السلام عليكم ورحمة الله وبركاته
هو حرام اني اشتغل بدون علم بابا لاني لما استأذنته رفض رفض قاطع وانا في حاجه شديده للفلوس وبخسر حاجات كتير من فرص ومهارات بسبب قله الفلوس لدرجه عدم القدرة على سد الاحتياجات الأساسية.
السبب اللي خلاني عايزه اشتغل من وراه انه مش راضي يصرف عليا ومستغل سلطته عليا ومش راضي يخليني اشتغل وانا والله تعبت جدا جدا وزهقت ومش عارفه اعمل ايه
ومش عارفه اشتغل أونلاين علشان مش راضي يشحن الواي فاي ولا حتى كروت شحن ممكن اقعد مايقارب شهر من غير نت . حاسه اني ضاقت بي الدنيا 😭😭
ومش عايزه اكون عاقه لوالدي أو اعمل حاجه حرام
السلام عليكم ورحمه الله وبركاته يعني مقدرش افيدك في مساله هل هو حرام انك تبقي بتعملي حاجه والدك رفضها او يعني اتكلم فيها برفض ليها ولكن خلينا نقول هنا ان لو حاليا الظروف مش متاحه لتوفير الحاجات الاساسيه. ممكن تبدئي تعملي ده وبعد ما يبدأ يجيلك منه حاجه تقدري تبلغي والدك انه انا جات لي. دخل كويس.
تم النشر الأحد، ١٩ يوليو ٢٠٢٦
وعليكم السلام ورحمة الله وبركاته، أختي العزيزة، أشعر بضيقك الشديد وأنا أقرأ كلماتك. الوضع الذي تمرين به صعب جدًا، خاصة عندما يجتمع الاحتياج المادي مع الشعور بالعجز والضغط النفسي. أنتِ لستِ عاقة، بل تبحثين عن حل يحفظ كرامتك ويلبي احتياجاتك الأساسية دون أن تخرجي عن حدود الشرع. من الناحية الشرعية، طاعة الوالد واجبة ما لم يأمر بمعصية أو يمنع من واجب أو يعرض حياة الإنسان للضرر الشديد. في حالتك، رفضه المطلق للعمل مع عدم إنفاقه عليكِ يضعكِ في موقف "الضرورة". الإسلام يراعي مثل هذه الظروف، ولا يُلزم الإنسان بالصبر على ما يهدد أساسيات حياته. لذلك، العمل نفسه ليس حرامًا إذا كان حلالًا ومحترمًا، لكن "السرية التامة" قد تفتح باب الفتنة أو الكذب، وهذا ما يجب تجنبه قدر الإمكان. نصائح عملية: حاولي مرة أخرى الحديث مع والدكِ بهدوء ومن منطلق الاحترام، واستعيني بأحد أقاربكِ الموثوقين (عمة، خالة، أو شخص يحترمه) ليتوسط ويوضح له أن عملكِ لن يؤثر على سمعة العائلة وسيخفف عنه عبء الإنفاق. إذا استمر الرفض، فابحثي عن أعمال حرة بسيطة لا تحتاج إنترنت مستمر (مثل أعمال يدوية أو خدمات محلية يمكن إنجازها في أوقات محدودة). استغلي أي فرصة للوصول إلى إنترنت مجاني آمن (مكتبات عامة، مقاهي بسيطة) لتطوير مهاراتكِ أو البحث عن فرص عمل عن بعد تكون واضحة ومحترمة. أكثري من الدعاء والاستخارة، فالله يعلم ضيقكِ وهو القادر على تيسير الأمر. أنتِ لستِ وحدكِ في هذا الشعور، كثيرات مررن بظروف مشابهة ووجدن حلولًا تدريجية. ابحثي عن أسئلة مشابهة على فدني لتري تجارب أخريات وآراء متنوعة. الله يفرج همكِ وييسر أمركِ ويرزقكِ من حيث لا تحتسبين.
