السلام عليكم أرجو المساعدة
ارتبطت بشخص سنتين وكان في نية للخطوبة ولكن الدراسة كانت معطلاه واول ما اتخرج قرر انه يتقدم الفترة اللي فاتت لكن كان عندي ظروف بالبيت أجلت انه يتقدم
علاقتنا كانت متفاهمة جدا جدا وقفت معاه في اشد ازمات حياته مكانش في غيره في حياتي صديق وحبيب وكل شيء
مرة واحدة اصبح مفيش شغف من ناحيته وجيت اعاتبه واقوله اني متضايقة من انه معادش مهتم بيا وبقينا نتخانق كتير واني عايزة أصلح دا عشان نكون كويسين زي الاول راح فهم كلامي اني بغلط فيه وقالي طالما انا وحش كدا عمري ما هفكر ابقى في حياتك تاني وقبل ما ارد عليه كان عاملي بلوك على كل حاجة
وانا في صدمة لان اللي قولته ميتفهمش كدا خالص وانا عارفة انه كان بيحبني جدا قلت اكيد لحظة غضب وهيرج ولكن بقالنا شهرين بعيد عن بعض وهو بيضيف بنات كتيييير جدا على اكونتاته ودي مش عادته خالصهو شخصية محترمة عمره م ضاف حد غيري ولا كان بيحب كدا
جه من ١٠ ايام فك البلوكات اللي كان عاملهالي كلها ولسه عنده بنات كتير جدا لدرجة انه ممكن يضيف في اليوم اكتر من ١٠ بنات
وانا مش فاهمة ليه بيعمل كدا ؟؟
انا للاسف مش قادرة أتخطاه ولا قادرة اتخطى اني ازاي هونت بالشكل دا عليه وضيعت من عمري سنتين ع الفاضي انا متدمرة نفسيا وزعلانة على نفسي
أتخطى ازاي حاجة زي دي انا بحاول اشغل نفسي كتيييير جدا ولكن كل حاجة بتفكرني بيه وبدخل في نوبات هلع رهيبه ومش قادرة اتخطى ولا في حد احكيله
طيب حتى انا مش قادرة أفسر اللي بيعمله ولا هو هيرجع لي ولا لا
بصي انا هقولك حاجة يمكن تشوفيها بعيدة شوية عن كل دا ... هل جربتي تقعدي مع نفسك وتفكري ليه الموقف دا حصل اصلا ؟! لو بصيتي على الموقف دا من زاوية اعمق وابعد هتكتشفي إن قلبك كان متعلق بمن لا يجب التعلق به .. يعني ايه ؟! احيانا الله سبحانه وتعالى أذا اراد بعبد خير ورآه يضل عن سبيله يرسل له الرسائل والإشارات ما تجعله يعود لرشده مرة اخرى .. فقد يكون ما حدث هو رسالة من الله لك للعودة لرشدك لان القلب الذي يتعلق بغير الله قلب مظلم اعمى لا يعرف الحق من الباطل ولا يميز بينهما ، والحب الذي يكون في غير الله زائل ولن يجني صاحبه الا الاذي والفتور .. استغلي هذه الفرصة واجعلى محبتك لأي شخص من الآن تكون فقط لله .. ازاي ؟؟ بأن يكون رضا الله هو الميزان لهذا الحب فإذا انحرفت العلاقة عن رضا الله زال التعلق فورا وذا كان في طاعة الله بقي مادام القلب متعلق بالله .. هذا النوع من الحب لا يزول حتى بعد الموت .. ولنا في رسول الله صلى الله عليه وسلم وزوجته ام المؤمنين خديجة خير مثال وقدوة .. فلم يعشق الحبيب احد بقدر ما احب خديجة ولكن كان حبا في الله صافيا .. لذلك اذا اردتي صفاء الحب واخلاصه فأجعليه لله خالصا فالحب في الله لا يفتر ولا يزول بفضل الله
تم النشر الجمعة، ٣١ أكتوبر ٢٠٢٥
