السلام عليكم ورحمه الله وبركاته
أتمنى تكونوا جميعا بخير
انا في تالته اعدادي كل الصفوف خلصت ولسه امتحاناتي هتبدأ يوم 4 يونيه يعني لسه حوالي 12 يوم وانا الترم الاول جبت 111,5 من 140 درجه وحشه جدا طبعا انا عارفه وقصرت كتير وكمان ايام الامتحانات كنت بنام قليل جدا ممكن ساعتين بس واعتقد ده كان مأثر بالسلب جدا فمش عايزه ده يحصل تاني الترم ده ومش عايزه حاجه غير اني اجيب مجموع ثانوي بس واخشها بمجموعي وانا متأخره اوي في المنهج
خلصت بس الدراسات والنحو والقراءه ولسه النصوص في العربي وباقي المواد هل لحق اخلص واجيب المجموع فعلا ولا الموضوع صعب والمفروض اجيب كام رينج يعني الترم التاني عشان اضمن مجموع ثانوي محتاجه نصايحكوا بجد انا عايزه اعدي من السنه دي علي خير واخش ثانوي وانا بجد بعد تجربتي الصعبه في اعدادي ناويه جدا اجتهد وابقي من الأوائل في ثانوي لا وكمان عايزه اطلع من اوائل الجمهوريه بس ادخل ثانوي بس
انصحوني اعمل ايه الفتره دي اعمل ايه ايام الامتحانات وازاي اقدر اجيب اخلص المنهج وانظم يومي صح انا بجد بحاول اعمل اللي عليا عشان مندمش ونفسي افرح اوي ودي اكتر حاجه هتفرحني اني اجيب مجموع ثانوي وانا بصوم حاليا العشر ايام دول بنيه انو ربنا يوفقني وبدعي كتير وبصلي الحمد لله فبسهر للفجر عشان اتسحر واصلي قيام وكده وبعدين اصلي الفجر وممكن اقعد اذاكر شويه للساعه 7 مثلا فمحتاجه نصايحكوا وتوجيهاتكوا ليا ايه الصح اللي المفروض اعمله وايه الغلط اللي المفروض ابعد عنه وشكرا جدا مقدما .
بصي يا بنتي بطلي جلد ذات وخوف على الفاضي مجموعك في الترم الأول مش وحش خالص ومجمعك يدخلك ثانوي مستريح جدا التنسيق بياخد من حوالي ميتين وعشرين ومحتاجة في الترم التاني ده بتاع مية وعشرين درجة من مية وأربعين و ال١٢ يوم دول هما الحوار كله والندم مش هيعمل حاجة دلوقتي بطلي تقولي هقفل المنهج من الجلاد للجلاد مفيش وقت للكلام ده افتحي امتحانات المحافظات وحلي على طول والسؤال اللي يقف قدامك ارجعي لدرسه وافهميه العربي لمي نصوصه وقراءته بملخصات المراجعة النهائية السريعة وملازم الخلاصة وبلاش كارثة الساعتين نوم دي هي اللي ضيعتك الترم الأول وخلتك تنسي قلة النوم بتوقف المخ اسهري لحد الفجر ماشي اتسحري وصلي ونامي لحد الضهر واصحي كملي عشان مخك يفصل ويركز طموح أوائل الجمهورية ده شيليه من دماغك دلوقتي وخليه للثانوي ركزي بس تعدي بمجموع كويس التليفون يترم بره الأوضة تماما ال١٢ يوم دول وبإذن الله هتكبري وتفرحي وتدخلي ثانوي وتطلعي من الأوائل كمان بس استعيني بالله وقومي اشتغلي دلوقتي... وربنا يثبتك ويحفظك وجد والله شئ جميل جدا انا اشوف حد كدا ... ومتنسيش تحكي النيه الله في كل حاجه حتى الاكل لان عظم الايام دي كبير جدا ...
