Manar Ali

اوعي تاخدي القرار ده مهما حصل.. تالته ثانوي بلاش ابني نفسي الاول فضي نفسك لمذاكرتك.. يوم النتيجه هيطلعلك قرايب انتي متعرفيهمش يشمتوا ف بلاش تضغطي نفسك ف الشغل وهتركني مستقبلك الحقيقي بعد الثانويه اعملي اللي عوزاه ولا حتي كورسات هي دروسك وبس وربنا يوفقك ويفرجها عليكي يارب♥✨

لا ياحبيبتي طبعا مش ظلماه بالعكس انتي لو كنتي كملتي كنتي هتظلمي نفسك قبل اي حاجه.. اتطمني وريحي بالك وشوفي مستقبلك.. اللي بيهين مينفعش يكون سند ده فيما بعد ممكن يمد ايده عليكي.. و ع ايه انتي غاليه ♥... ربي يرزقك باللي يستاهل قلبك✨

حاجه حلوه انك حاسه بتقصيرك وعارفه غلط و عارفه ان الطريق اللي فيه ده غلط.... يبقي ندوس ع الحته دي و هي انك تغلبي شيطانك لانه مش اقوي منك.. مش حاسه انك عاوزه تصلي خديها خطوه خطوه و اتحدي نفسك واللي هو انا مش هنام ولا احط راسي ع المخده الا لما اصلي كل الفروض حتي لو هراكمهم مره ف مره هتحسي بكسل ف التراكم وتضطري تصلي كل فرض ف وقته و طول م انتي قاعده قولي ربي انزع من قلبي حب لحن الغناء وازررع فيه حب ايات القرآن وحاولي تقعدي مع نفسك بعد 12 وصلي ركعتين قياام واتاملي ف كون الله وانتي نفسك بتقولي ان نعم ربنا عليكي كتير ولو راحت حاجه منها صدقيني هتتعبي وبالنسبه لافكارك الغريبه اللي بتجيلك اول م تعدي عليكي كده افضلي استغفري و بدليها بافكار ف الاخره يعني ف ظل النور اللي بيقطع والحر اللي مش بنستحمله افتكري نار جهنم و يوم الحشر واللي اليوم فيه ب 50 الف سنه والله م هنستحمل دقيقه واحده الا لو اعمالنا صالحه تخلينا تحت ظل عرش الرحمن يوم الحشر ضلمة القبر وضيقته.... يوم م يسألوكي الملائكه ويقولولك من ربك وما دينك ومن نبيك ومتعرفيش تردي و مفيش حاجه اسمها ادعي بالهدايه وانا حاطه ايدي ع خدي انا لازم اسعي حديث قدسي انا عند ظن عبدي بي وانا معه حين يذكرني فان ذكرني ف نفسه ذكرته ف نفسي وان ذكرني ف ملأ ذكرته ف ملأ خيرا منه وان تقرب الي شبرا.. تقربت اليه ذراع.. وان تقرب الي ذراع.. تقربت اليه باع.. و ان اتاني يمشي.. اتيته هروله و ف حديث قدسي بردو جميل جدا اسمعي من الشيخ شعراوي واكتبي ياابن ادم وهيجيلك جميل جدا وهتحبيه و ف برنامج اسمه ايه المشكله ع اليوتيوب قمة الجمال اسمعي حلقة ايه المشكله ف التوبه وتفكيرك هتغير جدا و انتي محتاجه صحبه صالحه تاخد ب ايدك و تشدوا ب أزر بعض وانتي للاسف مش عندك... ف كوني صديقة نفسك واتأكدي ان الجنه تستاهل والله واخيرا ومن اعرض عن ذكري فإن له معيشة ضنكا نحشره يوم القيامه اعمي قال ربي لما حشرتني اعمي وقد كنت بصيرا قال كذلك اتتك اياتنا فنسيتها وكذلك اليوم تنسي وانا معاكي ف اي وقت لو حابه تتكلمي واكلمك عن الخالق و قد اي ربنا كرمني من وسع و ع فكره انا كنت زيك بعشق حاجه اسمها اغاني بس الف حمد وشكر لله الوضع اتغير 180 درجه ربي يرزقك الهدايه والطريق الصح

