انا بنت عندي 20 سنة عندي إخوات تلت بنات وولد ومامتي متوفية من اربع سنين وبابايا متجوز هو مش قريب من ربنا يعني مبيصليش وكده وعصبي جدا وبخيل علينا اوي يعني مبيجبلناش اي حاجة نهائي مبيصرفش غير على مراته واسلوبه معانا وحش جدا خصوصا انا
انا اصغر بنت بعدي ولد لما بسأله ليه بيتعامل معايا وحش بيفضل يدي مبررات المهم دايما بحاول ارضيه واتعامل كويس واعامله بما يرضي الله وده بشهادة الجميع اني بحترمه وبعامله كويس وبخاف على زعله جدا وبزعل جدا لما بلاقيه بيتعصب لما بيشوفني
وبفضل ادعي ربنا يحبني زي ما بيحب اخواتي ويعاملني زيهم بس هو مقتنع انه بيعاملنا كلنا زي بعض
المهم حصل موقف النهاردة اخويا شتمه فطلع زعقلي انا واختي وقال قلبي وربي غضبانين عليكو ليوم الدين وقال كلام وحش اوييي وصعب خلاني أعيط فكنت عايزة اعرف هل ربنا هيعاقبني بسبب انه غضبان عليا وان ربنا هيغضب عليا ولا لا مع العلم انا حتى لو مش غلطانة وحسيته متضايق عشان شافني بفضل اعتذر له كتير جدا كمان دايما يقولي انت جاية غلطة انا مكنتش عايزك بس انا بجد نفسي يحبني زي اخواتي
السلام عليكم ورحمه الله وبركاته. انت جميله قوي قوي جميله قوي وربنا يحفظك ويزيدك من فضله ومن ربنا حلو جدا انك بتفكري في علاقتك بربنا ان هو مش بيديلك احسن حاجه كمعامله. خليني اقول لك انه ربنا شاهد ومطلع على كل حاجه. حتى لو دلوقتي بابا قال الجمله دي في وقت عصبيه هل ربنا يعني هياخذها منه ان هو خلاص بقى غضبان عليك وانت فعلا تستاهلي كل وحش لا ربنا شايف قد ايه انت بتديني مجهودك شايف قد ايه والدك ممكن يكون مقصر في التعامل معاكي فربنا عدل حتى لو الانسان اتصرف خلاص فربنا عدل لانه ربنا شايف الصوره كامله فحشاء ان يظلم احد يعني حتى لو كان ايه؟ الابتلاءات بتكون في الاباء اوقات بتكون في الابناء فعله والدك للاسف مش بيديك المعامله اللي انت تتمنيه على قد ما هتصبري على الابتلاء ده يعني هتتحمليه كمان هتقدمي بر الوالده على قد ما شاء الله وتقدري اجري عظيم جدا جدا لانه مش بني ادم بيشقى وهو بيجري اهله وخصوصا كمان لما يكونوا صعبين دي فرصه حلوه ليكي جدا استغليها كل مره تشوفي باباكي بيتعامل وحش شوفي ان ربنا بيقدم لك اختبار انت ممكن تستفيدي منه من كل ما تبتسمي في وشه او هتعمليه حلو حتى لو هو احسن معامله كل ما هتعرفي ان شاء الله ان شاء الله كبير جدا من عند ربنا وما تقلقيش ان شاء الله ربنا مش غضبان عليك ولا اي حاجه. والكلمه بابا قال لها قويه يعني او في لحظه غضب واباء كتير بيقولوا الكلام ده طبعا هو من الافضل ومن وفاه الرسول عليه الصلاه والسلام ان محدش يدعي على ابنائه او يعني يتكلم عنهم كده حاجه لها علاقه بانه ربنا يعاقبهم يعني او حاجه زي دي لكن بابا زي ما انت قلت مش مركز في المقام دي او مش ملتزم بالتفاصيل الدينيه دي فعشان كده هتلاقيه دي مجرد جمله بيقولها بيعبر منها عن غضبه او بيعبر عن زعله مش اكتر من كده ولكن بعد كده اتعامل معاملته العاديه خالص ان هو غلطان للدرجه ربنا زعلان منك ان شاء الله ربنا شاهد شايف قلبك الحلو وباذن تاخذي كل حاجه حلوه على قد جمال قلبك كده.
