أنا في تالتة ثانوي (أزهر) ودي تاني سنة ليا. كنت مقسمة المواد ودخلت 5 مواد بس ومدخلتش أي مادة علمية.مستوايا متوسط عمومًا، لكن عندي مشكلة كبيرة في الرياضة والإنجليزي لأني مش متأسسة فيهم كويس.
حاليًا باقي أقل من 3 شهور على الامتحانات ولسه ما بدأتش فعليًا وعندي تراكمات كتيره في كل المواد كل ما احاول ابدأ مذاكرة بتعب جدًا وبصدع جامد أحيانًا الصداع بيعملي عدم توازن وبنام علطول ومش بقدر أكمل بحاول اخد فيتامينات وأهتم بصحتي لكن بردو مش قادرة اذاكر
عندي مشكلة كمان إني مش بقدر أقعد حتى ساعة واحدة في المذاكرة وبحس بملل سريع جدًا. المحاضرة الواحدة ممكن تاخد مني يومين أو أكتر وفي مواد مش بعرف أحل فيها خالص، خصوصًا الرياضة والإنجليزي
كمان أنا متعلقة جدًا بالموبايل والسوشيال ميديا حتى لو مش بكلم حد بفضل ماسكاه وده بيضيع وقت كبير مني وبيخليني مش عارفة أركز في المذاكرة.
جربت اخد دروس في سنتر لكن حسيت اني بردو مش فاهمة ومش بستفيد
أنا محتاجة أعرف أبدأ منين دلوقتي؟ وهل أركز على التأسيس الأول ولا أحاول ألحق المنهج؟ وإزاي أذاكر صح
بصي الموقف لسه في إيدك والوقت كفاية بس محتاجة تهدي وتوقفي جلد ذاتك وتفكري بذكاء أول حاجة موضوع التأسيس ده انسي إنك تعمليه في دروس لوحدها خالص عشان مفيش وقت لكن ابدأي في المنهج وأي حتة واقفة قدامك في الرياضة أو الإنجليزي من الأساسيات شوفي لها فيديو دقيقة واحدة يشرح النقطة دي بس وكملي منهجك عادي عشان تحسي بإنجاز وموضوع الصداع ده غالبا سببه التوتر من كتر التفكير في اللي تراكم عليكي فالحل إنك تذاكري بنظام الفترات القصيرة يعني ٢٥ دقيقة مذاكرة و٥ دقايق راحة بعيد عن أي شاشة عشان مخك يفصل والموبايل ده لازم يخرج بره الأوضة وقت المذاكرة تماما لأن طول ما هو جنبك عقلك شغال معاه مش مع الكتاب ومسألة الدروس اللي في السنتر لو مش مفيدة ليكي يبقى اليوتيوب لأنه بيخليكي تتحكمي في سرعة الشرح وتعيدي اللي فاتك براحتك ومتقلقيش من فكرة إنك لسه مبدأتيش فعليا لأن ال ٣ شهور في ٥ مواد بس دي فرصة لو ركزتي في المنهج وحل التدريبات الكتير بدل ما تضيعي وقتك في تدوير على أساسيات قديمة دلوقتي خليكي في النهاردة وبس وابدأي بجزء صغير سهل يفتح نفسك وبلاش تضغطي على أعصابك بكلمة لازم أخلص كله في يوم واحد عشان متتعبيش وتنامي وتوقفي تاني بالنجاح يا بطلة وإن شاء الله تلحقي وتفرحي بمجموعك. ملحوظه...متخليش الخمس دقائق الراحه على التلفون ...تمام ولو احتجتي اي حاجه اتفضلي وجد والله ربنا يحفظك ويوفقك
تم النشر الاثنين، ٢٣ مارس ٢٠٢٦
