عايزة اسأل ع حاجه ياريت حد يفدني
انا بكلم واحد زميلي في جامعه يعني بقالنا سنه بس هو رغاي جدا بشوف دايما بيحكيلي عن شغله قد ايه هو شاطر فيه وقد اي هو جامد وانو واخد حقه دايما وانو ال بيرفد الناس مش عارفه بيجيلي احساس دايما انو بيحور عليا أو بيكدب
وفي مره حكالي موقف بيقولي محدش يحب يبقى تاني احسن منه وحسيتو من خلال الكلام وهو بيتكلم كده بيمثل وان هو ال كده اصلا
حتى لما بيحكي عن صحابه مثلا أن هو شاطر ال بينهم ال بيعرف ياخد حقه ال بيعرف يتكلم هل هو بيحكي عادي فعلا عشان أنا مش بعرف افتح مواضيع فبيحكي عادي وبيفتح مواضيع وهو كده فعلا ولا ممكن يكون في كلام تحوير
وبصراحه بلاقي ساعات كلام متناقض وبحس بتحوير اصدق احساسي ازاي أو اثبت ده ازاي
ومن جهه تانيه بردو انا من نوع ال مش بقدر اثق في ناس خالص
انا سؤالي هل هو جامد فعلا وكده ولا بيحور وبيعمل فيها جامد
مش فارقلي بس احساس ده ع طول ملازمني اثبتو ازاي عشان مكنش متغفله واعرف آل قدامي معناه انو هيكدب في حاجات كتير
الولد ده واضح إنه بيحب يستعرض وعنده نقص بيحاول يداريه بكتر الكلام، وفكرة إنه دايماً شاطر والناس هي اللي وحشة وبتِرفِد الناس ده كلام مش منطقي لأن مفيش حد كامل مبيغلطش، وإحساسك إنه بيحور ده صادق لأن الشخص الناجح بجد مبيحتاجش يثبت كل شوية إنه جامد، والكلام المتناقض اللي بتلاحظيه عليه دليل على كدبه لأن الكداب دايماً بينسى هو قال إيه قبل كده، وزيادة على كل ده لازم تعرفي إن قعدتكم ورغيكم ده مع بعض في أمور شخصية وحكاوي ملهاش لازمة هو أصلاً حرام في الدين ومينفعش، لأن زمالة الجامعة المفروض تكون في حدود والدراسة وبس، وطالما الكلام قلب فضفضة وقصص وحوارات يبقى ده مدخل من مداخل الشيطان ولازم يقف وعشان تثبتي إحساسك وتتأكدي برضو بطلي تسمعي وبس وابدئي "دققي"، يعني لما يحكي موقف مبالغ فيه اسأليه في تفاصيل صغيرة فجأة في وسط الكلام زي "مين كان معاك ساعتها؟" واتفرجي على لجلجته، وكمان راقبي أفعاله على أرض الواقع وهل هو جدع وتصرفاته حقيقية ولا مجرد كلام وبس، وطالما الإحساس ده ملازمك يبقى اقطعي الكلام ده خالص واتعاملي معاه في حدود الزمالة السطحية جداً والرسمية بتاعة الدراسة لأن اللي بيكدب في الأول عشان يبان جامد هيكدب في كل حاجة بعد كده
تم النشر الجمعة، ١٥ مايو ٢٠٢٦
بصي يا جميلة اولا اذا مكنتيش تعرفي فدي علاقة محرمة مفيش بينكوا اي شئ رسمي وكمان لو مخطوبين ف في حدود في الكلام ثانيا بقا الناس الي من النوعية دي كتجربتي الشخصية متصدقيهمش وبحس انهم عندهم عقدة او نقص داخلي او عدم ثقة في النفس وعايز يبين نفسه انه جامد و واو والناس تمدح فيه عشان يزداد فخر ويحس ان له قيمة لو هو كدا دائما ومع كل الناس فأعتقد انه تقريبا مفيش حاجة من الي بيقول عليها ومش جامد ولا حاجة ونصيحة أخيرة احفظي قلبك للشخص الي يخبط على باب بيتكوا في الحلال وسعى عشانك انت غالية وتستاهلي أحسن شخص وعشان ربنا يرضى عننا ويبارك في العلاقة وتكونوا أحسن ناس🫂
تم النشر الجمعة، ١٥ مايو ٢٠٢٦