اولا.. دي حاجه قمر و ربنا اصطفاك من بين ناس كتير علشان تتميز وتبقي انت مختلف عنهم وكلهم زي بعض ثانيا.. مينفعش تخليها عقبه قدامك وتوقف حياتك بسببها دي مش مقياس انك تقدر تعمل كل حاجه و توصل عادي جدا ثالثا.. ملناش دعوه بالناس اللي هناك دي.. اللي يضحك يضحك ان شاء الله تكون اخدت صدقه انك تسببت ف ابتسامه شخص.. نشرح بقا..🙃 احنا عيوب.. ومستحيل تلاقي حد كامل ومفيهوش عيوب بس كل حد مننا بيتخلف عن التاني ف عيبه و ف عيوب ظاهره وعيوب باطنه بتظهر مع العشره واحيانا مش بتظهر.. لولا ستر الله لهلكنا صدقني اصحابك مش احسن منك خالص ع فكره.. كل القصه ان زي م قولتلك فوق انت مميز🤍 وبعدين.. انت لازم تحط هدف وتمشي ع خطواته وتوصل و دي مش عقبه بجد... نقدر نقول ده طريق من طرق الوصول وتحقق كل حاجه ف حياتك عادي جدا و اي فرصه ضاعت هي ليس الا باب مش خير واتقفل .. ربنا مش أراد انك تكمل ف ده ف بعد الوحش عنك.... صدقني ده مش مقياس و لما يجي حد يضحك او يترق قوله ياسيدي موعدنا ع الصراط ف القنطره وانا باخد حقي منك مش دلوقت وصدقني مش هيضحكوا كتير.. عارفه ان كسر الخواطر ده حاجه صعبه جدا ومجربه كتير جدا جدا جدا.. بس ربنا بيردها واقصد مش هيضحكوا كتير ان ربنا هيرد كل ده والله العظيم والله وبالله وتالله ان جبر الله ليك هيكون اجمل بكتير🤍✨

هو والله احنا لو فاهمين هنساعد🥲 بس اللي حاولت اوصله ان ف شخص دخل ع الاك عندها وبعتلها قالها عاوز عنوان بيتكم.. ف هرد بناء ع كده اولا.. اصلا غلط انها ترد من الاول كانت سكتت وقالت لاهلها.. ثانيا.. الاسكرين ده متاخد من عند الولد.. منين متاخد من عنده ومنين صحبتك اللي ف مشكله🙂 ف معلش علشان متقعش ف مأزق لا قدر الله افهمي منها هي عاوزه اي وفهمينا براحه🥲🥲

طيب ياجميله.. ممكن عندك حق ف كلامك وان احنا كمجتمع بنبص للبنت اكتر ف الحته دي.. وان الولد ده راجل.. يعمل اللي عاوزه براحته خالص م اهو ولد و ف الاخر يروح يتجوز اللي مخرجتش من البيت.. علشان محترمه نتكلم ف حته هنا مهمه شويتين تلاته (سن المراهقه) اصعب مرحله ف حياة اي شخص هو سن المراهقه.. سن صعب جدا و التعامل مع المراهق فالسن ده لازم يكون ف حذر.. و ده بيرجع للاهل.. الاهل جزء كبير جدا جدا من ضياع الشخص سواء ولد او بنت نيجي بقا اشمعنا البنت.. هتلاقي دايما الناس الكبيره تقولك البنت سمعه لو ضاعت ف البنت ضاعت ونفتح كتاب الله عز وجل نلاقي مكتوب (يانساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا) الشيخ شعراوي فسرها بطريقه جميله جدا بيقولك لو اضطريتي تتكلمي مع راجل فتكلموا بصوت لا ليونة فيه ولا تكثر ولا ميوعه ولا مع اقتراب وبيقول كمان انا مقولتش انكم وحشين بس منعرفش اللي قدامنا ده ايه فيطمع الذي في قلبه مرض.. ومش معني ده اننا نتكلم بغلظه او بخشونه.. لا وقلن قولا معروفا.. البنت الجزء الاكبر والاساسي لانها لو رفضت مش هيقدر يتكلم ومينفعش تبقي ضعيفه و نرجع ونقول العيب ع الاهل والتربيه والبنات بردو جزء لو بصينا لدين الله عز وجل شويه هنعرف نتعامل ف كل ده حتي لو كان سن المراهقه وهو سن الضعف مينفعش الاستسلام و ف حاجه اتقالتلي زمان.. "مفيش حد بيضيع البنت غير البنت" والصاحب ساحب.. ويابخته اللي صاحبه ساحبه لطريق الطاعه لو المنبع نضيف صدقيني مش هيفرق 11 سنه ولا 14 ولا 16

