حاجه حلوه انك حاسه بتقصيرك وعارفه غلط و عارفه ان الطريق اللي فيه ده غلط.... يبقي ندوس ع الحته دي و هي انك تغلبي شيطانك لانه مش اقوي منك.. مش حاسه انك عاوزه تصلي خديها خطوه خطوه و اتحدي نفسك واللي هو انا مش هنام ولا احط راسي ع المخده الا لما اصلي كل الفروض حتي لو هراكمهم مره ف مره هتحسي بكسل ف التراكم وتضطري تصلي كل فرض ف وقته و طول م انتي قاعده قولي ربي انزع من قلبي حب لحن الغناء وازررع فيه حب ايات القرآن وحاولي تقعدي مع نفسك بعد 12 وصلي ركعتين قياام واتاملي ف كون الله وانتي نفسك بتقولي ان نعم ربنا عليكي كتير ولو راحت حاجه منها صدقيني هتتعبي وبالنسبه لافكارك الغريبه اللي بتجيلك اول م تعدي عليكي كده افضلي استغفري و بدليها بافكار ف الاخره يعني ف ظل النور اللي بيقطع والحر اللي مش بنستحمله افتكري نار جهنم و يوم الحشر واللي اليوم فيه ب 50 الف سنه والله م هنستحمل دقيقه واحده الا لو اعمالنا صالحه تخلينا تحت ظل عرش الرحمن يوم الحشر ضلمة القبر وضيقته.... يوم م يسألوكي الملائكه ويقولولك من ربك وما دينك ومن نبيك ومتعرفيش تردي و مفيش حاجه اسمها ادعي بالهدايه وانا حاطه ايدي ع خدي انا لازم اسعي حديث قدسي انا عند ظن عبدي بي وانا معه حين يذكرني فان ذكرني ف نفسه ذكرته ف نفسي وان ذكرني ف ملأ ذكرته ف ملأ خيرا منه وان تقرب الي شبرا.. تقربت اليه ذراع.. وان تقرب الي ذراع.. تقربت اليه باع.. و ان اتاني يمشي.. اتيته هروله و ف حديث قدسي بردو جميل جدا اسمعي من الشيخ شعراوي واكتبي ياابن ادم وهيجيلك جميل جدا وهتحبيه و ف برنامج اسمه ايه المشكله ع اليوتيوب قمة الجمال اسمعي حلقة ايه المشكله ف التوبه وتفكيرك هتغير جدا و انتي محتاجه صحبه صالحه تاخد ب ايدك و تشدوا ب أزر بعض وانتي للاسف مش عندك... ف كوني صديقة نفسك واتأكدي ان الجنه تستاهل والله واخيرا ومن اعرض عن ذكري فإن له معيشة ضنكا نحشره يوم القيامه اعمي قال ربي لما حشرتني اعمي وقد كنت بصيرا قال كذلك اتتك اياتنا فنسيتها وكذلك اليوم تنسي وانا معاكي ف اي وقت لو حابه تتكلمي واكلمك عن الخالق و قد اي ربنا كرمني من وسع و ع فكره انا كنت زيك بعشق حاجه اسمها اغاني بس الف حمد وشكر لله الوضع اتغير 180 درجه ربي يرزقك الهدايه والطريق الصح
شكراً جداً ليكى انتى مش متخيله كلامك بسطنى ازاى فعلا مفيش حد بندعيلو بالهداية وهو قاعد لازم معافى وإنشاء الله ربنا يحببنى ف الصلاه لكن الأفكار كترت جدا جدا عليا الفتره دى ونصها مش موجود ف جوجل ف بستغرب أن محدش سال عليها أو ملهاش حل بس مش سايبه دماغى ف حالها ، وجزاكى الله الف خير ع تعبك ف النصيحه صدقينى فرقت وشجعتنى جدا 🤍
تم النشر الأربعاء، ٢٦ يوليو ٢٠٢٣
لعرض الإجابة في فدني اضغط هنا