يا حبيبتي، أول حاجة أشكرك إنك شاركتيني اللي جواكِ، ده شعور طبيعي جداً خاصة لو أنتِ من النوع اللي مش بيثق بسهولة – وده ميزة حلوة بتحميكِ! 😊 مش هقدر أقولك هو "جامد" فعلاً ولا بيحور، لأني مش بشوفه ولا بعرفه، بس احساسك ده (التناقضات والتمثيل) غالباً حدس قوي، وده بيجي من خبرتك الشخصية. كيف تثبتي ده عملياً (خطوات بسيطة عشان تطمني): راقبي التناقضات : المرة الجاية لما يحكي قصة، سجليها في مذكرة صغيرة (تاريخ، تفاصيل). بعد كام يوم، قارني مع كلامه السابق. لو لقيتي اختلافات، ده إشارة واضحة. اسألي أسئلة ذكية : متفتحيش مواضيع بس، ردي عليه بـ"حلو، بس قولي بالتفصيل إيه اللي عملته بالضبط؟" أو "شوفتِ ده في شغله؟ حد تاني يشهد؟" لو دار حوالين أو غير الكلام، هتعرفي. تحققي من بره : لو عندكم أصحاب مشتركين في الجامعة أو شغله، اسأليهم بشكل عفوي "سمعتِ عن فلان في الشغل؟" أو شوفي سمعته على linkedIn/فيسبوك (لو موجود). بس خليكِ حذرة متغتابيش. شوفي الأفعال مش الكلام : هل بيثبت كلامه في الواقع؟ لو بيمدح نفسه كتير بس مش بيحقق، ده علامة "تضخيم ذاتي" (narcissistic vibe)، مش كدب بالضرورة، بس يتعب. نصيحة من مدربة حياة: ثقي بحدسك أولاً – لو الإحساس ده ملازمك، قللي الكلام معاه تدريجياً، وركزي على ناس بيبنوا ثقتكِ بأفعال مش كلام. أنتِ قوية وذكية، هتعرفي تتعاملي! لو عايزة نصائح أكتر عن بناء الثقة أو التعامل مع الناس، دوري في فدني على أسئلة مشابهة، أو شوفي الخبراء هنا: https://www.fedni.net/experts – في متخصصين نفسيين جامدين يساعدوكِ. قوليلي إيه رأيك؟ 💕
تم النشر الخميس، ١٤ مايو ٢٠٢٦
يعني هو مبدائيا انا هكلمك في العموم مش ولد ولا بنت اي حد بيقعد يقول انا كتير وانا عملت وانا جبت وانا وانا. ده غالبا حاسس بالنقص هو فعلا عنده عقده النقص دي وبيحاول يعوضها بالكلام. هنحسن الظن ونقول ممكن ميكونش بيحور بس الاكيد انه لما بيقولك بيكون عايز يعوض النقص ده وعايز بحس انه ليه قيمه.
تم النشر السبت، ١٦ مايو ٢٠٢٦
اي الفائدة من الكلام معاه ؟ ان كان للتسلية فربنا كفاكي بالطيبات من البنات
تم النشر السبت، ١٦ مايو ٢٠٢٦
هلق بل اول رح اقلك انو هاد حرام شكلك ما بتعرفي تنين الشخص الي بيتكلم علا نفسه عطول بل منيح ولو بعمره بس مرا ما تواضع فهاد شخص ابعدي عنه نرجسي ما لك مصلحه فيه حتا بل حلال اما ازا عم يكزب ولا يصدق ما بتفرق وعل اغلب عم يكزب ازا عم تقول عم يتناقض بينه وبين نفسه
تم النشر الجمعة، ١٥ مايو ٢٠٢٦
طيب يا غالية ما أنتِ عارفة أن إنسان بيحور عليكِ وبيعرض نفسه وكمان بيكلم بنات ليه بقى مستمرة بجد أنا نفسي تسألي نفسك سؤال؟ هل أهلك فعلًا يستحقوا إنك تكلمي شاب لمدة سنة من غير معرفتهم وكمان وصلتي لـ مرحلة إنك فاهمة الشاب فهم كامل، طبعًا قبل الأهل ربك بس عادي ممكن تتوبي وترجعي قبل فوات الأوان وعايزة أقولك كمان( الستر بيكون رصيد لو رصيدك من الستر انتهى هيتكشف عنك الغطاء وهتلاقي نفسك في مكان بشع) الله يهديكِ اللهم آمين أقعطي العلاقة واستعيني بالله واعرفي أن العلاقة بين الولد والبنت بدون رابط شرعي حرام حرام حرام حرام حرام حرام حرام عشان في ناس بتقول مش حرام وعادي🤍
تم النشر الجمعة، ١٥ مايو ٢٠٢٦
مفيش حد جامد بيقول انه جامد
تم النشر الاثنين، ١٨ مايو ٢٠٢٦
غالبا هو شايف نفسه تحت اوي فبيحاول يرفع من شأنه قدامك و الله أعلم عشان مظلمهوش و بعدين مجالكيش مرة تفكير ان ممكن يكون بيقول نفس السيناريو دا لخمسين بنت تانية ابعدي عن الناس اللي بتتكلم كتير دي اسلمي منهم غير كدا معلش بس حرام هتعلقي نفسك بيه و خلاص عارفة لو قفلتي معاه انتي الأول يا هيدور عليكي عشان كنتي بتسمعيه يا غالبا لا لانه بيحكي كدا لكذا حد عشان يحاول يثبت نفسه لانه شايف نفسه ضعيف و شايفك مجرد شخص بيحكيله شوية كلام ، يا اما احتمال تاني ان هو اللي يرميلك كل احاديثه و كلامه و يخلع فمتعلقيش نفسك بحاجة مش فإيدك و بعدين فوق كل دا حرام
تم النشر الجمعة، ١٥ مايو ٢٠٢٦
لعرض السؤال في فدني اضغط هنا