أنا حبيت شخص اربع سنين أنا وهو زمايل ومع بعض ع طول وحبينا بعض اربع سنين واتكلمنا الاربع سنين بس كنا سبنا بعض حوالي سنه ونص 🙂 هو كان اللي سبني عشان كان فتره مشاكل بنا وناس كتير أدخلت بنا وكانت حياتنا عباره عن مشاكل المهم رجعنا تاني واتصالحنا مع بعض بس مش زي الاول هو أحسه نضج شويه عن الاول وكده وطريقه تفكيره بقت احسن من الاول هو أنا أول بنت هو يرتبط بيها ويحبها ف لما سبنا بعض السنه ونص دول كان في كلام أنه بيكلم واحده تانيه وهيا كانت بتنزل اسكرينات وحاجات استوري بس هو كان بيكلمني وقتها صحاب وقال إنه مش بيكلمها وهيا اللي بتعمله كده وعدي سنه واحنا مع بعض ورجعنا تاني وروحنا الكليه مع بعض وفضلنا مع بعض بعدها بفتره هو صاحب بنت ف الكليه هو وواحد صحبه وكده المهم أنا اتخنقت معاه وبرده فضل مصاحبها بالمناسبه دي اول مره اشوفه مع بنت هو شخص محترم جدا بجد وكله بيقول كده عنه طول الاربع سنين اللي عرفنا فيهم بعض ف بعد متخنقنا أنا كمان روحت صاحبت ولد عشان اغيظه واعصبه وكده ف المهم بعدها نا مبقتش بعمل كده عشان حسيت أن اللي بعمله غلط ومينفعش اصاحب ولد ف المهم بعدها هو مبقاش بيقف مع البنت دي وبعد عنها
وكان ف شله صحابي بقعد معاهم هما مش كويسين كله بيقول عنهم كده وعايزني ابعد عنهم وكلم اهلي وقالهم مع أن أنا وهو دلوقتي بعيد عن بعض
ف دلوقتي اتصرف ازاي اصالحه ولا استني هو يصالحني ولا اعمل ايه ممكن حد يفدني
بالنسبة للشاب اللي حبتيه ف الأفضل انك تبعدي عشان خاطر ان ده مش صح دينيا و فهميه النقطة دي و هو فعلا لو شخص محترم هيتقبل كلامك و هيعرف ان ده الصح و بالنسبة للشلة ف انت لو شايفة انهم فعلا مش كويسين و اخلاقهم مش تمام ابعدي عنهم و تسمعي بالنصيحة
تم النشر الاثنين، ١٣ نوفمبر ٢٠٢٣
طيب انتي برضه منتظرة ايه من العلاقة ديه؟ وانتي شيفاه محترم من انهي جهة برضه بالظبط؟ يعني ده كله رايح لفين؟ انتي متوقعة ايه بالظبط من العلاقة ديه؟ انا مش هقولك غير انك تسيبي العلاقة ديه، ولو هو عايزك يا بنت الناس، هيجي ويتقدم زي اي حد محترم وبيحترم البنت اللي معاه، غير كده هنبقى بنضحك على بعض. واي علاقة غير شرعية هي مدخل للفتنة وللشيطان، ف ملهاش لازمة غير وجع القلب والدماغ برضه، وف الاخر متاهه ف ليه نعمل كده في نفسنا؟
تم النشر الأحد، ١٢ نوفمبر ٢٠٢٣
العلاقة اللي بدايتها باطل ستكون باطلة لا شك انزعي عن عقلك فكرة الارتباط وعيشي سنك لن يخطف منك الزمن الزواج والحب
تم النشر الثلاثاء، ١٤ نوفمبر ٢٠٢٣
صالحيه وحاولو متتخانقوش تاني
تم النشر الاثنين، ١٣ نوفمبر ٢٠٢٣
لعرض السؤال في فدني اضغط هنا