تم النشر الجمعة، ١٧ يوليو ٢٠٢٦
اللهم آمين ولك بالمثل يارب
تم النشر الثلاثاء، ٢١ يوليو ٢٠٢٦
الله يجزاكي خير ويوفقك ده شئ طيب الله يكفيكي ويرزقك ان شاء الله ابشري بالخير
تم النشر الثلاثاء، ٢١ يوليو ٢٠٢٦
انا فتره الدراسه ببقى في سكن الجامعه عمري ما فكرت انزل اشتغل وهو رافض أو اعمل اي حاجه من وراه حتى لو بسيطه . انا حبيت اتأكد إذا حرام أو لا لاني تعبت من التفكير في اني اعمل اي
تم النشر الثلاثاء، ٢١ يوليو ٢٠٢٦
ربنا يوفقك ده شئ جميل وده الصح .. عموما من جانب حلال وحرام الأفضل تبحثي من فتوى الشيخ صالح الفوزان
تم النشر الثلاثاء، ٢١ يوليو ٢٠٢٦
حتى لو مش هيلاحظ طالما حرام انا مش هقدر اعمل كده
تم النشر الثلاثاء، ٢١ يوليو ٢٠٢٦
ف هو سايب لي الطرق اللي شبه مقفوله وقافل الطريق المفتوح
تم النشر الجمعة، ١٧ يوليو ٢٠٢٦
@.. .. لا معندوش تعلق بالمال ولا حاجه هو مش بخيل و لا مش عايز البنت تمسك فلوس . هو بيتعامل معانا كأننا ساكنين معاه اجار في البيت ف مش بيصرف علينا . ومعندوش مانع اشتغل أونلاين طالما حلال بس من غير م اقوله عايزه نت أو أي حاجه وعادي لو عملت مشروع من البيت بس للأسف مفيش مشاريع من البيت بتنجح لازم تسويق ورأس مال وكورس اتعلم منه المشروع ده
تم النشر الجمعة، ١٧ يوليو ٢٠٢٦
@فَاطِمٌ الشَّافِعِيُّ. امي هي اللي بتصرف الأساسيات 80 % من المسؤولية على امي و 20% او اقل على بابا يؤسفني والله اني اقول كده بس انا بقول عشان ربما الاقي حل وليس والله اني اعيب في بابا او اقلل منه
تم النشر الثلاثاء، ٢١ يوليو ٢٠٢٦
بس الوقت اللي هتشتغلي فيه والدك هيلاحظ غيابك
تم النشر الثلاثاء، ٢١ يوليو ٢٠٢٦
@نور سليم جربت بس كله نصب ومش حقيقي .
تم النشر الثلاثاء، ٢١ يوليو ٢٠٢٦
@عبده . كنت هشتغل مع صاحبتي في سنتر هدوم او في صيدليه قريبه من بيتي وفي دكتوره أسنان كنت هشتغل assistant
تم النشر الثلاثاء، ٢١ يوليو ٢٠٢٦
اشتغلي اون لاين من البيت ... فيه شغل مودريتور تمسكي صفحات وتردي على الرسايل او غيرها في فرص كتير
تم النشر الثلاثاء، ٢١ يوليو ٢٠٢٦
ايه نوع الشغل اللي انتي ناوية عليه ؟
تم النشر السبت، ١٨ يوليو ٢٠٢٦
@.. .. تمام دي الأساسيات والتعليم، مين يصرف عليها؟؟ ما هو من الأساسيات وبعدين بلاش تستخدمي كلمة الإسلام في حاجات أصلًا متفرعة وفيها نقاشات فـ بلاش تتكلمي بدون ما تفهمي الـ قدامك لأن هي عندها إهتمامات!!
تم النشر السبت، ١٨ يوليو ٢٠٢٦
ازاي يعني ؟! ،، المرأة في الإسلام مسئولة من رجل سواء أبوها أو أخوها أو زوجها في المصاريف الأساسيه ده *حق* وهنا بتكلم عن الملبس والمأكل والمسكن ، فلو هو بيصرف عليكي في الأساسيات فخلاص هو قام بدوره .
تم النشر الجمعة، ١٧ يوليو ٢٠٢٦
هو عماً سد نفسي عن الشغل عموما وخلى عندي لا مبالاه في خسارة اي حاجه
تم النشر الجمعة، ١٧ يوليو ٢٠٢٦
عليكِ بالصبر ، واستغلال الوقت بشيء بديل
تم النشر الجمعة، ١٧ يوليو ٢٠٢٦
أما موضوع الشغل فحاولي تقنعيه وتوضحيله كل التفاصيل علشان يطمئن ، لإن ما ينفعش تروحي مكان وأبوكي مش عارف ، افرضي حالك حاجه في المكان ده ؟!
تم النشر الجمعة، ١٧ يوليو ٢٠٢٦
وممكن فكره يكون رافض إن البنت تمسك فلوس خوفا عليها يعني ،، بس ده فكر خاطئ عمومًا
تم النشر الجمعة، ١٧ يوليو ٢٠٢٦
واضح إن والدك عنده *تعلق بالمال* وفي احتمالات تانيه كتير بردو وده وارد يعني ،، فإنتي ادعيله دايمًا إن ربنا يخلص قلبه من هذا التعلق وماتتكلميش معاه بكلام جارح زي إنه بخيل أو غيره من الصفات لإن التعلق فعلًا صعب ومش بايده ،،،
تم النشر الجمعة، ١٧ يوليو ٢٠٢٦
لعرض السؤال في فدني اضغط هنا