كيف أتصرف مع الزوج السيئ سليط اللسان؟

ماذا افعل مع الزوج سليط اللسان يتعمد قول الشتيمه والاهانه لي ولاهلي

اريد الطلاق ولكنه لا يريد اعطائي حاجتي ونفقة اولادي

الرجاء الرد لاني في كرب شديد ولا اعرف اي قرار صحيح اتخذه

سؤال من حمزه سليم

تم النشر الخميس، ١٤ أغسطس ٢٠٢٥

3 إجابة

السلام عليكم ورحمة الله، عزيزتي، أشعر بمدى الصعوبة والضغط النفسي الذي تمرين به مع هذا الوضع، وأقدر صدق مشاعرك وحاجتك للراحة والاستقرار. التعامل مع زوج سليط اللسان، خاصة إن كان يتعمد الإهانة والشتيمة لك ولأسرتك، أمر مؤلم جدا، ولا يجب أن تستمري في وضع يضرّك نفسيًا وعاطفيًا. لنحاول تفصيل الأمر معًا لنجد لكِ خطوات واضحة: احرصي على الحفاظ على كرامتك النفسية والجسدية الزواج حياة مشتركة، ولكن لا يعني أن تؤذي نفسك أو تتعرضي للإهانة المستمرة. حاولي البقاء قوية، ولا تردي عليه بنفس الطريقة، بل حافظي على عزة نفسك وحاولى التزام الهدوء حتى لا يزيد الوضع تعقيدًا. التوجيه الشرعي والنصيحة الإسلام يوصي بالمعاملة بالحسنى والتفاهم، ويدعو للرفق والرحمة بين الزوجين. إذا استمر الإساءات، يمكنك أن تذكريه بلطف بحدود الأدب وطريقة التعامل التي ينبغي أن تكون بين الزوجين، من دون أن تزيدي من الاحتكاك. الاستعانة بالعائلة أو الأهل أو شخص محل ثقة قد يكون من المفيد أحيانًا وجود وسيط محترم من العائلة أو من الأصدقاء الموثوقين للكلام معه بهدوء وبطريقة تبين له أثر تصرفه عليك وعلى أطفاله. من حقك طلب النفقة والإنفاق على أولادك لو رفض الزوج النفقة، لديك في الشرع والقانون حق المطالبة بها، حتى لو قررت الطلاق. يمكنك التوجه إلى الجهات المختصة مثل المحكمة الشرعية أو الجهات النيابية، التي تحمي حقوق المرأة والأولاد في هذا الشأن. الاستشارة الشرعية والقانونية أنصحك بقوة أن تستشيري عالمًا أو محاميًا مختصًا في قضايا الأسرة ليطلعك على حقوقك وخياراتك، خاصة أن الطلاق قرار مهم ويترتب عليه إجراءات خاصة، منها النفقة وحضانة الأطفال. الأمر بالمعروف والنهي عن المنكر بأسلوب حكيم إذا شعرت أن هناك فرصة لتحسين العلاقة، يمكنك استخدام الحوار بهدوء ومواقف صريحة للتعبير عما يؤذيك وما تحتاجينه، ولكن إذا استمر الإيذاء وعدم التعاون، فإن حفاظك على نفسك وأولادك أولى. الاهتمام بنفسك نفسياً وروحياً في مثل هذه الظروف، حاولي التمسك بالصلوات والدعاء والاستعانة بالله، فإنه معين القلوب ويغير الأحوال. لا تترددي في طلب الدعم النفسي من أخصائية نفسية مؤمنة تستطيع أن تساعدك على اتخاذ القرار الأنسب. كل هذه الخطوات معًا تتطلب منك قوة وصبر، وأنت لست وحدك في هذا. إذا أحببت يمكنك البحث في فدني عن تجارب نساء في نفس وضعك وقراءة نصائحهن، أو حتى الاستعانة بخبراء الأسرة المتواجدين في فدني عبر صفحة الخبراء. وأخيرًا، لا تترددي في العودة لي إذا احتجتِ دعمًا إضافيًا أو نصيحة أو حتى فقط من يسمعكِ. ربنا معك، وأنتِ تستحقين كل خير وسعادة وأمان. دمتي بخير وعافية، ذكية

