محتاج حد متخصص نفسيا عندى مشاكل نفسية كتيرة نتجت عن سلوكيات ادمانية كتير أثرت على نفسيتي و دماغى و ذاكرتى و تركيزى بالسلب و مبقتش عارف ابطل و حقيقى مش عارف اوقف لوحدى محتاج مساعدتكم عشان حاسس ان أنا كل مدى بتغير للاسوء و أنا مش عايز ابقى سيئ أنا واثق أن فى خير جوايا حتى لو حاجة بسيطة جدا بس مع مرور الوقت بحس أن الخير اللى جوايا عمال يقل والشر بيزيد اكتر و اكتر مرعوب من أن رصيد الستر عندى يكون خلص و حاسس انى عريان قدام نفسى أنا متأكد لو بصيت فى المرايا دلوقتى هستحقرها أو حتى مش هعرفها مش دا الشخص اللى أنا اعرفه، أنا اتغيرت جدا من غير ما احس و لا اشعر بس للاسف التغير دا للاسوء و الاوحش
الاعتراف بالخطأ و الذنب ده اول خطوة ليك عشان تتغير و اكبر دافع كمان . ادعي ربنا و مش تمل من الدعاء ابدا ادعي انه يغيرك و يساعدك تكون احسن مفيش حد ممكن يساعدك غير ربنا و نفسك بس و الباقي اسباب حب نفسك و تقبلها عشان تتغير . و ممكن تشوف اي الحاجات السلبية اللي عندك و عايز تغيرها و ابدا فيهم واحدة واحدة مفيش حاجة بتيجي مرة واحدة يعني مش تقول هبطل كل حاجة وحشة مرة واحدة لا خدها واحدة واحدة و بدل الحاجة الوحشة بعادة جديدة و تكون كويسة مثلا الصلاة في الجامع او تروح الجيم تلعب رياضة تحضر دروس دينية حافظ علي الأذكار لأنها بتحمي الانسان من وسوسة الشيطان خصص كل يوم ورد من القرءان غير صحابك لو هما السبب او بيعملوا نفس الحاجات الوحشة و ابعد عن السوشيال ميديا فترة هتحس براحة جداا و كلنا كان عندنا حاجات وحشة و ذنوب كان بيعملها و بدأنا في التغيير من اللي نجح و منا اللي منجحش و السبب كان في الارادة القوية للتغيير للأفضل و الدعاء و التمسك بالحاجات الحلوة اللي جواه
تم النشر الثلاثاء، ٢٨ نوفمبر ٢٠٢٣
نفس الاحساس
تم النشر الاثنين، ٢٧ نوفمبر ٢٠٢٣
جميل جدا الاحساس بالذنب دا حاجه حلوه طبعا انا مش عايز اقولك كمية الناس الي عملة حجات وحشه قد اي ورجعو تاني للخير ومن ضمنهم انا مش عايز اكلم في حاجه زي كدا بس يمكن انا غلطت اكتر منك بس الفرق مابينا اي ان انا مابيأسش عارف انو فيه ربنا لازم ارجعلة بسرعه قبل فوات الاوان قبل ما يخلص رصيد الستر زي منتا قولت ، عيزك تبعد عن الصحبه الوحشه ونا ونتا عرفينهم اعرف بقا ناس كويسه تعليك معاهم في الشغل مثلا وفي الدين بردو فالمرء علي دين خليله او صحبه ، عيزك تحب نفسك لما تبقي عامل عداوه مع نفسك تبقي مشكله كبيره مفيش تصالح بينك وبينها كلمها هزبها بصلاتك في الجامع وقراتك لشوية قراءن الناس حوليك هتتفاجئ بتغيرك بس انتا هتتفجئ بتحسن حياتك وبالتوفيق يا بطل
تم النشر الأحد، ٢٦ نوفمبر ٢٠٢٣
لو كده ممكن تتجه لاخصائي نفسي
تم النشر الثلاثاء، ٢٨ نوفمبر ٢٠٢٣
لا تتردد ان تعرض نفسك علي اخصائي ولكن خلي مرحلة الدوا اخر خيار
تم النشر الثلاثاء، ٢٨ نوفمبر ٢٠٢٣
لعرض السؤال في فدني اضغط هنا