هو ازاي ابعد عن التليفون يعني ده مخليني مش عارفه اركز في ايه حاجه ولا قادره اسيبه رغم والله عاوزه اركز في دراستي وحياتي ونفسي بس حقيقي متعلقه بيه بشكل كبير
بكل بساطه اهملي اي شئ اخر. تقنعي نفسك انه مش موجود و وتعمليه صامت واقفلي الاشعارات الا لو بس حبيتي تبصي كل ساعتين مره و بعدين واحده واحده الموضوع هيبقي زي كده فين و فين لما ببص علي التليفون لحد ما بقيت بقعد بس استخدم التليفون مره الصبح نص ساعة و مرة بليل ساعة كده
تم النشر الثلاثاء، ٩ سبتمبر ٢٠٢٥
بصي انا زيك وانا بدور على طريقة ودايما مهما طالت المدة كنت برجع انقح من الاول ف لقيت حد بيقول الحل مش المنع الحل في الاستبدال يعني لما تيجي تمسكي الموبايل جربي تجيبي مثلا كراسة تلوين ولوني او اعملي تمارين او مثلا لو انتي في ابليكيشن معين مثلا مدمناه زي تيك توك او اي ابليكشن تاني نزلي مثلا تطبيق Istoria او Busuu بيعلموا الانجليزي بطرق لذيذة وفعالة ومش هتملي وفي نفس الوقت بديل عن حاجة بتضيعلك وقتك وكمان لما تجيلك فكرة مُلحة انك عايزة تروحي للتطبيق ده او تمسكي الموبايل عموما… سوفي على قد ما تقدري زي ما بنسوف في الحاجة المفيدة نستخدم التسويف لحاجة مضرة افضلي قولي همسك الموبايل بس كمان شوية بعد ما اعمل كذا وبرضوا ما تقوليش لنفسك بعد ما اخلص مذاكرتي كلها عشان مخك هيحس انه حمل تقيل ويرجع ينتكس من تاني الحل الفعال تسوفي وتقولي بعد ما اخلص الصفحة دي بعد ما اخلص الصفحتين دول انتي اصلا مع تركيزك مع المادة مش مجرد انك بتكروتيهم عشان تمسكي الموبايل لأ لكن بتركزي في اللي بيتقال كويس جدا ف لما بتركزي مخك بيندمج وبيبقى عايز كمان ومستمتع وبتتسحلي مع المذاكرة… بس اتمنى اكون فيدتك وربنا يهدينا يا رب❤❤
تم النشر الاثنين، ٨ سبتمبر ٢٠٢٥
السلام عليكم، الفكرة كلها إن التليفون بيشكل مهرب لكِ. يعني ممكن تقولي عملت كل النصائح اللي اتقالت بس مفيش تغيير، ده لأن جذر المشكلة موجود. شوفي إيه مسبب لك الضغط وبيخليكِ تسوفي وتهربي عن طريق الهاتف. يعني مثلا تفكيرك تجاه المذاكرة إنها مسؤولية ومهمة لازم تعمليها فطول الوقت حاسة بجبل على كتفك حتى لو عاوزة تذاكري. مش بس المذاكرة، أي أهداف محتاجة منك مجهود وأنتِ في عقلك الباطن حاسة إنها كده هتؤدي لنفس المهرب. فالحل إنك تروضي نفسك يعني تلزميها بعمل الشيء لكن في نفس الوقت تراوغيها، بمعنى تخدعي عقلك إن المهمة مش تقيلة ولا حاجة... مثلا، أنا مش هذاكر طول اليوم أو كم ساعة... أنا بس هقعد أذاكر ربع ساعة.. أنا هعمل تمارين خفيفة عشر دقائق بس وهكذا... نفسك هتحس إن الموضوع بسيط. حاجة كمان، مهم تعرفي إيه اللي بتدمنيه على التليفون، يعني تصفح سوشيال ولا بتتفرجي على مسلسلات وأفلام... فيه حاجات معينة طبيعي هتدمني عليها لأنها بتعطيكِ دفعة سعادة ودوبامين. الدوبامين ده مكافأة العقل بيدور عليها عشان مش بيحب الألم وبيحب المكافأة السريعة فلازم أنتِ تعوضيه بمكافأة قريبة بعد كل مهمة بس تكون مكافأة بحاجة بتحبيها بعيدًا عن المصدر اللي مسبب إدمان زي السوشيال والأفلام وهكذا. شوفي جذر المشكلة وعالجيه وإن شاء الله بتقدري تظبطي وقتك ويومك إن شاء الله. بالتوفيق.
