني لما اتشرح لي براحة عرفت احل كويس، بحب علم الفيزياء، والفلك والكمياء والاحياء، بعشق حاجة اسمها تشريح، بحب التاريخ (الحقيقة منه)، علم الآثار، وبحب الفلسفة والمنطق، بحب تعلم اللغات والتعرف علي حضارات جديدة وبحب المغامرات اوي،
بحب اجرب اكلات جديدة، بحب الرياضة(جري،كونغ فو،.....)، بحب الحاسب والبرمجة والارقام والاكواد وغيره، عندي فضول تجاه علم الروحانيات والعلاجات بالاعشاب والادوية الطبيعية.
ممكن او اكيد تتريقو بس بجد دي الحقيقة المُرة
والمشكلة التالتة بقى اني مش مستعدة اقضي حياتي كلها في ولا واحدة من دول 😂😂، قصدي يعني مش مستعدة أفضل في مجال واحد طول حياتي ومع ذلك نفسي في الاستقرار والحياة الروتينية، بجد مش لا قية حل حاسة اني محتاجة اتعالج او انا مريضة نفسية🫤
بصي انتي دوختيني 😅 الكلام الي انتي قولتيه ده كله ما هو الى نظره خارجيه بمعني هديكي مثال : مثل شوفتي واحد واعجبتي بي من النظره الاوله وشفتي واحد تاني برضو اعجبتي بيه من النظره الاوله ونفس الموضوع اتكرر ولقيتي انك معجبه باكتر من واحد وانتي مينفعش تختاري غير واحد صح؟ تمام هتعملي ايه بقا الي هتعمليهي انك تستكشفي واحد واحد لغاية لما تلاقي الي يناسبك مثلان : لقتيه طيب وبيخاف عليكي ومهتم بيكي لدرجه انه ممكن ينسي نفسه عشانك والفلوس الي معاه مش هيستبغل عليكي فيها من رغم انه ضعيف ماديا للاسف هو واحد ظروفه وحشه ومظهرو الخارجي يعني مش احسن حاجه ولقيتي واحد تاني عنده مال وجمال وجسم رياضي كان بيظهر ليكي الحنيه اول ما كنتم بتتكلمو في البدايه في النظره الاوله بس لما تقعدي فتره كويسه معاه هتلاقي انه تعب من انه يفضل علي الهيئه الكذابه ويظهر شكلو الحقيقي انه مش بيهتم غير في نفسي يستبخل عليكي فلوس من رغم انه معاه كتير من اي حركه او غلطه صغيره هيفور عليكي بالزعيق وممكن يتجرأ ويمد ايده عليكي عشان تبقي عارفه كل حاجه في الحياه ليها مميزات وعيوب مفيش حاجه دايما مميزات او عيوب بس اوقات بيبقا حاجات العيب الي فيه اكثر ومن المميزات ومش قادره تستحمليه زي الرجل الوسيم اوقات المميزات بتبقي اكتر من العيوب زي الرجل الحنين يعني متاخديش بالمظهر ولا بالمقدمه الي هتسمعيها عن الشء الي قدامك لازم تتعمقي فيها الاول عارف ان الكلام مكتوب بعشوائي 😅 بس انا فعلا مطلع الكلام ده من قلبي ومكنتش مرتبله في حاجه عايز اوصلهالك وبصراحه حبيت انك متفائله وبتحبي كل حاجه ومفيش حاجه بتكرهيها وعايزه تعرفي حاجات جديده من رغم اني لسه 18 بس معنديش حب الاستطلاع لكل حاجه انا مثلا جربت العب على الالات الموسيقيه اكتر حاجه حبيتها البيانو يليها الدرامز ويليها الكمان بس انا محدد هدفي الاساسي البيانو الغناء منفعش معايه فلغيته اكتر حاجه استريحت فيها البيانو هتعرفي منين كل لما بتكوني بتعملي المهمه دي وتلاقي نفسي بتضحكي ومبتسمه من غير سبب او طول الوقت وانتي بعيده او مش بتعمليها بتفضلي تفكري فيها وازاي تنمي مهارتك او لما تتفرجي او تسمعي شرح عن الحاجه متحسيش بالوقت مثلا