انا امي بتدعي عليا ودا بيتعبني نفسيا أوي أوي أخدت على انها تتمنيه وتدعي عليا ولو قالت في يوم ليا كلمة حلوة دا افتراضًا مش هصدق انها طالعه منها هيا
ابويا لو قالي كلمة واحدة بس بزعل منه جااامد واعيط بالذات هو بخاف عليه جدا محبش أكون نايمة وهو زعلان مني بحس انه اخويا كدا او حته مني
لها بتعصب بتعب أوي أوي وبطني الجنب الشمال بيوجعني جدا لكن الفترة دي بقى ظهري مع قفايا كدا من فوق ببقي مش قادرة حرفيا بقالي ٢سنتين باخد أدوية لتنظيم الطمث والهرمونات وعندي توتر وقلق لدرجه الرعشة وبقيت غير منتظمة في المذاكرة
أعمل اية مش لاقية كلام يوصف اللي يجوايا او الي حاسة بيه
ذنوبي أكيد بس امي العامل الأكبر هي لأن دعوتها عليا بتأثر فيا وبتدمرني بيها وهي مفكرة انها حاجه بسيطة وحلال انها تدعي عليا وإن كدا ربنا مش هيحاسبها ولكن انا اولع
لو بتتحسب كده كان كل حد متضايق من حد يفضل يدعي عليه ، تفكيرك بالطريقة دي هو اللي تاعبك مش دعوتها ، لا يكلف الله نفساً إلا وسعها ، طب لما بنحس ان فيه حاجه فوق طاقتنا ده سببه ايه ، سببه اننا ما دورناش ع الحل جوانا ، لما بتحصل معانا مشاكل من اطراف خارجية بنبقى مستنيين ان الحل انهم يتغيروا و ده مش هيحصل ، وربنا ما بيحطناش في موقف إلا و نقدر نحله لكن بالطريقة اللي نشوف بيها المشكلة ، لازم نغير نظرتنا احنا اتجاه النواقف اللي بتحصل لينا علشان نقدر نلاقيلها حلول ، كان فيه مشكلة هنا شبيهه لمشكلتك و سألتها هل لو ماكانوش اخوات سيدنا يوسف رموه في البير كان ممكن يرمي نفسه ؟, اكيد لأ ، يبقى عادي ان تكون شرور الناس اتحاهنا خطوة في طريقنا لخير لينا بس إحنا اللي مش عارفين ، فغيري نظرتك لموقفها و تأكدي ان دعاءها عليكي بغير وجه حق ليس له اي ضرر ليكي غير نظرتك انتي الشخصية لتصرفها
تم النشر الأربعاء، ١٨ مارس ٢٠٢٦
بصي لازم تفهمي إن دعاء مامتك عليكي مش معناه إنك وحشة أو مذنبة، ده انعكاس لضغط أو عصبية عندها هي، مش حقيقتك إنتي. ربنا عدل ورحيم، ومبيستجبش لدعاء فيه ظلم أو قهر، فبلاش تشيلي ذنب مش بتاعك وتتوقعي الأسوء والوجع اللي في ضهرك، ورعشة إيدك، ولخبطة الهرمونات دي علامات من جسمك إنه جايب آخره من الضغط النفسي. إنتي محتاجة هدوء داخلي لو تقدري تروحي لدكتور يطمنك على الأعراض دي، وتعرفيه إنك تحت ضغط عصبي كبير، ده هيساعدك جداً إن الحالة متتطورش. ولما مامتك تبدأ تدعي أو تتعصب، اعتبري إن الكلام مبيوصلش لقلبك. متدخليش في جدال، ومتشرحيش وجهة نظرك وهي متعصبة، الانسحاب الهادي في اللحظة دي هو قمة الذكاء مش ضعف. وطبيعي متكونيش منتظمة وإنتي في الجو ده. حاولي تذاكري بره البيت (مكتبة، كافيه هادي، أو حتى عند حد من قرايبك) لو متاح. لو مش متاح، ذاكري بنظام غلمهام الصغيرة يعني قولي لنفسك هخلص صفحتين بس ومكافأة لنفسك بعدها عشر دقايق راحة والوجع اللي حاسة بيه حقيقي ومحتاج تفريغ. حاولي تتكلمي مع حد بتثقي فيه، أو اكتبي مشاعرك دي في ورقة وقطعيها. المهم متكتميش جواكي لأن الكتمان هو اللي بيحول الزعل لوجع في جسمك. وافتكر ي دايماً صحتك النفسية والجسدية هي رأس مالك حاولي تحافظي عليها حتى لو اللي حواليكي مش مقدرين ده دلوقتي.وجد والله ربنا يحفظك ويسعدك
