انا عندي لامبالاة خوف مميت خوف من كل شيئ جوا قلبي رجفه مش بتروح احساس ملازمني طول الوقت قلبي بيرجف وقلقان وخايفه حياتي بقيت بعنوان الخوف كل يوم بنزل في القاع عن اليوم اللي قبله حزينه دايما حالتي الدراسيه اتبهدلت الاجتماعيه في الحضيض
الدينيه بقيت شبه معدومه صلاتي مابقتش اصلي غير كل كام يوم عايشه في سيناريوهات وهميه بتعليلي الدوبامين وخلاص الموقف الحزين مابقاش يحزنني المفرح اللي صعب يحصل مابقاش يفرحني بقيت بكره نفسي كره غبي بتخيل اني بموت نفسي عارفه أنه إن شاء الله مستحيل اعمل كدا علشان حرام ومش مستعده للموت علشان عاصيه ومذنبه بعمل الذنوب وانا ضميري بيأنبني وأكره نفسي بعدها وعايشه في دوامه
اهلي بقيت بكرهم مع اني بردو بحبهم اوي عايزه دايما انام تحت عيني سواد وشي بقا حزين طول الوقت ملامحي مطفيه حوالين عيني سواد رهيب مش طبيعي. مافيش سبب معين لكل دا كلها حاجات وأسباب متفرقة
كل اللي اعرفه اني بكرهني اوييييي وبكره كل الناس وثقتي معدومه في كل الناس وفي نفسي بقيت بكدب وسهل عليا اكدب بقيت في القاع لمست القاع وبتخنق بالبطيئ
مش هقدر أعيش اكتر من كدا في النقطه دي الحل اي عايزه ابدأ من جديد بس مش مستعده
انا بدرس في مجال محتاج فيه ربنا معايا ومحتاج تركيز ودقه متناهيه الغلطه فيها روح بني ادم وانا بقى تركيزي معدوم وبكره اتكلم مع الناس وبكره كل حاجه
بتنفس بصعوبه غريبه النفس يحتاج ليه مجهود حياتي تحتي الصفر في كل شيئ ولوم كتير من الأهل قصاد كل دا وتنظير طول الوقت وعدم رضا منهم بأي مجهود بعمله وانا بعمله بصعوبه لاني نفسي باخد بمجهود.لاني طاقتي معدومه اعمل اي
معلش علي الاطاله
أول حاجة لازم تعرفيها إن اللامبالاة، والبعد عن الصلاة، والخنقة، والسيناريوهات اللي في دماغك دي مش نقص إيمان ولا تقصير منك، ده مجرد تعب وإرهاق شديد في الجهاز العصبي ملوش أي علاقة بشخصيتك أو قربك من ربنا، والتعب ده هو اللي عامل فيكي كده، فبالله عليكي بلاش جلد ذات وتأنيب ضمير. كمان الخوف اللي ملازمك، وضربات قلبك السريعة، وتأنيب الضمير المستمر، والسواد اللي تحت عينك، كل دي إشارات من جسمك ومخك بتقول إنك شايلة فوق طاقتك، ومجالك صعب ومسؤوليتك كبيرة لأنك بتتعاملي مع أرواح ناس ومحتاجة تركيز بالملي، والضغط ده سحب طاقتك لدرجة تخليكِ مش قادرة تتنفسي ولا تركزي، وده طبيعي يخلي الواحد غصب عنه يشوف الدنيا ضلمة وكأنه عايش في قاع. وأنا عارفة ومقدرة إن خطوة الدكتور النفسي والنزول لعيادات ممكن تكون مستحيلة وصعبة بسبب الأهل، وعشان كده مش عايزاكي تشيلي هم المواجهة دي خالص، دلوقتي بقى في دكاترة ومتخصصين أونلاين تقدري تتكلمي معاهم من موبايلك وأنتِ في أوضتك في سرية تامة ومحدش هيعرف حاجة، وزي ما أنتِ كدكتورة أو ممرضة عارفة إن المريض محتاج متخصص، أنتِ كمان محتاجة حد يفهم اللخبطة دي ويسندك أونلاين، ويساعدك ترجعي تظبطي طاقتك وتركيزك عشان تقدري تكملي ، ارحمي نفسك شوية من اللوم، وسيبي المجهود والدراسة والناس دلوقتي، وركزي بس في خطوة إنك ترتاحي وتتعالجي، التعب ده محتاج راحة، ومش عيب أبدًا ولا ضعف إننا نطلب المساعدة من حد فاهم في شات أو مكالمة سرية، بالذات إن طبيعة مجالك بتخلّيكِ تدي طول الوقت، ودلوقتي جه الوقت اللي محتاجة تاخدي فيه رعاية لنفسك. أنا واثقة إن جواكي روح قوية هتقدر تعدي الأزمة دي، وزي ما الأيام التقيلة دي جت، هتمشي وتعدي بس أنتِ خدي خطوة ومتبخليش على نفسك بإنك ترتاحي.
