احتاج رأى ومساعده ضروريه ...
السلام عليكم
حاليا نعرف بنت من فتره صغيره انا واصحابي المهم البنت دي عرفتني عن نفسها وطبعا قالت لنا كلام عن عيلتها واهلها كميه تشكير وتعظيم وانهم شايفاهم قدوه وانهم بيحبوها الى اخره مواقف خياليه حكايات غير واقعيه دورنا ورا الموضوع وعرفنا صديقه ليها قديمه
اكتشفنا انه حياتها العكس تماما وانه للاسف حياتها مليانه اشخاص خياليه مفهمانا انه هي عيالتها بس في مقتنعه100% المهم عائلتها طلعت بتعنفها ومش بتحبها إلى اخره فالاكيد ان هي عطشانه اهتمام ومش واعيه مع انها 18 سنه
الفتره دي بتروح مكان لمجرد انها معجبه بشخص والشخص ده ذكر بيحاول يستغلها ويفرض رايه عليها احنا قلنا لها ما تروحيش المكان بس للاسف اكتشفنا ان هي بتروحوا من ورانا هي ممكن تكون مريضه نفسيا
احنا مش عارفين نواجهها ولا نبعد ولا المفروض نعمل ايه معاها بس الاكيد ان احنا عايزين نساعدها انا خايفه عليها جدا من الشاب اللي ذكرته المفروض اعمل ايه في حاجه زي دي
السلام عليكم أهلا بيكى بالله عليكى اوعى تسيبيها بالله عليكى اوعى اوعى تسيبيها مش علشانها أو هى لا اعتبرى ان ربنا حطك فى موقف زى دا وممكن تنقذى البنت ديه ابتغاء مرضاتة عز وجل بصى أول حاجة فى علم النفس الإنسان بيميل ب اللى بيحسسه بقيمتة أو بيكلمة بطريقة حلوه أو بيهتم بيه وخصوصا البنات تمام طب مين أول ناس لازم يدوله الإهتمام دا هما الأهل طب دلوقتى الأهل مادولوش دا بل بالعكس عنفوه هيفض طول عمرة بيدور على الإهتمام ودية حالة البنت ملقيتش الحب من أهلها ف توهمتة وصدقتة ملقيتش الإهتمام من أهلها ف بقيت بتدور علية طب الولد دا بيعمل إية .. بيديها حب بيديها اهتمام بيديها حنية وحاجات كتير طب هل كل دا ببلاش لا طبعا دا هيستغلها أحسن استغلال سواء نفسى فى انه يأمرها ويمشى كلمتة عليها ويخليها متعلقة بيه أو جسدى فى انه يعمل اللى هو عايزة معاها وهى مش هتقدر ترفض وفى الأخر هيسيبها وهيدمرها من كل النواحى بعد ما خلاص خد اللى هو عاوزة منها وتبدأ هى تموت بالبطئ سواء من معاملة أهلها أو من عيل استغلها أحسن استغلال ودمرها ودمر مستقبلها طب انتى دورك إية بصى مش لازم تكونى بتحبيها أوى مش لازم تكون صاحبتك أووى انتى زى ما قولتلك هتعملى دا إرضاء لوجة الله وممكن تكونى سبب فى ستر مسلمة مش فاهمة هى بتعمل إية أول حاجة هتصاحبيها أوى هتديها اهتمام غير مشروط خليها تحبك وتتعلق بيكى وعلقيها بربنا وحب الدين وفى وسط كل دا انصحيها والوقت اللى المفروض هتقابله فيه تكونى انتى بتكلميها أو موجودة معاها بحيث متعرفش تروحلة انصحيها مرا واتنين وتلاتة عرفيها ان دا حرام وغلط ودا بيستغلك ولو حبيتك اووى خليها تفتح الواتس قدامك وتعمله بلوك وتمسح رقمة