فيديو ساعه ممكن تحسي وكأنه 10 دقايق وتلاقي نفسك مستمتعه ومركزه جدا هتعرفي هدفك وممكن وانتي بتمارسيها يعدي عليكي الوقت من غير ما تحسي انا قبل كده قعدت 5 ساعات بلعب على البيانو وقافل الباب و حاطط السماعات اهلي افتكروني انتحرت او بعاقب نفسي اني مطلعش من الغرفه بسبب اني اتصابت في رجل اصابه قويه وقبل الاصابه كان معايه مشاكل مع صحابي انا دخلت الاوضه ومعايه الموبايل وبمارس الحاجه الي بحبها حرفيا مش هعرف اوصف ليكي الاحساس الي انا كنت فيه دخلت الاوضه بمود حزين والبكاء مغرق عيني بسبب رجلي وقفلت الباب خرجت ولا حاسس برجلي الي وجعاني ورجعت اتكلمت مع صاحبي ولا كأن حصل حاجه من الاساس واليوم كله من ساعه ما سيبت التلفون الابتسامه متشالتش من على وشي هتبدئي ازاي اول حاجه تكتبيهم كلها في ورقه الي يجي علي بالك بس تكتبيهم بارقام مثال : 1-الرسم 2-القراءة 3-الغناء بشكل عشوائي بما انك بتحبي كله كل يوم تتخلي في العالم الحاجه الي انتي كاتبها وتسمعي شرح ليها او تجربيها في اليوم حتى لو علي الاقل ساعتان تكوني فهمتي عن الشئ ده وجربتي لو لقيتي نفسك مندمجه معاه ومبسوطه كملي فيها يوم كمان بعد كده تجيبي ورقه تاني تشرحي لنفسك انا كنت حاسه بإيه وده عاجبني ورقه ثالثه وتكتبي في الي محستيش بحاجه مميزه او محبتهوش تقسميها لقسمين الجزء الي لقيتي في الراحه والفرحه والجزء التاني الي محستيش انه مميز او وحش او مش حاسه باتجاهو بشيء هديلك مثال اول حاجه تكتبي الحاجات زي ما قلت فوق تاني حاجه هتعملي الحاجتين دول مميز البيانو لقيت في الفرحه والتعبير عن النفس والمتعه عادي او الغير جيد الغناء كان صوتي مش كويس فيها او نفسي ضعيف مبعرفش اطول في الكلام او ادقق في درجة الصوت واحافظ عليها كل واحده في ورقه يعني 3 ورقات الاوله كتابة جميع الاهتمامات الثانيه الي جربتيه وعجبك واستريحتي فيه والورقه الثالثه الحاجات الي معجبتكيش او مشتتكيش وانت بتمارسيها مثلا ممكن تلاقي صفيتي نفسك على نص الحاجات دي او حتى ثلثها بعد كده الورقه الي فيها الحاجات الي معجبتكيش تسبيها علي جنب مترمهاش وتجيبي ورقه رابعه تكتبي عنوانها (الافضل) دي هتجيبي لها المهمات ازاي انتي الورقه الي كاتبه فيها كلمة مميزه هتصفي معاكي نص او الثلث بعد ما تصفي الي ملهوش لازم ترجعي تعيدي تاني علي الي عجبوكي الي في ورقه المميزه وتطلعي اكتر حاجات كان فيها احساس قوي والفرحه متتوصفش وتحطيهم في ورقة الافضل بس كده الحاجات الي في ورقة الافضل دي هتعيدي وتزيتي فيها لغاية لما تلاقي الي انتي عايزها وتجيبي ورقه خامسه وتكتبي فيها الحاجات الي انتي حبتيهم بالترتيب انا مثلا : 1-بيانو 2-لغه جديده 3-الدرامز 4-كمان وهكذا نكون وصلنه لهدفنا اسف لو الشرح كان طول او غير مفهوم بس انا حاولت على قد ما اقدر اني احاول اساعد ممكن لو مفهمتيش تكتبيلي وانا احول اوضح ليكي الموضوع بشكل اعمق اسف مره تاني الكلام كبير بس انا حبيت اديكي نبذه عن الطريقه الي هتسلكيها وخليكي صارمه مع نفسك بمعني(خليكي عنيفه مع نفسك) يعني ميجيش يوم وتقولي انا مش هكمل النظام ده عشان لو عملتي كده هتفضلي في دوامه من الافكار هتسفرك المريخ ده كله لمصلحتك وأتمنى ليكي حياه سعيده والفرحه دائما أشوف إن شاء الله في الايام القادمه واسمع منك تطورك بالتوفيق ❤️
