السلام عليكم
عايزة حد يفيدني والنبي لو سمحتوا انا بنت كنت باخد دروس في سنتر بس بقيت باخد في مكتب مدرس كل الدروس تمام المهم انهم كانو بيعاملوني وحش، ومش بيحبوني اوي زي الباقي فقلت انا هخليهم يحبوني
قلت طب ما جرب وأشوف فعلا بيحبوني ولا لا قلت لهم أن عندي نزيف على المخ تمام وقلقو عليا واطمنوا عليا كتير وقعدت فتره في البيت عشان كأني عملت عملية يعني والمستر بتاعي كان هيجي يزورني
المهم أنه قالي اخليه يكلم ماما وماما انا منتحلة شخصيتها في الواتس معاهم بتكلم باسمها وانا دلوقتي عرفت ماما كل حاجه بس ماما لما كلمت المستر في التليفون راحت قلتله خبطة خفيفة في دماغها لا لا لا مش نزيف اه انا اللي كنت بكلمكم علي الواتس انا بقولك يامستر اظبطها أسلوبها وحش وهي وحشة وكذا وكذا
المهم بعد ما قفلت ضربتني وبتقولي شوفي حل وانا مش لاقيه حل انا كده بقيت وحشة قدامهم اعمل اي
السلام عليكم، الأول أنتِ محتاجة تعترفي إنك غلطتِ فعلا... مكنش له داعي الكذب وخاصة بادعاء المرض على نفسك. وغلطتِ غلط كبير كمان إنك تنتحلي شخصية مامتك على الواتس. أولا، لازم تعتذري لمامتك عن اللي عملتِه وتقولي لها إنك ندمتِ ومش هتكرريها... حاولي تسترجعي ثقتها فيكِ تاني ومتبرريش لنفسك الغلط أبدا. اعترفي بغلطك واطلبي سماحها ومهما فضلت غضبانة منك استحملي وانتظريها لحد ما تهدى وتسامحك. بالنسبة للسنتر، كان المفروض تشوفي هل هم فعلا بيعاملوكِ وحش ولا ده كان ظن منك... طيب لو بيعاملوكِ وحش إيه ممكن السبب؟ هل مش بتذاكري كويس؟ هل مقصرة في مراجعاتك؟ مش بتتفاعلي في الدروس؟ هل فيه تصرفات معينة بتعمليها وبتضايقهم منك؟ كان المفروض تعرفي أساس المشكلة وتعالجيها بدل الكذب. المهم تعملي إيه دلوقتي، إذا المدرس فتح الموضوع وقال لك ليه كذبت... اعتذري له وقولي له كانت نيتك كذا وخلاص. وركزي بعد كده تعالجي أساس المشكلة، ممكن تغيري وجهة نظرهم عنك بعد كده لما تجتهدي في دراستك وتركزي في تطوير نفسك وشخصيتك. لو حسب ما كتبتِ في تعليق إن المدرس هددك فلو مقبلش اعتذارك ولقيتِ منه تصرفات غير مهنية أو معاملة مش كويسة فاتكلمي مع والدتك إنك تتركي الدرس ده وتعاقبك هي بأي طريقة تانية في البيت. حاولي كده ومش هتخسري حاجة.
تم النشر الثلاثاء، ٢٨ يناير ٢٠٢٥
هو تصرف وحش بس ممكن تروحي تقولي كل حاجة من غير كدب تقبلوا ماشي متقابلش الموضوع فكك عادي اللي يحط العبد في دماغه يبقا علي الله حكايته وإنتي بعد كدا أعملي حساب لربنا قبل كا حاجة واهتمي بدروسك ومذاكرتك وفكك الشخص بيحبني مش بيحبني بدل كدا قولي ربنا بيحبني ولا لأ وقربي منه وربنا يوفقك
تم النشر الأربعاء، ٢٩ يناير ٢٠٢٥
وعليكم السلام ورحمه الله وبركاته. طيب بنتي شفتي دلوقتي ممكن تصرف بسيط او فكره تمشي وراها من غير ما تعاقليها او تفكري في نتائجها وبنته عندي قد ايه لنتائج تكون مش لطيفه خالص وما تعرفيش تتصرفي معاها هو ده بالظبط الكذب في اي حاله من الاحوال في حياتك حاولتي تستخدمي فيها الكذب علشان تكون حاجه تحل معاكي الامور. اللي شوفي انك انت كده حاليا هتبقي بتحصدي اللي انت زرعت انت زرعتي كذب زرعتي تصرف بيقول انه انت شخص ما يبقى صعب ان احنا نثق فيه فلازم تتحملي الفتره اللي هتقضيها وهما ومش