وعليكم السلام شوفي ي اختي انا عاوزك تقتنعي تماما انه لو كان خيرآ لبقى و إياكي ثم إياكي ان ترسلي له رسائل او تحاولي تفتحي الباب مره اخرى في اشياء ربنا بيبعدها عننا عشان عارف انه هاتتعبنا جدا انا بقالي تلات ايام مش بعرف انام بسسبب نوبات هلع بتجيني اول ما عيني تغمض خدت ايه من الزعل غير اني بقوم مش عارف اتنفس ولا عارف اعيش زاي باقي الناس انتي في مرحلة شفاء و افرحي قوي عشان هانت جدا و تبقي تمام و حره طليقه ماحدش يستاهل قلبك غير ربنا سبحانه و تعالى صلي و قربي منه ازاي زعلانه على واحد باعك دا باعك طب نزعل على حد اشترانا اللي يبيع نزعل ليه عليه اصلا لازم تفهمي الجمله دي كويس و تعلمي قلبك انها هي الصح عقلك هايقولك بس ازاي يعمل معانا كده و ازاي و ازاي ؟؟؟ ردي بشكل عقلاني انه ربنا شايف انه مش ده اللي هايسعدني في حد تاني جاي و يستاهل قلبي اوعي تكتمي مشاعرك سيبي الوجع ياخد وقته احنا بشر بس عاوزك مقابل ده انك تكوني متماسكه و يكون عندك تسامح و انه عادي ياما علاقات فشلت و انه عادي ياما في ناس مش متفاهمين المهم عاوزك تطلعي من الدرس بدون اثر سلبي عليكي عشان بعدين يبقا قلبك لسه بطيبته و روحك لسه بجمالها ماحدش كسرها
تم النشر الأحد، ٢ نوفمبر ٢٠٢٥
بصي يروحي ممكن كلامي يضايقك بس هي دي الحقيقه الشخص ده عيل و مش بيحبك لأنه مفيش راجل بيعمل كده و مفيش شخص بيحب حد يبطل الاهتمام بيه او يفهمه غلط ولو حتى إنتي قولتي حاجه غلط بيعدي بس ده لا ثانيا مفيش راجل بيكلم بنات مفيش راجل يفضل يدخل بنات على الاكونت بتاعه يروحي اللي بيحب بيخاف على اللي بيحبه هو لو كان بيحبك مكنش اتكلم معاكي هو كان اتقدملك علطول و متقوليش علشان الدراسه دي كلها حجج كان ممكن يكلم بباكي من غير حتى قرأت فاتحه .بصي يروحي خلينا مقتنعين انه الحاجه اللي بدايتها تغضب ربنا نهايتها هتزعلنا والارتباط من الاول حرام ب إنت تحمدي ربنا إنه هو بعدو عنك لأنه حرام و مش بيحبك ومش راجل واعمليلو بلوك و أمسحي رقمه إنت أغلى من كده يغاليه مترخصيش نفسك و استغفري ربنا وأبدأ صفحه جديده مع ربنا و متعمليش حاجه حرام ولا ترتبطي تاني ونصيبك هيجيلك و هيكون أحلى وأجمل ممكن كنت تتوقعي لأنه الحلال أفضل .وأسأل الله أن يغفر لك ويتوب عليكي و يردك اليه ردا جميلا
تم النشر الأربعاء، ٢٩ أكتوبر ٢٠٢٥
الشخص ده ممكن كان صادق معاكي في الاول ولكن مع الظروف حس أنه مضغوط وأنه بيحمل علىعلي نفسه اكتر من مسئولية ولأنك كنتي زاي واحد يعرفه مدة طويلة وضامن انك مش هتخلي عنه ومتعلقة بيه خلص بيقي بيمل ويعمل اللي عاوزه ويقول إن حر ويبتدا يعيش حياة جديدة مع شخصية جديدة ويتعرف علي بنات اكتر ليشوف الشخصية اللي هتكمل معاه وتقدر تتسامح مع ماضيه مع أي شخص وتحسيه بالمسئولية وأنه قدها فانتوا بتكونوا عاملين زي التجارب لاختيار الزوجة اللي على مزاجه كل بداية بتبقى حلوة في الاول لان بيكون فيها اعجاب وانجذاب وان الشخص عايز يعرف يستكشف الشخص اللي قدمه فخلاص استكشف وخلاص ويبدأ مع حد جديد نفس الرحلة في أي علاقة بين الراجل والست خارج إطار الزواج والخطوبة بيحاول إظهار كل الصفات الكويسة وهي بتظهر له انك شخص ينفع يكمل حياته معاه علي غير الطبيعة وده عارف أنه بيكذب في حاجات بس بيكمل واحد حس أنه شخص متعلق بالتاني بيدا يضغط على الشخص ده أنه يرضى بالحاجة اللي وحشة فيها وإلا مش هيكمل فالإنسان يبطل يتعلق ده أعظم انتصار على الشخص ده ويكمل حياته عادي.