تم النشر الأربعاء، ٢٩ أكتوبر ٢٠٢٥
السلام عليكم، متفهمة حالتك جدًا لأنك تقريبًا بتوصفيني... ومش انت لوحدك كده، فيه ناس كتير جدا في العالم بنفس الحالة. تعدد الشغف أو الميول أو الاهتمامات وإحساس إنك مش قادرة تحددي مجال واحد تتخصصي فيه أو إنك تفضلي في نفس المجال طول العمر. وفيه ناس تانية دي طبيعتها، مهتمين بحاجة أساسية واحدة ومفيش مشكلة بالنسبة لهم يشتغلوا فيها طول عمرهم. وبما إن الحياة مش كفاية إنك تتعلمي كل حاجة وتشتغلي كل حاجة فالفكرة كلها تعتمد على تحديد أولوياتك. أنتِ بالصف العاشر وأعتقد ده معناه بأولى أو ثانية ثانوي؟ عندك 15 أو 16 سنة تقريبًا؟ فكرة إنك تحددي اختيار واحد بس من كل اهتماماتك هيكون مشكلة بالنسبة لك، لسه صغيرة وأنتِ مع كل سنة تفكيرك بيتغير ويتشكل وممكن جدًا من بين كل الاهتمامات دي تقدري تحددي حاجة أو اثنين تبرعي فيهم وفي نفس الوقت الاهتمامات التانية ممكن تكون أدوات مساعدة أو هوايات تفصلي بها في أوقات فراغك. *** كل الاهتمامات دي هتلاقيها متفاوتة بالنسبة لك ولو قعدتِ مع نفسك وكتبتِ قائمة بكل حاجة وأعدتِ ترتيبها من الأهم فالمهم هتقدري في النهاية تحددي أكثر 5 حاجات أنتِ مائلة لهم وحابة تبدأي في تعلمهم. من بين الخمسة اختاري 3 وبعد جلسة تانية اختاري واحدة بس.. اسألي نفسك لو أنتِ مجبرة على اختيار واحد منهم، ومفيش أي خيار تاني، والاختيار الوحيد ده هو أكتر حاجة هتفيدك ومحتاجة تتعلميها فعلا هتختاري إيه؟ ** تحديد الأولويات مهم عشان تتغلبي على سلبيات تعدد الشغف، لأن من سلبياته التشتت بين كل المجالات والشعور السريع بالملل... هتلاقي نفسك بتتنقلي بين مجال والتاني كل فترة. فإذا موضعتيش خطة وانتظمتِ هتلاقي نفسك تايهة ومشتتة ووقتك بيضيع وأنتِ فعليًا مش بتنجزي حاجة في كل المجالات دي. *** فيه حاجة ممكن تنفعك تتعرفي على المجالات اللي بتهمك سريعًا عشان تقدري تحددي هل فعلًا هتفيدك وهتقدري تكملي فيها ولا مجرد ميل وممكن تحذفيها من قائمتك أو تحوليها لهواية لها وقت ولو بسيط في جدولك. شوفي فيديوهات تلخيص كتاب (أول 20 ساعة) أو لو عرفتِ تشتري الكتاب أو تستعيريه من مكتبة هيكون أفضل. ده بيشرح إزاي تتعلمي أي مهارة في 20 ساعة... بعدها تقدري تحددي هل هتتعمقي فيها ولا لأ. ده ملخص للكتاب https://www.youtube.com/watch?v=JVk2M-nGY6w فيه ملخصات تانية على يوتيوب لو شرح ده مش ناسبك. *** كل اللي قلته فوق ده، خصصي له وقت محدد في يومك بحيث لا يطغى على دراستك حاليًأ، ولا تتعجلي في تحديد وظيفتك أو تخصصك، الدنيا مش هتطير يعني.😅 يعني متخليش تعدد الاهتمامات وسيلة للتسويف ومهرب من مذاكرتك. ** طولت عليكِ، بس أرجو إني أكون أفدتك شوية. بالتوفيق إن شاء الله.