تم النشر الخميس، ١٤ أغسطس ٢٠٢٥


السلام عليكم ورحمه الله وبركاته  لو الزوج سليط اللسان في المطلق فاحنا هنا هنرد عليه دايما بالادب ودي هتكون اكثر حاجه هتخلي الشخص ده منه لنفسه يبدا يوقف لانه اللي بيكون سليط اللسان كده بيكون بيعبر عن مشاعر ولكن للاسف بسلوك خاطئ فاحنا هنا هنبقى عاملين زي ما نكون بنعلمه يعبر صح فهو دلوقتي هيخش كده بدل ما يقول ازيكم عاملين ايه الله يصلح حالنا وحالك مثلا طول الوقت نبقى بندعي له طول الوقت نبقى بنرد عليه بصيغه الدعوه وبان احنا نبقى بنفكره بالكلام اللطيف ده هيكون افضل شكل ان احنا نعمله لو الموضوع في المطلق يعني  هنيجي بقى لو هو لسانه بيكون سليط في مواقف معين فاحنا هنا محتاجين ان احنا نتجنب الوصول لهذه المواقف يعني مثلا هو بيعمل كده لما بتتاخر على كوبايه الشاي فانا هتجنب ان انا اخر كوبايه شاي خالص حتى لو هضطر اني طول الوقت يكون في ميه جاهزه مغليه علشان لما هو يطلب شاي انا ادي له الشاى فى اسرع وقت وما اخرش الموضوع انه نسمع الالفاظ الغير مرغوبه دي هيكون افضل شيء وبرده هنعمل نفس الموضوع ونبقى بنرد عليه بطريقه كويسه طول ما هو بيشتم لما يجي الموضوع يوصل للالفاظ تخص الاهل طول الوقت انا لازم اوقف ده بلاش اهلي لازم توقفيه وتقولي له الا اهله اهلي على راسي ما تاذيهمش بكلمه اهلي ناس محترمه ما تاذيهمش بكلمه اهلي ما يستاهلوش التكرار مهم حتى لو انتى حاسه ان هو بلا فايده ولكن ضروري تبداي طول الوقت تعملي ده وما تتوقفيش عنه ابدا حتى لو هيكون مليون مره 

تم النشر السبت، ١٦ أغسطس ٢٠٢٥


السلام عليكم •في البداية اقول لكي اعانك الله على هذا الكرب قال تعالى :{ولنبلونكم بشئ من الخوف والجوع ونقص في الأموال والأنفس والثمرات وبشر الصابرين} •والظلم في الدنيا محسوب عند الله في الآخر والله لن يهمل ظالم مستبد الا ان يأخذ منه حقك واعلمي جيدا انكي لا تستحقين هذه الشتائم والإهانات فأنتي الشريفة العفيفة •قبل كل شيء عليكي بالحكمة والتأني و عدم التسرع وإن تحددي هل هو الشتم مستمر واللسان مفلوت بأقبح الألفاظ بلا أدنى ضمير ؟ هل تشعرين أن قلبه من حجارة أو به صفات سادية ونرجسية وسيكوباثية ؟ <إذا كان نعم فلا تجعليه يذلك بالمال فموضوع انه لن يعطيكي نفقة فهذه مجرد خدعة منه لكي يستمر في الأذى وتكوني تحت رحمته .. فغصبا عنه يعطيكي حقك بالنظام والقانون والمحاكم ... وهذا الأذى (ان كان كما ذكرت) لا يرضي الله والرحيل عنه افضل حتى لو لم يعطيكي شئ من المال • قيميه هل مجرد ألفاظ أم لسان سليط وثانيا ان كان لسان سليط فخذي القرار وابتعدي ولا تستمعي لخدعه فهو سيخترع لكي اي سبب لتبقي معه

تم النشر الجمعة، ١٥ أغسطس ٢٠٢٥

12 تعليق

ونعم بالله ربنا مش بينسي حد واحتسب ذلك في ميزان حسناتي انا مش عايزه حاجه في حياتي غير ان ربنا ينصرني ويعوضني في اولادي ويبقوا سندي وظهري وعسي ان تكرهوا شئ وهو خير لكم