ده كان سؤال لحد هنا تقريباً عنده نفس المشكلة اللي عندك ، شوفي السؤال الاجابات اللي عليه و ان شاء الله تلاقي فيه اللي يفيدك ، بالنسبة لمدة المذاكرة ف ساعة كتيرة جدا و خصوصاً لو متواصل لإنك في الغالب بتفقدي تركيزك بعد ٣٠ دقيقة، و علشان كده خلي جلسة المذاكرة ٢٥ دقيقة و ٥ دقايق بريك ممكن تشوفي فيهم السوشيال ميديا تفصلي و ترجعي تكملي و بعد كل ٤ جلسات خدي ٣٠ دقيقة بريك ، كده ممكن تقدري تكملي يومك في المذاكرة من غير ملل ، و بالتوفيق 😊 https://www.fedni.net/q/98276970
تم النشر الاثنين، ٢٣ مارس ٢٠٢٦
يا حبيبتي، أول حاجة: أنتِ قوية وقادرة، والـ3 شهور دول كفاية تمامًا لو بدأتِ دلوقتي بذكاء. ربنا يوفقك وييسر أمرك، وابدئي كل يوم بدعاء: "اللهم انفعني بما علمتني وعلمني ما ينفعني"، وصلي ركعتين حاجة قبل المذاكرة عشان التركيز يجي من عند ربنا. ابدأي منين دلوقتي؟ خطة عملية خطوة بخطوة (ابدئي النهارده): رتبي اليوم الأول (اليوم): اكتبي قائمة بكل المواد ودرجة التراكم فيها (على ورقة، مش موبايل). حددي أولويات: رياضيات وإنجليزي أولًا (لأنهم ضعفك)، بعدين باقي المواد. هدفك: 70% من المنهج + تأسيس قوي في الضعيف. التعامل مع الموبايل (العدو الأول): حطي الموبايل في غرفة تانية تمامًا أثناء المذاكرة. استخدمي ساعة مطبخ عادية للوقت. لو مش قادرة، حملي تطبيق "Forest" أو "Focus Booster" يحظر السوشيال لساعات. جدول يومي واقعي (مش ساعة واحدة، ابدئي بـ25 دقيقة): استخدمي تقنية "بومودورو": 25 دقيقة مذاكرة مكثفة + 5 دقيقة راحة (تمشي في الغرفة أو تشربي مية). يوميًا: 4-6 جلسات (إجمالي 2-3 ساعات في الأول، زدي تدريجيًا لـ6 ساعات). مثال جدول: | الوقت | النشاط | | 8-10 صباحًا | رياضيات (تأسيس + تمارين بسيطة) | | راحة 30 دقيقة | صلاة + أكل خفيف (فواكه، مكسرات) | | 10:30-12 | إنجليزي (مفردات + قواعد أساسية) | | بعد الضهر | مادة علمية أو أدبية (تلخيص سريع) | | مساء | مراجعة اللي ذاكرتيه + أسئلة سابقة | نوم 7-8 ساعات، أكل منتظم (بيض، خضار، تجنبي السكريات اللي بتعمل صداع). إزاي تذاكري صح؟ (تأسيس أولًا، مش المنهج كله مرة واحدة): رياضيات: ابدئي بـ"التأسيس" (كتب أزهر أساسيات أو يوتيوب"، حلي 10 مسائل بسيطة يوميًا. لو مش فاهمة، شوفي فيديوهات قصيرة 10 دقائق فقط. إنجليزي: 20 كلمة جديدة يوميًا + قواعد أساسية (Present Simple/Past). باقي المواد: اقرئي الدرس مرة، اكتبي نقاط رئيسية في 5 دقائق، حلي أسئلة امتحانات سابقة (أهم حاجة!). كل أسبوع: اختبري نفسك بامتحان سابق، وراجعي الأخطاء. التعب والصداع: اشربي مية كتير (2 لتر يوميًا)، مارسي مشي 15 دقيقة يوميًا بعد المغرب. لو الصداع شديد، روحي دكتور عشان يشوف لو في نقص فيتامين D أو حديد (شائع عند البنات). السنتر مش هينفع لو مش مركزة، ركزي على نفسك أولًا. بعد أسبوع، هتلاحظي فرق! أنتِ هتنجحي إن شاء الله، خطوة صغيرة كل يوم. 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٢٣ مارس ٢٠٢٦
لعرض السؤال في فدني اضغط هنا