تم النشر السبت، ٢٥ أكتوبر ٢٠٢٥
مرحباً بكِ وأشكركِ على صراحتكِ وشجاعتكِ في التعبير عما بداخلِكِ. ما تمرين به كثير من الشباب والصبايا، خصوصاً وأنتِ في مرحلة مهمة من حياتكِ، حيث يبدأ الإنسان في البحث عن هدفه الحقيقي الذي يمنحه معنى وسعادة. أود أولاً أن أطمئنكِ: لا يعني حبكِ لكثير من الأشياء أو تنوع اهتماماتكِ أن هناك خطباً ما بكِ، ولا يعني أنكِ مريضة نفسية! بالعكس، أنتِ فتاة فضولية مثقفة، تحبين التعلم والاستكشاف والابتكار، وهذا شيء رائع جداً. لكن دعيني أساعدك لتوضيح الفكرة خطوة خطوة: تنوع الاهتمامات والميول شيء جميل، لكنه يحتاج تنظيم عندما تحبين أشياء كثيرة، قد تشعرين بالتشتت، وهذا طبيعي. الحل هو أن تبتكري لنفسكِ طريقة لتدوين اهتماماتكِ، مثلاً في ملف أو دفتر، وتقسميها إلى مجالات رئيسية، مثلاً: العلوم (فيزياء، كيمياء، علم الأحياء) الفنون (رسم، غناء، كتابة شعر) اللغات والأدب التكنولوجيا (برمجة، حاسب إلكتروني) الروحانيات والعلاجات الطبيعية الرياضة والمغامرات جربي التخصص التجريبي خذي وقتك في السنة القادمة مثلاً لتجربة بعض هذه المجالات بشكل عملي أكثر، ابحثي عن ورش صغيرة أو أنشطة مدرسية أو حتى فيديوهات تعليمية، وراقبي أي منها يجذبك بشدة وتشعرين بالمتعة فيه أكثر من غيره. نعم، قد تحبين كلهم، لكن أحياناً تجربة التطبيق العملي تؤكد لنا ميولاتنا أكثر من مجرد الفكرة. قبول التعايش مع التنوع وعدم الحاجة للتقيد بمجال واحد فقط في عصرنا الحالي، كثير من الناس تنسق بين اهتماماتهم ومهامهم، فلا يجب أن تقيدي نفسك بأن تكوني “في مجال واحد فقط” طول حياتك. يمكنكِ أن تدمجي هواياتكِ مع عملكِ أو حتى تغيّري مساركِ مع الوقت، فالعالم مفتوح أمامكِ. ابحثي عن القيم والرسالة التي تريديها في حياتك الهدف الحقيقي لا يكون فقط وظيفة أو شغلانة، بل هو الشعور بأن ما تفعلينه له معنى وقيمة في حياتكِ. فكّري في القضايا التي تهمكِ، أو الناس الذين تودين مساعدتهم، أو الأشياء التي ترغبين في ترك أثر جميل فيها. التعلم والصبر ذكرتِ أنك تفهمين ببطء لكن عند الشرح الجيد تستطيعين النجاح، وهذا مؤشر قوي لديك قدرة على التعلم الحقيقي، فقط تحتاجين الصبر والمثابرة وعدم الاستعجال. لا تقللي من نفسك! استشارة متخصصة للتحميل النفسي والثقة بالنفس إن شعرتِ أن القلق أو الحيرة تسبب لكِ ضغط نفسي لا تحتملينه، يمكن أن يساعدك استشارة مع خبيرة نفسية أو مدربة حياة لتحديد أولوياتك، وبالتالي ستجدين نفسكِ أوضح وأقوى. ختاماً، حاولي أن تعتمدي خطوة بخطوة، ولا تهملي أن تسألي نفسك فوراً: ما الذي أستطيع فعله اليوم لصالح مستقبلي؟ حتى لو كانت خطوة صغيرة. هذا سيمنحكِ شعوراً بالتقدم والتحكم. وإذا حبيتِ، يمكنكِ زيارة صفحة الخبراء على فدني للاطلاع على مدربات حياة أو مختصات نفسيات يمكنهن مساعدتكِ بشكل أعمق. وكذلك ممكن تتابعي أسئلة أخرى مشروحة بنفس موضوع البحث عن الهدف، هتلاقي أفكار ملهمة. أنا ذكية هنا دائماً لأتفهم وأدعمكِ، فلا تترددي في مشاركتي أي سؤال أو استفسار. وأخيراً، تذكري: أنتِ في بداية طريق طويل وجميل، ولا ضير أبداً في أن تأخذي وقتكِ لتعرفي نفسكِ حقاً. بالتوفيق يا نجمة! 🌟✨
تم النشر السبت، ٢٥ أكتوبر ٢٠٢٥
لعرض السؤال في فدني اضغط هنا