السلام عليكم ورحمة الله وبركاته
أنا شخص متعلم الحمد لله لكن عندي مشكلة إني خجول جدًا مع اللي قدامي يعني ممكن يكون ضعف شخصية مش عارف أعمل اي عشان اقوي شخصيتي مع الناس
هقولك على حاجه بناء على أساس سايكولوجي بس بطريقه بسيطه توصلك الي أقصده.... لو انت حاسس انك خجول أو خايف ومتوتر فاحنا حواليك مش شايفين ولا حاسين بده خالص... انت بس عقلك بيهيألك ان احنا شايفين الي جواك بس في الحقيقه محدش بيكون عارف الي جواك... طب نتخطى الموقف ده ازاي؟ .... تعامل يا صديقي مع الناس انت مش أقل من حد المهم يكونوا كويسين وشبهك عشان تفكيركم يكون متقارب وحتى والله لو مختلفين جرب يا صديقي وانطلق محدش هيردك متقلقش وواحده واحده الموضوع هيكون سهل... نقطه مهمه الي انت فيه ده مش ضعف شخصية دي ممكن تكون حاجه اسمها illusion of transparency يعني بالعربي وهم الشفافيه ودي انا شرحتهالك فوق... متشيلش هام يا صديقي كلنا عندنا خجل وبنخاف نتكلم خصوصا مع ناس جديده لكن فيه مبدأ انا بحبه بيقول مش يمكن لما أجرب أطلع بعرف 😁
تم النشر السبت، ٢٩ نوفمبر ٢٠٢٥
الخجل شئ طبيعي وعندنا كلنا بس لو حابب تكون اجتماعي ب زياده طبعا التزم ب الاذكار و الصلاة و سماع الدروس الدينيه و محاورة الشيوخ في نفس موضوع الدرس الديني او اطرح عليهم اسئله مختلفه عن موضوع الدرس الديني ومهم جدا انك تصاحب وخلي عندك صديق واحد فقط ده يكون انت وهو واحد بس ده مش هتلاقيه بسهوله يصحبي حاول تبعد شويتين عن السوشال ميديا لانها بتكون سبب اكبر في موضوع الخجل وعدم التفاعل الاجتماعي حاول تبر اهلك وتصل الرحم اخر نصيحه يا صديقي حاول انك تنزل جيم وتتفاعل مع الناس الي حوليك
تم النشر الأربعاء، ٣ ديسمبر ٢٠٢٥
بص انت كويس انك اتكلمت المشكله انا مريت بيها وانا عندي ١٤ سنه انا عملت ايه اول قرار اتعلم انك تقول لا طالما الموضوع مش مناسب ليك يعني خد قرار المرحله دي مهمه شوف انت عايز ايه وقوله اوعي تخاف لم تتكلم مع حد بص في عينه اتعود انك تبص في عين الي قدامك اتدرب انا اقعدت ٥ شهور بس غيرت حياتي ركزت اني طالما اخدت قرار ابقي قده واستحمل نتيجة سواء حلو ولا وحش المرحله الاخيره اتعلم من تجاربك. واجه نفسك بيه يعني تقول انا عملت غلط تصلحه بس اوعي بقي لم تبقي كويس مع الناس اوعي تكلم معاهم عن رزقهم ولا كرامتهم الاتنين دول لو انت مين الي قدامك هيستخدم اسلوب دفاعي عنيف هيشكك في نفسك رايك تخليه نفسك اذا كان الشخص مش متجاوب معاك
تم النشر الثلاثاء، ٢ ديسمبر ٢٠٢٥
وعليكم السلام ورحمة الله وبركاته يا أخي أحمد — أنا ذكية، مبسوطة إنك شاركتني شعورك بصراحة. أولاً أحب أطمئنك: الخجل أمر شائع وممكن التغلب عليه تدريجياً، وما يعني ضعف شخصيتي؛ كثير من الناس المثقفين والاجتماعيين مرّوا بنفس الشعور قبل ما يتحسنوا. إليك توضيح سريع وخطة عملية تساعدك تبدأ تغيّر الوضع خطوة بخطوة: 1) فرق بين الانطوائية والخجل أو القلق الاجتماعي - الانطوائي يحب الوقت وحده ليستعيد طاقته، وهذا ليس خطأ. - الخجل أو القلق الاجتماعي هو خوف من التقييم أو التحدث أمام الناس ويؤثر على أداءك. معرفة نوع المشكلة تساعدنا نختار الطريقة المناسبة للعلاج. 2) تغيّر التفكير أولاً (عمل بسيط لكنه قوي) - راقب الأفكار التي تخطر في بالك قبل لقاء الناس: مثل "بيحكموا عليّ" أو "مش هعرف أكلمهم". اسأل نفسك: ما الدليل؟ هل حصل موقف فعلاً؟ غالباً التوقعات مبالغ فيها. - استبدلها بتفكير واقعي: "حأجرب وأتعلم، ممكن ما تكون كل المواقف ممتازة وهذا طبيعي." 3) خطوات عملية يومية (ابدأ صغيراً) - هدف أسبوعي بسيط: كل يوم تحدَّث مع شخص واحد لمدة دقيقة (تحية، سؤال بسيط عن الطريق، شكراً للبائع). - زِد التحدي تدريجياً: تحدث مع زميل جديد في العمل، شارك برأي قصير في اجتماع صغير. - سجّل نجاحاتك اليومية في دفتر (حتى لو كانت بسيطة). 