تم النشر السبت، ١٦ أغسطس ٢٠٢٥


انا حاليا في بيت اهلي ورافعه قضية نفقه

تم النشر السبت، ١٦ أغسطس ٢٠٢٥


ممكن تقولى لحد قريبك +تعين محامى وان شاء الله خير

تم النشر السبت، ١٦ أغسطس ٢٠٢٥


ماشاءالله عليكي ربنا يثبتك يارب وبإذن الله تشوفي كل خير في حياتك واولادك

تم النشر السبت، ١٦ أغسطس ٢٠٢٥


ربنا يرحمه ويغفرله يارب،وانتي معاكي ربنا متزعليش أجرك عند الله وهو اللي غلطان وأهله ربنا يسامحهم لا وكمان محدش فيهم عارف يوقفوا عند حده،انتي مش ضعيفه وتقديري تعيشي وتبسطي نفسك وربنا يعوضك بشخص يعوضك عن كل الدنيا ويعوض اطفالك،ياعمري خلي بالك منهم ومن نفسك ومتعلميش يمكن في حكمه من ده وإن ربنا مخبيلك كل خير

تم النشر السبت، ١٦ أغسطس ٢٠٢٥


هو اختيار غلط فعلا لان انا انخدعت ب كلام اهله لما اتقدملي ولو والدي كان موجود كان رفضه بس لسوء حظى بابا متوفي الحمد لله علي كل حال

تم النشر السبت، ١٦ أغسطس ٢٠٢٥


لا خلاص طول ما في مد ايد اسفه بس مترجعيش دا عايز يتعالج ولو رجعتي ع الحال ده انتي واطفالك هتتأثروا اوي بالسلب وخليكي مع القضيه لان دي مسؤوليته مش من حقه يتهرب منها،ربنا يثبتك ويزيدك يارب ويجيبلك حقك بالنسبالي بعد مد الايد مفيش كلام لانه حرام وغلط وتأثيروا صعب اوي خصوصاً عليكي وخصوصاً انه مش اي مد ايد اكيد بتوصل للتعنيف ،امرك لله خليكي بعيد منعاً للضرر اكتر من كده وحاولي تعيشي حياتك عادي وتبسطي نفسك سيبي اطفالك عند أهلك واشتغلي حتى لو هو بعت مصاريف هتحتاجي بردو فلوس ليكي،ومفيش راجل بيخاف ربنا هيطرد واحده لو اي حصل،معلش هو غالباً اختيار غلط زي اغلب البنات بتنخدع وتتجوز وبتكون مش عارفه الشخص كفايه ف ربنا يعوضك بجد

تم النشر السبت، ١٦ أغسطس ٢٠٢٥


بالنسبه لموضوع ان ارجع بيتي مينفعش علشان وقعني من علي السلم وطردني ودي مش اول مره وبالنسبه لمد ايده هو مش علي طول بس مد ايده كذا مره وقدام امه واخواته وان اكلم حد من اهله مليش دعوه بيهم علشان بيعملولي مشاكل وانا الحمد لله بصلي واعرف ربنا وبدعي ان ربنا يجبلي حقي انا اديته فرص كتير قبل م ارفع قضيه لكن هو عايز يخليني الف حولين نفسي ورفعت قضيه ليا اكتر من شهر ولسه مفيش حاجه حصلت

تم النشر السبت، ١٦ أغسطس ٢٠٢٥


وبصي بردو يعني لو كلام بس مش بيمد أيده وكده ف حاولي تجربي تطنشي شويه وكل مايغلط قوليليوا أنا نصحتك قبل كده وانت حر ربنا هيحاسب كل واحد لوحده،مش بقولك تستحملي اهانه بس جربي ممكن تلاقيه بعد فتره من تجاهلك لألفاظه يبطل فاهمه يعني ممكن بيستفزك لكن لو مد أيده يبقى حرام عليكي نفسك ترجعيله وهتظلمي نفسك واطفالك اوي اوي الموضوع ده حصل كتير في بيتنا والأذى مليون وربنا يعوضك ووالله ونا بكلمك خايفه بتكلم بحذر بس انا فعلا ربنا يعلم بحط نفسي مكانك مش قصدي خالص خراب بيت واي حد يقولك بلاش تخربي بيتك ع الطلاق يعني لو بيمد أيده أو بيعمل اي حاجه الواحد ميستحملهاش سيبك من الجمله دي دا أصلا فحد ذاته خراب كبير وحرام يحصل