تم النشر الأحد، ١٢ يوليو ٢٠٢٦
طالما أنتى ماعملتيش حاجه ف ربنا مش هيغضب عليكى بالعكس هيغضب عليه واصبري خليكى مظلومة أفضل من إن تكونى ظالمة وأحب أكررهالك أنتى ماعملتيش حاجة ولا ذنب المفروض يعاملكوا كلكم بعدل واتقربى من ربك أكتر وحاولى تخرجى نفسك من الضغط ده ممكن يوصلك لفكرة الانتحار اوعك تعمليها وممكن يعملك مشاكل عضوية ونفسيه المشاكل النفسيه أحيانا بتأثر على الأعضاء ونفسيتك لما تتعب العرضة للإصابة بالأمراض هتبقى أكتر هو مش هينفعك بحاجه حتى لو هو أبوكى أنتى اللى هتنفعى نفسك وربنا يحفظك والله أنتى قطعتيلى قلبى 😢 😔 ربنا معاكى يا حبيبتى ويخفف عنك عاجل غير آجل وأنا هاادعيلك احنا كده البنات بنتأثر بالجانب العاطفي أو النفسي أكتر ممكن الضرب أهون من كلمة تجرحك وتأثر عليكى بالسلب أتمنى أكون أفدتك. للعلم أنا بنت زيك
تم النشر الثلاثاء، ١٤ يوليو ٢٠٢٦
أختي العزيزة، أولاً أنا آسفة جدًا على اللي بتمرّي بيه، وأقدر إن الموقف ده مؤلم جدًا وخلّاكِ تحسي بالظلم والحزن. إنتِ بنت صغيرة في السن، فقدتِ أمكِ، وباباكِ بيعاملكِ بطريقة قاسية رغم محاولاتكِ المستمرة ترضيه وتحترميه. ده موقف صعب، ومش غلطكِ خالص. بالنسبة لسؤالكِ عن غضب ربنا: لا، ربنا مش هيغضب عليكِ بسبب غضب والدكِ. ربنا عادل ورحيم، وبيشوف قلبكِ وجهودكِ، وإنتِ بتحاولي ترضيه وتدعيله وتتعاملي معاه بما يرضي الله، وده شيء محمود ومأجور. الغضب ده من والدكِ ناتج عن شخصيته ومشاكله الخاصة، مش دليل على إن ربنا زعلان منكِ. قال تعالى: "لا تزر وازرة وزر أخرى"، يعني محدش بيتحمل ذنب التاني. استمري في الدعاء له بالهداية والمحبة، وادعي لنفسكِ بالصبر والقوة، وربنا هيعوضكِ خير. حاولي تركزي على نفسكِ شوية: اقرئي القرآن، صلي، وادعي ربنا يريح قلبكِ ويصلح حال والدكِ. لو المواقف بتتكرر وبتأثر عليكِ نفسيًا، فكري في طرق عملية زي التحدث مع شخص موثوق في العائلة أو التركيز على دراستكِ أو مهاراتكِ عشان تبني ثقتكِ بنفسكِ. إنتِ مش "غلطة" زي ما قال، ده كلام مؤذي من شخص عصبي، وربنا شايف تعبكِ. لو عايزة آراء إضافية، ابحثي عن أسئلة مشابهة على فدني. ربنا يهدي والدكِ ويفرج همكِ يا رب.