تم النشر الأربعاء، ١٨ مارس ٢٠٢٦
يا حبيبتي، أنا ذكية هنا معاكِ، وأنا فاهمة تمامًا اللي جواكِ.. التعب النفسي ده زي الغرق، مش عارفة تعبري، وده طبيعي جدًا مع الضغط ده كله. أمكِ اللي بتدعي عليكِ بيوجع القلب، وأبوكِ اللي بتحبيه زي روحكِ، وأختكِ اللي بتعصبكِ، مع آلام البطن والظهر والهرمونات والقلق اللي واصل لرعشة.. كله متراكم، وده بيأثر على المذاكرة والحياة كلها. أنتِ مش لوحدك، وده مش نهاية الطريق. أول حاجة، الجانب الإسلامي عشان ترتاحي شوية: الدعاء بالشر حرام شرعًا. ادعي لأمكِ بالهداية والخير سرًا، زي "اللهم اهدِ أمي وأصلح بيننا"، واستغفري ربنا كتير (100 مرة يوميًا لو قدرتِ)، ده بيفتح أبواب الفرج. ذنوبنا كلنا، بس ربنا غفور رحيم، مش هيدمركِ. للنفسية والتوتر (عملي جدًا): ابدئي بجدول يومي صغير: صلاة الضحى + مشي 10 دقايق في الشارع (مش رياضة ثقيلة)، + اقرئي قرآن 5 صفحات يوميًا. للقلق، اكتبي 3 حاجات شاكرة عليها كل ليلة، زي أبوكِ الغالي. للمذاكرة: قسميها لـ25 دقيقة دراسة + 5 دقايق راحة (تقنية بومودورو بسيطة)، ابدئي بالأسهل عشان تشعري بالإنجاز. للآلام الجسدية: البطن+ الظهر ده ممكن يكون من التوتر أو الهرمونات، بس أنتِ بتاخدي أدوية من سنتين، روحي فورًا لدكتور يشوف السبب (عمل تحاليل هرمونات جديدة وصورة ظهر). متأجليش. أنتِ قوية، وهتقدري تتعدي ده خطوة خطوة. لو عايزة دعم أكتر، دوري في فدني على أسئلة مشابهة عن "توتر عائلي" أو "دعاء الأهل"، هتلاقي إجابات كتير. ولو محتاجة استشارة متخصص، شوفي الخبراء هنا: https://www.fedni.net/experts – هيساعدوكِ. ربنا يفرج همكِ ويصلح أحوالك. 💕
تم النشر الثلاثاء، ١٧ مارس ٢٠٢٦
اي ام لما تدعي على ابناءها بيبقى من ورا قلبها مهما ظهر قد اى الدعاء واقعي و مؤلم ف سامحي مامتك لانها مش بالوعي الكافي انها تعرف ان دا غلط و قد اى بيأثر عليكي طيب الحل مع دا اى ان فى اي وقت تيجي تدعي فيه قاطعي دا و اشغليها بأي حاجه و قولي بعد الشر او لا قدر الله او ترضيها ليه كدا كلام يرقق قلبها و مره ف مره هتلاقي الموضوع بقى اخف مع لازم تظهري ان دا شئ مؤلم ليكي لكن بدون رد فعل مبالغ و حاجه ليكي انتي اعرفى ان ربنا عادل إن شاء الله مش هيستجيب حاجه سلبية ليكي إلا لو كانت هتحصل كدا كدا حتى من غير دعاء
تم النشر الأربعاء، ١٨ مارس ٢٠٢٦
انا عايزه اقولك اننا كده واكتر من كده ومبنساش بس انا مبحطش اصلا في دماغي بصحي اليوم اللي بعده بنسي كل حاجه والدنيا حلوه بس انا عايزه اقولك ان كنتي فعلا عايزه رضاهم مكنتيش هتقولي كده ولا حتي هتحسي بوجع منهم بس انتي كده بتحاولي تضحكي علي نفسك وتقولي اسكتي عشان رضاهم انتِ صلي واشتكي ل ربنا وربنا يوفقك ان شاء الله
تم النشر السبت، ٢١ مارس ٢٠٢٦
