اتوب الي ربنا ازاي ودعواتي تستجاب
أول حاجة انك تجاهدي نفسك عشان تكوني افضل عشان مرضات الله ده لواحده خير وربنا هييسرلك ويفرجها لو كنتي -صادقة- وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ فجاهدي نفسك علي طول واوعي تيأسي من نفسك انك مش هتتغيري حتي لو ظروف وحشة وأهلك مش ملتزمين ده وعد من ربنا بس خليكي صادقة واوعي قلبك يسود خليه طاهر شيلي البغض والحسد والغل واوعي توقفي تسمعي كلام عن ربنا حتي لو علي نت اوعي توقفي خلي قلبك يلين عشان هتحبي طريقة الهداية وهتكوني صادقة اكيد لأنك هتعرفي الحق وان متاع دنيا بتزول والآخرة فيها نعيم الابدي فلأ جاهدي نفسك يعني فيه ذنب معين اسمعي عنه حتي لو علي نت اقرأ عن ضرر بتاعه اقرأ عقوبة دي ايه طب الي ساب معصية عشان الله فضله ايه؟ طب الي هيحصل في الجنة طب في نار طب في القبر طب يوم القيامة شكله ازاي فقهي نفسك في دين واسألي في ذنب ده وأقرأ عنه حتي لو علي نت لوحدك واول ما تعملي ذنب اوعي ثم أوعي ثم أوعي ما توبيش أو تأخري توبة قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ متخليش شيطان يضحك عليكي ويقولك في كلام سلبي وانك سيئة ومش هينفع تمشي في طريق صالحين ده غلط وشوفي ايه الحاجات الي بتخليكي تعملي ذنب يعني مثلا ناس معينة بتخليكي تعملي ذنب ده صحبة سوء كده والحاجات دي مش هتعرفيها غير لما تجاهدي نفسك زي ما قلتلك وتقرأي عن ذنب ده وبالنسبة للتوبة لازم الإقلاع عن الذنب والندم علي ما فات وتاخدي عزيمة انك متعمليش ذنب ده تاني وتصلي ركعتين بنية التوبة وخلاص ونصيحة خلي في باب بينك وبين ربنا مفتوح باب صلاة باب الصوم بس صوم بجد مش صوم ونقعد يوم كله في حاجات مش بتنفع وتضيع وقت اي باب خلي باب مفتوح
تم النشر الثلاثاء، ١٩ مارس ٢٠٢٤
أولاً: شروط قبول التوبة: الإكثار من الاستغفار: كما ورد في القرآن الكريم على لسان نبي الله صالح -عليه السلام-: (لَوْلا تَسْتَغْفِرُونَ اللَّهَ لَعَلَّكُمْ تُرْحَمُونَ). الاستغفار من أكثر الأسباب التي توجب رحمة الله -تعالى- ترك المعاصي: ترك كلّ معصية يتوب عنها العبد. مثلاً، من يغتاب الناس عليه ترك الغيبة. من يسمع الحرام عليه ترك سماع ذلك. التحلل من المظالم: في حالة إن كان الذنب يتعلّق بغير الله -تعالى-. تكون التوبة بإرجاع الحقوق إلى أصحابها. أمّا إن كان الذنب في حق الله -تعالى- فيُكتفى فيه بتركه. قد أوجب الله -تعالى- في بعض المعاصي القضاء والكفارة. الإكثار من الأعمال الصالحة: الموافقة لهدي النبي -عليه الصلاة والسلام- اتّباع طُرق الهداية؛ بتعلّم العلم وتعليمه والعمل به والدعوة إليه. الإلتزام بطاعة الله -تعالى- في جميع حياته. حُسن الظنّ بالله -تعالى- وعدم اليأس من رحمته. الإكثار من ذكر الموت: لما في ذلك من تعجيل في التوبة. قناعة القلب. كثرة العبادة. قضاء ما فات العبد من عبادات حسب استطاعته. الإكثار من ذكر الله -تعالى-: لأنّه يساعد على قبول التوبة. صفة أولياء الله -تعالى- إذا اجتمعوا قال -تعالى-: (أَلا بِذِكْرِ اللَّهِ تَطْمَئِنُّ الْقُلُوبُ). الإخلاص في التوبة مع صدق النيّة: لأنه يجلب العون من الله -تعالى- صرف العقبات التي تعترض التائب وتُبعده عن التوبة. ترك الأشخاص والأماكن