صدقيني مفيش افضل من القرآن الكريم علاج لكل حاجه والله..

لا فكره الحصاله مش وحشه نهائيا واللي عنده عزيمه بتجيب معاه.. اولا تتحدي نفسك واللي هو انا مسحيل اقرب ع الفلوس دي.. واقفل الحصاله بقفل وخلي المفتاح مع اي حد او ارميه بجد.. يااما دخل نفسك ف جمعيه علشان دي بتلزم بصراحه وبتخليك غصب عنك تدفع.. الاهم من كل ده العزيمه و انت قدها دي مش كيميا

متبعتيش ياجميله وعززي نفسك ومشاعرك♥✨ و بدلي نيتك ب انك مش هتبعتي علشان حرام وانك منتظراه ف حلال الله عز وجل.. 🤍 بلاش بجد صدقيني ده افضل ليكي.. كان معايا ابن خالتي يقولي احنا بنحب البنات اللي تخلينا تطلع عينا علشان نوصلها.. ابعدي علشان حرام اولا.. وثانيا اهلك.. ثالثا علشان يشوفك حد كويس و انك تنفعي ام لاولاده.. ولو اولادك ف مكانك مش هتحبيهم كده الحاجه اللي فالضلمه مش حلوه✨

و بمناسبة حتة ربنا مش بيستجيبلي دي ف انا مش قادره استني انك تردي علشان اتكلم ف النقطه دي بس انا هقولك باختصار قصت واقعيه قبل كده واحده مكانتش بتخلف و كان معاها مرات اخو جوزها بتخلف عادي ف مره سابت ابنها مع اللي مش بتخلف.. و كانوا بيخبزوا تقريبا وقتها حطته ف النار و عملت نفسها مش واخده بالها وغصب عنها الولد دخل ف الفرن وكده وموضوع وعدا تلف الايام والسنين والاتنين يخلفوا عادي واللي مش بتخلف جابت 5 اولاد كانت دايما تحب تقفل عليهم بالمفتاح علشان يذاكروا ف مرره قفلت عليهم بالمفتاح و ف حاجه مسكت وهما ف الاوضه وولعوا وهي مش حاسه ولغايت م حست بيهم كانوا كلهم ماتوا الست دي اتجنت وفضلت تقول بقا يارب تساوي 5 ب 1 بقا يارب انا انسي و هي تنسي وانت متنساش.. حاشه لله عز وجل.... وموقف معايا انا شخصياااا موقف حصل معايا 2021 جالي حقي قدام عيني السنه دي وبردو موقف حصل معايا وانا ف 2 ثانوي.. جالي حقي وانا ف كليه عادي نفهم من كده ايه...؟! ان ربنا مش بيجيب الحق بدري... و بيخلي الظالم يتعامل عادي ف حياته و كأنه معملش اي حاجه و ممكن كمان ربنا يزوده ويجي فجأه بدون مقدمات... يتفاجئ ان ربنا بيوجعه.. طاب ليه.. لا ده حق حد قديم وبيجي دلوقت و ع فكره هيتوجع نفس وجعك بالظبط و ربنا هيخليكي تعرفي بردو علشان تشفي غلك حتي لو كنتي انتي حد مش كويس.. ومقصدش حاجه وحشه والله... بس الظلم ملهوش دعوه بمعدن الشخص المظلوم عندي كلام كتير جدا جدا بس هكتفي بالرد ده علشان مبقاش غلسه بزياده و حاجه اخيره ( وما ربك بظلام للعبيد) ✨