تم النشر الأحد، ٧ سبتمبر ٢٠٢٥
فيه تطبيقات يتحدد وقت التليفون بعدين بيتقفل اكتمي صوت الاشعارات حطي التليفون في مكان بعيد عنك
تم النشر الأحد، ٧ سبتمبر ٢٠٢٥
مرحبًا بك يا عزيزتي، أنا ذكية هنا لأساعدك بكل حب وفهم. أولًا، أريد أقول لك إن شعورك هذا طبيعي جدًا، لأن التليفون أصبح جزء كبير من حياتنا، وأكيد صعب جدًا الاستغناء عنه فجأة. لكن الحقيقي هو إنك قدرتي تعترفي بالمشكلة، وده أول خطوة مهمة جدًا نحو التغيير. خليني أساعدك بخطوات عملية تساعدك تبعدي عن التليفون وتكوني أكثر تركيزًا في دراستك وحياتك: حددي أوقات محددة لاستخدام التليفون: حاولي تخصصي مثلاً وقت معين في اليوم لاستخدامه، مثلاً نص ساعة بعد الدراسة أو بعد الانتهاء من المهام. ضعي منبه أو تذكير يساعدك تلتزمي بالوقت. استخدمي التطبيقات المساعدة: في تطبيقات متوفرة تقدر تقيد استخدامك لبعض التطبيقات أو التليفون كله لفترة معينة، جربي تعتمديها تساعدك في التحكم. اعملي جدول يومي منظم: حددي مواعيد للدراسة، ومواعيد للراحة، وحاولي تكون هذه الأوقات واضحة ومقسمة. لما تكون مشغولة بحاجات معينة، هتخف الاغراء للاتصال بالتليفون. أزيلي الإشعارات المزعجة: كتير من الوقت بنروح للتليفون علشان الإشعارات الكتيرة اللي بتجيلينا، فحاولي تلغي أو تقللي إشعارات التطبيقات اللي مش ضرورية. احتفظي بالتليفون بعيد عنك أثناء الدراسة أو أوقات العمل: يعني مثلاً تحطيه في غرفة تانية أو على طاولة بعيدة، بحيث مش تشوفيه بسهولة. ركزي على الهدف: دايمًا ذكري نفسك ليه عاوزة تبعدي عن التليفون، سواء عشان دراستك، صحتك النفسية، أو حياتك بشكل عام. وجود هدف واضح بيشجع جدًا. استبدلي وقت التليفون بحاجات تحبيها: لو حسيتي برغبة في استخدام التليفون، حاولي تعملي حاجة تانية ممتعة زي القراءة، الكتابة، ممارسة هواية، أو حتى المشي لفترة قصيرة. وأخيرًا، لا تضغطي على نفسك بشكل كبير، التغيير بياخد وقت وصبر، وأكيد في كل مرة هتنجحي تتغلبي فيها على هذا الإدمان الصغير هتكوني فخورة بنفسك. لو حابة دعم أكثر أو استشارة متخصصة ممكن تتواصلي مع أحد الخبراء في قسم الاستشارات على منصة فدني عبر هذه الصفحة: https://www.fedni.net/experts وأيضًا حاولي تبحثي في فدني عن تجارب وأسئلة مشابهة ممكن تساعدك. أنا هنا دايمًا لو حبيتي تتكلمي أو تطلبي مساعدة إضافية، ما تتردديش. ربنا يوفقك ويعينك يا عزيزتي 🌸
تم النشر السبت، ٦ سبتمبر ٢٠٢٥
استخدامك قد ايه عدد الساعات والدقائق في الاسبوع وحاولي تبعتي نفسك عنه عشان الإدمان يروح وربنا يوفقك
تم النشر الثلاثاء، ٩ سبتمبر ٢٠٢٥
استخدامي تطبيق stay free بيخظر التطبيقات وبيجيب استخدام ك
تم النشر الثلاثاء، ٩ سبتمبر ٢٠٢٥
حاولي متمسكهوش لمدة أسبوع واحد ومع الوقت هتلاقي نفسك مبقتيش مهتمة بالهاتف ومتدخلوش على ابلكيشن عشان ده هيخليكي تمسكي التليفون اكتر
تم النشر الاثنين، ٨ سبتمبر ٢٠٢٥
في ابلكيشن اسمه keep me out
تم النشر الاثنين، ٨ سبتمبر ٢٠٢٥
لعرض السؤال في فدني اضغط هنا