تم النشر الخميس، ٣ سبتمبر ٢٠٢٦
ارقي نفسك ي اختي اكثر من مرة حصني نفسك كثيرا ولو العبادة ثقيلة جدا الزمي الأذكار، أكثري من ذكر الله على لسانك اجلسي في خلوة واكتبي كل ما يدور في بالك من سلبيات ورأيك عن نفسك وعن ما هو حولك ثم قطّعي ما كتبتيه لعل الطاقة السلبية. تزول . ولا تنسي ذكرك وأذكارك واضغطي على نفسك ف الوضوء والصلاة كوني دائما متوضئة متطهرة ، وأسأل الله العظيم ان يفرج همك ويبعد عنكِ الوساوس و همسات الشياطين.
تم النشر الجمعة، ٤ سبتمبر ٢٠٢٦
أختي العزيزة، أشعر بثقل ما تمرين به، وأنا أقرأ كلماتك أحس بمدى الإرهاق والخوف والفراغ اللي بتعيشيه يوميًا. اللامبالاة والرجفة الداخلية والكره للنفس والناس والحياة كلها أعراض ثقيلة جدًا، ومش عيب إنك وصلتي للقاع، ده مش ضعف منك، ده إشارة إن نفسك محتاجة رعاية حقيقية دلوقتي. ربنا سبحانه وتعالى يعلم إنك بتحاولي وبتقاومي، وإن الذنوب اللي بتذكريها بتأنبكِ عليها دليل على إن قلبك لسه فيه خير وإيمان. من منظور إسلامي، اليأس مش الحل، والله يقول "ولا تيأسوا من روح الله"، لكن ده مش معناه إنكِ تقدري تتحملي كل ده لوحدك. الخطوة الأولى العملية هي إنكِ تروحي لطبيب نفسي متخصص، لأن الأعراض دي (القلق الشديد، الاكتئاب، صعوبة التركيز، والأفكار السلبية) محتاجة تقييم طبي وعلاج مناسب، سواء دوائي أو جلسات، عشان تقدري ترجعي تركزي في دراستك اللي بتحتاج دقة وتركيز. ابدئي بخطوة صغيرة واحدة: حددي موعد مع طبيب في أقرب وقت، وخلي الصلاة ولو ركعتين في اليوم تكوني نقطة بداية للرجوع لربنا، لأنها بتدي طاقة روحية حتى لو مش منتظمة كاملة. في نفس الوقت، حاولي تقسمي يومك لمهام صغيرة جدًا عشان ما تحسيش بالإرهاق، زي إنكِ تكتبي ثلاث حاجات بسيطة عملتيها كل يوم، وتقللي الوقت اللي بتقضيه في السيناريوهات الوهمية باستبدالها بنشاط خفيف زي قراءة آية أو حديث. أهلكِ بيضغطوا عليكِ، وده بيزود الضغط، لكن ركزي على إنكِ تعملي لنفسكِ أولًا عشان تقدري تحسني علاقتكِ بيهم لاحقًا. أنتِ مش لوحدكِ في المعركة دي، وربنا معاكِ، ولو بدأتِ بخطوة طبية صغيرة هتقدري تبني من جديد تدريجيًا. خدي نفسكِ بجدية وابدئي دلوقتي.
تم النشر الأربعاء، ٢ سبتمبر ٢٠٢٦
ارجعى صلى وقاومى واقرى قراءن وربنا هيريح قلبك
تم النشر الجمعة، ٤ سبتمبر ٢٠٢٦
لعرض السؤال في فدني اضغط هنا