مبروك عليكي.. 🤍✨ طول م ربنا الهمك الدعاء اصلا دي حاجه عظيمه والاعظم انك من جواكي عاوزه تتوبي الخطوه دي مش ساهله ومش اي حد يعملها (ان الله لا يهدي من احب ولكنه يهدي من يشاء) القرار فعلا ف حد ذاته صعب وخطوه مش ساهله ولما بتدعي ربنا بيستحي يرد ايدك فاضيه ان الله حييّ كريم اه الندم ركن اساسي ف قرار التوبه بس هيجي مع الايام... ربنا زرع فيكي ده و لسه مكمله دعاء ربي مش هيقفلها ف وشك ربنا عز وجل بيقول ف حديث قدسي.. (من تقرب اليّ شبرا... تقربت اليه ذراعا.... و ان تقرب مني ذراعا تقربت اليه باعا... وان اتاني يمشي اتيته هروله)

ده انتي تحمدي ربنا انك ع مبدأك يابنتي و انك. معملتيش كده.. ده ستر من الله عز وجل.. ودعاء اهلك ليكي... بصي ياجميله♥✨ الحرام ربنا مش بيبارك فيه وبيبقي تقيل ع القلب انتي من البدايه غلط.. ليه اصلا تتعرفي ع حد وييقي بينكم كلام تحت مسمي (الحب) و ده كذب اصلا.. ف الاخر انتي نذوه و يوم م هيدور هيدور ع المحترمه اللي هو فاكر انها مكلمتش غيره.. بس و ما ربك بظلام للعبيد🤍 و بصي لاهلك.. ميستاهلوش منك كده ولا راسهم تتحط ف الارض بسبب موضوع ف الاساس حرام وتافه والله استني رزقك ونصيبك اللي ربنا شايلهولك.. عززي نفسك وكرامتك.. انتي غاليه وعاليه بلاش تنزلي من نفسك لمجرد موضه جديده منتشره عفانا الله حاجه اخيره.. الحاجه اللي متتعملش ف النور ف تبقي غلط يعني طول م انتي بتداري يبقي غلط سواء الموضضوع ده او غيره شوفي بتخافي ازاي وبتكلميه لما اهلك يكونوا مش موجودين وكل الكلام اللي معروف ده.. و للاسف منعرفش ان ربنا شايفنا و معانا (يستخفون من الناس ولا يستخفون من الله و هو معهم) ربنا يهديكي ويكتبلك الخير يارب

ابعتيلي مشكلتك وان شاء الله نحاول نلاقيلها حل بدون مقابل

تبارك الله.. طيب ده كويس جداا

الشكر لله ياجميله♥✨

صح...

مارك توين قالك ايه... القليل من التجاهل يعيد كل شخص الي حجمه الطبيعي... انتي مينفعش تروحي تقوليله انا زعلانه منك... وارجوك اهتم بيا وشوفني انا اهوو.. صدقيني حتي لو كان جوزك مينفعش... دايما خليكي مرفوعه حتي لو شعورك الداخلي اشبه بالاحتراق🙂 خلي حريقتك لنفسك فعليا الاهتمام مبيطلبش ومينفعش يتطلب كل واحد كبير كفايه وعارفه نفسه بيعمل اي كويس خالص

تؤ.. بلاش🙂🙂

دي حقيقه... بس هي ترد🤝🏻

مدش قالك احرم نفسك خااالص بالعكس دي حاجه مش لذيذه.. بس ان المسرفين كانوا اخوان الشياطين.. لازم لما نطلع كل جنيه.. نعرفه رايح فين

يبقي معلش حد واثق فيه واديله مبلغ كل م تجمع فلوس.. و ليه مفيش عزيمه.. بعيدا من التحويش وكده هتتعبك ف حياتك

بعتلك

هاتي اللينك

ف انتظارك♥✨

اسمع لحازم شومان و محمد الغليظ .. وممدوح نصر الله و معتز مشعل و ابراهيم الفقي وقبلهم... ارجع لربي واقرأ قرآن كتير

اشكري ربنا انه وقعني ف طريقك علشان اقولك الكلام ده... ولسه والله عندي كلام كتير جدا جدا عاوزه اقوله بس لما افهم منك بالظبط وربي يجبر بخاطر قلبك يارب✨

انتي غيري الاسم براحتك.... المشكله بجد معرفش ابلكيشنز...