واثقين فيك. مش مضبوطه في حياتك اعرفي انه هتكون دي الصوره في الاخر هتلاقي نتائج تانيه اكبر غير اللي انت كنت عاوزه تحليه وهيكون صعب وموضوع بقى معقد اكتر طيب نعمل ايه مش هيكون قدامك غير انك انت تحملي نتيجه الخطا نتيجه الخطا ده هو انه ايوه ماما رفض للمساعده وهي كويسه قوي ان هي يعني عملت بس المكالمه دي مع المدرس وكانت ممكن تقول لك لا انا مش هتكلم مع المدرس استفيدي من الموقف في انك تبداي تاخدي منهم توجيهاتهم وتعملي بيها حتى لو كانوا هيب تحملي ده واا لا روحي لدرس مع نفس المدرس لانه المدرس ناوي ان هو يبدا يتعامل معاكي او يفهمك ازاي تعالجي الامور بشكل افضل وبدل ما انت تبقي مركزه في انه ما بيحبونيش وازاي اخليهم يحبوني كنت ممكن تركزي على مجهودك الدراسي ومجهودك الدراسي ده كان يخلي الامور الطف فكنت ممكن تساعدي زمايلك في انهم يفهموا حاجات تزعليهم فانهم يحلوا حاجات مش عارفين يحلوها وده كان ممكن يخليكي تعرفي تقربي من زمايلك دول كان في طرق تانيه كتير كنت ممكن تستخدميها لكن للاسف انت استخدمتي الطريقه الغلط. خليكي مع المدرس. مامتك اعتذرلها عن صدر منك ده وتحمليه كل الايام اللي جايه وصدقيني ده الحل اللي انت محتاجاه تعمليه اه هتتحملي النظرات لو المدرس ااا عرف اللي موجودي ولازم ساعتها تعتذري بكل انا اسفه يا جماعه ان انا استخدمت الطريقه دي او ان انا عملت كده وجايه غلطه انا هتحملها ركزي في دروسك اهم حاجه وحتى لو ما قدرتيش انك تصلحي الموقف ده او تكسبيه الناس اللي موجودين حاليا وزمايلك دول هتكون بس بيه علامه تعلمك انك لما تبدئي تدخلي تندمي مع ناس تانيه في ظروف ثانيه في ظروف دراسيه اخرى او غير دراسيه هتتعملي بشكل افضل بكثير.ن لان انت مكنتش تعبانه ولا اي حاجه هتتحملي نظراتهم ما تتحملي ان ممكن همم حد يبقى باصص لك انه ازاي هي تعمل كده.قوا قاسيين معاكي في الكلام هيكونوا حادين معاكي في الكلام هيعملوكي بشكل انت هتبقي مش مبسوطه بيه لازم تتقبلي ده ولازم.
تم النشر الثلاثاء، ٢٨ يناير ٢٠٢٥
وعليكم السلام ورحمة الله وبركاته. أختي العزيزة، أود أن أبدأ بالحديث عن أهمية الصدق في العلاقات. من الواضح أنك شعرتِ بالإحباط بسبب المعاملة التي تلقيتها من زملائك، وقد تأثرت مشاعرك لذلك. ولكن، استخدام الكذب أو المبالغة في الأمور الصحية ليس هو الحل الأمثل وقد يؤدي إلى مشاكل أكبر. الخطوة الأولى التي يمكنك اتخاذها هي الاعتذار لهم عما حدث، فإذا كنتِ تشعرين بأنك بحاجة لكسب محبتهم، فإن الاعتراف بخطأك قد يكون بداية جيدة. يمكنك القول لهم أنك لم تقصدي الإضرار بأي شخص. هذا سيساعدك في استرجاع ثقتهم فيك. تواصلي مع والدتك وأخبريها بمشاعرك، فقد تكون قادرة على مساعدتك في التعامل مع الوضع بطريقة حكيمة. مع مرور الوقت، يمكن للأمور أن تتحسن. تذكري أن العلاقات تتطلب جهدًا وصبرًا، ولذا حاولي التركيز على المعاملة الطيبة مع الجميع وكوني لطيفة دائماً. تأكدي من تطوير مهاراتك الاجتماعية والعاطفية حتى تتمكني من بناء علاقات إيجابية مستدامة. ولا تشعري بالأسف حيال نفسك، بل استخدمي هذه الحادثة كدرس لتتعلّمي منه. نسأل الله أن يوفقك في تجاوز هذه المحنة.
تم النشر الثلاثاء، ٢٨ يناير ٢٠٢٥
لعرض السؤال في فدني اضغط هنا