حبيبها فيكى وخلى صُحبتك صُحبتها بالله عليكى اوعى تسيبيها اوعى تسيبيها الواد دا هيستغلها وهيدمرها وافتكرى انك ممكن بكدا تسترى مسلمة فى الدنيا وتحفظيها من شيطانها وممكن دا يكون سبب فى سترك يوم القيامة ... دا كله لو قصدك انها بتروحلة مكان تقابلة فى شارع مثلا أو كافية لكن لو قصدك انها بتقابلة فى مكان مغلق لوحدهم ف دا يتطلب تدخل سريع من الأهل تبلغى أهلها فورا من غير كل الكلام اللى فوق دا فورا هى حرفيا بتبقى مغيبة معاه ولقيت معاه الاهتمام ف بتسيبلة نفسها وتسمع كلامة وهو هيستغلها ف الحقيها الله سترك دنيا وآخره
تم النشر الجمعة، ١٧ أبريل ٢٠٢٦
واضح إن صاحبتك محتاجة حد يقرب لها بهدوء قبل أي أحكام. أول خطوة إنكم تقعدوا معاها تاني، بهدوء ومن غير هجوم، وتقولوا لها إنكم فاهمين هي حاسة بإيه ومقدّرين مشاعرها، لكن في نفس الوقت في حاجات مينفعش تستمر بالشكل ده ولازم ترجع توازنها مع الواقع. حاولوا الكلام يكون فيه احتواء مش مواجهة. الهدف إنها تحس إنكم معاها مش ضدها. بعدها، مهم جدًا إن الموضوع يوصل لأهلها بطريقة هادية ومحترمة. مفيش أهل بيكرهوا أولادهم، وغالبًا هم مش واخدين بالهم من اللي بيحصل. لما يقربوا منها أكتر ويهتموا بيها، ده لوحده ممكن يفرق جدًا في حالتها. ولما تبدأ تهدى وتتحسن، ساعتها بس تفتحوا معاها موضوع الشخص ده. لو ما استجابتش، ساعتها يتكلم حد كبير من أهلها في الموضوع بهدوء.
تم النشر الأربعاء، ٢٢ أبريل ٢٠٢٦
اول شيء اكبر غلطة انكم تواجهوها انها تكذب بالنسبة لها هذي الأكاذيب هي ذرع الحماية اذا كسرتو هذا الذرع راح تهرب منكم و ممكن تتمسك اكثر في هذا الشخص الأحسن تحسسوها انها مهمة و محبوبة وسطكم لما تشبع اهتمام منكم راح يقل احتياجها لهاداك الشخص تدريجيا.
تم النشر الأحد، ١٩ أبريل ٢٠٢٦
### يا جماعه في واحده صاحبتنا بتقول ان الافضل نكلم لها شيخ وهي صاحبتها المقربه فحس ان بنسبه كبيره في حد اذاها صاحبتي دي متابعه مع الشيخ والدنيا تمام بس هو شيخ في الاخر مش بيتتبع القران بس فاهمين بلس ان هو قال هيشخصها من غير ما يشوفها..؟؟
تم النشر السبت، ١٨ أبريل ٢٠٢٦
اول حاجة انتي صديقة امينه ووفيه وكفايه انك بتفكري في صحبتك غيرك كان هيقول دي كدابة اهم حاجة دلوقتي اوعي تسيبها. اوعي بجد تسيبها تقابله واضح نيته مش سليمه. هيا مريضة نفسيه ومحتاجة علاج ضروري عندي حل كويس. ممكن تروحي لدكتوره نفسيه تشرحلها الوضع كله ولو الدكتوره متفهمه ممكن تتقابلوا في مكان بره علي اساس انها صاحبة والدتك او قريبتك من بعيد وتسيبها تقعد معاها اهو لانك لو واجهتيها انها مريضة نفسيه هتبعد عنك ومش بعيد تقطع معاكي. خلي الدكتوره تفهم الوضع. معرفش اللي بقوله هينفع يتنفذ علي ارض الواقع ولا لا لاني معرفش هل فيه دكتوره تقبل بده اصلا بس بقولك أفكار غير انك تواجهيها لو عندك اخ ولد او قريب ليكي ولد فهميه الوضع ده وخليه يروح للشاب اللي هيا عرفاه ويخوفه عشان ميفتكرش انها لوحدها معرفش برضو هل انتي هتقدري تعملي كده ولا لا شوفي الفكرتين دول لو مينفعوش معاكي هشوفلك حاجة تانيه. وربنا يسترها عليها يارب
