أنا طول الوقت عايزه أفضل لوحدي مش عايزة اتكلم مع حد ولا عايزه اشوف حد عايزه افضل لوحدي في مكان ضلمة مليش نفس لأي حاجة عايزه انام علطول كسلانة وجسمي بيوجعني جامد من أقل مجهود بقيت بنهج ومش عارفة اخد نفسي وقلبي بيوجعني
أنا تعبت من اللي بيحصلي مليش نفس لحاجة مش عايزة أعيش لأن معنديش طاقة عشان اكمل فأي حاجة بعملها يومي بيتكرر ومش عارفة اعمل ايه نفسي اتخلص من الحزن اللي بقي ملازمني والرغبة بدون سبب في العياط مش عارفة اواجة مشاكلي وبهرب منها تعبت من نفسي تعبت من اللي بيحصلي ليه عايشة لحد دلوقتي بعد كل اللي بيحصلي مليش نفس لحاجة مش عايزة أعيش واهلي مش حاسين معتش بشتكي عشان مبخودش منهم غير وأحنا هنعملك اية مشاكلك بقت كتير لو تموتي وتريحينا لحد ما بقيت بتمني الموت اخدت كمية كبيرة من الحبوب المسكنة قبل كده علي اساس اني اموت وارتاح بقيت بتمني الموت عشان أخلص من حياتي وارتاح معنديش حل بحاول اطنش الكلام بس مش بعرف بيأثر فيه بطريقة وحشة مش عارفة اعمل ايه
اسفه جدا ليكي انك حاسه بكل المشاعر السلبيه دي والتعب ده .. كل الحجات دي انتي حاسه بيها وارد جدا بنسبه كبيره تكون اكتئاب والاعراض دي كلها بتحصل مع الاكتئاب بس الموت مش حل مش راحه ابدا زي منتي متخيله ان...
ممكن تشوفى الاسئلة اللى من نفس نوع مشكلتك ...هتلاقى اجابات اكتر ان شاءالله تنورلك قلبك اتمنى تكونى فى حال احسن من الحال ده فى اقرب وقت
انا كنت شبهك شويه وكنت بفكر ف الانتحار بس اللى خلانى ارجع عن فكرت الانتحار انى سمعت فيديوز كتيره عن سكرات الموت وربنا زى ما يكون كان بيحذرنى وسبحان الله سمعت الفيديوهات دى وانا بقيت مرعوبه من فكرت الموت ف مش عايزه انتحر خايفه من سكرات الموت وعذاب القبر والاخره صعبين اوى وبسعى دلوقتى انى ارضى ربنا واحنا عايشين ف الدنيا دى اختبارات من ربنا ف ربنا بيختبرك ف حاجات كتير صبرك ايمانك وغيره ف اوعى تستسلى بالعكس انتى املى حياتك واثبتى نفسك ده مش سهل هو صعب بس مفيش حاجه مستحيله ابدأيها وحده وحده وقربى من ربنا وادعيه كتير اوى اسمع فيديوهات عن الدين وازاى تنجحى ف حياتك ول ناس نجحه ...غيرى حياتك كلها واقرأى واتعرفى على نفسك وأخرجى بره الوحده اللى انتى فيها وحاولى تتعرفى على ناس جديده حوليكى يكونو كويسين طبعا وتكون صحبه صالحه وصدقينى لو نجحتى واثبتى نفسك الحزن ده كله هيروح ان شاء الله وهتتعرفى على ناس نجحه ف طريقك وناس سلبيه ومؤذيه دول هيقبلوكى بردو ودع اكيد بس اتخطيهم اعتبريهم مطب هتعدى عادى ولا هياثر والدنيا هتبقى تمام وزى الفل وبردو شوفى اللى هيعلقولك هنا هيفدوكى اوى بجد ومتكتميش جواكى واسفه طولت عليكى و اتمنى تكونى استفدتى وربنا معاكى ويقويكى يا جميل❤️
شكراً لحضرتك استفدت من كلام حضرتك بس مش عارفه اواجة حاجة معنديش طاقة إني أكمل لو بعمل حاجة ووقفت معايا مش بعرف اكمل فيها وبقف مش بعرف اتحرك تاني خالص زهقت من كده ببقي عايزه أكمل فيها واتخطاها بضطر إني اضغط على نفسي وللأسف بيأثر عليه بالسلب وبحس إني متكتفة ومكسورة مش عارفة أقوم أكمل ومعنديش حل فللأسف مش عارفة أكمل حياتي ومش عارفة اعمل ايه
