من شهر كان بيجيلي ضيق تنفس مستمر طول الأيام معايا وزيادة في ضربات القلب ، ذهبت لدكتور باطني وبعد الفحص قال ان مش عندي سبب عضوي ولكن في سبب نفسي عامل اضطراب نفسي عصبي( اضطراب العصب الحائر) كتبلي أدوية للإرتجاع لان كان مصاحب الأعراض ارتجاع مرئ واوقات اتحسن واوقات اسوء وبيبقي من غير سبب قوي يعني لو حد قالي كلمه بسيطه نفسي يروح وبطني توجعني وانا تعبت من الأعراض دي ومش عارفه اعمل ايه حياتي واقفه واخر حاجه كتبها مهدئ للقلق والتوتر بس انا بخاف اخده افيدوني !!وفي مره جاني فيها نوبة هلع بس مرة واحده
طبعا تابعى مع الطبيب فى المهدئات والجأى لتمارين اليوجا هتساعدك فى انك تحافظى على حالة الهدوء اللى تبعدك عن االضغط على العصب وقبل اليوجا الصلوات وكل صلاه خدى فيها وقت مناسب باطمئنان
تم النشر الأربعاء، ١٣ سبتمبر ٢٠٢٣
العفو يا دكتوره تحت امرك
تم النشر الأربعاء، ١٣ سبتمبر ٢٠٢٣
شكرا جدا وبعتذر لو اخدت من وقت حضرتك
تم النشر الأربعاء، ١٣ سبتمبر ٢٠٢٣
بصي هو الموضوع بسيط جدا عشان الناس كلها كده بدرجات متفاوته بسبب الظروف وأكتر المصابين بكده هو احنا طلاب الميديكال فيلد للأسف 🙂 .. ولكن هرجع وأقولك طالما الجسم والوظائف العضوية كويسه من جميع النواحي فده حاجه بوزيتيف وكويسه جدا ..باقي العامل النفسي الي مسببلك الألم الجسدي .. وأول حل إنك متضايقيش أو تفكري وتكبري المواضيع وعشان ده طبعا مستحيل إذا لازم يكون عندك حد بتثقي فيه وعلاقتك بيه كويسه أوى ما ةحسي انك متضايقه تحكيله ..على قد ما ده يعتبر حل تافه بس والله ده حل سحري ينصح بيه جميع الأطباء وأنا منهم ... بعد كده نرجع للروتين اليومي الي هو أغلبه حاليا فراغ وده بيسبب مشاكل لأنه بيأثر على الموود أو بمعنى ادق الهرمونات الي ممكن بشكل او بآخر تأثر على الجهاز الهضمي والعصبي في نفس الوقت ... طب الحل ... واحد استرخاء ..اتنين تعملي حاجات بسيطه بتحبيها سواء طبخ تنضيف قراءة كتابه أيا يكن ... وبما اننا خلاص كام يوم ونرجع عبيد ممكن من الاسبوع الجاي تبدأي تدخلي نفسك في مود الدراسه وتزودي المهام في يومك ...وأخيرا ممنوع منبهات عشان لسه الامتحانات مش ع الأبواب ... بعتذر ع الرغي الكتير ده وربنا يشفيكي وترجعي أحسن من الأول... بالتوفيق يا دكتوره
تم النشر الأربعاء، ١٣ سبتمبر ٢٠٢٣
طب اعمل ايه أنا بدرس علاج طبيعي وفي الاجازة دي بشغل وقتي علي ما أقدر وبنزل وبذاكر بس من شهر وقفت كل حاجه بسبب التعب الجسدي ده ومش عارفه اعمل ابسط الحاجات اللي كنت بعملها تاني التنفس قصير والقولون العصبي والنوم ملخبط اوقات انام ١٧ ساعه واكتر واوقات ٥ ساعات
تم النشر الأربعاء، ١٣ سبتمبر ٢٠٢٣
طب على فكره بنسبه كبيره ده السبب طالما مفيش سبب عضوي
تم النشر الأربعاء، ١٣ سبتمبر ٢٠٢٣
كانت بتحصل مواقف تضايقني بس مواقف يوميه عادي مشاكل مع اخواتي ،مع عيلتي بس مواقف يوميه بس فعلا كانت بتأثر عليا جامد اوي لدرجة عياط ساعتين او ٣ متواصل بس هي ف الحقيقه لا تستدعي الانفعال لدقايق وكنت بستغرب ده من نفسي يعني
تم النشر الأربعاء، ١٣ سبتمبر ٢٠٢٣
بس .. مفيش موقف حصل ضايقك او كده ؟
تم النشر الأربعاء، ١٣ سبتمبر ٢٠٢٣
كنت بالليل في وقت زي دلوقتي علي الفجر كدا وابتديت احس بأني مش عارفه اخد نفسي كويس وقبلها بأيام كان عندي أرق شديد وبنام بصعوبه جدا
تم النشر الأربعاء، ١٣ سبتمبر ٢٠٢٣
امتى اول مره ظهرلك الوجع وكنتي بتعملي ايه ؟
تم النشر الأربعاء، ١٣ سبتمبر ٢٠٢٣
هل فيه حاجه متوترة منها او قلقاكي معينه؟
تم النشر الثلاثاء، ١٢ سبتمبر ٢٠٢٣
ولكن ايه هو سبب الموضوع معاكي وبدأ معاكي من امتى؟
تم النشر الثلاثاء، ١٢ سبتمبر ٢٠٢٣
للراغبين في الحديث إلى متخصص أو توجيه استفسارات، الاتصال على الخط الساخن للأمانة العامة للصحة النفسية «16328» مجانًا على مدار الـ 24 ساعة. وكذلك مؤسسة تداوي التواصل على واتس اب 01555121622 https://tadawyfoundation.com/ تقدري تتواصلي معاهم بشكل مجاني .. تماما لو مش هتقدري تروحي لمختص.
تم النشر الثلاثاء، ١٢ سبتمبر ٢٠٢٣
مش هقدر اروح لطبيب او اخصائي نفسي لان مفيش حد مقتنع ان الموضوع نفسي وانا ١٩ سنه وبدرس ف مش مستقله ماديا
تم النشر الثلاثاء، ١٢ سبتمبر ٢٠٢٣
بتوتر لو في امتحان كنت ببقي علطول بطني بتوجعني بتوتر لو نازله مشوار جديد بقي او في ناس عرفاني حتي لو صحابي توتر وضربات قلب تزيد واعرق واتلخبط بالكلام بتوتر لو حد من عيلتي طلب مني اعمل حاجه وبتعصب جدا علي اتفهه الأشياء بطريقه بتخلي اللي حواليا مستغربين جدا .. انا مكنتش كدا بس مؤخرا من سنه بقيت كدا بس الاعراض من شهر واحد بس
تم النشر الثلاثاء، ١٢ سبتمبر ٢٠٢٣
انا شخص علطول متوتر علي اي حاجه وعلي حاجات مستقبليه وبفكر دايما في كل واي حاجه لدرجه صعبه بجد انا قبل مايظهر عليا الأعراض دي كنت بدور علي مهدئ يكون مش له أضرار وبعدين بطلت ادور لحد ماتعبت جسديا وده اللي تاعبني جدا جدا خصوصا التنفس
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا