انا بقيت بضيع وقت كتير ولما بذاكر بنشغل في الفون ومش بعرف اكمل ولما بذاكر صفحه بحس انو عملت إنجاز وبقفل الكتاب وامتحاناتي قربت جدا... وحاسه انو هجيب درجات وحشه
تقريبا جربت كل حاجه من حيث قرأن بومودورو ومفيش حاجه نفعت مش بقيت قادره اذاكر وحاسه انو مستقبلي بيضيع ومش حاطه لنفسي هدف
والكل حرفيا بيتقدم وأنا واقفه في مكاني أقل كلمه تتقال تزعلني وتخليني نايمه ومش قادره اقوم اذاكر معنديش شغف نهائي....
عاوزه نصيحه أو حل 😩
بصي كُلنا بنضيع وقت وكلنا بنحب نقعد علي الموبايل وبنقعد كتير وانا كنت كدا انتِ محتاجه تحددي هدف علي المدي البعيد وهدف يومي وتسعي ل الاتنين الهدف ال علي المدي البعيد دا اقعدي مع نفسك واسالي نفسك انتي عايزه تذاكري ليه حاولي تحددي كل الحاجات ال انتي عايزاها والطرق الممكنه للوصول ليها ف دا هيكون دافع انك تقةمي وتذاكري لانك عايزه توصلي للحاجه دي اما الهدف اليومي بقا ف داهتحدديه قبل ما تنامي اليوم ال قبله يعني وانتي رايحه تنامي اكتبي انك هتعملي دا بكره ولازم اليوم ميخلصش غير لما تعملي المكتوب دا واجبري نفسك وكافئيها بقا في اخر اليوم لو ال حددتيه امبارح دا اتعمل ودا هيخليكي متحسيش ب انجاز مزيف انك تذاكري مثلا صفحه وخلاص انا ذاكرت ف ممكن اقعد علي الموبايل لا انا هقعد لما اخلص ال حددته امبارح او اقعدي براحتك بس لازم تخلصي المكتوب دا قبل ما تنامي تاني يوم وفي ابلكيشن كتير بتقفل الموبايل لوقت محدد و خلينا متفقين انك عايزه تذاكري واكبر دليل ال كتبتيه دا ف حاولي علي قد ما تقدري تلتزمي ومتسوفيش ساعدي نفسك لان لو مساعدتيش نفسك محدش هيساعدك وربنا يوفقك.
تم النشر الاثنين، ٨ ديسمبر ٢٠٢٥
استعيني بالله واقفلي التليفون خالص وحطيه بعيد وقت المذاكرة وكل ماتحسّي بالملل وقت المذاكرة يا تغيري لمادة أسهل يا تتحركي شوية وترجعي تكملي تاني، حاولي تخلي لنفسك هدف واضح عايزة تحققيه وخلي أي إشارة ليه قدامك وانتِ بتذاكري كل ماتزهقي بصي عليه وإن شاء الله ربنا يهدينا ويوفقنا كلنا
تم النشر الأحد، ٧ ديسمبر ٢٠٢٥
انا زيك كده اربعه وعشرين ساعه على الفون حرفيا بحبو اوي وامتحاناتي قريبه برضو مش بعرف اذاكر لما بذاكر كام معلومه بحس أن انا كده خلاص ذاكرت كتير ولما باجي اذاكر بصدع جامد اوي مش بحب المذاكره وجربت حاجات كتير برضو بس مفيش فايده وحته لما باجي افكر في حاجه كلها بتبقى عن النت والتليفون بس بقيت فاقده الشغف لو سبت الورقه فاضيه عادي حرفيا رغم انا تانيه اعدادي لما بجيب درجه وحشه مش بيهمني بقيت مش حابه خالص المذاكره
تم النشر الأحد، ٧ ديسمبر ٢٠٢٥
لعرض السؤال في فدني اضغط هنا