عارفة إني مش قريبة من ربنا وان الصلاة لوحدها مش كفاية بقرأ قرآن بس مش علطول مش عارفة اعمل ايه تاني نفسي فعلاً أخلص من كل اللي أنا فيه نفسي ارتاح من كل اللي بيحصلي حزني وعياطي ووجع جسمي وقلبي اللي بيوجعني نفسي اتخلص من كل ده
بصي طبعا اساسي الصلاه والذكر وقراءة القرآن وانك تدعي ربنا كتيييير يشيل عنك بس في حاجه انتي بتحبيها أو بتحسي انك بتستمتعي وانتي بتعمليها زي مثلا انك تعملي شوبينج أو انك تتصفحي علي مواقع اللبس والموضه وكده شوفي حاجه تساعدك تخرجك من المود ده لو ليكي حد بتثفي فيه ممكن تعملوا حاجه مع بعض تشجعوا بعض
أنا شخص منعزل عن الناس وعن الدنيا مش عارفة اقولك ايه بس للأسف معنديش هوايه معنديش حد اثق فيه أنا عارفة إن حضرتك هتقولي عليه وحده كئيبة وقفل بس فعلاً دي حياتي اللي عايشاها معنديش أصحاب مش بثق في حد حتي أهلي مش بعرف اتكلم مع حد حتي أهلي يومي بيبدأ بأني اصحي اتوضي واصلي كسلانة مش عارفة اعمل حاجة جسمي بيوجعني مفيش حتة في جسمي مش بتوجعني مليش نفس للأكل بنام واصحي أصلي الفرض وارجع انام تاني من كتر وجع جسمي مش بعرف أنام كويس حتي فين وفين علي ما انام وارجع اصحي ويوم بيجيب يوم وهو يوم واحد وبتكرر
خديها وحده وحده حاجه بسيطه خالص متضغطيش على نفسك يعنى مثلا انهارده اهم حاجه اصلى الخمس فروض صلتيهم الحمد لله اليوم اللى بعده الخمس فروض واذكاره الصباح والمساء كده مثلا لمده اسبوع ،هذاكر انهارده جزء من ماده وهكذا ،وبردو فرغى اللى ف دماغك كله ف ورق سواء حاجات عايزه تعمليها او حاجات خنقاكى أو خناقه حصلت.. انا بعمل كده عن نفسى بفرغ كل اللى ف دماغى ف ورق وارتحت وفرقت معايا ف جربى تعملى كده ،وانا عارفه انك محتاجه حد جمبك ومعاكى ف احكيله ل ربنا كل حاجه وفضفضيله ف السجود واستعينى بيه واكتبى هنا بردو وشاركى اى حاجه هنا واهتمى ب مذاكرتك على قد ما تقدرى مستقبلك مهم جدا،انا حسه بيكى والله وعارفه مش قادره تقومى من مكانك ف مثلا خلى فيه شراره بدايه انك تسمعى فيديو تحفيزى اعملى حاجه بتحبها تخليكى مبسوطه ف تذاكرى وتعيش حياتك فكرى فيها هتلاقى أن احنا عايشين ف الدنيا دى كل حاجه بتعملها صح عباده سواء صلى أو مذاكره أو عمل أو صبر أو رضا الوالدين وغيره كتير ،ف اى حاجه بتعملها قولى علشان ربنا وف نفس الوقت اعملى كل يوم حاجه كان نفسك تعمليها جربى حاجات جديده كل يوم ولو بسيطه بس هتفرحك وهتغير من روتين يومك ،متقعديش على السرير غير وقت النوم بلليل بس ،و بس حولى لحد اخر نفس لانك قويه والصبر ده كله مش هنضيعه على اخر لحظه وانتى جميله وتستهلى كل خير بجد ف حاولى تانى و ربنا هيقويكى ويكرمك متقلقيش
وخدى استراحه صغيره تشمى فيها نفسك وتخدى طاقه ،وكل فتره خدى استراحه اعملى اى حاجه نفسك فيها واتمشى علشان تشحنى وتكملى
شكراً بجد لحضرتك علي الكلام ده وقفتك معايا هحاول اعمل زي ما حضرتك قولتي وإن شاء الله تفرق معايا
بصي لازم تطلعي نفسك من الحاله دي يعني دوري علي شغل أو خدي كورسات أو شوفي حاجه بتحبيها واعمليها حتي لو هتتفرحي علي كرتون الاطفال انزلي كل يوم اتمشي شويه
اكيد نفسك يبقي ليكي كارير وكيان تعمليه انتي لنفسك فكري بأن يكون ليكي دخل ليكي هيفرق معاكي وهتلاقي نفسك اتحمستي
اجبرى نفسك مبدايا ومتاكليش حاجه من حد
العفو انا معملتش حاجه ..ربنا معاكى ويقويكى يا جميل
لعرض السؤال في فدني اضغط هنا