في بنت ف الكلية سألتني ع حاجة ف الكلية معرفش شيطان بعدين لقيت نفسي بكلمها وهيا تكلمني قعدنا حوالي اسبوعين بنسأل بعض علي أهداف بعض وكان فيه اهداف مشتركة كثير واطور الموضوع اننا بقينا بنتكلم ف حاجات تانية من الحاجات ده اتكلمنا أيه رأينا ف الارتباط وكده وبعدين ف وسط الكلام حصل انها قالتلي انها هتتخطب بعد لما تتخرج بعدين قولتلها طيب ماتعمليلي بلوك وبعدين حصل نقااااش طويل انها م عايزة تتعملي بلوك قولتلها اللي حصل بينا من كلام ده كله حرام وربنا م هيبارك ف الحرام الموضوع كان صعب ان ده يحصل وعملت بلوك وكل شويةبفكر ارجع تاني اكلمها وبقعد اردد من ترك شيئآ لله عوضه الله بخيرآ منه بس زهقت من التفكير فلو حد عنده حل اعمل ايه خايف احسن اروح اكلمها تاني
السلام عليكم، أولا كويس إنك أخدت القرار ووقفت كلام معها. اعمل حسابك بعد كده بلاش تاخد الخطوة دي مع أي بنت حتى لو فكرت إن كلام عادي وهنتواصل باحترام ونلتزم بالحدود، في الآخر بتوصل لنتيجة مشابهة. فالأسلم لك تتجنب ده من البداية. اعمل حسابك إن عادي التعلق والتفكير هياخد شوية وقت لحتى تتخلص منه والحل هو إنك تشغل حياتك ويومك في حاجات نافعة ويكون عندك مهام تنجزها سواء دراسة أو تعلم مهارات أو غيرها. الفراغ هو اللي بيجيب تفكير فحاول قد ما تقدر تكون مشغول ومع الوقت الأفكار الخاصة بها هتتراجع للخلفية وبعدين هتعتاد عدم وجودها وهتبقى مجرد شخص مر في حياتك. لو الشيطان وسوس لك أو نفسك حنت للكلام معها اقطع عليها الطريق وفكرها إنك مش حابب تغضب ربنا وإنك تركت ده عشان ربنا واشغل نفسك على طول. وقرب أكتر من ربنا وادعيه يثبتك دايما. بالتوفيق.
تم النشر الثلاثاء، ٣٠ يونيو ٢٠٢٦
أخي، أولاً أحييك على الخطوة الشجاعة اللي عملتها لما عملت البلوك، رغم صعوبتها. ده دليل على قوتك الداخلية ورغبتك الحقيقية في إرضاء الله، والحديث اللي بتردده صحيح ومطمئن: "من ترك شيئاً لله عوضه الله خيراً منه". التعلق ده طبيعي في البداية لأن الكلام كان يومي وفيه أهداف مشتركة، لكنه تحول لشيء يؤذي قلبك ويشتتك، وأنت عارف إنه حرام. عشان تتخلص من التفكير المتكرر، ركز على ملء وقتك بأنشطة مفيدة ومحددة زي تطوير مهاراتك الدراسية أو المهنية، أو ممارسة هوايات جديدة تساعدك تبني أهدافك الشخصية. كل ما تفكر فيها، غير الموضوع فوراً بتذكير نفسك بسبب القرار (البركة في الحلال) واكتب قائمة بثلاث أشياء إيجابية حصلت لك منذ البلوك، حتى لو بسيطة. كمان، اجعل الدعاء جزءاً يومياً من روتينك، مثل "اللهم أبعد عني ما يضرني وارزقني ما ينفعني"، فهذا يقوي الإرادة ويخفف الضغط النفسي تدريجياً. لو استمر التفكير، ابحث عن أسئلة مشابهة على فدني لتحصل على وجهات نظر إضافية من الآخرين اللي مروا بنفس التجربة. أنت قادر على تجاوز هذا، وكل يوم بتستمر فيه بدون الرجوع هو انتصار صغير يبني قوتك. استمر، والله معك.
تم النشر الثلاثاء، ٣٠ يونيو ٢٠٢٦
مفيش حل غير المجاهده
تم النشر الجمعة، ٣ يوليو ٢٠٢٦
جاهد نفسك ، وامسح كل حاجه تخصها تماما من عندك ، وامنع تتبعها لو بتتابعها، واشغل نفسك واملأ وقتك كله بمهام .
تم النشر الثلاثاء، ٣٠ يونيو ٢٠٢٦
يارب
تم النشر الجمعة، ٣ يوليو ٢٠٢٦
يفضل انك تبعد عن اي حاجة بتفكرك بيها ، يعني لو في بينكم شات امسحه لو ظهرتلك ف الاقتراحات شيلها ، كدة يعني ، هيجي عليك وقت وهتفتكر وهتحن ولازم تمر بدا اكيد بس الفكرة ازاي تتعامل مع الاحساس دا ، تقبله وعيشه متحاولش تقاومه وعبر عن زعلك دا ، لانك لو معبرتش هيأثر عليك بعدين وكل ما تفتكر روح صلي او سبح او اشغل نفسك باي حاجة بتحبها بعد فترة صدقني هتحس بفرق رهيب وهتحمد ربنا انك قدرت تقاوم وانك خرجت من الدايرة ، وربنا هيعوضك بجد
تم النشر الجمعة، ٣ يوليو ٢٠٢٦
اشغل وقتك
تم النشر الجمعة، ٣ يوليو ٢٠٢٦
جزاك الله خيرآ
تم النشر الأربعاء، ١ يوليو ٢٠٢٦
صلي وادعي ربنا
تم النشر الأربعاء، ١ يوليو ٢٠٢٦
يارب
تم النشر الأربعاء، ١ يوليو ٢٠٢٦
انت بتاخد حسنات على كل مرة بتترك للامر ده لله و صدقنى هيعوضك بأكثر مما تتخيل
تم النشر الأربعاء، ١ يوليو ٢٠٢٦
لعرض السؤال في فدني اضغط هنا