تم النشر الجمعة، ١٧ أبريل ٢٠٢٦
وعليكم السلام ورحمة الله وبركاته يا عزيزتي، أشكركِ على ثقتكِ ومشاركتكِ هالقصة، واضح إن قلبكِ طيب وخايفة عليها فعلاً، وده شعور نبيل. اللي بيحصل معاها شائع عند البنات في سن 18، خاصة لو عايشة نقص اهتمام عائلي – بيخليها تبحث عنه في أماكن خاطئة زي الشاب ده اللي واضح بيستغل ضعفها. إيه اللي تعمليه دلوقتي خطوة بخطوة (عملي وآمن): ابقي قريبة بلطف، مش مواجهة قاسية: متقوليش "أنتِ كاذبة عن عيلتكِ" أو "الشاب ده خطر" مباشرة، هتبتعد. قولي "أنا سعيدة إننا بنتعرف أكتر، خلينا نعمل حاجات حلوة مع بعض زي [اقترحي نشاط حلال وممتع، زي قراءة قرآن أو رياضة جماعية أو تعلم مهارة جديدة]". قدمي بدائل إيجابية: خليها تشعر بالاهتمام الحقيقي منكِ وأصحابكِ. ادعوها لأنشطة بنات بس (دروس دينية، ، خروجة بنات، تطوع، هوايات) عشان تبعد عن المكان ده تدريجيًا. قولي "تعالي معانا، هتبقي أحلى وأأمن". حذريها من الخطر بلين: شاركي قصص عامة عن بنات اتضرروا من شباب زي ده (من غير تفاصيل شخصية)، وركزي على قيمتها كمسلمة: "في الإسلام، الصحبة الصالحة أمان، والشاب اللي بيفرض رأيه مش خير ليكِ". لو الوضع خطير (تهديد واضح): متتردديش، كلمي أهلها أو حد كبير موثوق من عيلتها (مش صديقتها القديمة بس)، أو روحي لجهة رسمية زي الشرطة لو في استغلال جنسي محتمل. سلامتها أولوية. اعتني بنفسكِ: متحمليش مسؤولية كاملة، أنتِ مش معالجتها. لو محتاجة دعم أكبر، شوفي الخبراء في https://www.fedni.net/experts – في متخصصين نفسيين ومدربين حياة هيساعدوكِ ويساعدوها. الله يحفظها ويسترها ويصلح حالها، ويجزيكِ خير على محبتكِ ليها. لو عايزة تفاصيل أكتر، قولي! 💕
تم النشر الخميس، ١٦ أبريل ٢٠٢٦
@أحمد سعيد
تم النشر الجمعة، ١٧ أبريل ٢٠٢٦
بالله عليكم كونوا صحبة صالحة ليها عشان دلوقتي لو سكتوا هتكونوا أذنبتم في حقها ... الساكت عن الحق شيطان أخرس ...امنعوها بأي طريقة عن الشاب ده لأنه ممكن يضيع حياتها بالله عليكم أمانة في رقبتكم تحموها أنا جسمي قشعر من الكلام ربنا يحفظها ويحميها يارب العالمين 🤲
تم النشر الجمعة، ١٧ أبريل ٢٠٢٦
لو بتحبيها ساعديها من غير متحس ، عرفيها انك عارفه بشكل غير مباشر ، احتويها انت واصحابك ، المسلم اخو المسلم ،
تم النشر الجمعة، ١٧ أبريل ٢٠٢٦
لعرض السؤال في فدني اضغط هنا