التي كان يعصي الله -تعالى- فيها. الإكثار من تذكّر الآخرة: ما أعدّه الله -تعالى- لعباده المؤمنين. تخويف التائب لنفسه من عاقبة المعاصي. إشغال النفس دائماً بطاعة الله -تعالى-. البُعد عن الفراغ وملأه بالطاعة والعبادة والدُعاء بالتوبة وقُبولها. الندم على فعل المعاصي والعزم على عدم الرُجوع إليها: مُحاسبة الإنسان لنفسه دائماً. يجعله يُبادر للطاعات. يبتعد عن المُنكرات. إتباع السيّئة بفعل الطاعات والحسنات: كما قال رسول الله -صلى الله عليه وسلم-: (وأتبِعِ السَّيِّئةَ الحسَنةَ تَمْحُهَا). ثانياً: علامات قبول التوبة: أن يكون حال العبد بعد التوبة أفضل مما قبلها: مُلازمة الخوف من الله -تعالى- له حتى الموت. عدم الأمن من مكر الله -تعالى- لحظةً واحدةً. الاستقامة على طاعة الله -تعالى-: كرامة من الله -تعالى- لعبده التائب. منعه من المعاصي. تيسير العبادة له. عدم الملل من التوبة كُلّما تكرّر الذنب. تقطّع القلب بالتوبة: كما جاء في تفسير قوله -تعالى-:(لا يَزَالُ بُنْيَانُهُمُ الَّذِي بَنَوْا رِيبَةً فِي قُلُوبِهِمْ إِلَّا أَنْ تَقَطَّعَ قُلُوبُهُمْ) 4. انكسار القلب عند التوبة: مع الشُعور بالندم والذلّة أمام الله -تعالى- بما ارتكب الإنسان من المعاصي.
تم النشر الأحد، ١٧ مارس ٢٠٢٤
التوبة يعني من جواكي تندمي على ذنوبك و تقرري إنك مش هتتكرريها و هتتوبي عنها بغيه رضا الله و إنك تطلبي الغفران والسماح من ربنا من قلبك وتتمنى إنه يغفرلك ذنوبك .. ربنا يتقبل منكِ التوبة بإذن الله ..
تم النشر الأحد، ١٧ مارس ٢٠٢٤
وفي بعض الحالات لو قدرتي تصلحي الخطأ. صللحيه. التأئب من الذنب كمن لا ذنب له. ولو نقدرتيش تصلخيه ومش بايدك. كفايه أن انتي عرفتي خطأئك. وتبتي الي الله أن مش هتعملي كده تاني بس كده
تم النشر الأحد، ١٧ مارس ٢٠٢٤
ومن أتاني ماشيا. اتيته هرولا. صدق رسول الله صل الله عليه وسلم. يعني انت بس احسني الظن بالله وتوبي توبه نصوح. وهو عليه الباقي. ومن أحب لقاء الله أحب الله لقائه. وان الله يحب التوابين صدق الله العظيم. بس مش مطلوب منك غير كده أن انتي تتقربي له وتتوبي علي مافعلتي بس
تم النشر الأحد، ١٧ مارس ٢٠٢٤
صلي قيام الليل معزه وصلي راكعتين توبه نصوحه واي ذمب بتعمليه بطليه وربنا غفور رحيم واسمعي لي شيوخ محمد الغليظ وحازم شومان وامير منير
تم النشر الخميس، ٢١ مارس ٢٠٢٤
وبالنسبة للدعاء ،ربنا حكيم وعارف الغيب فهوه عارف فين الخير ليكي وفين شر فهي بتبقا حكمة من ربنا يستجيب أو ميستجيبش أو يأخر استجابة دي حكمة من ربنا انتي ممكن متكونش فاهمة كلامي أو مش حساه بيه بس زي ما قلتلك واحدة بواحدة تفقهي نفسك بالدين وتقربي من ربنا وتجاهدي نفسك وابعدي عن وساوس وال تفكير سلبي ولو في مشكلة أو ذنب بتقرأي عنه هتلاقيك بقيتي فاهمة حاجات كتير في دين ونسيت اقولك المجاهدة وانك متيأسيش محتاجة بيئة ايمان دي معرفش اقولك تلاقيها ازاي لأني لما التزمت كان بسبب وجودي في المسجد وتيسير ربنا طبعا فحاولي تلاقيه ناس الي تعينك أو تحطي نفسك في المكان صح مثال واحد عايز يتفوق ويطلع من الأوائل وجمبيه ٣ ولا ٥ صحاب فاشلين عمالين بيحبطوه فده غلط
تم النشر الثلاثاء، ١٩ مارس ٢٠٢٤
لعرض السؤال في فدني اضغط هنا