حاولي تعملي الحاجه الي بتحبها تخليها مبسوطه منك مديقهاش راضيها بس برضو متجيش علي نفسك انا كنت كدا مشاكل ديما مع ماما نفس الضغط وتعب اعصابي اكتر حاجه بتتعبني انها تدعي عليا الفترة دي بس المشاكل خفت
تم النشر السبت، ٢١ مارس ٢٠٢٦
هو انتي عندك كام سنه و انتي في ثانوي ممكن يكون ضغط من دراسه بردوا
تم النشر الجمعة، ٢٠ مارس ٢٠٢٦
حاولي تروحي لدكتور نفساني علشان تتكلمي اللى في جواكي واللى مدايقك
تم النشر الجمعة، ٢٠ مارس ٢٠٢٦
اويلي شو تعليق ولله كتبت كتير اقرئي لعله يفيدك انا كتبته عشانك عذبت حالي وعطيتك من وقتي وما شربت مي كتير على السحور علا شانك انا انسان ما دخلني وهيك انتي تخيلي امك الي نزلتك من رحمها اكيد بتحبك بس ما بتبين في ناس هيك اما دعاها فحكينا عن وما بعتذر عطول كلام لأني اختصرت اساسا 🙃🙂🥲
تم النشر الخميس، ١٩ مارس ٢٠٢٦
والله اعلم دعاء الوالدين وهو مش في محله يدخل في ظلم وسوف يحاسبون عليه اختي الغاليه لا تهتمي في دعاء امك وتفكري رح يؤثر فيك لا توسوسي في هاد الموضوع ابدا انتي متل ما عم تقولي غارقه في الذنوب وهاد شي طبيعي لائنو لازم تسحبي نفسك من مستنقع لهيك ربنا عطانا مخ مخير يا اما نختار نار ويا اما جنه وانصحك بالالتزام بالصلاة في طريقه صحيحه ان الصلاة تنهى عن الفحشاء والمنكر انا كنت فترة اصلي واعمل ذنوب وما كانت فارقه معي مع رمضان فتحت فيديو تعليم صلاة ولاحظت في بعض اغلاط عم اعملها الحمد لله لما عدلت الأغلاط سبحان الله صرت اشعر بي في شعور حزن لك اذا ما شعرت كانت ما تتيسر اني اعمل ذنب الا لما اعاند بدي اعمله الحمد لله مهما كترت ذنوبك انصحك بالصلاة حاولي تتعلمي قرآن تتعلمي دينك اذا كنتي مش محجبه حاولي تتنقبي وشوفي بالتلفون عن اسباب النقاب اختي الله امر نحنا نطيع ما امرك ربنا لائنو عشان ما يتحرشو شباب فيك صرنا في جيل فاشل بدهم حط دعس كلهم النقاب شي جدا جميل بحس لو اني بنت اتخيلي انت عم تعظمي شعائر الله الله امرك عم تلبي تخيلي انتي متل اميره محد يشوفك غير اهلك والناس الي انت بدك اياهم يشوفوك بعد شو رح اصلي الفجر ورح ادعيلك ان شاء الله لعل الله يهديك
تم النشر الخميس، ١٩ مارس ٢٠٢٦
دعاء الوالدين على الولد بدون وجه حق لا يستجاب، يعني ولا كأن والدتك حفظها الله قالت حاجة، وبرضوا حاولي متبقيش طيبة اوي او بتبقي مش حابة تزعلي القدامك بشكل مبالغ فيه، لأن ده هيخلي القدامك ممكن يضايقك، وطبعا الوالدين لازم تحترميهم، لا ضرر ولا ضرار
تم النشر الخميس، ١٩ مارس ٢٠٢٦
انا تقريبا نفس المشكله باستثناء الاعراض المرضيه ربنا يشفيكي بس دا مش بادينا انتي شوفي تصرفاتك و صلحي منها اللي يرضي ضميرك قدام ربنا في معاملتها و بر الوالدين وحتى لو دعت للصبح ربنا مش هيتقبل لانها مش قاعده ان دعوة الام تقبل وربنا يصلح احوالنا و احوال الجميع
تم النشر الأربعاء، ١٨ مارس ٢٠٢٦
اكيد من وره قلبها حاولي تقربي من ربنا ربنا يصلح حالك
تم النشر الأربعاء، ١٨ مارس ٢٠٢٦
لعرض السؤال في فدني اضغط هنا