السلام عليكم
أرجو تفيدوني انا كنت علي علاقه بشخص قبل الزواج بسنين الشخص دا عمل معايا علاقه سطحيه بس انا ندمانه جدآ قلبي بيتقطع كل ما اتخيل أن كنت مع الشخص دا الفكره أنه كان بيصورني غصب عني ويبوسني غصب عني ويصورني وكان شاكر جدآ ف التليفونات اخد كل معلوماتي ومعلومات اتصالي عشان كدا كنت مجبره اتواصل معاه لأن كنت خايفه منه
المهم انا غيرت رقمي كان في رقم تاني يستعمله كل فين وفين وغيرت اي طريقه اتصال ممكن يعرف يوصلي بيها بعد م اتخطبت بعتلي ع الرقم دا وكان عايزني أقابله بس انا رفضت وقتله سبني ف حالي انا هتجوز مش فاكره أي الي حصل بس اتخانقنا يوميها أن مبردش عليه وبدأ يهددني قالي طيب هبعت كدا كم فيديو ل اخوكي وامك وبعدين انتي الي هتجري ورايا
انا اترعبت ومكنتش عارفه اعمل ايه وقفت الرقم دا نهائي وكنت ف رعب أنه يكلم امي أو اخويا المهم الحمدلله عدت ع سلام واتجوزت من سنتين وعندي بيبي وحالياً بقالي كم يوم التفكير هيموتني أنه ممكن يوصل لجوزي ويهددني وأنه ممكن فعلا يكون لسه ف حاجه معاه ويأذيني وبرجع أقول لو فعلا كان ناوي يأذيني كان آذاني بعد ماهددته وكان بعت لأمي واخويا بس التفكير هيموتني ومش عارفه اعمل اي
انا ندمانه والله اوي ندمانه وتبت من اي معصيه وكل حياتي الآن ابني بيت صالح مع زوجي وابني انصحوني اعمل اي انا خايفه حياتي تخرب
اليوم أكملت لكم دينكم.. ربنا بيقولنا كل مشاكلكم حلها في دينكم أولًا يا أختي: ربنا كريم وقدير ، ومحتاجين نقوي إيماننا شوية بالله ونعرفه كويس بما نستطيع علمه ، قال تعالى: "وما أوتيتم من العلم إلا قليلا"، فبقولك ربنا كريم وقدير، اصدقي في التوبة _ودا اللي أنا أحسبه فيكي من كلامك_ اصدقي في التوبة والإخلاص والدعاء، وربنا قدير على إفساد الهاتف اللي فيه الفيديوهات والصور، وقادر على موت هذا الشخص نفسه، وقادر على تقليب قلبه بعدم إرسال الصور مطلقًا احنا محتاجين نتعلق شوية بالله ونفكنا من الأسباب، خلينا نتعلق بالمُسَبب رب الأسباب وندعوه خوفًا وطمعًا وهو هيسبب الأسباب اللي تجبرك لأنه يستجيب الدعاء ولأنه هو القدير وهو المدبر لكل شيء في الكون ثانيًا: هفترض وصول الصور إلى الزوج والأهل، مع أني والله أحسن الظن بالله ،وقال الله في الحديث القدسي: " أنا عند ظن عبدي بي فليظن بي ما شاء" ، والله لم يفضحك في معصيتك والله لن يفضحك بعد توبتك وندمك ولكن هفترض وصول الصور (بتفكير مادي غربي إلحادي افتراضي): المهم في الموضوع هو إثبات أنك لم تنامي معه في الفراش، والزوج يعلم ذلك، فالموضوع انتهى، وبكلمتين منك : بأن الله غفور لمن تاب وأن التائب من الذنب كمن لا ذنب له، وأنت تعلم أني تبت وأني أحبك وأن ليس منا من ليس له ماضي إلا من رحم ربنا، وأنت تعلم أني عفيفة ودخلت بي في أول ليلة لنا وعلمتَ ذلك، فإذا علمَ ذلك، فصار لكي جدار حصين أمام أهلك وأي أحد سوى زوجك، وهذا يكفي أسأل الله أن يغفر لنا ويرحمنا ويهدينا صراطه المستقيم ويتم علينا نعمته وحفظه وستره
تم النشر الأربعاء، ١٩ نوفمبر ٢٠٢٥
بصي يا اختي .. اضربي بكل هذا عرض الحائط ولا تهتمي اطلاقاً .. طالما توبتي توبة نصوح لا يهمك اي شيء .. ولا احد يستطيع لومك اساسا طالما انتهيتي وندمتي واصلحتي نفسك فليس من حق احد ان يلومك ولو حتى زوجك .. لا تدعي الشيطان يعبث بك واحكمي اغلاق نقطة الضعف هذه تماما بأنك على الحق الآن .. انتبهي لا تدعي الشيطان يعبث بعقلك ويفسد عليك حياتك الجديدة .. حفظك الله وكل بيوت المسملين من الفتن .. آمين
تم النشر الأربعاء، ١٩ نوفمبر ٢٠٢٥
انتي معترفة بغلطك -وربنا يتقبل توبتك اللهم امين -لو حصل اي تواصل دلوقتي اعملي ليه محضر في مباحث الانترنت وهما هيتصرفوا
تم النشر الأربعاء، ١٩ نوفمبر ٢٠٢٥
لعرض السؤال في فدني اضغط هنا