4) مهارات محادثة عملية - ابدأ بتحية وابتسامة بسيطة؛ السلام له أثر اجتماعي وإسلامي رائع. - اسأل أسئلة مفتوحة: "كيف تمرّ عليك الأيام؟" أو "ما رأيك في…؟" الناس يحبون أن يُسألوا عن أنفسهم. - استمع بتأنٍّ: الإيماءة البسيطة، استخدام اسم الشخص إن أمكن، وإعادة صياغة قصيرة لما قاله تظهر اهتمامك. 5) لغة جسد وثقة ظاهرية - قف معتدل الظهر، انظر نحو الشخص بشكل طبيعي (لا تحدق)، وتحدث ببطء معتدل. - المظهر المرتب يزيد ثقتك ويعطي انطباعًا إيجابياً حتى لو شعرت بالخجل داخلياً. 6) تعرض تدريجي (التعرض المنظم) - اختر مواقف قليلة محكمة: لقاءات قصيرة، تجارة بسيطة، إلقاء ملحوظات قصيرة في اجتماع. - بعد كل موقف قيّم: ماذا سار جيداً؟ ماذا أريد تحسينه؟ ثم كرر. 7) النصيحة الإسلامية والروحية - اعتمد على الدعاء والتوكل: الدعاء يريح القلب ويزيد الثقة بقدرة الله عليك. - تذكّر أن حسن الخلق والحياء فضائل؛ لكن لا تدع الحياء يمنعك من أداء واجبك الاجتماعي أو المهني. 8) متى تطلب مساعدة متخصصة؟ - إن كان الخجل يمنعك من العمل أو الدراسة أو يسبب لك قلقًا شديدًا أو أعراض جسدية قوية، من الأفضل استشارة مختص نفساني أو مدرب مهارات اجتماعية. على منصة فدني لديك خبراء مختصون يمكنهم تقديم جلسات تدريبية أو علاجية فردية — أنصحك بزيارة صفحة الخبراء: https://www.fedni.net/experts وبالمناسبة، ابحث في فدني عن أسئلة مشابهة — ممكن تلاقي تجارب ونصائح مفيدة من أعضاء آخرين.
تم النشر السبت، ٢٩ نوفمبر ٢٠٢٥
خليك إيجابي وانزل اتحرك متقعدش في البيت اتكلم مع ده وده اتصل على حد من أهلك وكدا حاول تفتح حوار والكلام هيجيب كلام واحده
تم النشر الأحد، ٣٠ نوفمبر ٢٠٢٥
عايز تبقى شخص قوي قرب لربنا عارف اللي بيكون مع الله لا يخشى إلا الله يعني اي مخلوق خلقه ربنا هتحس انك مش شايفه وهتلاقي قوه في توكلك على الله
تم النشر الأحد، ٣٠ نوفمبر ٢٠٢٥
رد باللي جواك حتي لو هيزعل اللي قدامك المهم نفسك متزعلش و ما دومت في الحق اللي قدامك مش من حقه يعترض
تم النشر الأحد، ٣٠ نوفمبر ٢٠٢٥
اقرأ كتب تقوي الشخصية 🤍✨
تم النشر الأربعاء، ٣ ديسمبر ٢٠٢٥
بص يصديقي ،لازم تشغل وقتك عشان تحس بقيمتك انزل جيم، اقرا قران ، اتفرج على السيره النبويه لنبيل العوضي ، انزل اتمشى لوحدك ، ، ، ، جرب حاجات جديد ،اتعلم مهاره تنظيم الوقت ،دي اول حاجه ،تاني حاجه ،انك تبعد عن الاشخاص السامين اللي انت مش بترتاح معاهم ،تالت حاجه ،انك لازم متضغطش على نفسك ممكن تكون شخصيتك مش بتحب الكلام الكتير فتقبل ده عادي ،رابع حاجه لازم لازم تعرف حقك على الناس وحق الناس عليك ودي بتيجي مع الوقت لما تعرف كده شخصيتك هتكون قويه
تم النشر الأربعاء، ٣ ديسمبر ٢٠٢٥
انزل تدريب مع. كيان طلابى لو انت طالب وتتكلم قدام الناس دا حيفيدك واناكنت كدا واتحسنت
تم النشر الأربعاء، ٣ ديسمبر ٢٠٢٥
معرفه المشكله وسببها ده اول حل ليها حاول تعمل فلاش باك وترجع ل ايام طفولتك وتعرف ده سببه ايه اهل ولا ايه وانك تعرف السبب دا كفايه
تم النشر الثلاثاء، ٢ ديسمبر ٢٠٢٥
ارمي نفسك وسطهم لان عمرك ما هتكون اجتماعي وانت لوحدك
تم النشر الاثنين، ١ ديسمبر ٢٠٢٥
افرض على نفسك تكون وسط مجتمعات و اندمج وسطهم و وسط مجتمعات تانيه و غيرها لحد ما بالتعود هتبقا اجتماعي جدا، ارمي نفسك وسطهم لان عمرك ما هتكون اجتماعي وانت لوحدك
تم النشر الاثنين، ١ ديسمبر ٢٠٢٥
الخجل من أسبابه انك خايف من النقد بينما المفروض انك تعرف ان رضى الناس غاية لا تدرك ... فعامل ربنا ان كان كلامك اللي هتقوله ميغضبش الله فقوله ومتهتمش للي هيزعل أو ينتقد
تم النشر الاثنين، ١ ديسمبر ٢٠٢٥
الخجل مش ضعف… بس عادة. قوّي نفسك بـ3 حاجات: اتكلم حتى لو بجملة، بص في عين اللي قدامك ثواني، وما تفكّرش كتير الناس هتقول إيه. ومع التكرار ثقتك هتعلى غصب عن أي خجل.
تم النشر الأحد، ٣٠ نوفمبر ٢٠٢٥
لعرض السؤال في فدني اضغط هنا