تم النشر الجمعة، ١٥ أغسطس ٢٠٢٥


لا حول ولا قوة إلا بالله هو في ناس كده ربنا يهديهم بقى،طيب جربتي تتكلمي مع حد من أهله يكون كويس؟بصي عموماً لو كلمتي حد وخلاص مفيش فايده أولا انتي التزمي خليكي مع ربنا على طول على كل حال وصلي وادعي ربنا يفرج همك ودي اهم خطوه تخديها لو مش بتصلي مثلاً أو ملهيه عن العبادات لأن ربنا هو القادر على كل شيء ومن غير اي مشاكل لازم اصلا نحاول نعمل لاخرتنا فهماني،عن موضوعك بقى بما انك مش مرتاحه اوي عند أهلك ودا طبيعي عشان الاطفال ف روحي بيتك وسيبك منه اعملي اللي ربنا امرك بيه وكل الواجبات زي منتي عادي جداً وربي اطفالك اعتبري نفسك عند أهلك الفكره بس أنك انتي واطفالك تكونوا مرتاحين فالمكان وربنا يهديه يارب متقلقيش ياحبيبتي لعل الله يحدث بعد ذلك أمراً ولو في ايديكي تسيبي الاطفال عند أهلك وتشتغلي على نفسك دا يبقى افضل حاجه تعمليها هتنفعك جداً وبإذن الله مش هتحتاجي تدخلي في مواضيع محاكم ولا حاجة بجد بتمنالك ربنا يهديه الموضوع بيبقى رخم اكيد ربنا يعينك يارب واسفه على الإطالة والقرار بردو ليكي ربنا يصلح بينكم ع الأقل عشان تعيشوا من غير توتر واطفالك يطلعوا ناس سويه النفس من غير عقد.

تم النشر الجمعة، ١٥ أغسطس ٢٠٢٥


انا اتكلمت معاه بدل المره الف ومكنتش برضي اروح زعلانه لاهلي علشان المشاكل متكبرش وعلشان الاولاد لكن هو مقدرش ده وزاد فيها ويقلي فين اهلك ورجالتك ولما قعدت الرجاله قالي انا مليش كبير وال يغلطني احط صوابعي في عنيه ويقلي انا عايز اطفشك وحاليا انا زعلانه في بيت اهلي ليا 3 شهور والوضع صعب عليا وعلي اهلي بسبب زن العيال والعياط المستمر لان سنهم صغير

تم النشر الجمعة، ١٥ أغسطس ٢٠٢٥


أنا بقول قبل قرار الانفصال أو اي حاجه اقعدي معاه وكلميه عادي جداً في وقت يكون رايق أو مرتاح فيه صارحيه وخلي الكلام فالاول من غير اي عتاب قوليله انك عايزه حياتكم تكون كويسه ومتخربش بسبب حاجه زي دي وان اللي بيقوله بيزعلك وانك خايفه عليه من الذنوب لانه حرام وشوفيه لو حد من أهله كان كان كده ممكن جداً انه تطبع بطبع حد غصب عنه طبعاً غلط جدا وملوش حق خالص يعمل كده حتى لو حد عنده بيشتم لازم هو ميكونش كده ع الأقل يحاول وعشان ربنا يباركله ويرضى عنه بس انتي الاول جربي بهدوء خالص مش هتخسري بإذن الله وشوفي هيقولك اي وهيستجيب ليكي ولا لأ ودخلي الدين فالكلام لعله يخاف ويهتدي وبعدها انتي خدي قرارك وربنا يهديهولك يارب خصوصاً لو في اطفال ممكن ياخدوا انطباع سئ منه ف ربنا ييسر حالك

تم النشر الجمعة، ١٥ أغسطس ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك