في سن 17 ومش معايا لابتوب حاليا بس عاوزا اكون مستقلة خصوصا لأن مصاريف الكلية كتير والمستوى في الانجليزي b2 بس معنديش خبرة في أي مجال وحاولت اسجل على مواقع زي upwork وكدا بس حقيقي الموضوع معقد شوية لو حد يفيدني ازاي ابدأ مجال الترجمه خطوة بخطوة اكون شاكرة جدا او اي مجال تاني ممكن اشتغل فيه خصوصا ان اهلي رافضين فكرة اني انزل اشتغل
السلام عليكم، سواء كانت ترجمة أو أي مجال آخر في العمل الحر فلازم تعرفي إنك هتحتاجي تبذلي وقت ومجهود قبل ما تقدري تشتغلي ويبقى لك مصدر دخل، ده مش تثبيط، ده توضيح لواقع عشان متتصدميش أو تحبطي لو أنتِ مستعجلة على الشغل والربح منه. أنا مريت بالفترة دي قبل منك وتهت حبة حلوين وطبعا تشتت أكتر بسبب كتر المحتوى عن العمل الحر والمجالات والحيرة اللي بتقعي فيها بين أي طريق من كل دول أختار واي طريق أسرع وأقصر. فهقول لك كم نصيحة من خبرتي المتواضعة. لازم أولًا، تحددي مهارة واحدة تشتغلي عليها وتطوريها ويبقى لك نماذج عمل. اعرفي الأول عندك مهارة إيه أو إيه ميولك واللي تقدري تتعلميه وتنافسي فيه، متهتميش بفيديوهات الربح السريع عن طريق الشغل في كذا... لأ، شوفي ميولك الأول وهتلاقي مجموعة مهارات تقدري تحددي ما بينها وتختاري واحدة بس منهم في النهاية تبدئي بها. طوري المهارة واشتغلي فيها واستقري وممكن بعد كده تفكري تدخلي مهارة تانية معها. مواقع upwork و freelancer صعب قوي كمبتدئ تفكري تشتغلي عليها، مواقع خمسات ومستقل نفسها محتاجة تشتغلي على نفسك وتعرفي تسوقي لخدمتك أو تقنعي العميل (على مستقل) بقدرتك على القيام بالمشروع المطلوب، ده غير إن موافقة المواقع ومراجعتها لحسابك بقت أصعب وممكن يترفض حسابك أو خدمتك لو مش قد المستوى. لازم حساب لينكدن، ومتخافيش منه أو تحسي بإحباط لو اشتركتِ فيه ولقيتِ الناس كلها لها إنجازات وشغل. أنا مريت بكده أول ما سجلت عليه وده خلاني تركته كذا سنة لحد ما عرفت إزاي أتعامل معه وأستخدمه صح. اعملي حساب وتفاعلي عليه واعملي شبكة علاقات وانشري وعلقي عند الناس واظهري، طبعًا بالمهارات اللي عندك. وإن شاء الله تلاقي شغل عليه، سواء عن طريق نشاطك وشبكة العلاقات أو عن طريق الوظائف اللي بتعرض عليه وممكن تقدمي عليها. السؤال ده فيه إجابة تخص لينكدن وشرحه https://www.fedni.net/q/55713510/هل-يوجد-وظائف-من-المنزل اهتمي جدًا يكون عندك نماذج عمل، لو بتاخدي كورس طبقي المشاريع واعمليها نماذج عمل لكِ، اعرفي إزاي تكتبي سيرة ذاتية بالمواصفات الحديثة. *** هرشح لك مبادرة مجانية كانت أكاديمية ابن سينا عاملاها للعمل عبر المنزل للسيدات، اسمعي المحاضرات وطبقي واحدة واحدة، المحاضرات بتخليكِ تحددي شخصيتك الأول وميولك وبعدها أنسب المهارات لكِ وبعدين إزاي تلاقي العملاء وتنافسي في سوق العمل. ده رابط المحاضرات على تليجرام، يا رب تنفعك. https://t.me/workremotelyfreelance/61 ** الأهم من كل اللي فات، استعيني بالله ولا تعجزي وجددي نيتك من الدراسة والعمل وبإذن الله ربنا يوفقك.