تم النشر الجمعة، ١٠ يوليو ٢٠٢٦
إنك لا تهدى من أحببت ولكن الله يهدى من يشاء .. ادعيله ده اللى تقدرى عليه وربنا قادر على كل شئ .. لكن يتغير او لا دى مفيش بايدك حيله لكن بتعامليه بلطف عشان ربنا .. بس نصيحه بلاش تتكلمى معاه او تخاولى تنصحيه لانه هيشوفها بمنظور مش كويس .. ادعيله فقط
تم النشر السبت، ١١ يوليو ٢٠٢٦
عموما انتي محتاجة دفعة تشجيع ونظرة ثقة لا أكثر .... انا مقدر عاطفتك ودي ميزة ولكن مع ذلك عليكي بالتوازن بحيث لا يتم استنزافك .... وانا شايف ان ربنا مديكي وعي وذكاء وعارفة انه بيلعب على نقاط ضعفك .... الهدف هو انك تكوني مكتفية عاطفيا عن شخص كلما حاولتي ان ترضيه زاد سخطه ..... بالطبع له كل الحب ولكن الفكرة ان لا نتأثر سلبيا به .... مثلا لو قال : "انتي جيتي غلطة" هزي له رأسك وعبري عن الموافقة بكل بساطة فأنتي تعلمين ان وجودك على سطح الأرض وجود معتبر وهو بإذن الله الخالق .... فوجودك ليس باختياره كما أن وجوده هو شخصيا ليس باختياره ... فاستعيني بالله وكلما تقربتي إلى الله وذكرتيه وزاد إيمانك فأنتي على خير
تم النشر الأحد، ١٢ يوليو ٢٠٢٦
للاسف فاهمك كويس جدا ومريت بحاجات زى كدا .. وممكن يكون بيحصل منه كدا عن سوء فهم او طبيعة تفكيرة مختلفه . لكن خلينا ف الحل ليك انك تتعاملى بما يرضى الله واعرفى انك بتؤجرى على صبرك وتعاملك الكويس معاه برغم اللى بيعمله .. ويا رب ان شاء الله يعوضك بزوح متفاهم تقدرو تبنو حياتكم زى ما تحبم من غير عقد او مشاكل
تم النشر السبت، ١١ يوليو ٢٠٢٦
طالما مبتعمليش حاجه غلط ومبتزعليهوش ف ربنا مش هيغضب عليك مهما هو قال .. انتى كملى تعامل معاه بلطف وادعى ربنا يهديه
تم النشر الجمعة، ١٠ يوليو ٢٠٢٦
يارب+انا لما اتعامل معاه بلطف هو مش هيتغير فاهمني؟ انا نفسي هو يتغير بجد خايفة يموت بعد الشر عنه وهو كده نفسي يقرب من ربنا خايفة عليه جدا بجد مهما عمل هيفضل اكتر شخص انا بحبه فحياتي بفضل ادعيله وانا بصلي واعيط على الغفلة اللي هو فيها مرة اتكلمت معاه كلامي ضايه فضربني وانا كنت كبيرة كده من سنة حقيقي نفسي يتغير بجد وقلبه يلين لان سنه مش صغير لو للن قلبه متأكده انه هيتعامل معايا كويس فاهمني؟
تم النشر السبت، ١١ يوليو ٢٠٢٦
الفكرة انه ديما بيشوف ايه نقطة ضعفي ويلعب عليها زي انه عارف اني الحمدلله قريبة من ربنا وبخاف من ربنا فيجبهالي فالدين وعارف اني معاه هو بالذات عاطفتي طاغية على عقلي وان ضميري بيأنبني فبيفضل يقول كلام يوجعني وصعب هو ويخلي ضميري يأنبني وافضل افكر طول اليوم ومعرفش اعيش يومي طبيعي من التفكير ولا اعرف أنام من التفكير واني ديما شايفة اني مقصرة واني وحشة وافضل اسأل كل اللي حواليا طب انا بعامله وحش طب انا وحشة طب متكدبوش عليا طب هو بيقولي اني مش متربية انا فعلا مش متربية حقيقي كلامه كله بيأثر فيا ببقى نفسي اعمل اي حاجة عشان يعاملني حلو ويحبني بجد
تم النشر السبت، ١١ يوليو ٢٠٢٦
لعرض السؤال في فدني اضغط هنا