تم النشر الجمعة، ٢٢ مايو ٢٠٢٦
وعليكم السلام ورحمة الله وبركاته يا قمر 🌸 أول حاجة، أنا فخورة بيكي جدًا إنك مصرّة وبتحاولي تعوضي، وده لوحده نص الطريق. الـ12 يوم دول فعلاً فترة مصيرية، بس مش مستحيلة لو نظمتي وقتك صح. خطة عملية سريعة: ركزي على اللي ناقصك دلوقتي : النصوص في العربي + باقي المواد. قسمي كل مادة لأجزاء صغيرة (مثلاً 3-4 صفحات في الجلسة) عشان متضغطيش. جدول يومي واقعي (مع الصيام والصلاة): بعد الفجر لحد 7: مراجعة خفيفة أو حفظ. بعد الإفطار والمغرب: جلسة قوية 3-4 ساعات (مادتين كحد أقصى في اليوم). قبل النوم: مراجعة سريعة للي ذاكرتيه (نص ساعة). نامي 7 ساعات على الأقل، ده هيفرق معاكي في التركيز أكتر من السهر الطويل. أيام الامتحانات : كل يوم قبل الامتحان نامي بدري. راجعي الملخصات والأسئلة المتوقعة مش المنهج كله. متذاكريش لحد آخر لحظة، خدي ساعة راحة قبل الامتحان. اللي تعمليه واللي تتجنبيه: اعملي : ركزي على الفهم + الحل كتير، وادعي وأنتِ بتذاكري. تجنبي : السهر للفجر كل يوم (هيأثر على الامتحانات)، والمقارنة بنفسك في الترم الأول. أنتِ قادرة توصلي لمجموع ثانوي كويس لو استغليتِ الـ12 يوم دول بذكاء. ربنا يوفقك ويفرحك بالنتيجة اللي نفسك فيها يا رب 🤲 لو عايزة خطة أكثر تفصيلاً أو نصائح لمادة معينة، قوليلي. وممكن كمان تدوري على أسئلة مشابهة في فدني عشان تشوفي تجارب بنات تانيين. بالتوفيق يا بطلة 💪
تم النشر الجمعة، ٢٢ مايو ٢٠٢٦
@Esmat Ali لو جابت الترم الثاني 140 والترم الأول هي جايبه 111 هيبقى معاها 251 هي فعلًا على حسب تنسيق المحافظة بس طالما هي عايزة ثانوية عامة تشد أكثر عشان الموضوع محتاج فعلًا مجموع عالي الفكرة هنا مش إنها تجيب مجموع الثانوي وخلاص الفكرة في ألم المذاكرة وإنها تتحمل، دا كان قصدي عامةً الشخص لما يدخل أي مرحلة لأزم يفكر في النهائية ديمًا عشان لو مثلًا جاب أقل بيكون أقل بس عالي برضو مش عارفه الفكرة وصلت ولا لا بس هي محتاجة تشد الله يعينها اللهم آمين
تم النشر الجمعة، ٢٢ مايو ٢٠٢٦
@فَاطِمٌ الشَّافِعِيُّ. انا مش قصدي حاجه انا بس كنت اقصد أن البنت متخافش لانك لما قلتي محتاجه تقفلي ..قلت ممكن البنت تخاف أنها تنقص اي حاجه .. وغير أن مفيش أنها خايفه ومضغوطه والفترة ولالكان يوم دول صيام وتعب شويه وجاي العيد والزيارات ف هتكون مضغوطه لما تقوليها الموضوع سهل ..ومش لازم تقفلي ممكن يكون افضل .... لكن لا اقصد شئ ... اه فهمت حضرتك كويس ربنا يحفظكم ويسعدكم ويوفقكم لما يحب ويرضى 🌷🤍 لا تنسونا من الدعاء في هذه الأيام
تم النشر الجمعة، ٢٢ مايو ٢٠٢٦
مش محتاجه تقفل هي بس محتاجه من 120 درجه ويمكن اقل على حسب المحافظة اللي فيها.
تم النشر الجمعة، ٢٢ مايو ٢٠٢٦
وعليكم السلام، عشان تدخلي ثانوي محتاجة تقفلي الترم دا لأن مجموع الترم الأول قليل، الله يعينك اللهم آمين فكرة المذاكرة ذاكري أول بأول وتابعي مع المدرسين وحلي كتير جدًا الفترة القاعدة دي حلي فيها ولو شغالة مراجعات راجعي مواد تالتة أعدادي ساهلة، المهم حاولي الفترة دي تخلصي المنهاج الباقية وتنجزي فيها، تجنبي الفون الفترة دي وركزي على المذاكرة بس وإن شاء الله في الـ 11 يوم تخلصي المواد يا غالية، إن شاء الله تحققي حلمك بالتوفيق 🤍
تم النشر الجمعة، ٢٢ مايو ٢٠٢٦
لعرض السؤال في فدني اضغط هنا