تم النشر الخميس، ١١ سبتمبر ٢٠٢٥
مرحباً بكِ يا عزيزتي، معاكِ ذكية من فدني 😊 أولاً، أحترم رغبتك في الاستقلالية وتحملك مسؤولية مصاريف الكلية، وهذا فعلاً شيء رائع ومحفز. وأتفهم تمامًا التحديات اللي بتواجهيها، خصوصًا في موضوع عدم وجود لابتوب وعدم دعم الأسرة للرغبة في العمل. خليني أساعدك وأقدملك بعض الأفكار والخطوات التي ممكن تبدأي بها: 1. مجال الترجمة خطوة بخطوة: تحسين مهارات اللغة : بما إن مستواك في الإنجليزية B2، فأنصحك تركزي على تطوير مهارتك اللغوية بشكل يومي، خصوصاً مهارات القراءة والكتابة. ممكن تستخدمي تطبيقات مجانية على الموبايل لتقوية اللغة. تعلمي أساسيات الترجمة : ابحثي عن دورات مجانية أو فيديوهات على اليوتيوب تشرح أساسيات الترجمة مثل كيفية نقل المعنى، الاهتمام بالسياق، واستخدام القواميس الصحيحة. ابدئي بتمارين صغيرة : ترجمي مقالات قصيرة أو نصوص بسيطة من الإنترنت، واحتفظي بها كمثال لعملك. هذا يساعدك في بناء ملف عمل (Portfolio). استخدمي مواقع الترجمة الوظائفية : استمري في محاولة التسجيل في مواقع مثل Upwork أو Freelancer، لكن كوني صبورة. في البداية، قد تضعي عروض أسعار منخفضة لتجذب العملاء وتكتسبين تقييم جيد. ابحثي عن فرص ترجمة محلية : بعض المؤسسات أو الأفراد قد يحتاجون ترجمة مستندات أو محتوى بسيط. حاولي عرض خدماتك على أصدقاء الأسرة أو معارفهم (عن بعد إذا أمكن). 2. أفكار مجالات عمل أخرى: تصميم بسيط أو تحرير فيديوهات (من هاتفك) : هناك تطبيقات للموبايل تساعدك على عمل تصميمات بسيطة أو فيديوهات قصيرة، وهذه الخدمات مطلوبة بكثرة. كتابة المحتوى أو التدوين : إذا كنتِ تحبين الكتابة، هناك مواقع تدفع لأصحاب المحتوى. ممكن تبدئي بتدوين مواضيع تهمك لبناء خبرة. دورات قصيرة أونلاين لمهارات أخرى : مثل التسويق الرقمي، إدارة وسائل التواصل الاجتماعي، أو حتى التجارة الإلكترونية. كثير من هذه الدورات مجانية أو بتكلفة قليلة. 3. كيف تتعاملين مع رفض أهلك: حاولي الحوار بهدوء وشاركيهم رغبتك في دعم نفسك ومصاريف تعليميك، مع توضيح أنكِ ستتعلمي وتعملي في بيئة آمنة. ابدئي بخطوات صغيرة مثل العمل من المنزل أو المشاريع التي لا تتطلب الذهاب للخارج. ربما معهم مخاوف من تجربة عدم الاعتياد أو الأمان، فالصبر والمثابرة في الشرح وتقديم نتائج جيدة قد يساعد في تقليل قلقهم تدريجياً. أخيراً، أنصحك بالاطلاع على قسم الأسئلة المتعلقة بالعمل الحر والفرص عبر Fedni، ففيه تجارب ونصائح كثيرة من مستخدمين آخرين ممكن تفيدك. وإذا احتجتِ، في موقع Fedni يمكنكِ البحث عن خبراء متخصصين في التوجيه المهني والتطوير الذاتي ليرشدك بشكل مخصص. أنا موجودة هنا دائماً لدعمك، فلا تترددي في طرح أي سؤال آخر أو طلب نصيحة. بالتوفيق يا بطلتي 💪✨
تم النشر الخميس، ١١ سبتمبر ٢٠٢٥
لعرض السؤال في فدني اضغط هنا