انا مش ست كبيره ف السن.. بس ان شاء الله اقدر اساعدك... تقدر تكلميني توييتر لو تحبي.. او لو حابه ننزل ابلكيشن مختلف مفيش مشاكل عندي.. واهو تاخدي رأي اكتر من حد

ونحن اقرب اليه من حبل الوريد🤍✨

وصدقني طول م متقي ربنا وناوي خير ف والله ربنا هييسرلك حالك وهتفتكر كلامي ولو بعد سنين. "ومن يتقي الله يجعل له مخرجا.. ورزقه من حيث لا يحتسب" اه خلوه للاسف.... خلي دايما قدام عينك الحلال والحرام علشان ربنا يكرمك.. صدقني والله ربنا كريم و ودينا مش معقد ولا حاجه ده بيحافظ علينا.. و حتي لما ربنا يكرمكم وتتخطبوا ع خير وتكون ليك الزوجه الصالحه يارب.. تبقي بردو بالنسبالك اجنبيه.. لذلك نلتزم كمان بقواعد الخطوبه علشان ربي يرزقك بحلاله

الشكر لله🥹🤍 ربي يعينك ويساعدك ع تقربك ليه كمان وكمان🤍✨

لا انا لسه عند كلمتي الخلوه لا.. حتي لو قدام الباب. حتي لو ف طفل صغير خليه يقعد معاكم..+بدل م ميال فعلا وواثق فيها صدقني والله افضل حل الحلال.. ع الاقل هتكلمها براحتك..+ ماشي لما يكونوا عندكم ف زياده مفاجأه كأنك كنت نازل ومثلا اول م يدخلوا قول خساره انا كان نفسي اقعد بس معرفش مين مستنيني وكده.. وبجد هأكد عليك بلاش تحرجها.. دي قادره تربي كره

ذات الاخلاق العاليه.. والتربيه الصالحه...

لو ينفع معادله وبعدها كليه يبقي قمر.. لو منفعش يبقي معهد فني صحي سنتين وبعدها كلية هندسه ان شاء الله

مفيش حاجه اسمها احفظ القرآن سريع.. لا احنا لازم نتقن قيمة كل حرف علشان نقدر نحفظه.. و مش هتحفظي لوحدك.. كنت بحاول ف البيت كتير و م اخدتش خطوه لازم يبقي ف حد معاكي بيتابعك.. انزلي مقرأه واحفظي مع حد... والله لو ليكي واحده صحبتك تساعدك وتعينك ع طاعة المولي عز وجل.. و مع الحفظ اسمعي كتير. وهاتي كتاب تفسير والجزء اللي هتحفظيه اعرفي تفسيره بيساعد ع الحفظ بإتقان... وربي يجعلنا واياكي من حفظة القرآن الكريم🤲🏻🤍✨

دي حاجه مش وحشه طول م فيها حدود.. وف الاخر دي بنت عمتك مش حد غريب.. علشان حد يتكلم عليها بسوء.. ومش بيبقي ف الشارع ده ف البيت.. هو لا يجوز الخلوه عموما حتي لو بحدود.. بس ده هيجيب تعلق.. والتعلق هيجيب حب والحب هيودي لحته مش لذيذه.. ف لو حاسس انك ميال ليها استخير وافتح كلام حتي لو مش ف ايدك اي شئ دي بنت عمتك.. ف هيبقي ف تهاون لغايت م ربنا يفرجها عليك.. بس بلاش تحرجها.. ممكن انت تتهرب اصلا اشيك.. اللي هو لما تعرف انهم جايين روح لاصحابك مثلا.. او اعمل نفسك نايم whatever.... بس هرجع واقول الخلوه لا🤝🏻

