انا بكلم شخص تقريبا بكلمه كل يوم من فتره وبقى مش عندى وقت ولا طاقه لحياتى بعد ما كنت بدأت اركز ف حياتى وف دراستى هو جه لخبط الدنيا وحسه أن ده كان اختبار من ربنا وانا فشلت فيه بس اظن لسه فيه فرصه وانا الحمد لله مش حسه ب اى حاجه من ناحيته يعنى البعد سهل الحمد لله بس انا مش عارفه هو حاسس ب اى من نحيتى ف خايفه ابعد وهو يكون حاسس بحاجه من نحيتى ونفسيته تتعب أو اى حاجه ...انا خلاص قررت ابعد علشان ربنا وعلشان ده حرام لانى بحس طول الوقت انى عمله مصيبه ف قررت ابعد...انا همسح الاكونت اللى بكلمه منه خالص علشان ميعرفش يوصلى ويبقى صعب عليا انى أوصله أنا كمان ..اقوله انى هبعد قبل ما امسح الاكونت ولا امسح الاكونت علطول ؟ولو هقوله اقوله اى؟ لأن انا مش عايزه أواجه علشان معرفش رده الفعل وممكن اتلخبط ف الكلام ويصعب عليا الموقف واقرر مبعدش علشان انا عرفه نفسى
قوليله بصراحه انا مش حاسه بحاجه قويه من نحيتك وشايفه ان الي بعمله حرام ومأثر ع حياتي وع تركيزي ونفسيتي وانا مش عايزه اكون بكدب عليك وابينلك مشاعر مش عندي او اني اكمل ف حاجه وانا شايفه انها حرام
تم النشر الجمعة، ١٧ مارس ٢٠٢٣
أولاً، أود أن أقول لكِ إنه أمر جيد أن تقومي بالتركيز على دراستك وحياتك الشخصية، فهذا سيساعدكِ في النجاح والتقدم. أما بالنسبة لإنهاء علاقتكِ مع الشخص الذي تكلمين معه، فإنه يجب أن تفعلي ما يجعلكِ تشعرين بالارتياح. إذا كانت قراراتكِ تترك أثرًا إيجابيًا على حياتكِ وتسمح لكِ بالحياة بسعادة وراحة، فهذا هو المهم. بإخباره قبل حذف الحساب، سيكون أفضل لأنه يحترم مشاعره ويخبره عن السبب الحقيقي للانفصال. يمكنكِ أن تخبريه بأنكِ تريدين الابتعاد عنه لأنه يؤثر على تركيزكِ في دراستكِ وحياتكِ الشخصية، وأنكِ تحترم شخصيته وشعوره، ولكنكِ بحاجة إلى فرصة لدراسة الأمر. في النهاية، عليكِ أن تقرري ما هو الأفضل بالنسبة لكِ والذي سيساعدكِ في التقدم وتحقيق أهدافكِ. تذكري دائمًا أن تفعلي ما يجعلكِ تشعرين بالسعادة والاطمئنان.
تم النشر الجمعة، ١٧ مارس ٢٠٢٣
اكتبي الرساله فى وقت هو يكون فيه مش اون لاين وابعتيها وامسحى الاكونت خالص وانسيه بس خليكى فاكرة الاختبار وفاكرة انك بعد ما وقعتى كنتى الحمدلله بفضلة وستره قادرة تقومى وتفوقى نفسك للصح. هتجيلك افكار انك تطمنى عليه او تعرفى عنه من بعيد...اعرفى ان ده تأكيد للاختبار ومتعمليش كده عشان متقعيش تانى ....ربنا يردك اليه مردا جميلا ويجعلك من اهل الصلاح والتقوى .
تم النشر الأحد، ١٩ مارس ٢٠٢٣
حلو اوي انك عارفه انه حرام، وكمان مضيعة للوقت. من حقه انه يعرف انتي هتختفي ليه؟ من حقك اي حد انه يعرف انك هتمشي، اللي بيمشي بيبقى خايف يواجه اي حاجة في حياته، محدش يستاهل ابدا انه يتساب من غير ما يعرف. كمان انتي مش مضطرة انك تقعدي في علاقة علشان هيصعب عليكي الشخص ده، مش منطقي، الالم عموما شعور طبيعي لازم كلنا نحس بيه، وكلنا طبيعي بنحس بيه، سواء بسببك انتي او حد تاني. ده امر طبيعي. الصح والحاجة اللي ترضي ربنا اعمليها ومتبصيش وراكي. اما انك تقولي له ازاي؟ قولي له الحقيقة .. والله اللي بنعمله ده غلط وحرام، وانا مش عايزة اتمادي في كده وقررت اني اقولك الكلام ده علشان مش حابه اننا نتكلم تاني. بس كده وربنا يوفقك
تم النشر السبت، ١٨ مارس ٢٠٢٣
طالما عارفه انه حرام وربنا اداك فرصه تبعدي ابعدي وامسحي الاكونت على طول لو قلتيله ممكن تستدرجي نفسك ليه تاني ومتقدريش تبعدي تاني ممكن لو قلتيله وكان في عنده مشاعر ناحيتك يقعد يقولك ليه وعشان ايه ويهون عليكي ووووو وبالتالي يرجعك لنفس الغلط تاني والمرة دي بصورة اكبر متديش نفسك والشيطان فرصه انه يجرك لنفس الغلطه تاني
تم النشر السبت، ١٨ مارس ٢٠٢٣
بصي هو الصح والآدمي وحق الناس علينا نفهمهم بنختفي ليه مش نختفي بشكل مبهم لان دي حاجه مؤذيه مهما كان عندك حق .. ولكن في حالات استثنائيه,, لو مثلا هو شخص همجي هيوجعني بالكلام او يهددني او يتابعني فكل حته فلو في منه خطوره الافضل تنسحبي بذكاء ولا بكلام ولا باختفاء ويبقي في تدخل من حد كبير .. ولو هو شخص مرهق ولازق وهيضعفك او يقلل تركيزك فحياتك برضو استثناء انك تتجاهلي فصمت ..لو محترم ومتفهم اشرحيله ببساطه وبس
تم النشر الجمعة، ١٧ مارس ٢٠٢٣
انا عن نفسي مقولتش مسحت علطول
تم النشر الجمعة، ١٧ مارس ٢٠٢٣
امسحي الاكونت على طول
تم النشر الجمعة، ١٧ مارس ٢٠٢٣
طالما حاجة هتعمليها وعارفة ان البعد دا مش هيخلي ربنا زعلان منك ف اعمليها الحاجة اللى ترضي ربنا متفكريش فيها مرتين
تم النشر الجمعة، ١٧ مارس ٢٠٢٣
رسالة بسيط لو كنا مكتوبين ل بعض اكيد هنرجع تاني وتمسحي الاكونت
تم النشر الأربعاء، ٢٢ مارس ٢٠٢٣
تمام والحمد لله هعمل كده بس ازاى اقوله ولا امسح الاكونت علطول
تم النشر الجمعة، ١٧ مارس ٢٠٢٣
لعرض السؤال في فدني اضغط هنا