حمزه سليم

انا حاليا في بيت اهلي ورافعه قضية نفقه

ونعم بالله ربنا مش بينسي حد واحتسب ذلك في ميزان حسناتي انا مش عايزه حاجه في حياتي غير ان ربنا ينصرني ويعوضني في اولادي ويبقوا سندي وظهري وعسي ان تكرهوا شئ وهو خير لكم

والله اتكلمت كتير ونصحت كتير ودخلت اهله واهلي وللاسف قالي مليش كبيروالشتيمه عادي عنده زي الكلام مش حكاية ان بقصر معاه او مش بعمله الحاجه ال عايزها لحد م وصل بي انه طردني ووقعني من السلم واخويا واهلي مغلطيني ان سبت البيت علشان اخويا قالي متجيش طيب مجيش ازاي وهو عامل كده انا فين كرامتي وفي نفسيتي ال ادمرت مع العيشه دي واولادي ال لسه صغيرين لما يشوفوا امهم كل شويه تتشتم ولا تضرب ولا دمعتها علي خدها كل شويه اي هيبقي حالهم ووضعهم ونفسيتهم حسبي الله ونعم الوكيل في ال وصلني للوضع والحال ده وال بيتكلم عليا ومش حاسس بالوجع ال انا في وال مغلطني انا سبت البيت وال بيقلي هتطلقي وتبقي زي البيت الواقف ومحدش هيبصلك لانك رخيصه انا خصيمة الناس دي ليوم الدين ومش مسامحه في حقي وحق اولادي ربنا علي الظالم والمفتري حسبي الله ونعم الوكيل

هو اختيار غلط فعلا لان انا انخدعت ب كلام اهله لما اتقدملي ولو والدي كان موجود كان رفضه بس لسوء حظى بابا متوفي الحمد لله علي كل حال

بالنسبه لموضوع ان ارجع بيتي مينفعش علشان وقعني من علي السلم وطردني ودي مش اول مره وبالنسبه لمد ايده هو مش علي طول بس مد ايده كذا مره وقدام امه واخواته وان اكلم حد من اهله مليش دعوه بيهم علشان بيعملولي مشاكل وانا الحمد لله بصلي واعرف ربنا وبدعي ان ربنا يجبلي حقي انا اديته فرص كتير قبل م ارفع قضيه لكن هو عايز يخليني الف حولين نفسي ورفعت قضيه ليا اكتر من شهر ولسه مفيش حاجه حصلت

انا اتكلمت معاه بدل المره الف ومكنتش برضي اروح زعلانه لاهلي علشان المشاكل متكبرش وعلشان الاولاد لكن هو مقدرش ده وزاد فيها ويقلي فين اهلك ورجالتك ولما قعدت الرجاله قالي انا مليش كبير وال يغلطني احط صوابعي في عنيه ويقلي انا عايز اطفشك وحاليا انا زعلانه في بيت اهلي ليا 3 شهور والوضع صعب عليا وعلي اهلي بسبب زن العيال والعياط المستمر لان سنهم صغير

جزاكي الله كل خير وشكرا جزيلا لنصيحتك ودعائك ليا

المحامي قالي الاولاد يفضلوا معاكي علشان في سن حضانه لكن اول م يوصلوا سن 15 سنه ممكن ياخدهم والدهم وانا مش عايزه اولادي يبعدوا عني ومحتاره ونفسيتي تعبت

الاطفال واحد عمره 3 سنوات والثاني عمره سنتين

تكلمت معه كثيرا ولا فائده ودخلت اهلي في الموضوع ولا يلتزم بما اتفقوا عليه انا حاليا في بيت اهلي لي 3 اشهر ولا يسال علي اولاده ورفعت قضية نفقه لاولادي ولكن لم يصدر حكم بعد