التائب عن الذنب.. كمن لا ذنب له🤍✨

دايما اثبت نجاحك كمان وكمان لغايت م تبقي عنصر اساسي مش مجرد دكه احتياط... وشوف العيوب اللي وصلت لكده و نقلبها لمميزات... خليك حد طموح وصدقني وقتها هو اللي هيجري وراك... بس ف وسط كل الزحمه دي... الا وعزة النفس.. اللي هو تعمل كل ده بدون م تمس نفسك بسوء

الي حد علمي ان القروض حرام الا ف 3 حالات.. المرض.. والزواج المعسر ماديا ويؤدي الي فسخ الخطبه.. والمآوي لمن ليس له مآوي

لا مش لوحدك ياجميله♥ فعليا احنا بقينا ف عالم م يعلم بيه الا ربنا.. ربنا يعافينا

حرام... 🙂

اقري كتب واعملي دبلومه ده افضل حل قبل الكورسات.. الكورسات دي اداة مساعده ليس الا.. وكملي طول م بتحبي الحاجه كملي فيها وربي يوفقك

طبعا حرام وبيودي لسكه ملناش دعوه بيها حفظنا الله

انا كواحده عانيت بالموضوع ده وعديت بمرحله وحشه ف ثانويه عامه وجبت مجموع سئ جداااا.. جايه اقولك بلاش تغلط غلطتي وتخلي كلامهم يسيطر عليك.. اتحداهم.. اللي يقولك مش هتنفع ف الحاجه دي قول حاضر واثبت انك تقدر.. وخليك دايما الداعم النفسي ليك.. صدقني الموضوع متعب واياك والاستسلام

اديسون قال مقوله بحبها جداا وماشيه بيها ف حياتي وجايبه نتيجه.. "انا لم افشل انا ببساطه وجدت 1000 حل لا يعمل" ع ما اتذكر انها كده.. ولو جينا نبص لقصته هتلاقيه كافح بشكل غريب وجميل وده واحد مكنش عنده دين زينا الف حمد نقوم احنا نيأس.. وقال كمان"النجاح 1% موهبه و99% جهد"... وطبيعي طول م بنفكر ف كذا حاجه وعاوزين كل حاجه يبقي مش هنوصل لحاجه.. انا خريجه السنه اللي فاتت ممكن فالاول كان عندي نفس الحماس ده يالظبط.. بس بعد كده حسبتها براحه وحطيت هدف وخطه مش همشي عشوائي.. اه فاتت سنه مش مشكله المهم ان انا حطيت ايدي ع الطريق.. وحاجه اخيره.. مفيش كلمة الطريق طويل.. طبيعي محدش بينط السلم مره واحده ولازم نطلعه درجه درجه ومهما حاولت تنط ف كل مره هتقع وهيتكسر فيك ضلع.. ف نستخير وشوف بتحب ايه وحط ايدك ع الطريق اللي حابه حتي لو بره مجال دراستك... الكليه ليس الا شهاده وورقه مختومه.. مقوله اخيره ل اديسون "لا يمكن لورقة امتحان سخيفه ان تحدد مستقبلي"

لا ياقمر مش اسمها ف ناس بتقول... هو الارتباط حرام فعلا.... صدقيني وافتكري كلامي لو بعدتوا غلشان السبب ده والله ربنا م هيخذلكم وهيجمعكم ف حلاله.. بس هو يجتهد

مفيش حاجه اسمها اقدر ابدأ.. طول م العزيمه موجوده وبنتنفس ف نقدر.. حضرتك تقدر تعمل كتير واابدأ بالتوبه بعدها ربنا هيفتح باب الرزق.. ان الله لا يهدي من احب ولكنه يهدي من يشاء..🤍 و ان شاء الله انت قدها

ولما هو انتوا الاتنين متعلقين ببعض عاوزين تعملوا move on لي..

لينك التويتر ف البيدج