تم النشر الأربعاء، ٢٩ أكتوبر ٢٠٢٥
وعليكم السلام ورحمة الله وبركاته بصي يا غاليه اي حد فينا بيغلط فواجب علينا أن احنا نصلح الغلط ومنغلطش تاني احنا واجب علينا أن احنا منعلقش نفسنا بحد واصلا ربنا محرم علينا العلاقات الغير شرعيه عشان احنا كابنات قلبنا ضعيف و بيتعلق بسرعه فاحنا المفروض نبعد عن كل ده عشان عمره الراجل بيجوز واحده اتكلم معاها ليه ؟ عشان هو هييقول لنفسه طالما كلمتني اكيد كلمت غيري فمش بيدي الثقه في شخص ده فلم بيجي يخطب بيروح يشوف واحده عمرها ما كلمته ولا كلمت حد عشان تحافظ على بيته في غيابه فأنتي المفروض تبعدي نفسك عن العلاقات دي عشان انتي اللي هتتعبي وربنا يرزقك بالزوج الصالح اللي يحافظ عليكي والسلام عليكم ورحمة الله وبركاته
تم النشر الاثنين، ٢٧ أكتوبر ٢٠٢٥
وعليكم السلام ورحمة الله، أولاً أود أن أقول لكِ أن مشاعركِ طبيعية تمامًا، والألم الذي تشعرين به من خيبة الأمل هنا هو أمر محزن لكنه جزء من رحلة الشفاء التي تمرين بها. دعيني أساعدك بشكل مرتب لأتمكن من توجيهك بشكل سلس وداعم: فهم الموقف: أنتم كنتم مرتبطين سنتين وهذا وقت طويل بذلتِ فيهِ مشاعر وأمل. أنت كنتِ داعمة له في أصعب مراحل حياته وهذا يعكس مدى عمق مشاعرك ووفائك. حدثت مشكلة عندما شعرتِ أن الشغف بينكما تلاشى، وعبّرتِ عن مشاعرك لكن الطرف الآخر فهمها بشكل سلبي. ثم فجأة قام بحجبك وقطع الاتصال، وهذا سبب صدمة كبيرة لك. هو الآن يتعامل بطريقة تبدو غريبة (إضافة الكثير من البنات على حساباته) رغم أنه لم يكن هكذا من قبل. لديكِ نوبات هلع حادة وألم نفسي كبير. تفسير ما يحدث: تصرفاته قد تعكس أنه يحاول يعيد ترتيب حياته أو ربما يحاول نسيان ما حدث بطريقة خاطئة، أو حتى الدخول في علاقات سطحية لتعويض شيء مفقود داخله. بإضافة عدد كبير من الفتيات على حسابه، قد يكون يحاول إظهار نفسه بمظهر مختلف، أو قد يكون يتصرف بدافع الغضب أو الانفصال النفسي عن الماضي. كيف تتخطين هذا الوضع وتتعافين؟ امنحي نفسك الوقت: لا تضغطي على نفسك لتنسيه فجأة. الأثر الذي تركه فيكِ كبير، والشفاء يحتاج وقت. امتنعي عن متابعة حساباته: لا تترددي في استخدام خاصية الحظر أو إخفاء منشوراته. اهتمي بنفسك: استثمري طاقتك في نشاطات تحبينها والعمل على تطوير مهاراتك أو تحقيق أهداف دراسية أو مهنية. تقبلي المشاعر: من الطبيعي أن تشعري بالحزن، الغضب، والندم، مجرد البوح لنفسك بهذه المشاعر سيساعدكِ على التحرر منها. استشيري خبير نفسي: بما أنك تعانين من نوبات هلع، من الأفضل أن تحصلي على دعم من متخصص في الصحة النفسية يقدم لك أدوات عملية لمواجهة هذه النوبات. اذكري الله: الاستمرار بالدعاء وطلب العون من الله عز وجل يمدك بقوة داخلية وطمأنينة قلبية. تذكري قوله تعالى: (إِنَّ مَعَ الْعُسْرِ يُسْرًا) [الشرح:6]. نصيحة أخيرة: لا تدعي ماضي العلاقة يحدد هويتكِ أو قيمتكِ. انتِ قوية وقادرة على بناء حياة أفضل مع الوقت. إذا شعرتِ بالحاجة لمساعدة متعمقة، يمكنكِ زيارة صفحتنا للخبراء في فدني عبر هذا الرابط: https://www.fedni.net/experts لتجدي من يقدم لكِ الاستشارات الشخصية. أنا هنا دائمًا إذا احتجتِ لمن يسمعكِ أو يوجهك. هل تودين أن نتكلم أكثر عن كيفية التعامل مع نوبات الهلع أو كيف تتعاملين مع مشاعرك اليومية بشكل عملي؟
تم النشر الاثنين، ٢٧ أكتوبر ٢٠٢٥
لعرض السؤال في فدني اضغط هنا