أنا أكتشفت إني عندي إدمان علاقات أو تعدد علاقات وكنت بشوفها زي مخدر أو مسكن بس وصلت لمرحلة وحشة اوي وأذيت ناس كتير اوي ووصلت لأني على حافة الانهيار نفسي أعرف أتعامل ازاي عشان اتعافى وأخرج من كل دا + البيئة في البيت مش بتساعد خالص ومرهقة وبتستنزف طاقتي
أول حاجه أقطعي كل العلاقات دي ونقطه ومن أول السطر وأرجعي لربنا وقربي منه وابدأ من جديد وربنا قال فيما معناه لا تقنطوا من رحمة الله أن الله يغفر الذنوب جميعا. يعني مهما غلطتي واذنبتي صلي وما تقطعيش وابعدي عن أي علاقه مؤذيه او تستنزف مشاعرك ورجعي ثقتك بنفسك تاني هترجعي احسن من الاول واعتبري اللي فات مرحله وعدت واتعلمتي منها كويس. وربنا يوفقك وييسرلك امرك ان شاء الله
تم النشر الثلاثاء، ٢١ أبريل ٢٠٢٦
بصي يا بنت الناس مفيش حد معصوم من الغلط وكلنا بنقع بس الفرق بين اللي بيقوم واللي بيفضل غرقان هو الرجوع لربنا انتي دلوقتي في محنة والبيئة اللي حواليكي صعبة بس افتكري ان ربنا قال لا يكلف الله نفسا إلا وسعها يعني انتي قدها لازم التوبة الصادقة مش بس كلام لسان لا ده نية انك مش هترجعي للسكة دي تاني ابدا ومهما الشيطان صورلك ان ذنبك كبير افتكري ان رحمة ربنا اوسع من كل حاجة وهو اللي قال "قل يا عبادي الذين أسرفوا على أنفسهم لا تقنطوا من رحمة الله" يعني الباب مفتوح وموارب ومستنيكي تخبطي صلي واشكي لربنا بجد في سجدة طويلة وقوليله ربي انا تعبانة وقويني على نفسي وعلى البيئة اللي انا فيها دي وخليكي عارفة ان تعبك في المقاومة ده لوحده جهاد وهتؤجري عليه وابعدي عن اي صحبة او سكة بتفكرك باللي فات لان النفس امارة بالسوء والشيطان شاطر في وقت الضعف واشغلي وقتك بذكر الله وبالصلاة عشان تملا الفراغ اللي في قلبك اللي كنتي بتحاولي تمليه بالعلاقات الغلط دي ربنا يثبتك ويهدي سرك ويقويكي على اللي انتي فيه ويجعل تعبك ده في ميزان حسناتك ويرزقك العوض الحلال والسكينة اللي تديكي طاقة تكملي صح وتصلحي اللي انكسر جواكي ونور ربنا يملى طريقك من تاني🌷
تم النشر الاثنين، ٢٠ أبريل ٢٠٢٦
يا حبيبتي، أول حاجة أقولك إنك قوية جداً إنك اعترفتي بالمشكلة دي وبتطلبي مساعدة – دي خطوة عملاقة نحو التعافي. الإدمان على العلاقات زي أي إدمان تاني، بيحتاج صبر وخطة واضحة، وأنتِ مش لوحدك في دا. هقولك خطوات عملية من منظور نفسي وإسلامي، مع التركيز على تمكينك: 1. التوبة والعودة لله (الأساس الروحي) : ابدئي فوراً بالاستغفار والتوبة النصوحة. قولي "أستغفر الله العظيم وأتوب إليه" كل يوم 100 مرة. الصلوات الخمس والقيام بالليل هيساعدوكِ تبني قوة داخلية ويملوا الفراغ. الله غفور رحيم، وهو هيغفرلكِ لو رجعتِ بقلب صادق. 2. قطع الاتصال الكامل (No Contact Rule) : احذفي كل الأرقام، التطبيقات، والحسابات اللي بتذكركِ بالعلاقات دي. احظري الجميع، ولو لزم الأمر غيري رقمكِ أو سوشيال ميديا مؤقتاً. دا زي "الديتوكس" من المخدر – أول أسبوعين أصعب، بس هتحسي براحة بعدها. 3. بناء روتين يومي قوي : حددي جدول يومي: رياضة خفيفة (مشي 30 دقيقة يومياً)، قراءة كتب إيجابية، أو هواية جديدة زي الرسم/الطبخ. نامي باكراً وصحي، وكلي وجبات متوازنة عشان الجسم يدعم الدماغ. للبيئة المنزلية المرهقة: خصصي "وقت خاص لنفسكِ" يومياً ساعة (في غرفتكِ أو برا البيت)، وركزي على أهداف شخصية زي تعلم مهارة جديدة عشان تستنزفي طاقتكِ في حاجة بناءة. 4. تتبع التقدم ومواجهة الانهيار : اكتبي يوميات: كل يوم سجلي 3 إنجازات صغيرة وشكري الله عليها. لو حسيتِ بالانهيار، قومي بـ"تأجيل" الرغبة لـ24 ساعة وصلي ركعتين. حددي هدف كبير: زي "شهر بدون علاقات"، وكافئي بنفسكِ بجايزة بسيطة. 5. مساعدة مهنية فورية : روحي على صفحة الخبراء في Fedni: https://www.fedni.net/experts وابحثي عن متخصصين في علم النفس أو الإدمان أو الإرشاد النفسي. دول هيقدموا لكِ جلسات شخصية مخصصة. كمان، ابحثي في Fedni عن أسئلة مشابهة زي "إدمان علاقات" هتلاقي إجابات كتيرة مفيدة. أنتِ هتتعافي يا قمر، خطوة بخطوة – اللي فات مات، والمستقبل أحلى بكتير. لو عايزة تتابعي معايا تقدمكِ، قوليلي. ربنا يشفيكِ ويثبتكِ 💕
تم النشر الاثنين، ٢٠ أبريل ٢٠٢٦
قربي من ربنا لو حسنتي علاقتك مع ربنا كل علاقاتك هتتحسن وربنا يجبر بخاطرك
تم النشر الثلاثاء، ٢١ أبريل ٢٠٢٦
اقطعي كل العلاقات دي وحاولي تغيري نظام يومك وقربي من ناس انتي عارفه انهم كويسين
تم النشر الثلاثاء، ٢١ أبريل ٢٠٢٦
والعلاقات دية لو كانت حاجة تانية بتوصل ل مرحلة إية بالظبك ؟
تم النشر الاثنين، ٢٠ أبريل ٢٠٢٦
علاقات من أى نوع ؟ ليكى صاحبات كتير يعنى ولا حاجة تانية ؟
تم النشر الاثنين، ٢٠ أبريل ٢٠٢٦
لعرض السؤال في فدني اضغط هنا